رابطة نساء منتديات ودمدني

[الملكة اسماء ( ام محمد )]

ياحبيباتي اعذروني جيت متاخرة شدييد بعد سويت الغدا للراجل دة وحميت العيال ولبستهم ونضفتة بينتي..بالله جاية عليكم الراجل دة قال داير لي شاى اها هو سمع بالرابطة دي وما دايرني اشترك عشان خايف منكم تحرشوني وما يقدر يسيطر علي تاني لكن انا بقيت افلح منو خليتو ينوم وجيت اتسحب...اها قلتو لي الخطة شنو؟؟نحنا الرجال ديل لازم نشوف ليهم حل سريع...و....آآآآآآآآآآآآآآآآآآآآي يا ابو عموري جاية جاية بجيب ليك الموية....بجيكم تاني بعد انوم..اسوي شنو حكم القوي...

شفتي عشان زي حركات ابو عموري دي انا عاملة حرب ضد الرجال
عايزة افهم ليه الرجل الشرقي شايف نفسه
يعني شنو لو مشى اتناول كباية موية براه او عمل ليه كباية شاي لروحه
غايتو انا بسميه تكبر على المرة عموما

ماف زول يجي يقول لي اهلنا وامهاتنا ربونا على كدا

[نبض المشاعر رووونة]

والله يملوكة فكرتك مافي احلى منها
وانا اول المساهمين

[ام قبس]

عاد لوم السنين
بالغتي والله يالملكة
انا ما براسلوني علي الخاص عديل للمنظمة دي
لجي الملكة اللوم كملتي
انا اخر من يعلم

طبعا معاكم
واليجهزوا ساكت
وماعايزين اي ظرافة وزيارات وديه من الجنس الخشن دا

وجاياك تاني

[ام قبس]

اها يالملكة
اولا علي قول ماجدة الرومي
بعد حاولت
كن صديقي كن صديقي ليس في الامر انتقاص للرجوله
ومانفع معاه
غير ان الشرقي لايرضي بدور غير ادوار البطوله
اها بطوله تاني مافي
بالمناسبه عشان ماعوزة تعليق من الرجال وطيب الكاتبها منو وكدا
القصيدة دي كاتباها دكتورة سعاد الصباح يعني مرة برضو

[امال مالك]

إلى كل من ترسلي مرتو .. إلى كل من بغسل العدة لمرتو والبمسكوكم الشفع وإلى كل من خاف ويخاف من مرتو تعالو هنا في صيوان ود النويري عشان تعرفو تسوي شنو مع نسوانكم المخوفاتكم.. برجع تعاني هسي انا مستعجل مؤجر لي عجلة برجعها لصاحبها واجيكن

يا ود النويري اظن قريت العنوان بره فأحسن صيوانك ده يكون بعيد من هنا وإلا قذفناك بمدافع الغضب من قلعة رابطة نساء المنتدى (رمضان كـــــــــــريم) وامشى حضر حاجات رمضان سااااااااااااااااااااااااااااااااااكت::d

[امال مالك]

جيت ارحب بيك طبعا واقول ليك ورانا اشغال محتاجة سكرتيرة وكدا
اها رايك شنو ؟

(رمضان كـــــــــــــــــريم ) وانا ديكا الساعة لمن اكون سكرتيرة لي مديرة جمعية نساء المنتدى ياملكة جيوووووووووووووووووش يا نساء هجوووووووووووووووووووووووم عليكم يا رجااااااااااااااااااااال

[الاميره]

بالله شوفوا لينا الموضوع دا يابنات لان المسئله دي منتشرة الايامات دي وبصراحة محروقة من الجماعة الكتابين ديل (ناس هناي وهناي وهناي ابو هناية داك )



***************


انتي عارفة ناس هناي وهناي وخااااصة ابو هناية داك الزول بس اعاين ليهم ويقول ربنا يوفقكم

ولا تتحرقي ولا شي انتي زااااااتك كتابة

الدور والباقي على الناس القافلة خيالها لي اجل غير مسمى

لكين اذا جينا نناقش السبب في الحاجة دي انا اعتقد ان في ناس بتحب تطالع اكتر من انها تكتب

وعلى فكرة في ناس بتجي عشان تكتب ليها حاجة وتنزل ليها موضوع

تقوم تتشد لي المواضيع المكتوبة وتنبسط بكدا

والحاجة التانية ان عدد الرجال هنا اكتر بي كتير من عدد البنات

نحن محدودات جدا هنا اذا لاحظتي

اها عشان نلقى لينا حل ناجع ( ما عارفة اذا ناجع دي صحيحة )

بس الحل موجود

كل وحدة تشوف صديقاتها الفي ماسنجرها وتناديهم بسراع لان الوقت ماشي

وبعدين انتي ما مقصرة عندك كم موضوع بتنادي فيهن بس نقول شنو

كل زول براحته ما نقدر نغصب زول عشان اجينا

يعني كان العشرة بتهون خليها تهون


خليني ارجع تاني لي ناس هناي وهناي ديلاك وابو هناية

اسمعوني انتو راسكم دا بتظبطوهو كيفن

نادونى معاكم..ما تنسونى..

