ضيف الكرسي الساخن لهذا الاسبوع اخونا ابوبكر ( الادارة )

[salwa]

حقيقه انا عايزه اقول شيءبسيط وهو انه انا معرفتي بي ابو بكر كانت في فتره بسيطه شديد عن طريق النت وفي هذه الفتره الوجيزه حقيقه لم اصادف رقي ولا اخلاق عاليه وزوق كابوبكر واتمنى ان يحفظه الله لبيته واولاده واسرته وان الله يديم عليهم السعاده بوجود انسان راقي .......... كابو بكر.مع شكري

والشخص اللي وصفه في الاول ما اوفى وصفه بما يتميز شخصه المتميز

[بورتبيل]

صحي كايس لي يا غيور دا سؤال ولا امتحان عديل .. هاك الاجابات بس راعينا في التصحيح :-
1- ابوبكر الصديق اول الخلفاء الراشدين رضى الله عنهم وما سموني المبارك لانو اخوي الكبير اسمو مبارك.
2-الابتدائي : الغربية - البحوث - جبرونا
المتوسط : الاهلية (أ)
العالي : السني - مدني
الجامعة : طنطا بكالريوس - الجزيرة ماجستير (لسه ما انتهيت منو)
3- لو ما كنت من مدني كنتا اتمنى اكون من الالف للنون
4- زوجتي كانت طالبتي وانا اتزوجتا عن حب.. اكيد مريت بتجارب عاطفيه قبل الزواج بس انتهت كلها بشواكيش علي راسي
5- جيت السعودية على مرحلتين المرحلة الاولى كنتا عمرة سنة 1993 وقعدتا حوالي سنة بدون عمل .. رجعتا السودان سنة 1995 وجيت راجع السعودية مقيم سنة 1997 وقعدتا ثلاثة يوم بدون عمل. اتزوجتا سنة 1998 والحفله كانت بفنان انا ما عارفو لاني ماحضرتا العرس.
6- بحبو امهم .. ما عارف السبب انتا عندك فكرة السبب ممكن يكون شنو

7- ابوروان كنز ثمين فازت به منتديات ودمدني.
8- 1991- 1991 كاتب حسابات - قبل التخرج - شركة نسيج الهدى
1993-1995 محاسب - مصانع السنابل الذهبية - جدة
1995-1997 استاذ كمبيوتر - معاهد الجزيرة العالمية بمدني عمارة ابوسنون
1997-2004 محاسب - مؤسسة المجلس - جدة
9- قرار صعب .. لكن ما اصعب من كشه العمرة
10- مهما كانت اجابتي حتكون مراوغه - بس نقول غيور جدا

على فكرة ابو مرتي ما سالني كدا لما جيت اعرس .. ما فضل ليك الا تقول لي راتبك كم

اللقدر واحد يفتح خشمو .. ويقول بورتبيل نكت الموضوع دا من وين وجابو

الحكاية وما فيها يا اخواني .. انا مشيت حفلة جدة .. اها ما لقيت ليا كرسي اقعد فيه .. الكرسي الوحيد اللقيتو فاضي كان جنب ابوبكر الآدمن .. اها قعدتا جنبو .. ( لكين ولله شفتا نفسي حتة بس)

وقعدتا ولا هماني شي
مشيت ولا هماني شي
وعندك وقفتا من المشي

مشكور يا ابوبكر .. على المعلومات الحلوة دي

[ابوشوتال]

اخينا العزيز ابوبكر محمد الشيخ
بصراحة انا جيت متاخر لاكن مامشكلة بلحق لي سوال

ماذا اضاف لك الاغتراب وماذا اخز منك

وفي اي هواية تجد نفسك ؛ رياضة ؛ سباحة كدي