بعض من أفعال الرجال،وتذمرات لا منطقية!!!

[بنت الرفاعي]

دي بالذاااااات ..

ما فيها نقاش.

أفا!!!
أنت اللي بتقول الكلام ده؟؟!!!
مُش معقول!!!

[بنت الرفاعي]

كدي يا جماعة نخلي الكورة واطة ..

بفتكر انو الموضوع ببساطة مرتبط بحد كبير بالتفاهم وطريقة الزوجين لتسيير امور البيت

وكذلك الامر المهم هو الطريقة التي تطلب بها هذه الاغراض

وكذلك لابد ان يكون هناك تنظيم وطريقة ثابتة لذلك.

كلامك صحيح، لكن يبدو أنهُ في بعضهم بيزهجوا من قصة الطلبات والجيب الكتير ده!!!!
وعليه تلقاهم بيتذمروا!!!(يمكن فلسوا):d

[بنت الرفاعي]

باقي والله ( والبي باقي )

بس مرات (وما كتير)

لكن ابشرك
معتز الريح
استاذ رضا
ابو مازن
محمد النور
ديل لسانهم اتعوج عديل كدا كلها ( ايش وليش ) وما ابغى و (إلا ) وكلمة إلا تعني ( الايجاب) يعني ( نعم او ايوة)

انا + وابو زيد + المميز ( محافظين لسه ) مع أنو المميز ( في حكم) الشهادات ال.... (انت عارفة الباقي)

تخريمة : (شنو ) تعتبر من الاشياء الغريبة !! اول مرة اعرف

ما شاء الله كلام تمام، لكن مُمكن تضيفني للجماعة أعلاه بإستثناء أنو لساني ما بيقلب إلا في الوقت المناسب له، وفي كلمات ما بتلقى ليها بديل في لهجتنا السودانية فبتلقى الكثيرين بيستخدموها مثلاً:
(إشدعوه؟؟) (بَلْ!!!) (أفا!!)....إلخ!! (إذا لقيت ليهم بديل لو سمحت كلمنا)
(وبحكم تربيتنا هنا فنحن متمكنين من اللهجة كأهلها!!)

الأغرب أنو هنا بيقولوا كلمة قريبة من شنو وهي: (شنهو؟؟!!)!!

[بنت الرفاعي]

آخر مرّة تحدّث فيها أحد الفنانين الكوميديين في التلفزيون عن قصة تذمر الرجال من الطلبات لدرجة أنهم من ذلك ألفوا نُكت، وحتى أن بعضها حقيقي!!!!
وأغلب من تحدث في هذا البوست، لم يعتقد بوجود أمثال هؤلاء كما كنت سابقاً، ولكنهم مع الأسف في عالمنا كُثُر!!

[النويري]

إلى وقت قريب ما كُنت مُعتقدة أنو بعض الرجال بيتذمروا من طلبات بسيطة زيها أو أي طلبات خاصة بالمنزل، أو حتى طلبات مُتعلقة بالأطفال، مثلاً الخُبز ده لما حضرتها تطلبو حيكون لي منو؟؟
ما أكيد لحضرتك وأطفالك، هي لنفسها ممكن تتصرف، يعني عايزها تحضر الأكل كيف؟؟ والغداء أو العشاء كيف يكونوا جاهزين علشان حضرتك تجي تأكل، مُش بالطلبات؟؟!!
طيب وقت الطلبات بتزعج للدرجة دي ما تكون راجل هميم واتفقد الناقص بشكل دوري من دون ما تطلب زوجتك منك أي شيء.

مرام أخبارك شنو إنشاء الله بخير

مرام المشكلة مش في الطلبات المشكلة في أنك بعد ما تجيب الطلبات يقولوا ليك نسينا ما كلمناك كنا عايزين داك وعايزين داك نحنا عندا في البيت نظام أتخيل لي هو أفضل نظام قبل ما نطلع السوق بنجيب نوتة ونعمل جرد للمطبخ وكامل أغراض البيت ونحصر النواقص وبعدين نبداء في التسوق وبي كدا نكون ما عندنا مشاكل كتيرة وبعدين ياخي المرأة عندها شنو غير تجهز كل حاجة لزوجها وكل شيء يكون جاهز لكن الزمن أتغير مع نسوان الزمن دا البصحو من النوم بعد الساعة 2 وتلقى الراجل مبسوط ويقول ليك خليها تاخد راحتها رجال أخر زمن
وبجيك راجع تاني مع خالص التحيات
تخريمة: مواضيعك صعبة دائماً ما عارف ليه

[بنت الرفاعي]

مرام أخبارك شنو إنشاء الله بخير

الحمدلله بخير.

مرام المشكلة مش في الطلبات المشكلة في أنك بعد ما تجيب الطلبات يقولوا ليك نسينا ما كلمناك كنا عايزين داك وعايزين داك نحنا عندا في البيت نظام أتخيل لي هو أفضل نظام قبل ما نطلع السوق بنجيب نوتة ونعمل جرد للمطبخ وكامل أغراض البيت ونحصر النواقص وبعدين نبداء في التسوق وبي كدا نكون ما عندنا مشاكل كتيرة

ما شاء الله نظام ممتاز ومريح أيضاً.

