متشولق

[ولدمارنجان]

بمجرد مشاهده متشولق لجزلان الزبون قفز
الى الوراء متراجعاً وصاح بأعلى صوته
(تااااااااااااااااااااني).

حبيبنا عزيز عيسى ،، مرحب بطلتك من جديد ،،،، ياولــــــد حلتنا

لكن لقيت جزلان صاحبنا دا زى حزاء ابوالقاسم الطنبوري .. وتقبل مروري .

[عاطف عولي]

الاب العزيز :-

نحن النفاجون ننشر البهجة في كل مكان ..

ماقصدنا نقلل من احترام الناس لكن نرسم الابتسامة ع شفاه الكل

(حتي متشولق) رغم اننا جداد وكده في المنتدي لكن مرحب بيك في النفاج

انت زعلت ولا شنو يا دكتور

[عاطف عولي]

يازول مالك بتحدري ليك بعيونك الاتنين شمال ديل

غايتو ان شايفك كدي بعيوني الاتنين يمين ديل

[خالد أحمد الصول]

عزيز عيسي يا أريجا من الزمن السمح ... يا من أعطيتنا أحلي اللحظات و أبحرنا معك في عوالمك الصافية ... اليك أشكو قلة حيلتي و لهفتي للقاؤك
أخي عزيز
طالعت في أحدي الاماكن هذه القصة
كانت أجهزة الامن قد أعدت كمينا محكما بعد أن ورد لها معلومات تاكدت من صدقها أن الدكتور الفار المتهم في قضية التكفير و الهجرة يتحفي في أحدي الاحياء الطرفية من العاصمة و بعد مباغتته نجح في الهرب بدراجة نارية يقودها أحدهم ... كان صاحبنا بطل القصة قريب من منطقة الحدث و رأي هروب شخص من أجهزة الامن في الدراجة النارية و الذي مر بجانبة فما كان منه إلا و أن قذفه بطوبة أصابته في رأسه فإنقلبت الدراجة و أصيب الدكتور إصابات بالغة في الرأس أدت الي نقله الي المستشفي و التي مات فيها بعد ساعات قليلة ... إقتادت أجهزة الامن هذا الشليق الي الحبس طواااااالي توطئة لتقديمه للمحاكمة
أها شوف ليك جنس شلاقة

[عاطف عولي]

الخواجة عزيز عيسي شخشياً

مابصدق
يازول الحكاية شنو!!
طولـت الغيبة شـــديد المـرة
حلوفك أكان الإنفلونزا خلته السيرفر ما خلاه
يا خوي البركة في الموجود وأكيد متشولق سوف تكون
من أروع القصص طالما أنها من تأليف وسرد الخواجة عزيز،
أنا سائق التاكس زاتو أها قلت لي عاطف عولي وأبو قرجة
عدمانين الله يعني أمسك في ود المزاد لو طلع كوكب ،
ما عندك مشكلة مشوارهم للقصة مجاني
عشان شدتها وعشان خاطر
عشوشة .

هوي يا زول انا اشرت ليك شوف الوقفك وشيل منو قروشك انا زول معزوم

ولا اقوم اكلم ليك الكمندان علي النعيم يسحبوا رخصتك ذاااااااااااااااااااتا

[عاطف عولي]

أنتو ود النور دا مش كان قال عاوز يضمن شلاقة مالوا زاغ وتاني ماظهر كلموا يا خواجة قول ليه شلاقة في اخر تحقيق قال عندو اهل في جزيرة الفيل وماشي عليهم وكمان قال ما متذكر الاسم لكن في اسمن فيه اسم الجاك والله يكضب الشينة

[moh_alnour]

أنتو ود النور دا مش كان قال عاوز يضمن شلاقة مالوا زاغ وتاني ماظهر

ياخي شلاقة ولا متشولق دا زول بتاع كفاوي لو باريتو كدا بجيبا لي ضقلا يكركب
بركة الربنا تاب عليهو و هجس في الدكان دا

[عاطف عولي]

ياخي شلاقة ولا متشولق دا زول بتاع كفاوي لو باريتو كدا بجيبا لي ضقلا يكركب
بركة الربنا تاب عليهو و هجس في الدكان دا

هجس وين قال ماشي الجزيرة فيل عندو عقاب اهلن ليه متذكر في اسمن ودالجاك ولا اولاد الجاك دا الكلام القالوا للمحقق.

