رمضان كريم...مدنيّة...تتربع اليوم ضيفة عزيزة على الكرسي السااااااااخن .

[Jamal Elmahi]

أها يابت أمي جيتك صاد....بالله العالم ديل التقول شربوا ليهم جردقه بعد الفطور ...مشوا وين ياربي؟
س سعال...ياتو في نظرك الاولي التخرّج أم التخارج...يعني أخير البت تابي العرس وتقول دايره أواصل تعليمي وبعد داك تبور بورة عدوك ...ولاّ أحسن تعرّس والقرايه ملحوقه ..؟؟

سعال برئ...ماهي نصايحك للبنات لاصطياد العرسان...تسبيل العيون...تتمسكن لامن تتمكن...تتلحلح...تقلب هوبه...تعمل فيها تقيله...تتكوزن...تتبلور....تتمحور...تتخشلع...تتشيط ن...أم هناك مأرب أخري....
ماهي الطريقه التي أتبعتيها لاصطياد ابو البنات...؟ الدنيا رمضان والكضب حرام والقبله لي قدام....

أها مابجيك صاد عشان ما تقاشريني...يبقن علي أتنين عدم أبري وكمان مقاشره....

جمال الماحي

[نزار حسن محمد]

الاخت مدنيه .. معليش طولت الغيبه غصبن عنى كل من انفلونزا الطيور جابته لينا نور العيون ..هههه هى بتوريك..
مدنيه ياريت كل الاعضاء فى نشاطك .. ومانسحرك ..
سؤال على خفيف....نسيبتك لو قالت ليك لو ماجبتى لى ولدى الولد بعرس ليه تعملى شنوا...

[مدنيّة]

الاخت مدنية مرحب بيك فى الكرسى الساخن ولكم اتمنين يكون فىالسجن معانا عشان تونسينا بس دى حال الدنيا .

النقبل عليك .


ماهو سبب دخولك للمنتدى والمواظبة عليه والاشياء الجذبتك ليه شنو
وماقصدك معاى مخليانى لى هسه فى السجن حرام عليك الشمس ظلطت راسنا

اولا تقبل اعتذار خطاب اخوووووووووووي لاني والله ما شفت كلامك ولما شفته زعلت من نفسي جدا عشان نظري بقي ضعيف

بعدين الله يسالك يعني معقولة بس يكون سجن وكرسي سااااااخن !!!

بالنسبة للمنتدي زي ماقلت انه بحسسني اني فعلا في مدني بكل ما تحمل مدني من معان

لو بايدي السجن دا نكتبه ليك باسمك ياخطاااااب اها عاد رايك شنووووووو

يديك العافية اخووووووي وتقبل اعتذراي مرة تانية

[مدنيّة]

مدوووووووووووووووووووووووووووووووووووووووون
حبابك الف يا عسول
ووالله الليلة نور ما عادي في الكرسي
وفعلا اتحفتينا كتير ومنتظرين التحفة الكبرى وهي طلتك الغالية
عموما هلا وغلا بيك
وبعدين انتي ما عارفة قيمة العندك انتي عندك جواهر
وبعدبن انا في ممكن نتبادل
يلا معاك نحن ووشدي حيلك

سلوي ياغالية

تقبلي اسفي انتي كمان والله ماشفت كلامك انتي وخطاب اخوي فلكم العتبي حتي ترضو - اها رضيتوا ولا لسة !!

دا نورك انتي ياعسل منتدي مدني

تسلم ياربي وكمان ربنا يخلي ليك اولادك ويحفظهم ليك طوالي نتبادل انا خلا قفلت علي الولد الكبير عشان ما بنقدر

ننتظر الصغار ديل لغاية لما يكبروا عايزين الجاهز الجاهز احنا

تقبلي اعتذاري للمرة التانية

[مدنيّة]

مدنيه رمضان كريم

قلت اسلم عليك اول

واجيك راجع

الله اكرم

الله يسلمك من كل شر اخووووووووووي

منتظرين جيتك في اي وقت اهلا بيك

[مدنيّة]

