ولله ما بين المياه العكرة والفيراري.. ومصنع فيراري الضخم في ايطاليا .. اقول ليك حاجة غريبة جداًَ مرة كنت بشاهد في قناة ( ناشونال جوغرافي ابو ظبي بالعربي) اها قاموا جابو ليك برنامج اسمو ( مصانع عملاقة ) جابو مصنع سيارات الفيراري الضخم .. وشرحو ليك كيفية صناعة السيارة الاولى في العالم .. الاغرب من كدا جابو حتة حقت تصنيع المكينة .. يااخي انا ذاتي اتعجبتا شديد .. ديل بصبوا المادة البصنعوا منها السرندل في قوالب مصنوعة من الطين ( الفخار) يدوياً يعني بقوموا باذابة المادة في مواعين كبيرة ... بعد داك بصبوها في قوالب طين.!! كان موضوع شيق جداً..!!
بمناسبة الطين دي والموية العكرة دا الخلاني اربط فيراري وتصنيعها بالموية العكرة .. على كدا يكون السواقين بتاعين فيراري ديل بشموا ريحة الطين لمن يختلط بالموية والزيت .. ويقطع وش السرندل .. يقوموا طوالي يذكروا الموية العكرة .. والصيد فيها.
على كدا الصيد في الموية العكرة قد يخسرهم ما هو اهم .. وهو بطولة العالم في سباق السيارات فئة فرمولا ون..!! عرفتا
بما انني كنت معجب جداً بالسائق الفلتة مايكل شوماخر الالماني الذي يعتبر اكثر سائق في العالم تتويجاً بجائزة بطولة العالم .. مع فريق فيراري .. يا اخي الراجل دا كان لا بصطاد ولا حاجة كان بسوق بس .. بكسح الجماعة كسح شديد .. اها من ما خلا السباقات وخلا فيراري جات الموية العكرة والصيد فيها!!!
اتمنى ان تكون وصلتك طريقة فريق فيراري .. وما يحاك ضدهم لزعزعة الفريق وتشتيت جهودهم .. وخلق شي من العكننة بين السائقين .. ويكون الرابح الاكبر هو الخصم الذي يعمل ضدهم للكسب وللشهرة .. مع العلم بان سيارة فيراري سيارة متميزة في السباقات ..كانت وما تزال....!!
لنا عودة في حلبة اخرى ابو مازن ... صادق مودتي
Array
Array
ضوابط المشاركة
رد مع اقتباس
المشاركة الأصلية كتبت بواسطة abomazeen
المفضلات