مرزقة ياهناية .. الله يدينا زي مااداك ..

[حسام التنين]

ياحبايب اعذروني والله عندي مشكلة عويصة جدآآآآآآآآآآ
والمنتدي مابيفتح لي بيفصل طوااااااااااااااالي ......

زي مابيقولو والعهدة علي الرواي " لكم العتبي حتي ترضو "

الف حمدلله ع السلامه

وبي مناسبة رجعتك دي اخر الاخبار شنو.الحديد وكده؟؟

وبمناسبة العود ود الريح عمل ... انا ماكملت صاح

[بنت النيل]

لي هسا حكايتك دي ما انتهت
انت بعد دا بتروحي اخير ليك تمرقي علي اهلك
وهنايه دي خليها تجيك هي

[محمد حسين (المميز)]

يا خوانا هنايه دي وينهــا؟؟

ماجات تمت لينا الهناي ده؟!!

ياربي ممسوكه في المرور؟؟

ولا رايحه ماعارفه تمرق من الهناي داك

[بت مارنجان]

قرار إداري
اللخو مع الجماعة الفوق ولاشنو ؟؟؟

1- هذه القصة رائعة وإن لم تكتمل بعد
وتمنع منعاً باتاً من النشر وذلك لوجود
تلميحات لأحقاد دفينة قد تؤثر سلباً
عن العلاقات الإجتماعية بين الطبقتينايوا ودة ناتج عن طفولة مشردة.. وبعدين يالمسافر ناس مالاقية شغل وناس ربنا ماديهم
لمن بي غاااااااااااااااااااادي .. مابحسد والله .. لكن دي العطلة سوت فيني كدة
( البروتاريا ) والطبقة ( الراقية ) !!!!!!!!!


2- يبلغ هذا القرار للمشرفين وينفذ إعتباراً من تاريخه .
انت بتستخدم صلاحيات شنو بالظبط


تخريمة

إنتِ عارفة لو قلتي للجمهور الكبيرة الذي تابع
هذه القصة الشيقة دي ( كنت بحلم ) حيحصل شنو ؟
الله يسألني ماحلم .. دي حقيقة وواقع انا مشيت فيه بي رجلي

همسة : متين فكيت محينتك ياخوي

[بت مارنجان]

بت مارنجان - ازيك
ميوسة ازيك ...

يعني ليه بتعملي كدي - يكون صحيتي من النوم ولا شنو - ولا

جيتي ماشة على القزاز تهبشيهو - يدك انزلقت جيتي واقعة (بعد الشر عليك طبعا) :d

ولا الكابتشينو مادة الكافيين زايدة شوية

والله لاهذا ولا ذاك .. لكن المنتدي بيفصل معاي وكل مااخش البوست دة بالزات
عشان اكملو والله بيفصل ...

اريتني كان كنت نايمة كان علي الاقل ماحصل الحصل .. كان بلعت بندولتين ومشيت
شفت الوراي شنو....

[بت مارنجان]

سوا شنو ود الريح

سؤال محول لي ود النور ....

الحل انك ترجعي بي دربك
لان دا البكون حصل
واذا صبرتي شوية
بنتم ليك باقي الحكوة
بدل المطة الماطاها ليها دي

ياخ ماقلنا المنتدي بيفصل ...
ووووووووووب علي انا اسوي شنو :mad:

[محمد حسين (المميز)]

ووووووووووب علي انا :mad:

كـــده رضــــــــا

[بت مارنجان]

دي تكون طماطمة الكترونية ...
وبعدين يا ستي "مراح " دي عايزة ترجمة
معانا شهادات عربية:d

اذا مابتعرف مراح يابرهوتة يبقي ماتتم البوست لانو جايبين كلمات كتيرة من النوع دة التقيل جاي وراء ياولدي
او اضعف الايمان اقعد جمب ود النور بيشرح ليك لو في كلمة راحت ليك

لكن عشان اقرب ليك الفهم .. مراح دي زي " الصيلون بتاع بيتكم " .. انا مفروض اقول
" ديوان " لكن عشان انت شهادة عربية وقاعد في ماليزيا فحقول الصيلون .. مش بيقعدو
في الضيوف وناس البيت وقعد اسرية يعني .. اها المراح دة صيلون البهايم .. بتلمو كدي
وبناقشو امور حياتم وكل غنماية ولا خروفاية بتجي تحكي عن يومها والحصل ليها
ولو عندهم ضيوف بيستقبلوهم في المراح .. وبرضو مكان اكل وشرابهم ..