أفضل لي أن اعود للمريخ بالمجان من أن اخذل الوالي

فجر نجم المريخ علاء الدين يوسف مفاجأة من العيار الثقيل في حوار مطول اجرته معه الصدى في الساعات الاولى من صباح اليوم بمطار الخرطوم لحظة تواجده مع بعثة منتخبنا الوطني المغادرة الى ليبيا وابان علاء الدين يوسف انه لم ولن يجلس مع الهلال مشيراً الى ان أي مفاوضات يقوم بها الهلال مع اسرته لا علاقة له بها وأنه صاحب الكلمة الاولى والاخيرة في تحديد النادي الذي يلعب له مؤكداً انه باق بالمريخ ولن يتركه الا اذا تلقى ما يفيد من نادي المريخ بعدم الرغبة في خدماته.. واضاف: لن اجلس مع الهلال لمجرد التفاوض مهما كانت المغريات ولن اخون الوالي ولن اخذله لانني اثق فيه وقد منحته وعداً قاطعاً باعادة تسجيلي للمريخ وسأظل على هذا العهد مهما كان حجم العرض المقدم من الهلال وتابع قائلاً: أحب ان اطمئن جماهير المريخ ان عودتي للقلعة الحمراء مسألة وقت ليس الا وكل ما تردد عن جلوسي مع الهلال او دخولي في مفاوضات معه اشاعات الغرض منها خلق فجوة بيني والجماهير مؤكداً انه يثق كل الثقة في ان رئيس المريخ جمال الوالي سيقيمه التقييم الذي يتناسب مع ما قدمه للمريخ.. وكشف علاء عن اصابته بالملاريا ظهر اليوم ولكنه رغم ذلك أصر على السفر مع المنتخب الى ليبيا حتى لا يتخلف عن اداء ضريبة الوطن..

نص الحوار غداً

يديك العافية ابو النور اخووووووووووووووي

شفت الواحد لما يعشق المريخ بتهون امامه اي حاجة تانية

شكرا ليك كتيييير كتيييير

[مدنيّة]

و الله يا مدنيه حبيبتي الله يعينك و انت لغايه حسي صامده و انتي ما شاء الله عليكي و الله يديكي العافيه و سلمي على بناتك العسل

الله يسلمك من كل شر يا روح المنتدي

بستمد قوتي من وجودك بقربي يانورنا عشان كدا خليك قريبة لي طوالي

البنات بسلموا عليكي هم كمان

[مدنيّة]

أها يابت أمي جيتك صاد....بالله العالم ديل التقول شربوا ليهم جردقه بعد الفطور ...مشوا وين ياربي؟

اهلا بيك ود امي تمام انك اوفيت بوعدك بالرجعة

واتخيل يا ود امي كل يوم هم شكلهم شاربين الجردقة دي زوووووووووول فيهم قاعد مافي حالتهم سعبة خلا




س سعال...ياتو في نظرك الاولي التخرّج أم التخارج...يعني أخير البت تابي العرس وتقول دايره أواصل تعليمي وبعد داك تبور بورة عدوك ...ولاّ أحسن تعرّس والقرايه ملحوقه ..؟؟



القراية زيها مافي ود امي وبعد كان بارت خليها التبور بورة بشهادة اخير من زواج من غير تعليم



سعال برئ...ماهي نصايحك للبنات لاصطياد العرسان...تسبيل العيون...تتمسكن لامن تتمكن...تتلحلح...تقلب هوبه...تعمل فيها تقيله...تتكوزن...تتبلور....تتمحور...تتخشلع...تتشيط ن...أم هناك مأرب أخري....

اتخيل يا ود الماحي في مسج متداولة هنا في السودان بتحكي عن

انه البت فعلا في الاول بتقول عايزة واحد يكون قاري في جامعة كدا ويكون في كلية كدا ويكون شكله كدا وكل

شوية بتتنازل لما في النهاية تصل لانها عايزة واحد مسلم فقط انا في قناعتي انها الوحدة لو ما لقت الحاجة

العايزاها اخير ليها بيت ابوها يلزمها من الاول احسن من انه يلزمها بعد كم سنة وتحمل لقب مطلقة ومعاها كم طفل

جاراهم وارءها


ماهي الطريقه التي أتبعتيها لاصطياد ابو البنات...؟ الدنيا رمضان والكضب حرام والقبله لي قدام....

