عزوف الشباب عن زواج بنات المغتربين في دول الاغتراب

[طلال الصول]

النظرة الخاطئة لبنات المغتربين من قبل الجماعة في السودان غالبا الناتجة عن عدم معرفة وانا بتفق مع مدنية ومدناوي جدا جدا في الكلام بتاعهم بالنسبة للعزوف والتأخير في الزواج عامة بين الشباب وطبعا لعدة اسباب على الرغم من ان ما في اي سبب يمنع لكن عن نطاق خبرة طويلة في الاغتراب وعمر كامل الواحد عاشو برا البلد قابلونا بنات برا احسن بي كتير من العايشات في السودان في نواحي عديدة زي ما اسلفوا الجماعة اكيد ما بتخلى من الفئة المدلعه لكن كمان في غيرن زي ما في جوا السودان وأول وأخير الحكاية قسمة ونصيب وربنا انشاء يصلح نصيب اخواتنا جميعا برا السودان وجوا السودان

[شيخ الدين]

تحياتنا الي الجميع والله ده موضوع كتير مهم وجميل النقاش فيه اما بخصوص بنات المغتربين انا شخصيا ما راح ازوج الا من بنات المغتربين ويا اخ mohalnour ما تردد واليك الي بنات المغتربين صدقني لانه ميزة بنات المغتربين عاشات في بيئة غير بئتهم وهذا السبب جعاهن اكثر تمسك البعادات والتقاليد القديمة وثانيا مشكلة الهجة السودانية منا مشكله البنت تحكي خليجي او لبناني اوسوداني لانه في ظروف في بعض الدول مراحل دراستهم غير يعني الاختلاط من الصغر الي مراحل الجامعة لا يوجد سودانيين في المدرسة انا لا احكي عن واقع السعودية او الخليج في الدول الاوربية وامريكاء واستراليا هذا من ناحية اللغة من ناحية العلم تجد بنات الاغتراب جميعهم انهوا المرحلة الجامعية بالدراسات العليا ويعملن في اهم المؤسسات رافاعات راس اهلهم وراس بلدهم اما بالسودان حدث ولا حرج اول زيارة الي الي السودان بعد غربة 18 سنه وجدة السودان كارثة حقيقة اولا الله يستر على بات الناس بس وجد الطالبات في الداخليات فساد ما بعدة فساد انا عشت في كذا دول عربية وغير عربية بس الشفته بالسودان كارث وانا بحكي فئة وليست قلية وليس عن بنات السوان كلهم اولا كل البنات يحملن موبيلات اغلهن تمل 3 تلفونات وتعال علي كذب علي الاهل هذا غير المخدرات وانتشارها بصوره مخيفة بالاضافة الي حالات الايدز مريض الايدز في السودان متل الملارياء رحوا علي المستشفيات عادي عنابر الايدز ووووووو اشياء كثيرة تحكوني عن الكسره والعواسة والتكل هيدا كان زمان في السودان ولك هم فاضيات من الحكي بالتلفون بشان يعملو الكسرة روح قول بدي كسرة بضحكوا عليك انا مع بنات المغتربين بتحدى اي شخص يجيب حالات شاذه عن بنات المغتربين من مخدرات او سكر ياخي روح شوف بنات السودان وتعالوا احكموا علي بنتات المغتربين وبالمناسبة انا بنصح المغتربين عند ذهابهم الي الي السودان ينتبه الي اولادهم او بناتهم وياخي mohal nour شو بدك باها السالفة خليك علي بنات المغتربين احسن

[سمسم]

ليس عزوف ولا هروب ولاكن ربما عدم توفق بين طرفين

[saleh farah]

؟؟؟؟ الحاصل شنو الموضوع فلت منكم مالكم ؟

[مهند عادل]

الاخ أبو صفاء
كما ذكرت أنت فالمسألة أولاً وأخيراً قسمة ونصيب ، وكل ما ذكرته أنت ليس صحيحاً على إطلاقه كما لا يمكن الجزم بعد صحته ، فالمسألة تتوقف على التربية التي تربتها البنت في البيت المعين وأنت ربما تتحدث عن نماذج معينة حولك ولكنها ليست مقياس ومعيار للكل ، وأنا شخصياً وحسب تجربتي المتواضعة في الغربة وجدت كثير من أبناء المغتربين الذين لا يعرفون الكثير عن وطنهم السودان كما أنهم لا يتحدثون باللهجة السودانية ناهيك عن التفاصيل الدقيقة للحياة الزوجية لنا كمجتمع سوداني وإذا أردت أن ترى هذه الأمثلة فأنظر إلى أبناء المغتربين الذين يذهبون إلى الدراسة في الجامعات السودانية وما يجدونه من معاناة وعدم تكيف مع المجتمع هناك وهذه تحديداً تتوقف على نوع التربية فأنا أعرف أسر تذهب سنوياً بأبنائها الى السودان وتعرفهم بأهلهم وعاداتهم وتقاليدهم والعكس هناك أبناء لم يذهبوا الى السودان إلا للدراسة الجامعية
فالشاب عندما يفكر في الزواج يقول أن بنت البلد تستطيع أن تتكيف مع الغربة ولكن العكس صحيح وهذه وجه نظر كثير من الشباب الذين أعرفهم فهم يقولون لك ( العرجاء لي مراحها ) يقصدون أنهم يوماً ما سيعودون إلى السودان والبنت المغتربة لا تستطيع العيش بسهولة في السودان ، وبنات المغتربين في نظر الكثيرين ( أكل ونوم وسهر وخمول ) ولا يجيدون الأعمال المنزلية ، وأنا شخصياً واحد من الذين يتخوفون من فكرة خوض تجربة الزواج من بنت مغتربة ، وتقبل مروري