وقع ياخينا

والله شوقتينا وشلهتينا...
تسلمي ياعثل على السرد المشوق والممتع..

واصلي معاك على الخط..


خليك قريييييييييييييييييييييبة ياصاحبة السمو .. اسمك غريب خلاس
بتزكرينا بالجماعة العرب ديل طال عمرك

والله الشمار بيموتني.

كان كدة معناتا موتي انتي .. برية ياختي تبري من الموت ...

[بت مارنجان]

الف حمدلله ع السلامه
الله يسلمك ياتنين ..
ياربي كنت مسافرة انا ولا شنو

وبي مناسبة رجعتك دي اخر الاخبار شنو.الحديد وكده؟؟
الحديد كويس ماعندو عوجة كاشين بيه في شوارع الخرطوم ...

وبمناسبة العود ود الريح عمل ... انا ماكملت صاح

اي ماكملت .. والشي العارفاه انو ود الريح ماغلط في العملو دة

لي هسا حكايتك دي ما انتهت
انت بعد دا بتروحي اخير ليك تمرقي علي اهلك
وهنايه دي خليها تجيك هي

لالالالالالالالالالا
هييييييييييييي بت ابوها انا كيف اروح .. اي نعم " الاسبوت لايت يخلع " لكن
علي مين ...

هناية جاتني والله ماقصرت اشترينا ليها طماطم الكيلو بتاعو بي 12 جنيه
قصرنا ياهناية ولا ماقصرنا

[بت مارنجان]

يا خوانا هنايه دي وينهــا؟؟
ياخونا قلنا البتاع دة كعب بيفصل ياخ

ماجات تمت لينا الهناي ده؟!!
بتمو بتمو يامحمد ...

ياربي ممسوكه في المرور؟؟
الله بيسالك حصل مرة شفت بتاع مرور وقف مرة سايقة ..
قال مرور قال ...

ولا رايحه ماعارفه تمرق من الهناي داك

كـــده رضــــــــا

رضا ود حسن ولا منو

[عاطف عولي]

يا خوانا هنايه دي وينهــا؟؟

مشت ناس هناية وبتخشا ناس هناي

ماجات تمت لينا الهناي ده؟!!

مشاط ولا كوفيت الهناية الدايرة يتموها ليك

ياربي ممسوكه في المرور؟؟


لا في الدفاع المدني ما شايلة طفاية

ولا رايحه ماعارفه تمرق من الهناي داك

الهناي بتاع ناس التلفونات ولا ناس الموية ياتو في الهنايات يا هناي


فهمت حاجة؟ ولا أنا

[بت مارنجان]

وقفنا وين ...
واحد يرفع يدو يزكرني ياخ

[محمد حسين (المميز)]

الهناي بتاع ناس التلفونات ولا ناس الموية ياتو في الهنايات يا هناي


فهمت حاجة؟ ولا أنا

هي يا هنــاي انت معانا

نفسي افهم نهاية الهناي ده شنو

والله انا زاااااااتي مافاهم الهناي ده

[عزيز عيسى]

إنتي يا بتنا مش قلنا ليك
الخرتوم دي ما تمشي عليها ولا تختي كراعك فيها؟
يلا واصلي الحكي.. اللهم أجعله خير.

[بت مارنجان]

خشيت علي بتاع الريسبشن السلام عليكم
وعليكم السلام ..
خاشة لي فلانة .. كحلني كدة بي نظرة فاحصة كدة زي كانو مستغرب ولا ماعرفتوو مالو .. وقبل مايتم معاينتو تلفونو ضرب ..
طلعت هناية قالت ليه دي هناية صحبتي خليها تخش لي .. قال ليها اوك ..

الراجل قال لي جيبي بطاقتك الشخصية
طلعتها اديتها لي .. قام اداني حاجة كدي .. شكلها مدور ولنها احمر اذا " دققت النظر جواها تلاقي فيها شي مضئ " زي الاشعاع قالو الشي دة تختي قصاد حاجة كدة برضو
يقوم يضوي اخضر ويسمحو ليك الدخول في مناطق محددة فقط " كزائر " يعني الناس
الجاية متضهبة ماتحوم ساي زي الحايمة في " مراح "
أها قام قال لي تطلعي الطابق التالت مكتب رقم ( .... ) عشان مااتحاوم ساي ..