وبعدين ياخي المرأة عندها شنو غير تجهز كل حاجة لزوجها وكل شيء يكون جاهز لكن الزمن أتغير مع نسوان الزمن دا البصحو من النوم بعد الساعة 2 وتلقى الراجل مبسوط ويقول ليك خليها تاخد راحتها رجال أخر زمن
وبجيك راجع تاني مع خالص التحيات
تخريمة: مواضيعك صعبة دائماً ما عارف ليه

لكن بعضهن مع الحاجات الناقصة يجهزن كل شيء كيف والتذمر حاصل؟؟؟

يصحوا بعد الساعة 2؟؟!!!
الكلام ده وين حاصل؟؟
ممكن تقول لي ينوموا لحدي الساعة 11 بالكتير 11 ونص (ده إذا اليوم ده ما كان فيهو شغلة يقضنها في البيت)، لكن لحدي بعد الساعة 2؟؟؟ بالله الكلام ده وين حاصل؟؟!!
* النوم بهذا الشكل (أكثر من اللازم) مرض!

لك كل التحايا، وفي إنتظار رجعتك.


رد التخريمة:
كيف صعبة؟؟!!

[بنت الرفاعي]

بعض الرجال الواحد لما مرتو تطلب منو يوديها السوق، مزاجو ينقلب 180 درجة!!!! ويزهج زهج شديد!!!
لأن حضرتو ما بيحب السوق واللف في السوق وبعضهم يقول ما بحب أباريها (أباري لي مَرَة (إمرأة)!!) في السوق (كلام غريب كيف!! يعني أنت بالشكل ده مباريها؟؟ (الكلمة الملونة دي غريبة في الكتابة ما في ليها بديل؟؟))<O
و هي أكيد ماشة تشتري ليها أشياء مهمة ومحتاجة ليها، وبعد ما يوديها، وقبل ما تأخذ لفتها كويس يقول ليها نمشي البيت!!!<O
طيب يا أخي وقت أنك ما بتستحمل اللف ده وما بتقدر عليهو، اتصرف وشوف أي حل يرضيك ويريحك علشان تخليها تتسوق على راحتها، وما معقولة كمان علشان حضرتك زهجت ما تكمل لفتها وترجع البيت واحتياجاتها ناقصة!!!
(طبعاً دي حركاتي أنا لأني بدخل أول محل، ثاني محل بالكتير ثالث محل مالقيت حاجتي بطلع طوالي (جني وجن السوق واللف فيهُ) ، إلا إذا مُرتبطة بآخرين!!)

[بنت الرفاعي]

أغلب الرجال عندهم حركة مُتفقين عليها تماماً،
الواحد يكون ماشي مع زوجته في السوق أو حتى في أي مكان عام، تشوفو تقول جاي لوحدو، وبعد ما تمشي منو مسافة تلقى زوجته بعده؟؟
بالله الواحد بيجري من زوجته جري!!
يمكن هي تكون حركة غير مقصودة، لكن برضو مفروض الرجال ينتبهوا للنقطة دي، يعني وكأنهُ هارب منها!!!
ما شرط يمشي جنبها في نفس الخط، لكن كمان ما يكون على بُعد 10أمتار منها، يعني مسافة تكون بسيطة، ويراعي أنها إمرأة وبتمشي بالشكل ده، مُش يخليها هي اللي بتجري وبتحاول بكل السبل تجاريهُ،
بالله من بعيد تشوف الواحدة مُسرعة زي اللي كأنو في شيء ساكّيها!!
بعد ما تعاين قدامها حتعرف أنها مُسرعة لييه!!

[بنت الرفاعي]

الولد جاء من المدرسة وجاب نتيجتهُ أقل من المطلوب أو المتوقع منهُ،
بعض الآباء الواحد فيهم وبعد ما ينتهي من الولد (أكيد تأنيب وتهزيء فيهُ)،
يجي يدوِّر في الأم المسكينة ما يخلي ليها جنبة ترقد عليها، ويسمعها كلام أضعاف أضعاف ما سُمِّع للولد!!
في حين أنها هي اللي بتكون تعبانة فيهُ السنة كُلها، شيء تدريس وشيء مُراعاة، وشيء هرش وزجر علشان يدرس وينتبه لدروسه،
وإذا صادف لأي ظرف من الظروف نتيجتهُ ما تمام تقع فيها هي!!!
طيب وبما أنك شايفها بعد تعبها ده كلو مُهمِلة، وما متابعة الولد وما.....وما...إلخ، ما تقعُد أنت وراعيهُ ولو قليلاً، فضي ليهو من وقتك سويعات، والوقت اللي بتطلع فيهو مع أصحابك، اقتطع منو شوية وراعي بيهو ولدك، مُش في الآخر تحمل المسؤولية للأم وحدها!!
وين دورك كأب؟؟