هههههههه

تصدقني لو قلت ليك هو الصادني ما انا !!!!!!!





أها مابجيك صاد عشان ما تقاشريني...يبقن علي أتنين عدم أبري وكمان مقاشره....

الصراحة راحة ود امي ومع ذلك ولا يهمك كان قلبك حدثك بسعال كدا

نسيته تعال قوله وانا تحت الامر




جمال الماحي

[مدنيّة]

نزار حسن محمد

الاخت مدنيه .. معليش طولت الغيبه غصبن عنى كل من انفلونزا الطيور جابته لينا نور العيون ..هههه هى بتوريك..

انفلونزا تيوووووووور اددديل كدا !!!! مالك علي روحك ياخوووووووي نورنا يابت الحكاية شنو

قالوا الخبر اليقين عندك انتي

الف حمدا لله علي سلامتك ويارب ما تشوف شر ابدا واجر وعافية



مدنيه ياريت كل الاعضاء فى نشاطك .. ومانسحرك ..

قل هو الله احد - عشان ما تسحرني -

يديك العافية اخوي دي مدني ولازم نكون ليها في قمة نشاطنا


سؤال على خفيف....نسيبتك لو قالت ليك لو ماجبتى لى ولدى الولد بعرس ليه تعملى شنوا...

الله يرحمها ويغفر ليها

لكن ح ارد علي اساس السؤال في حد زاته وفهم الناس ليه

تعرف انه في زمنا دا البنات افضل من الاولاد - الا من رحم ربي -

انا غايتو بناتي عندي بالدنيا كلها وابوهم برضو ما بقبل فيهم ولا برضي بغيرهم - ما تقول اني يعني كدا بطمن في

نفسي لكن بالجد دي حقيقة - وطبعا العلم اثبت انه حتة ولد وبت دي وعشان الناس تعرف ربنا سبحانه وتعالي جعلها

من الرجل لكن ومع ذلك لو عايز ليه ولد ومقتنع تماما انه في وحدة تانية بتجيبه ليه يمشي طوااااااااااااااااااالي من

حقه

[اللمسة الساحرة]

تسلمي ياغالية على اجاباتك واسلوبك الجذاب وطلعتي حناكة يابت , حلوة حكاية غاب التمساح يقدل الورل دي ...
وبرضو انتي استاذتنا واحنا جمبك ولا حاجة وبالجد انتي فاكهة المنتدى يديكي الف عافية ويعينك على الكرسي الساخن



مع تحياتي:
اختك/اللمســـــــــــــــــــــــــــــــــــــــــــــ ـــــــــــــــــــــــــــــــــــــــــــــة الساحرة

[مدنيّة]

تسلمي ياغالية على اجاباتك واسلوبك الجذاب وطلعتي حناكة يابت , حلوة حكاية غاب التمساح يقدل الورل دي ...
وبرضو انتي استاذتنا واحنا جمبك ولا حاجة وبالجد انتي فاكهة المنتدى يديكي الف عافية ويعينك على الكرسي الساخن



مع تحياتي:
اختك/اللمســـــــــــــــــــــــــــــــــــــــــــــ ـــــــــــــــــــــــــــــــــــــــــــــة الساحرة

تسلمي يا عسل المنتدي

وعلي ف كرة دا ما حنك دي حقيقة

كلنا بتعلم من بعض اختي الغالية

وشكرا ليك كتييير كتييير

[zoolfrda]

<CENTER style="MARGIN: 0px"><CENTER style="MARGIN: 0px"><MARQUEE style="FONT-SIZE: 14pt; BORDER-LEFT-COLOR: #0066ff; BORDER-BOTTOM-COLOR: #0066ff; WIDTH: 550px; COLOR: white; BORDER-TOP-STYLE: ridge; BORDER-TOP-COLOR: #0066ff; BORDER-RIGHT-STYLE: ridge; BORDER-LEFT-STYLE: ridge; HEIGHT: 505px; BORDER-RIGHT-COLOR: #0066ff; BORDER-BOTTOM-STYLE: ridge; TAHOMA: 150%" scrollAmount=5 scrollDelay=25 direction=up width=550 bgColor=#000000 height=505><CENTER>

الأخــــــــــــوة الأعـــــــــــــــــزاااااااااء

كنا في ضيافة الاخت الغالية جداً

مدنية

كانت بكل ما تحمله كلمة الروعة

كانت في كل حروفها تؤكد حبها الكبير لنا وللمنتدى

كانت بسيطة ورقيقة وتلقائية جداً ..