[الاميره]

هم هسي قايلنها بس في سرهم
:d:d


الاجندة سعادتك مرة اخرى :

اول موضوع في الاجندة

يا بنات امي في ظاهرة محيراني شديد

الايامات دي شايفة ليكم معشر الرجال بقصدوا يتونسوا بينا و ماعندهم شغلة غير ما يخص النسوان
فراغ ..يعنى نعمل شنو ..خلوهم يتونسو !!!!!!!!!!!!!!!!

ونبدا باالاخ الخلى كعكاتنا مشى لقصة الافتراء وقال الحلوة مغرورة


الغريبة انو نفتري يقولوا شايفات روحن
ونتواااااااضع ونديهم وش يقولوا خفااااااااااااف

اها يا بنات امي رائيكم شنو في الموضوع دا بالله
<!-- / message --><!-- sig -->

والله دى حساده وانانيه بث..

[عزه هشام]

سلام مربع لحريم بلادي
ورمضان كريم
اعلن انضمامي الي صفوفكم
والنصر لنا من عند الله

[المسافر]

حددتوا مواعيد الظار متين ولا لسه ؟

[telecom]

حسى يا الملكة ومدنية الرجال ديل الحشرهم شنو كما ن دخلوا نفسهم الشمار بكتلهم عديل ما عايزين منهم اى مقترحات خليكم فى حالكم يا الرجال هوووووووووووووووووووووووووووى

[الملكة اسماء ( ام محمد )]

حددتوا مواعيد الظار متين ولا لسه ؟

شفت انت بالذات احسن ليك تختانا ما نعلن ضدك حرب دموية لابعرف رمضان لابعرف شعبان

[الملكة اسماء ( ام محمد )]

الاميرة - عزة - telecom

حبابكن ياغاليات
هنا ممكن تطرحوا اي قضية نسائية وليكم علي النقاش بالشكل العايزنه باذن الله لحد مانلقى ليها حلول

[نشوي محمد]

ملكة
شكلى جيت متأخره . لكنى طالبه الاعتماد والانضمام فى اى خانة ما فارقه . بس تكون رابطه بقوة المراه
دمتى...........

[الملكة اسماء ( ام محمد )]

مرحبتين بيك يانشوى

يلا ياحبيباتي بما انه نشوى وعدد لابآس به من نساء المنتدى حاليا معانا
تعالوا نشوف اجندتنا الجديدة ... واتمنى نناقش بشكل موضوعي بما يضمن مصلحتنا المشتركة

اولا تحية لكل الاعضاء في جمعيتنا
ثانيا اتمنى بلا شك انه الجمعية تكون بتقدم المفيد دائما

اجندة مهمة :
النشاط النسائي في المنتدى .. محدود
تتعدد الاسباب ولكن اعتقد انه من الممكن جدا نناقشها ونلقى ليها حلول
وهنا عندي ملاحظة في واحد من اسباب تردد البنات في كتابة مواضيع اجتماعية تخص المراءة ( وهو وللاسف اتهامها بانها صاحبة القصة _ واكيد منا من تعاني الامرين بسبب الفهم الضيق لمعظم الفئات لقضايا المراءة )
فاكيد دا واحد من الاسباب . اتمنى في الزاوية دي نطرح اسباب اخرى ونحاول نلقى ليها حلول معقولة

والشي التاني بعد دراسة الفكرة باسلوب موضوعي ( اقصد الكتابات النسائية ) نشوف هل السبب هو فعلا الغاء ( منتدى النواعم؟) واذا كان دا السبب كيف ممكن نعالج القضية دي ..

