الككر يعود من جديد ويستضيف الأخ الفنان ياسر عمر الأمين.

[ود المطامير]

أول شي نخش بكراعنا اليمين ونقول بسم الله أهل الدار
الدكتورة وكل أعضاء النفاج والله سلام من جوة الجوة وبث
وصراحة صراحة أمانة ماوقع فنان ؟؟؟
ياود المطامير ياااااخ السماعة المركبة من زمان دي بتخرب إضنيك
بعدين ياأم رغد إنتي طلاق شنو ليكي إنتي خلع بس قومي سوي الشاي
بلا عضلات تبش .

هههههههههه

وعليكم السلام يا حبيبنا

السماعه دى باعها لى بنغالى وشغاله فرده واحده

[ود المطامير]

شااااايفك فرحان بهدوم العيد...

ههههههه

والله لكن يا موديل ( 71 ) هع هع هع

[عاشق الترحال]

ياسر افرد شراعك واطلق العنان لحرفك الجميل واكتب كل ما يجيش بخاطرك لنقوص به داخل اعماقك الوارفه بحبك لمدني وانسانها المبدع الذي اينما ذهبنا وارتحلنا وجدنا بصمتة واضحة في كل البقاع التي تطئها حروفنا ، أكتب وفضفض ودعنا نقرأك جمالا يزين جيدنا عقدا فريدا يتلالأ حيثما كنا واينما تواجدنا..

تكويشة : انا ما بحب اسأل مباشر دائما بميل انو الزول يكتب من ذاته دون أسأله مباشرة كتير. .

[عنكوليب]

يا مطرة ،،

ياسر موديل 71 ،،،

ههههها ،، أخير ليك أسكت ساااااااي ،،،

[عاطف عولي]

ههههههههههههههههههههههههه

أماني ما وقع شاعر

بجيك وأبراك لمن تأمن

هسع مخلي مطره يقزقز بيك

[الملكة اسماء ( ام محمد )]

رد الهمسه : ممكن تخليك بعيد...

حـــــــــــــــــــــــاضر يا أونكل

[عاطف عولي]

بسم الله الرحمن الرحيم ودى قعده...الاسم ياسر عمر الامين من مدنى حى اركويت...تاريح الميلاد 12/3/1971..."قولو ماشاءالله...درست اداب لغة انجليزية فى الهند متزوج واب لثلاثة اطفال محمد 9 سنوات وترتيل 7 سنوات والصغير يوسف 4 سنوات...مقيم فى المدينة المنورة من سنة وكنت مقيم فى الدوحة لمدة 15 سنة...اها كده تمام يا عم محجوب ولا اديك الرقم الوطنى...

سبحاان الله

وأنا

12/3/1972

هههههههههههههههههههههه

[ابوالنور]

ياسر عمر

ازاي الصحة والبلديه والماليه ؟

[isamzaki1978]

السلام عليكم
الاخ ياسر سلامات
يا دكتورة انا مشغول شوية وارجو ما تقفلو الككر دا الى ان اقوم بسوال ياسر الاسئلة الكتيرة العندي من النوع ابو كديس

[mahagoub]

هى كديستك دى لحدى هسع عايشه

ياسر سيب الغياب

[عنكوليب]

هى كديستك دى لحدى هسع عايشه

ياسر سيب الغياب

يا ريس ،،

المنتدى ده من غير كدايس ماااااااااااااااااااا حلو ،،،

ناو بهنا ،،،، وخربشه بهناك ،،،

[ياسر عمر الامين]

ياسر افرد شراعك واطلق العنان لحرفك الجميل واكتب كل ما يجيش بخاطرك لنقوص به داخل اعماقك الوارفه بحبك لمدني وانسانها المبدع الذي اينما ذهبنا وارتحلنا وجدنا بصمتة واضحة في كل البقاع التي تطئها حروفنا ، أكتب وفضفض ودعنا نقرأك جمالا يزين جيدنا عقدا فريدا يتلالأ حيثما كنا واينما تواجدنا..

تكويشة : انا ما بحب اسأل مباشر دائما بميل انو الزول يكتب من ذاته دون أسأله مباشرة كتير. .

مشكور يا ابوالشوش على هذه الكلمات الطيبات..وحبى لمدنى لا يضاهيه حب...احكى ليك حاجه غريبة فى حبى لمدنى بتذكر لمن كنت اهم بالسفر الى الهند سنة 92 كان فى مدنى بص بتحرك للخرطوم فى الصباح الباكر اسمه فيكتورى...كنت احجز فيه واصل الى الخرطوم حوالى الساعة 7 صباحا وابدا فى مباشرة اجرآتى...فكنت لو خلصت اجرآت حوالى 9 وكان الاستلام الساعة 3 مثلا كنت ارجع مدنى واعود فى اليوم التالى...حيث كنت لا اتحمل مكانا انام فيه غير ودمدنى ولازالت تلازمنى هذه العادة حتى هذه اللحظات لمن اكون فى السودان...

[ياسر عمر الامين]

يا مطرة ،،

ياسر موديل 71 ،،،

ههههها ،، أخير ليك أسكت ساااااااي ،،،

ود المطامير هسسسسسسسسسسس...