اها قبل مااستاذن ابو الشباب دة وماشة .. قبل مااخش ...
لسة طبعا بتفرج في " البهو " عيني هناك علي شي

المبني كلو spoot light

اضاءة شي عجيب الوان خرافية .....

مشيت لي قدام شوية كدي في حدايد زي بتاعت مترو الانفاق الفي لندن دييييييييك ..
وفي بتاع هدف واقف فيها مهمتو بس يفضل الناس يعني يقول ليهم اتفضلو ...
ويوصلهم لغاية الاصانصير

مقدم يعني " قالو المقدم ماموصل " ...

ماشين وماشين .. طلعنا كدي في شي عالي زي المسرح كدي اصلو وقتين تخش لي
جوة المكان بيعلي ,, نحنا ماخلاص مرقنا من الريسبشن خاشين علي الشغل التقيل
الجوة ..
غايتو القزاز عندهم الشي كلو قزاز .. ياربي بينضفو بي شنو زي دة وووووووووب علي
ماكملو الجرايد .. ياربي بيلمعو بي جرايد

6 اصانصيرات .. كلام في سركم " انا بخاف من الاصانصيرات وقت امشي حتة بطلع
بالسلم ..
ديل ماعندهم سلم
عندهم بتاع الطوارئ بس

والحل ...................


نواااااااااصل .............


بنعمل ريفرش للميموري

[عاطف عولي]

هي يا هنــاي انت معانا

لا مع ناس هناية بتاعت الهنايات المشت لناس هناي تجيب الهناية

نفسي افهم نهاية الهناي ده شنو :d

لكن ياهناي الهناية دي لو فهموا نهايتا بتكون مشكلة لهناية

والله انا زاااااااتي مافاهم الهناي ده

وتيب مالك بتشولق زي هناي حق الخواجة اقعد ساكت مع الهنايين الما هناي

[ميادة]

والله جهجهتينا معاك يا منقة


شنو ما قرينا البتاعة دي قبل كده



كدي خلي الرفريش اسي

وتمي لينا

[عاطف عولي]

والله جهجهتينا معاك يا منقة


شنو ما قرينا البتاعة دي قبل كده

وانتي مالك ضايقة اكتر من هناي داك

الاسمووووووووووووووووووووووووووو المميز



كدي خلي الرفريش اسي

وتمي لينا

كدي اصبري واخدي نفسك وختي الرحمن في قلبك ماقالت عاوزة تدور مكنة الهناي وانا عارفو امكن اسكريم

[بت مارنجان]

اها وقتين خشينا كدي والراجل مقدمني .. فجأة كدة وفي جزء من الثانية زي مابيقول
ادهم صبري في رجل المستحيل .. بنظرة خاطفة كحلت لي الشي المعلق في السقف
واريتني ماشفتو .........
كر كر كر .....
الشي نور في نور .. درابزين البلكونات الداخلية اريتها يايمي بلكونات البنيات لاحدهن
اخخخخخخخخخ .. في شي لي هسي وقتين ازكرو نفسي يتخم ..
النبي ياهناية الفي الحيطة دة شنو .. ماسي يرميك ولا رخام ولا خشب ...
تصدقو كنت عايزة اديه هبشة بس خجلت من بتاع الربشن المقدمني

الزول المعاي داس لي العصانصير الشي ثواني ماتم نزل انا خلاص في اللحظة ديك
نفسي اتخم وروحي طلعت ونزلت .. الليلة ياها الجابتك يابت مارنجان .. اسوي شنو
ياربي ارجع .. ارجع كيفن واخلي جنس البزار دة ياقول النكتة .. طيب الشي دة كان وقف
انتي عويرة يابت مابيكون عندهم جني طير اتوماتيك

في اللحظة ديك شعرت الرعشة من صوف راسي لي كرعي .. بتاع الهدف قال لي اتفضلي يا " آنسة " .. شدة مااندهشت لمان نسيت اني راكبة اصانصير .. قلت بالله شوف الناس البتقدر " ال woman " سميت وخشيت بي رجلي اليمين ..

وكان الدهشة .. قادر الله ومخير الله .. الشي جت عليه مرايات .. عاد القزاز دة عزبتو
عزاااااااااااااب لمن قال الروب .. بالقبل الاربعة المرايات .. اقبل جاي الاقي روحي
اقبل جاي الاقي وشي .. قلت بركة النتصلح قبل مانصل ..

