نواعم منتديات ود مدني

[آلاء عبد الرحمن]

يسعد مساكم يارب ^_^

[ريمون]

ازيكم با النواعم ومساء الخير ..

[آلاء عبد الرحمن]

اهلين ياريمون اتفضلي لي جوه الشاي جاهز ^_^

[ريمون]

الليله الشاي بي شنو ؟؟
كنت جايبه ليكم كنافه لكن جوا ضيوف اكلوها ..
كان ما عاملين حاجه نعمل لينا كيكه سريعه كده بالشكولاته ..

[آلاء عبد الرحمن]

في بسبوسة اذا بتنفع معاك

[ريمون]

احلي شئ .. شكرا ..

[الملكة اسماء ( ام محمد )]

هووووووووي بسبوسة شنو وكنافة منو ؟
انا جاية من برا يادووووب ومييييييييتة جوع
شوفوا لينا بيتزاء والا سندوتشات شاورما سررررريع

[آلاء عبد الرحمن]

نطلب ليك بتزاء سريع ^_^

[ريمون]

من مطعم ود المطامير ..
اها قبيل لقيتو عصيري كيف ؟؟؟

[سوار الياسمين]

بالله هاك الصحن ومن كل نوع ادوني حتة ما تكترو لي
والشاي في كباية مك بالله

[سوار الياسمين]

الله يسهل امرك ويوفقك
قولي امين

اميييييين يارب جمعا حبيبة

[همسات]

نواعم الغاليات
قومو قومو صلاة الفجر
ماتنسوها عشان ربنا يفتح عليكم
ويوفقكم ............
أسعد الله صباحكم بالرضا والسداد

[سوار الياسمين]

اسعد الله صباحكم برضى الرحمن وراحة البال

حبوبات ازيكم

[محمد الواثق]

والله نفاخات كيف
شي بسبوسة وشي كنافة وشي شاورما وبيتزا
نزلت لي نهاية الصفحة
كيس فاضي ساي مجدوع مافي






مراكبية طلعتوا

[بحيرى]

والله فاتحين نفسكم على الآخر ....
حلويات سااااااى ... وشاى لبن ... وعصاير ...
وتجوا تقولوا عاملين روجيم ....
هو الروجيم ده غيروهو ولا شنو ....

لكن :
الحلويات اخير ليكم من شعار ( المريخ ) ... !!

[بنت الرفاعي]

السلام عليكم ورحمة الله وبركاته.

ناس فرحانة وناس زعلانة.

[سوار الياسمين]

السلام عليكم ورحمة الله وبركاته.

ناس فرحانة وناس زعلانة.

وعليكم السلام والرحمة يا مورام
مورام انتي ما رشيتي بفباف الليلة ولا خليتي الشوباك مفتوح
شايفة لي قوارض حايمة بي جاي

قومي روشي عليك الله

[سوار الياسمين]

كيس فاضي ساي مجدوع مافي

ما بنجدع بنخوت في التلاجة ( نعمة )

[بنت الرفاعي]

وعليكم السلام والرحمة يا مورام
مورام انتي ما رشيتي بفباف الليلة ولا خليتي الشوباك مفتوح
شايفة لي قوارض حايمة بي جاي

قومي روشي عليك الله

[حنونة.]

نواااااااااااااااااااااااعم نهاركم سعيد ياحلوين اها كملتوا البسبوسة والكيك
والملكة انشاء جبتوا ليه البيتزا بعدين ياريمون نحن مادايرين من مطعم ود المتامير ولا حاجة بكرة ده يجيب فرع يفتحوا لينا هنا فى قسمنا ويجي بحيرى يتحكر زيادة بحجة عندهم املاك هنا ، ياخى نحن بنعمل البيتزا والحاجات برااااااااااااااااانا
تسلمى ياهمسات ياحبيبا على تزكيرنا بصلاة الصبح قمة الروعة انتى الله يفتح عليك وعلينا دينا واخرة و ياسوار الياسمين الله يسعدكى دنيا واخرة ويرحمنا يارب
اها مافى جبنة ولا اشربا مع ناس المكتب

[ريمون]

مساء الخير يا النواعم .. الليله العشاء علي اتفضلوا ..

[همسات]

نواااااااااااااااااااااااعم نهاركم سعيد ياحلوين اها كملتوا البسبوسة والكيك
والملكة انشاء جبتوا ليه البيتزا بعدين ياريمون نحن مادايرين من مطعم ود المتامير ولا حاجة بكرة ده يجيب فرع يفتحوا لينا هنا فى قسمنا ويجي بحيرى يتحكر زيادة بحجة عندهم املاك هنا ، ياخى نحن بنعمل البيتزا والحاجات برااااااااااااااااانا
تسلمى ياهمسات ياحبيبا على تزكيرنا بصلاة الصبح قمة الروعة انتى الله يفتح عليك وعلينا دينا واخرة و ياسوار الياسمين الله يسعدكى دنيا واخرة ويرحمنا يارب
اها مافى جبنة ولا اشربا مع ناس المكتب

حنونه ياعسل
لا لا ياخ المكتب شنو
تعالي اتفضلي الجبنه جاااااااااهزه

[همسات]

مساء الخير يا النواعم .. الليله العشاء علي اتفضلوا ..

ست الكرم والذوق
مساءالخيرات
تسلمي علي العشاء ياغاليه

[الملكة اسماء ( ام محمد )]

صبــــــــــــاحكم ورد وجوري وكادي

[همسات]

هلا بالملكه اسعد الله صباحك
وصباح كل النواعم بالخير والبركه