باركوا لي !! أهلبتّ ..

[مثني ودالعيكوره]

مبرووووك عليك يا ودالريح... ان رجعت الي رشدك

الصور دي هديه .......

[Isam Hussien H]

معتز يا أمير
سلام + ود + إحترام ،، لكل العائلة الكرام ..

نصيحه لي الله ،، أحسن تعمل نايم ،، وبس شجع نفسك في المعارك التي تخوضها بنفسك ،، الناس البنشجعهم إنتهوا ،، الأمر لا يتعلق بالجماهير ،، الموضوع يخص نظم الإحتراف والدفع وغير ذلك ،،
أقول ليك إتلون حسب الكورة الحلوة عشان ما تتعب قلبك ،، بعدين حسب ما ربتنا عليه المرحلة ممكن تغير إنتمائك خلال كل شوط من 4 إلى 5 مرات حسب الضرورة وفقهها ..

أخوك الكبير عصام حسين

[معتز الريح]

وانا اقول الكجانا منوووو

الكُج يكون في ضربات جزاء ..
يكون في بلنتي ضايعة ..
لكن تلاتة أقوان في ربع ساعه ..
دي مرمطه ..

[معتز الريح]

انت ماك الكج انت السعد ووش السعد
وياكا حظنا الجميل

الله يطمنك يا الحبيب ..
لكن ما تستعجل .. إحتمال تغير رايك ..

[معتز الريح]

ان رجعت الي رشدك الصور دي هديه .......

الحبيب ود العيكورة ..
تشكر على التهنئة .. لكن الصور ما ظهرت عندي ..

وبعتبر هديتك وصلت ..

[معتز الريح]

نصيحه لي الله ،، أقول ليك إتلون حسب الكورة الحلوة عشان ما تتعب قلبك ،،

أستاذنا وأخونا الحبيب عصام حسين ..
نجم نجوم مدني وعلم من أعلامها ..
عاطر التحايا والأشواق .. وتحياتنا لكل الأهل في الدوحة ..
حبيت أقول انك إضافة جميله ودفعه قوية للموقع ..

نسيت ..
شكراً على النصيحة الغالية ..
لكن برضو نردد ..
فلا تلمني فيما تملك ولا املك ..

نورت البوست ..

[معتز الريح]

فاتني أن أنوه ..

أن كلمة " أهلبت " ليست لها علاقة
من قريب أو بعيد بكلمة " جقلبت "

ولعموم الفائده لزم التنويه ..

[عمر البشير]

ولو انو ما فاهم معني الكلمة بس مبرووووووووووووووووك.

[خالد عبدالماجد]

العزيز ودالريح
حقيقة الهلال بشبهك ومفروض إنت تكون هلالابي بالميلاد ولكن لابأس من ( الإهتداء ) بعد طول ضلال ..
بعدين موضوع الكج ده سيبك منو وجرب شجع الهلال لشهرين فقط لتعرف إن الكج ملازم للمريخ وليس بسببك ..

[صابرحسين]

الأخ العزيز ود الريح
أنت فعلاً جقلبت وخليك صامد ولا تتهيب مبارات الرد ، وتذكر أن المريخ أسعدك كثيراً ، وأعرف كثيرين إرتدوا ثم إهتدوا أخيراً ، أتمنى أن تعود إلى رشدك ..... مع خالص أمنياتي بالتوفيق للمريخ وللكرة السودانية 00

[معتز الريح]

ولو انو ما فاهم معني الكلمة بس مبرووووووووووووووووك.

معقولة ياود البشير ..
أنا بشرح من الصباح وتجيني تقول لي ما فاهم ..

دي حركات صفوة ولا شنو؟؟

[معتز الريح]

من ( الإهتداء ) بعد طول ضلال ..

العزيز خالد (ود كسلا) ..
الرياضي الجميل ..
قالو الحكاية متعه .. وترويح عن النفس ..
إن شاء الله نلقاها عندكم ..