شيل شيلتك وارجي الراجاك

ود ابوقرجة قال الزول دا من اهل ود النور

وجاب شاهد المميز والتنيين النفاجي

[عزيز عيسى]

يآخى دا شليق شلاقة ...
ومنحوس جنس نحس ...
بركة الجيت يا خواجةعزيز

الأخ العزيز عوض الكريم الخواض..
الراجل عوارضه كثيرة وكلها مجرد صدف
قد تحصل لأي شخص آخر..
لكن العاجبني في متشولق إنه
راجل صبور.
مشكلته ما ببطل شلاقة.

[عزيز عيسى]

والله يا الخرطوم جاك بلاااا :d

عارف يا محمد حسين صحبك متشولق دا لو إستقر في الخرطوم
بشلاقته دي كان ناس الخرطوم شردوا لي مدينة تانية
لكن الحمد لله عبدالمعين أعاده لي مدينته الصغيرة..
أها ماذكرت لي إنت شلاقتك كيف؟

[عزيز عيسى]

حبيبنا عزيز عيسى ،، مرحب بطلتك من جديد ،،،، ياولــــــد حلتنا

لكن لقيت جزلان صاحبنا دا زى حزاء ابوالقاسم الطنبوري .. وتقبل مروري .

العزيز يوسف خليل علي قدورة..
مشيت أتاوق بهناك في بوست الولد الشمشرجي عاطف عولي
وعرفت إنك من أولاد أهلنا الطيبين في مارنجان حلة حسن..
وسعدت جدا إني أشاهد توقيعك هنا معنا في منتدى ودمدني..
طبعا أخوك طول شديد من مارنجان السودان لكن أسماء الناس
القدام مازلت راسخة في الذاكرة وما حأنساهم أبدا..
كدي عليك الله ذكرني إبوالقاسم الطنبوري غلبني عديل
إتذكره..تفتكر خرفت؟!!

[عزيز عيسى]

يازول مالك بتحدري ليك بعيونك الاتنين شمال ديل

غايتو ان شايفك كدي بعيوني الاتنين يمين ديل

غايتو يا عاطف حدرة المميز دي أنا ذاتي
خفت منها .. بس أعمل حسابك
ما يقوم يقول ليك تعال طالعني الخلاء..

[عزيز عيسى]

كان صاحبنا بطل القصة قريب من منطقة الحدث و رأي هروب شخص من أجهزة الامن في الدراجة النارية و الذي مر بجانبة فما كان منه إلا و أن قذفه بطوبة أصابته في رأسه فإنقلبت الدراجة و أصيب الدكتور إصابات بالغة في الرأس أدت الي نقله الي المستشفي و التي مات فيها بعد ساعات قليلة ... إقتادت أجهزة الامن هذا الشليق الي الحبس طواااااالي توطئة لتقديمه للمحاكمة
أها شوف ليك جنس شلاقة

هههههه يا خالد أكيد الراجل الرمى الطوبة وفلق الزول
الراكب الدراجة النارية ياهو زولنا متشولق ذاتو لكن
ناس الحكومة تستروا على إسمه وقرروا عدم محاكمته
بالإعدام لأن شلاقته زادت عن الحد وإعتبروا الحادث
مجرد قضاء وقدر..
أسعدني مرورك ياراجل يا راقي وأسأل الله أن يجمعنا
مرة أخرى في أم المدائن لنسعد بلقائكم أكثر وأكثر.
ودي وتقديري.

[عزيز عيسى]

أنتو ود النور دا مش كان قال عاوز يضمن شلاقة مالوا زاغ وتاني ماظهر كلموا يا خواجة قول ليه شلاقة في اخر تحقيق قال عندو اهل في جزيرة الفيل وماشي عليهم وكمان قال ما متذكر الاسم لكن في اسمن فيه اسم الجاك والله يكضب الشينة

يا عاطف إنت ماعارف إنو شلاقة دا هسع ساكن جزيرة الفيل؟
وقالوا مجكس ليه واحدة هناك.. وأكيد يجيب ليها (الكج)..
غايتو ود الجاك لو طلع قريبه بديك نصيحة أحسن تبعد عن ود الجاك..

[ابوالنور]

يا سلاااااام يا عزيز ده انت جيت ياخي البركة الشفناك طيب وان شاءالله الشوفتك لينا تشوفنا الهادي اختفي مع السيل

[محمد حسين (المميز)]

غايتو يا عاطف حدرة المميز دي أنا ذاتي
خفت منها .. بس أعمل حسابك
ما يقوم يقول ليك تعال طالعني الخلاء..