سيداتي انساتي الكريمات ..
المايكرفون معاكم

همسة : انا الايامات دي مابجامل لي واحد يجيني خاشي بالعرض .. بخسره عديل كدا .. عذري الصيام والتغيرات النفسية بالنسبة لشخص جيعان وعطشان ويجي واحد يقول ليه ( ظار ) وماعارفة شنو تاني كمان ... عالم تنرفز

[madniman]

الفكرة حلوة جدا,لكن لازم الرئاسة تكون لاحد رجال المنتدىولسبب بسيط جدا انه دائما اى حاجه بتخص النسوان الراجل بيكون بارع فيها وانتى فهمتى قصدى

[الملكة اسماء ( ام محمد )]

الفكرة حلوة جدا,لكن لازم الرئاسة تكون لاحد رجال المنتدىولسبب بسيط جدا انه دائما اى حاجه بتخص النسوان الراجل بيكون بارع فيها وانتى فهمتى قصدى

ايوااااااااااا

طيب بما انك خشيت بالعرض برضو
رشح لي اسم راجل من المنتدى وانا بديك رائي فيه بصراحة عشان نعرف منو الممكن يترأس الرابطة دي

[امال مالك]

الفكرة حلوة جدا,لكن لازم الرئاسة تكون لاحد رجال المنتدىولسبب بسيط جدا انه دائما اى حاجه بتخص النسوان الراجل بيكون بارع فيها وانتى فهمتى قصدى

كلامك حرقني هسي داير تقنعني انو الراجل بفهم اي حاجة بتخص المرة وكمان بارع فيها والله ما اظن ولا رايكن شنو يا بنات ؟؟؟؟؟؟؟؟؟؟ ملكة كدي شاركني .. . وبعدين اظن يا رجال اسم الموضوع بره رابطة نساء المنتدى ولو كنت عايز تكون رئيس فأنت تبع صيوان ود النويري ويا رئيسة ما ديرين اي مان هنا

[الملكة اسماء ( ام محمد )]

كلامك حرقني هسي داير تقنعني انو الراجل بفهم اي حاجة بتخص المرة وكمان بارع فيها والله ما اظن ولا رايكن شنو يا بنات ؟؟؟؟؟؟؟؟؟؟ ملكة كدي شاركني .. . وبعدين اظن يا رجال اسم الموضوع بره رابطة نساء المنتدى ولو كنت عايز تكون رئيس فأنت تبع صيوان ود النويري ويا رئيسة ما ديرين اي مان هنا

امولة ياقلبي ماتحرقي دمك
هو لو عنده رائي تاني يجي يقوله عموما انا فهمت قصده قبيل وحاولت اديه فرصة يكسب رهان الفكرة قدامي
هو لو ماالذكاء قاتله في راجل بقبل يبقى رئيس رابطة نسائية بدون يشترط تغير اسم الرابطة وفي الحالة دي تفقد معناها والهدف من وراها , ويكون خسر فكرة قيادة جيش نسائي بدون يستعين بفكرة مغلفة بطابع كذاب وغشاش زي فكرة ( الحياة الزوجية شراكة ) تسمية والمحتوى يحيرك في الغلاف

ياستي خليه يقول العايز يقوله الشغال بيه منو زاتو
ومن ناحية تاكدي انهم _ بيدعوا _ فهمهم للنساء لما تشير اصابع الاتهام لتقصيرهم الواضح

[الملكة اسماء ( ام محمد )]

الحقوووووووني يابنات امي
في راجل ح يجيب لي الضغط في البلد دي

.
وكذلك ستقدم الشركة خدمات للمواطنين كافراد . مثال واحد سرح في لعب الكتشينة وفجاه اكتشف ان الليل عدى والساعة اثنين صباحا و انه امس ارضى زوجته بالمباصرة بعد ان اصرت على الطلاق بسبب التاخير والسهر خارج البيت . في مثل هذه الحالة يحتاج هذا الرجل الى تبرير عملي . لذلك سندبر له حادث سياره محترم قد يكلفه (فلقه) صغيره في الراس او حتى كسر اليد اذا علمنا ان زوجته غضبانه شديد ولا بد من الطلاق . كما ذكرنا سنكون مثل شركات التامين لنا قسم طبي وهم سيقومون بفلق الزبون او جرحه او كسر يده بعد تخديره طبعا . ومن ثم سيقوم قسم الاتصالات بمخاطبة اسره العميل وهم مدربون على ذلك . كما نعرف ان هذا الزبون لو ذهب الى زوجته من مكان الكتشينة مباشرة سيجدها اعدت شنطتها ومستعده للذهاب الى اهلها فورا . لكن باتصال تلفوني من لجنة مختصه فيه رنة حزن مصطنع (لو سمحتي انت زوجة الاستاذ فلان الفلاني ........ نعم في حاجة ؟؟؟ ........ آسفين يامدام الاستاذ حصل له حادث لكن سليمه وسيصل بعد ساعات ..... تصرخ سجمي وكلام السودانيات في ساعة الشدة ) ويصل الزبون بيد ملفوفة بالجبس وراس مربط بعصبة يقطر منها الدم وهو يئن ويتالم ... هنا ترجع الزوجة شنطتها وتبدا في دور الرعاية الصحية المتكاملة والحنية المتدفقة وهذا بفضل انجاز شركتنا .

