واللـــــه بكره نقــول بــــــــــــــــاع ..

[بت أم درمان]

اخر الأخبـار

انه الخرفـان متـوفره بالاقسـاط

قسـط شهـري 75 ج لمـدة عشـرة شهـور

يعني مسافة تخلص اقساط خروف العيد الفات
يدخل عليك العيد دا وتكون في نفس الحلقة طول عمرك
برضو كويس اخير من العدم

[mohd saeed magazoub]

محمد حسين ماتشوف لينا

الخروف الصيني البدون نغمات ده

وقالوا كمان في واحد بالاقساط المريحة

[المارشال]

أخى محمد حسين والله الناس بقت محتاره بين أمور دينا وامور دنياها .. فبواقع الحال الراهن الضحيه غير واجبه على 99% من اهلنا الكادحين ( بالاخص مواطن الجزيره المغلوب على أمره ) فالكل أصبح تحت مظلة مستحقى الزكاة ما بين فقير ومسكين ... ولكن كما تعلم الشعب السودانى عندهم مقوله ( الله كريم ) وفعلا لولا رحمة الله علينا ما كان أكلنا ناهيك عن الضحيه

ورغم ما نمر به من ظروف سياسيه حرجه نتمنى أن يسعد كل واحد مننا بهذا العيد ويعود علينا باليمن والبركات

[ابوحمودى]

ياجماعة الخير مافى داعى ليها الحج بالاستطاعة ونحن ضحى عننا البشير النذير وبينى وبينكم اليومين ديل فى همس انه فى المستشفى فى حالات نزفية بالكوم نسأل الله السلامة للجميع

[الجابرابى]

للاسف خروف الضحيه لمن استطتعه عليه سبيله

[mahagoub]

للاسف خروف الضحيه لمن استطتعه عليه سبيله

فى الخرطوم واقع فى الواطه
وفى مدنى طاير للسما
امشوا ضحوا هناك

[moh_alnour]

ذكري لي أمس صديق العزيز محمد عبد الله بشير ( بيلية )
أن الأسعار متفاوتة فهناك خراف بسعر 400 و 450 و 500 و هي ذات أحجام صغيرة

[همسات]

فى الخرطوم واقع فى الواطه
وفى مدنى طاير للسما
امشوا ضحوا هناك

منو القال ليك
برضو ب700

[wayel4]

بعد الطواف الميداني الذي قام به سمو السطان والحاكم بأمر أمير المؤمنين حفظه الله ... وجد أن أسعار الخراف لهذا العام بمدينة ود مدني وضواحيها تتراوح ما بين 500 إلى 750 جنيه بالسوق المركزي ... 450 إلى 750 بالزريبة المركزية حسب مقياس ريختر ، أما وقاية النباتات فتوجد بها بهائم خفيفة ... جعلها الله أسعار خير وبركة ...

وطمأن سيادته محدودي الدخل ومعدومي الدخل ومهدودي الحيل إلى أن موضوع الأضحية أساساً هو موضوع سنة وليس فرض والبالونات الملونة ومسدسات الماء والألعاب النارية قد تم استيرادها خصيصاً لإعادة زرع البسمة في أوجه الأطفال ...

أما من استطاع إليه سبيلاً ... فأهم حاجة الجلد يجب إعطاءه إما للجنة المسجد أو للجنة الشعبية ...

كل عام والجميع بألف خير ... ربنا يحقق الأمنيات ما ظهر منها وما بطن ...
لكم ودي ...

[mahagoub]

ما قلت لى يا المميز
باع بناعة الخروف
ولا باع بتاعة الشبع

[محمد حسين (المميز)]

واللـــــــه يا جمـــــــــاعه احترنا زاتــــــه


ما القصــــد النقـد فقــط لكن في حاجات بتطير العقــل

حقيقـه الموضوع ده عجيب

بلد المليون ميـــل

الفيها نيل يقول يا ليل

وزراعه تمـــلا العيـــــن

ومراعي ماليهـا حد

وثروه حيوانيه تكفي قاره

سعر الخروف وصل الـ600 جنيـــه

ليه وكيف ما معروف

لمن كنت في الاجازه

بصراحه مشيت عشان اشتري خروف

وكان في جيبي زي 400 جنيـه

واتفاجأت لما سمعت ولما رايت

للاسف اشتريت لي حمــل زي الكلب بـ330 جنيـه

وقال ايه الخروف بـ600 جنيـه

ليــه؟؟

وتاني ليـه؟؟

السبب شنو يا حكـــومه

غياب الرقابه ولا القش كمل ولا البهايم عدمت

عشان الخروف يوصل للسعر ده


الغريب انه الخروف حقنا بيشتروهو مننا السعوديين

ويدفع ويدفع ويدفع لغاية ما يرحله

ويموت من يموت ويـصل من يـصل

ويوصله الميناء ويدفع ويدفع ويدفع

ويشحن في الباخره ويموت من يموت ويـصل من يـصل

وينزله في ميناء جده ويدفع ويدفع ويدفع

ويشحن للزرايب ويموت من يموت ويـصل من يـصل

وينزل في الزرايب وياكل ويشرب

وبعــد ده تجي تشتري منه الخروف اللي يهز ويلز

بـ700 ريـال

يعني تقريبـا

500 جنيــه

ارخص من عنــــدنا

يعني نصيحـــــــه لكل مغترب نازل من السعـوديه ماينسى يشيل معاهو خروفــه


طيب ده اذا كان في الايام العـاديه

يبقى في الضحيه كيـــــــــــــــــف

الضحيـه حيكون الشعـب

اذا اليومين ديل بـ600 يبقى الضحيه كيف



لك اللـــــــــــــــــه يا وطـــــــــــــــــن

على جنب :- الخروف الفي الصوره ده بـ 700 جنيـه ما اظن بيدوك ليهو

ده كان زمااااااااان .. وحليل ايام زمااااان😢

وقول للزمااان .. ارجع يا زماااان😕

[محمد حسين (المميز)]

بالله الخروف الفي الصوره زااااتو.. اظن صادروه

[أبا إيثار]

بالله الخروف الفي الصوره زااااتو.. اظن صادروه

كل سنة وإنت طيب (ياالمميز)

أها هسة الأسعار كيف ولا نجيب معانا واحد من جدة ؟؟؟

مساءاتك فرح أخي الكريم ..

[ياسر عمر الامين]

بالله الخروف الفي الصوره زااااتو.. اظن صادروه

الصوت زاااتو قالو بقى ناااااو نااااااو...