ده انا غلباااااااااااان

[عزيز عيسى]

يا سلاااااام يا عزيز ده انت جيت ياخي البركة الشفناك طيب وان شاءالله الشوفتك لينا تشوفنا الهادي اختفي مع السيل

تحياتي الأخ أبوالنور..
أخينا الهادي (أبوصفية) إختفى وبظهر مرة مرة ذي
الهلال ولا المريخ ما عارف..
من ما جاب لينا المعضلة الرياضية زاغ وعمل نائم..
لكن الراجل متواصل معاي عبر البريد الخاص
وبنقول ليه أظهر وبطل كسل تعال شارك.

[عزيز عيسى]

ده انا غلباااااااااااان

المرة دي يا عاطف زولك (المميز) شعر راسه طار!!

[عاطف عولي]

يا عاطف إنت ماعارف إنو شلاقة دا هسع ساكن جزيرة الفيل؟
وقالوا مجكس ليه واحدة هناك.. وأكيد يجيب ليها (الكج)..
غايتو ود الجاك لو طلع قريبه بديك نصيحة أحسن تبعد عن ود الجاك..

يوم الجمعة سامعين الربة في ام بارونة حفلة في شكل رحلة قالوا قريب ودالجاك شلاقة اصحابوا عاملين ليو قيدومة ولا صبحية ما عارف.

[عاطف عولي]

المرة دي يا عاطف زولك (المميز) شعر راسه طار!!

المميز دا ديناصور وشلاقة اصغر اصحابوا والشعر الظاهر دا سميرغانم

[ولدمارنجان]

العزيز يوسف خليل علي قدورة..
مشيت أتاوق بهناك في بوست الولد الشمشرجي عاطف عولي
وعرفت إنك من أولاد أهلنا الطيبين في مارنجان حلة حسن..
وسعدت جدا إني أشاهد توقيعك هنا معنا في منتدى ودمدني..
طبعا أخوك طول شديد من مارنجان السودان لكن أسماء الناس
القدام مازلت راسخة في الذاكرة وما حأنساهم أبدا..
كدي عليك الله ذكرني إبوالقاسم الطنبوري غلبني عديل
إتذكره..تفتكر خرفت؟!!

وتاني نقول ها ،، يا حبيب الكل ،، اخونا عزيز ،، لك كل الود والتقدير ،، طبعــاً ،، شوف طبعا دى كيف ، نحنا الجيل الرابع بس مـا بتاعة نوكيا ، عشان كدى كان اخونا عاطف عولي بيحكي لينا عنكم بس حكايات ماحجاوي حبوبات ، يحكي عن الواقع الجميل والزمن الجميل والصحبة الجميلة والرموز الجميلة في مارنجان ، رموز ،،، العم فلو ، وأم كركب ، وباسم ديمة ، والعم لعبسه ، وشجر الحنبك ، والضريسه ، والموليتة ، وشارع النص والفسحه بس ايام زمان لما كان البولمر بقرش ، وحسن فرشة يبيع بقرش ،،، وبمناسبة طيب الذكر ابوالقاسم الطنبوري وبما انك من الجيل الاول اكيد ماادوكم لية في المدرسة لما كان الطنبوري زهجان من نعلاتو وكل يوم يرميها في حتة وطبعا الحلة كلها عارفة انو دي نعلات صاحبنا تقوم ترجعها لية من جديد ،،، اها اتذكرتها والله الزهايمر اشتغل ، مع امنياتي القلبية لك بدوام الصحة والعافية .وتقبل المرور واتمني تواصلنا ،،، وبرجعلك .

[عزيز عيسى]

العم فلو ، وأم كركب ، وباسم ديمة ، والعم لعبسه ، وشجر الحنبك ، والضريسه ، والموليتة ، وشارع النص والفسحه.

والله لكن يا ود قدورة تراك ما ساهل..
الثنائي فلو وكودي.. وخازوق جلي.. وعامر اللعوتة.. والعاقب..
وباشكتاب..
وباسم ديمة.. قصدك سكران ديمة..
الناس ديل معظمهم قالوا رحلوا عن دنيانا.. الله يرحمهم.

شجر الحنبك.. والتمرهندي.. والنبق المصري.. والنخلات.
وياما الضريسة دي طعنتنا في رجلينا من كثرة المشي
حفيانين وأنحنا بنسرق الفول والموليته من الحواشات.

شارع النص.. وشارع الورشة.. وشارع السوق..
وكانت لنا أيام.
وين التيمان حسن وحسين علي قدورة؟