[الملكة اسماء ( ام محمد )]

أحلام مستنغامي "

إن في روايات آغاثا كريستي أكثر من 60 جريمة قتل وفي روايات كاتبات أخريات أكثر من هذا العدد من القتلى. ولم يرفع أي مرة قارئ صوته ليحاكمهن على كل تلك الجرائم ، أو يطالب بسجنهن .
ويكفي كاتبة أن تكب قصة حب واحدة ، لتتجه كل أصابع الاتهام نحوها، وليجد أكثر من محقق جنائي أكثر من دليل على أنها قصتها .
أعتقد أنه لا بد للنقاد من أن يحسموا يوماً هذه القضية نهائياً ، فإما أن يعترفوا أن للمرأة خيالاً يفوق خيال الرجال ، وإما أن يحاكمونا جميعا !

<!-- / message --><!-- sig -->

[امال مالك]

شوفوا يا نساء المنتدى وصلنا لي وين عملو لينا مح امراه على حسب هواهم بس والله العكس صيحيح واحد منهم شال مخوا ولصقوا لينا غيرة ساي

[بنت الرفاعي]

الحرب الحاصلة دي في شنو؟؟؟

[بدر الدين احمد الطائف]

الحرب الحاصلة دي في شنو؟؟؟

الزعل الجماعى

[الاميره]

مرحبتين بيك يانشوى

يلا ياحبيباتي بما انه نشوى وعدد لابآس به من نساء المنتدى حاليا معانا
تعالوا نشوف اجندتنا الجديدة ... واتمنى نناقش بشكل موضوعي بما يضمن مصلحتنا المشتركة
مرحب ببيكم جميع الحضور ورمضان كريم
وانا كمان جيتكم وسجلونى حضور بس اتاخرت شويه

اولا تحية لكل الاعضاء في جمعيتنا
ثانيا اتمنى بلا شك انه الجمعية تكون بتقدم المفيد دائما

اجندة مهمة :
النشاط النسائي في المنتدى .. محدود
دا شى ملاحظ..مع انو ردودن فى المشاركات تنم عن انهن كتابات
تتعدد الاسباب ولكن اعتقد انه من الممكن جدا نناقشها ونلقى ليها حلول
وهنا عندي ملاحظة في واحد من اسباب تردد البنات في كتابة مواضيع اجتماعية تخص المراءة ( وهو وللاسف اتهامها بانها صاحبة القصة _ واكيد منا من تعاني الامرين بسبب الفهم الضيق لمعظم الفئات لقضايا المراءة )
العلم اصلو ومعناهو تجارب الاخرين ليستفيد منه الغير..فلماذا التردد فى اعطاء مفاهيم جديده تحسن من فكرنا وتعمل على تحسين حالتنا الاجتماعيه..لانريد ان نكون جبناء ونحن فى بداية المشوار ..والبوستات العامه مليانه مواضيع مهمه وتنم عن كاتبات لهن وزنهن..وتعالج مشاكل حياتنا ولو حتى..بصورة الونسه العاميه.. فلاداعى للتردد
فاكيد دا واحد من الاسباب . اتمنى في الزاوية دي نطرح اسباب اخرى ونحاول نلقى ليها حلول معقولة

والشي التاني بعد دراسة الفكرة باسلوب موضوعي ( اقصد الكتابات النسائية ) نشوف هل السبب هو فعلا الغاء ( منتدى النواعم؟) واذا كان دا السبب كيف ممكن نعالج القضية دي ..

السبب دا خلو فى الاخر ..لو فشلت الفكره..وانا ضد الالغاء..لازم نثبت قدرتنا الفكريه الواعيه والمثقفه..ولتكن المحاوله الاولى قريبا جدا جدا..
سيداتي انساتي الكريمات ..
المايكرفون معاكم

همسة : انا الايامات دي مابجامل لي واحد يجيني خاشي بالعرض .. بخسره عديل كدا .. عذري الصيام والتغيرات النفسية بالنسبة لشخص جيعان وعطشان ويجي واحد يقول ليه ( ظار ) وماعارفة شنو تاني كمان ... عالم تنرفز

الاجنده واطروحتها..مقبوله.. والاراء تناقش ويا نساء المنتدى اتحدوا