حبة حبة
زيد غرورك
ومرة زيد الريدة حبة
وأمشي درب الحب معانا
وابقى زينا .. زول محبة
اصلو ريدك من ربينا
تاتا فينا ... وفينا شبّا
حبـــــة ... حبــــــة
ما زمان وصوك علينا
وقالو ليك خليك حنين
نحن ما حبانـــــك انت
واصلو حق الريدة بيّن
في سبيل ضحكة عيونك
ببقى ظلم الدنياهيّـــن
حبـــة .... حبـــــة
نحن اصلنا ناس محبة
زول نعزو وزول نريدو
والبفوت ريدتنا يمشي
برضو نفرح بي جديدو
من عمرنا فرح حياتو
وفي شقانا يلاقي عيدو
حبــــة ... حبــــة
نحن ما دايرين نعاتبك
ولالا ما دايرين نلومك
انت مننا ... وانت لينا
انـت لو غلطان معانا
حقك انت بكون علينا
نحــن ناسك يا محبة
ليك عمرنا والباقي لينا
حبــــة ... حبــــــة
رد مع اقتباس
المشاركة الأصلية كتبت بواسطة أم سماح
المفضلات