سؤال :
مباراة الرد في تونس متين ؟؟

[معتز الريح]

الأخ العزيز ود الريح
أنت فعلاً جقلبت وخليك صامد ولا تتهيب مبارات الرد ، وتذكر أن المريخ أسعدك كثيراً ، وأعرف كثيرين إرتدوا ثم إهتدوا أخيراً ، أتمنى أن تعود إلى رشدك ..

أخونا الحبيب صابر ..
اسمك يا حبيب تأكيد لنظرية " كلٍ له من اسمه نصيب"
وأنا نفيت حكاية الجقلبة دي نفي رسمي ..

ومباراة الرد متهيبنها .. وخايفين من الفضيحة ..
لكن كان الجماعة غلبوا وجابوا الكاس ..
ياهو العدت لي رشدي ..

وفي النهاية أنا زي قريبي (ما بقول اسمو)
بنشجع الغالب ..

البوست نور ..

[معتز الريح]

كما نسيت أن أضيف ..

أغنيتي المفضله هذه الأيام ..

كم نظرنا هلال ما شاقنا غير هلالو ..
ما أظنو زلال يروينا غير زلالو ...
التي حلت مكان اغنيتي المفضلة السابقة ..

نجمة .. نجمة .. الليل نعدو ..
وكذلك أغنية ..
يانجوم الليل أشهدي ..
على لوعتي وتسهدي ..

[خالد عبدالماجد]

المتعة بتقاها ياود الريح بس أنا زعلان إنك قضيت الكتير من سنين عمرك بعيداً عن هذا العشق الجميل المسمى ( الهلال ) ..

[عاشقة الهلال]

مبروك والله بس خت في بالك انته مراقب ممنوع الردة

[معتز الريح]

بس أنا زعلان إنك قضيت الكتير من سنين عمرك بعيداً عن هذا العشق الجميل المسمى ( الهلال )..

يازول لسه شباب ..
بنتدرج لحدي ما نصل ..

[معتز الريح]

ممنوع الردة

بس ما يكون برضو فيها قطع ..

[غسان]

حبيبنا معتز
انت ماراجل ذوق وعلي قول وردي
في الناس القيافة
حبيناال لطافة
والهلال قيافة وعزو لطافة
بالله كيف تشجع فريق بشجعو مزمل ابوالقاسم

مرحب بيك في القبيلة الزرقاء

[GREY MAN]

شنو يا اخوي الاهلبه الجاتك دي.
ولا اقول ليك ابقي موردابي عشان تكمل الطين والعجين.

[مدنيّة]

حبيبنا معتز
انت ماراجل ذوق وعلي قول وردي
في الناس القيافة
حبيناال لطافة
والهلال قيافة وعزو لطافة
بالله كيف تشجع فريق بشجعو مزمل ابوالقاسم

مرحب بيك في القبيلة الزرقاء

لاحوووووووووولة
غسان انت زي رضا يعني ؟؟

[مدنيّة]

شنو يا اخوي الاهلبه الجاتك دي.
ولا اقول ليك ابقي موردابي عشان تكمل الطين والعجين.

خليه يمشي عليهم
قال هو كوج من يومه في الفريق البشجعه

[مدنيّة]

[IMG]

<embed width="281" height="79" src="http://www.rakoba.net/merrikh.mp3">

[GREY MAN]

خليه يمشي عليهم
قال هو كوج من يومه في الفريق البشجعه

يعني نباركو ليهم؟؟؟؟؟؟؟؟؟؟؟

[معتز الريح]

حبيبنا معتز
انت ماراجل ذوق وعلي قول وردي
في الناس القيافة
حبيناال لطافة
والهلال قيافة وعزو لطافة
بالله كيف تشجع فريق بشجعو مزمل ابوالقاسم

مرحب بيك في القبيلة الزرقاء

الحبيب الغالي ..
قالوا انت اليومين ديل لا فارز هلال لا مريخ
وبتشجع نادي الأسرة..
قبضت ولبدت ..
بيني وبينك الهلال اليومين ديل بستحق التشجيع ..

أظهر يا حبيب ..