نشكر لها روحها الجميلة .. واريحيتها المتفردة ..

ادامك الله لنا اختاً غالية يا مدنية ..

ودعوات خالصة لك بالتوفيق والسداد في مستقبل أيامك ..

وهنيئاً لنا بك ..
</CENTER>

[مدنيّة]

بكل اعضاء منتدي ود مدني


كنت سعيدة جدا وانا في ضيافتكم



ويارب اكون كنت ضيفة خفيفة عليكم وخصوصا اننا في رمضان



شكرا ليكم مرة تانية




اخي زول فردة علي استضافتك الكريمة



كنت حابة ارفق لي اغنية بس للاسف ماعرفت لكن اظنها بالنية بتكون وصلت

[medo_dh]

اهلا بيك مدنية في احلى منتدى منتدى ودمدني واتمنى تتواصلي ديمة معانا

[ابوالنور]

الاسبوع الاول عدي علي خير وياااااااااااااااااااااااااااااااااااااااااااااااا ااااااااااااااااااااااااااااااااااارب من التاني!!!

[ابوالنور]

حلم الجيعان عيش

[مدنيّة]

اهلا بيك مدنية في احلى منتدى منتدى ودمدني واتمنى تتواصلي ديمة معانا

اخووووووووووي ميدو




بيك وبوجودك معانا في المنتدي

[مدنيّة]

الاسبوع الاول عدي علي خير وياااااااااااااااااااااااااااااااااااااااااااااااا ااااااااااااااااااااااااااااااااااارب من التاني!!!

ابو النور اخووووووووووي دي جرسة من رمضان يعني ولا نفهم شنووووو

يلا شد حيلك كلها ثلاثين يوم وتعدي


؟؟؟؟

[مدنيّة]

حلم الجيعان عيش

دي بقي مافهمتها

[Madanawi]

يا مدنية هل جمال الماحي استلم الآبري ولا لسة ؟؟؟

لأنو مرّ رمضان وأتى آخر على طلبه للآبري

ويا ريت لو ينوبنا من الآبري نصيب

[عماد عبدالشكور]

يا مدنية كرسيك دا والله فاتني
انشاء الله يجيبوك في رمضان الجاي دا قولي امين

[عمر البشير]

شكيت محنك يا عماد اسي الموضوع ده جبتو من وين.

[صديق بلال]

بمناسبة إطلالتك الرائعة يا أخت مدنية علينا...
يسرني ويطيب لي أن أنتهز هذه الفرصة الجميلة... أن أهنئك وأهنئ جميع أفراد الأسرة الكريمة بقرب إطلالة شهر الخير والبركات... شهر رمضان الكريم... أسال الله تعالى أن يعيده عليكم وعلينا وعلى أمة الإسلام باليمن والخير والبركات...
كما أسأله تعالى أن يبلغنا جميعا هذا الشهر الفضيل وأن يعيننا في طاعته وأن يعيده على الجميع باليمن والخير والبركات...
وكل عام وأنتم بخير وصحة وعافية وسعادة وهناء...

[مرتضى ساتى]

يا مدنية كرسيك دا والله فاتني
انشاء الله يجيبوك في رمضان الجاي دا قولي امين

والله ياعماد ياخوى كلامك صاح بس لهسى انا ما عارف رمضان ياتو الفات ولا رمضان البعد شويه ده ولا السنه الجايه المهم دخلنا وشفنا ردود اختنا مدنيه وصراحه كانت دبلوماسيه سديد عندنا راي وكم سؤال ولكن بنحتفظ بيه لاي رمضان وربنا يطول عمركم ولنا لقاء

[طلال الصول]

اختنا الغالية مدنية والله ليك وحشة
شهر مبارك عليك انشاءالله
ومنورة نور شديد
عندي ليك كم سؤال كدا حلوين اتجهز لي بس