أتفق مع الطرفين الأخ أبوصفاء والأخ محمد النور لكن أود أن أقول كل شيء في الدنيا له أيجابيات وسلبيات أن واحد من ناس ولد في السعوديه مازلت أقيم في مدينة جده أنا والأسره الكريمه وأذهب الى السودان بأستمرار مع العلم ليس لدي أخوات لكن من واقع
الصدقات ودخول الى بيوت الأصدقاء أوافيكم بالقول
أولأ ؛ تعليق على بنت المغتربين:
ترى أنه لها جدول معين في مسيرتها اليوميه هي دراستها ومساعدتها لأمها في تنظيم البيت والأهتمام بنفسها وقليلة الخروج من البيت ده شيء جميل ويرجع الفضل الى البيت التي تربة فيه البنت، وهناك بيوت عكس ذلك الفتيات لأيعرفن الطباخه ولأيهتمون بنظام البيت وكثيرة الخروج الى البيت عند بنات الجيران في العماره (هنا يعني وجود سلبيات وأيجابيات)

ثانيآ: تعليق على بنت السودان:
تلقاها متفهم بالأوضاع يعني بكلامنا العامي (البت مفتحه) بتفتش عن مستقبله مع وجود المسئوليه داخل وخارج البيت والبنت في السودان تحب تعتمد على نفسه دايما يعني(مكافحه) وذلك لأن البيئه مفروضه عليهم هكذا وأيضا يرجع الفضل الى البيت التى تربة فيه. هناك بيوت عكس في السودان البنت لها حريه أكثر من الازم في الدخول والخروج من غير الضروره وعدم المسئوليه والذهاب بأستمرار لصديقاتها
(هنا أيضا وجود سلبيات وأيجابيات) يعني خلاصة الكلام يرجع الى البيت التى تربة فيه (والحكايه في النهايه قسمه ونصيب)

[معروف الجزولي]

والله يا ابو صفاء الموضوع كتير مهم-- وانا حسب راي الشخصي بعتقد العزوف اسبابه كتيره جدا لا تحصي ولا تعد-- اول حاجه واهمها عدم وجود مساحه للتعارف وخصوصا المغتربين في دول الخليج حيث انا واحد منهم- فانا طول الفتره المكثتها في الخليج لم تتح لي المساحه للتعرف علي واحده من الجنس الاخر بصفه قريبه-- اللهم الا ان تشاهدها من بعيد في مجمع تسوق او حديقه او الكرنيش- وما اظن الواحد اقدر احكم علي واحده من البعد شكل وبس فنحن لا نبحث عن الجماليات وبس-- بنبحث عن المضمون والمضمون ما اظن تجد مساحه لتعرفه عكس السودان ففي السودان ممكن تجد المساحه الالتقاء والتفاهم بطريقه سهله-- والمشكه التانيه فهم المغترب في البنت المغتربه كلنا نظن بان بنات الاسر المغتربه غير مناسبه لانها لا تستطيع ان تعيش معاك الواقع في السودان في المستقبل -- فمثلا انا من الولايات من مدينة المناقل الحبيبه وان طال الزمن او قصر لو كان في العمر بقيه لا بد ان استقر في مدينتي وسط الاهل والاحباب وحسب ظني بان البت التي ولدت في قطر وعايشت الحياة الترفيه في قطر من سياره فخمه وشقه محترمه وكل متطلبات الحياة الميسره لا اظنها تقدر ان يتغير هذا الواقع لا اظن- لكن في نفس الوقت لا انفي وجود سودانيات في دول الخليج من النوع الواعي الفاهم المثقف الذ يقدر ظرف الحياه ويستطيع ان يعيش في اي بئه مهما كانت سئه اذا اقتنعت بمن تقترن به وشكرا

[moh_alnour]

الأخ : معروف الجزولي
كفيت ووفيت ، هذا ما قصده أنا من رأي في الزواج من بنات المغتربين
والمسألة تتوقف على تربية البت ووضع أسرتها
والمسألة أولاً وأخيراً قسمة ونصيب
وهي قناعات شخصية ومواصفات معينة يبحث عنها الشاب ربما توجد في البنت المقيمة بالسودان وربما العكس
وأؤكد على كلام الأخ مهند عادل في أن للموضوع إيجابيات وسلبيات