[ياسر عمر الامين]

لا لا لا لا لا لا لا

اعد اعد اعد

ده فاتني ده

سلاام عليكم

تنين الدنيا براها هنا سخانة انت كمان جاى تنفخ فينا...

[ياسر عمر الامين]

ماشاء الله تبارك الله



* انا بتاع ككر بالضرورة تتفلفل لمن تعمل لينا فول وفلافل


- انت اذا هندي / انجليزي ملللخبت ... دايرين ذكريات اسبايسي كدا من اللخبتة دي

- عندك دامة واتنين بلي .... كدي بتجربتك الدامة مابتساوي 30 بلي

- ال 15 سنة بتاعت قطر دي في نهايتها دقيت جرس .. وكبيت الجرسة .. وقلت بلا غربه بلا كمونيه

اها طبعا مابين المدينة والدوحة مافي علاقة

كدي وضح لينا اكتر




خربشة

بجيك راااجع .. عارفني ميروود

هههه

اوووووووو الخرباش شخصيا...اهلا اهلا بيك يا حبيب فرحنا بجيتك لينا قريب...برجع ليك لكلامك ده باذن الله...

[ياسر عمر الامين]

ياسر عمر السيرة الزاتية دي ماقصة كتير
فقوم اعدها لينا بالتفصيل الممل والممل جدا كمان
عشان مانقوم نسعلك كم سوعال

خليك واضح يا جميل...عايز تعرف شنو وانا حاضر...

[ياسر عمر الامين]

ههههههه

والله لكن يا موديل ( 71 ) هع هع هع

هايلوكس سيوبر...

[أبا إيثار]

ياسر عمر الأمين

أين ماأجد إستراحة النفس أجدك
صف هاهنا مداك وبوابة الشوق التي
تسكنك فيهم ؟؟؟؟
عندما تدرك أن قلبها لايتسع لك هل تغلق
ذلك الباب الذي كنت تحسب أنه أمل الحياة ؟؟؟

أخي وصديقي :
ماذا ستفعل عندما تمضي بعيدا في الدروب المتعبات
وتلقي من الأقدأر حظك ؟؟؟

سأعود حتماً لان سيرتك مواعين حالي .

[ياسر عمر الامين]

ههههههههههههههههههههههههه

أماني ما وقع شاعر

بجيك وأبراك لمن تأمن

هسع مخلي مطره يقزقز بيك

انتو ما عندنكش يمه ارحمينى...

[ياسر عمر الامين]

ياسر عمر

ازاي الصحة والبلديه والماليه ؟

ديل اعضاء معانا هنا يا ابوالنور...

[ياسر عمر الامين]

السلام عليكم
الاخ ياسر سلامات
يا دكتورة انا مشغول شوية وارجو ما تقفلو الككر دا الى ان اقوم بسوال ياسر الاسئلة الكتيرة العندي من النوع ابو كديس

عصام انت مشغول انا عافى ليك...

[ياسر عمر الامين]

ياسر عمر الأمين

أين ماأجد إستراحة النفس أجدك

الراحة عندما عندما تتسرب الى كلماتك المحفزات اخى الحبيب ابا ايثار...


صف هاهنا مداك وبوابة الشوق التي
تسكنك فيهم ؟؟؟؟

شوقى الى كل من له اثر فى حياتى...


عندما تدرك أن قلبها لايتسع لك هل تغلق
ذلك الباب الذي كنت تحسب أنه أمل الحياة ؟؟؟

اغلق كل الابواب التى لا تحتمل مفاتيحى...وافرد اشرعتى نحو باب لا يمل طرقى...

أخي وصديقي :
ماذا ستفعل عندما تمضي بعيدا في الدروب المتعبات
وتلقي من الأقدأر حظك ؟؟؟

اتجه الى ذاتى واركن الى نفسى واسأل الله التيسير...

سأعود حتماً لان سيرتك مواعين حالي .


ووجودك يعبق ساحاتى بالفرح البازخ...

*************************************

[ام رغد]

السلام عليكم
الاخ ياسر سلامات
يا دكتورة انا مشغول شوية وارجو ما تقفلو الككر دا الى ان اقوم بسوال ياسر الاسئلة الكتيرة العندي من النوع ابو كديس

اخد التايم حقك... برجاك للحول

[ام رغد]

مشكور يا ابوالشوش على هذه الكلمات الطيبات..وحبى لمدنى لا يضاهيه حب...احكى ليك حاجه غريبة فى حبى لمدنى بتذكر لمن كنت اهم بالسفر الى الهند سنة 92 كان فى مدنى بص بتحرك للخرطوم فى الصباح الباكر اسمه فيكتورى...كنت احجز فيه واصل الى الخرطوم حوالى الساعة 7 صباحا وابدا فى مباشرة اجرآتى...فكنت لو خلصت اجرآت حوالى 9 وكان الاستلام الساعة 3 مثلا كنت ارجع مدنى واعود فى اليوم التالى...حيث كنت لا اتحمل مكانا انام فيه غير ودمدنى ولازالت تلازمنى هذه العادة حتى هذه اللحظات لمن اكون فى السودان...

انت ماسمعت بالبصات البتقلبن ديل ؟؟؟؟

[ام رغد]

[quote=ياسر عمر الامين;730612]ود المطامير هسسسسسسسسسسس...[/q
0000000000000000000000000