وحاتكم زي كلامي وكلامكم دة لقيت روحي وصلت .. الشي وقف .. وقفتو زاتها بي مهلة
مازي الاصانصيرات البينتقو الواحد لمان تجيه لفة راس ..

فتحت الشي وووووووووووووووب من الشفتو ...

نواااااااااااصل ............

[محمد حسين (المميز)]

ادهم صبري في رجل المستحيل ..

انجليــزي ده يا مرسي

[ميادة]

ياخ انحنا زززززززاتنا ووووووووووووووووووووووب
منك




ياخ ما ترصي لينا كدي وخلاث


شحتفتيني ياخ


والله لي بكره هفضل اتخيل في الحاصل

[بت مارنجان]

في لحظة انبهارية كبيرة جدآآآآآآآآآ .. " تفغر الفاه " .. والله البوست دة بقاني كتابة خلاس
ياهناية . بالمناسبة دي ياهناية بزورك تاني عشان نحاول نقوي " الملكة الكتابية "
ماملكة القلوب " الله يطراك بالخير يالملكة محل ماتكوني ...

فتحت الشي واذا بي افاجئ انو في شي احمر تاني زي التحت مفروض اصلطو علي الشي الاحمر الشايلاه .. البتاعة طبعا لازم تكون معلقة في القميص او الشي اللابسو
الضيف ..

ياخوانا انتو قايلين الحكاية فوضي ياخ .. ناس قريعتي راحت والهمباتة يخشو ساي

سلطنا الشي وفتح لي شي كدي نخش علي المكاتب ....
خشيت بي ممر طويل كدي فاتحة عليه مكاتب .. الشغل الفوق المونيوم .. الناس دي ياخواني خسرت .. عاد النصيحة ليك يالله خسرو شديد واتكلفو ..
ماشاء الله .... ماحسد والله ...

بس لحدي هنا انا فرملت شديد بي رجلي ... وفضيت .. ورفعت فرامل اليد ....
بري ياهناية انا عندي القلب مابستحمل قدر دة .. اقول شنو واخلي شنو ...
المكاتب البريدها .. القصيرة ديك .. زي بتاعت احمد حلمي " في فلم
وقول لي " ود الرشيد " تعال شوف الكمبيوترات دي شاشات سااااااااااااااااااااااااااااي
عامل لي محل النت بتاعك الجعان دة
النت دة اييييييييييييييييييييييييييك .. الشي كلو نت ...
الشاشات بس تشوفها ورق زاتو مافي .. الشي كلو برنتر وشاشة كمبيوتر ....
دي صالة كبيرة كدة الغريبة مافيها موظفين كتار ..

لانو قالو الوضع لسة جديد ....
فياشباب العاطل زي .. او عايز يحسن وضعو ويضربو الهمبريب .. والشغل التقيل دة
يمشي يقدم

ياسلام هناية جاياني من بعيد .. قطعت علي بنات افكاري وانا بتخيل نفسي متربعة
علي مكتب من اياهم ...
اتلقتني هناية وسلمنا علي بعض واتطايبنا .. ومشينا علي مكتبها ..........

نواااااااااااااصل .........ا

[ميادة]

الله يوصلك يا بت امي للمكتب بالسلامة


ياخ خليتني احث اني معاكم




واصلي ياخ سرعة النبي فوقك

[tigani18]

بت مارنجان كدي النسألك سؤال ياختي" هناية دي كل يوم لما تجي الشغل وتطلع بتمر بي كل زقاقاتك وطلعاتك ونزلاتك واسانسيراتك دي "
همسة: "دي شغلة ماجايبة حقها"ههههه

[بت مارنجان]

الهناي بتاع ناس التلفونات ولا ناس الموية ياتو في الهنايات يا هناي
ناس النفيات ياعطوفة .. بيقطعونا ايصال بي 10 جنيه كل اول شهر

فهمت حاجة؟ ولا أنا
ولا شي ؟؟؟

هي يا هنــاي انت معانا
انت بس يخلوك لي دة .. بطل ناس هناي وخليك مع هناية احسن ليك

نفسي افهم نهاية الهناي ده شنو

والله انا زاااااااتي مافاهم الهناي ده

هذا الشي الذي ليس له اول وليس له اخر لكن له جزءء يتجزء منه ويتخلخل بجانبه
وينتشر ...
فهمت شي