من مطعم نور العيون نحييكم ....

[ابوزيد محمد نور]

الأخت نور العيون
رمضان كريم وتصوموا وتفطروا على خير
وفكرتك يانور جميلة جداً فلك التحية وفي أنتظار ( الطبخات القادمة ) ....

[نور العيون]

أختنا نور العيون

سمعنا قالوا عملت تجديدان وتحسينات فى المطعم

و أستعنتى بطباخين من مطاعم خمسة نجوم

وكمان قالوا حددتى يومين فى الأسبوع الأكل يكون مجانى

نحن فى أنتظار قائمة الأكلات الجديدة عندكم
وطبعا ماعاوزين نعرف الأسعار
لأننا سوف نحضر فى الأيام الفرىىىىى

فى أنتظار القائمة

أها نحن عاوزين نعرف اليومين ديل أول

الله يديك العافيه يا اخ عوض
اما بالنسبه للمطعم بس شويه
ديكورات و يخلص و بعد داك نشوف التحضيرات حتكون كيف

[نور العيون]

اخ عماد محمد تسلم على المرور

[نور العيون]

واللّه يا الحبايب جزاكم اللّه خير
المواضيع المعروضه مش ولابد
ودخلتوا المخازن وبحتوا لينا المواضيع
اللى من السنه الفاتت وكم شهر ,, هو رمضان
جا ونحنا ماجايبين خبر ؟ ويا نور العيون
مطعمك فتحوهو تانى وإنتى ولا على بالك
يا ناس شدّوا الهمّه وإلا المنتدى ح يكون
( الماعندو قديم ما عندو جديد )

والله يا ود المطامير الموضوع ما كده
لكن لابد من افتتاح المطعم مش عشان رمضان وبس
لكن للافاده العامه
و فعلا الماعندو قديم ما عندو جديد

[نور العيون]

الأخت نور العيون
رمضان كريم وتصوموا وتفطروا على خير
وفكرتك يانور جميلة جداً فلك التحية وفي أنتظار ( الطبخات القادمة ) ....

تسلم يا اخ ابو زيد
و الطبخات الجايه قادمه باذن الله تعالى
في القريب العاجل

[بت العزازة]

تحياتى اخوتى

دى سفرة دسمة وسودانية مية المية اتمنى الاستفادة للجميع

الملاح المفروك

يعتبر من الأكلات الشعبية في السودان ويمكن طهي أنواعا مختلفة منه كالبامية والملوخية والسلق و الورق و الويكة (أم رقيقة) بنفس الطريقة بعد تحضير المرقة.
المقادير
نصف كيلو لحمة + بصلة كبيرة + ستة أكواب ماء + طماطمتان يمكن الاستغناء عنهما

طريقة التحضير

يغسل اللحم ويقطع قطعا متوسطة ويسلق في الماء مع إضافة البصلة صحيحة أو مقطعة ويضاف الملح والفلفل والطماطم ويترك ليغلي مع إزالة الزفر كلما ظهر على السطح

بعد نضج اللحم ينشل ويحمر في مقلاة منفصلة أو يترك في المرق

تصفي المرقة وترفع على النار مرة أخرى حتى تغلي ويضاف إليها الخضار المطلوب

يضاف إليها السلق أو الملوخية أو الورق مع إضافة ثلاثة ملاعق شمار أخضر مفري حتى يلين الخضر وينضج.(يضاف قليل من الكربونات أو العطرون )

يفرك بالمفراك أو الخلاط الكهربائي او بواسطة اليد حتى ينعم تماما ثم يضاف قليل من الويكة الناعمة إلى السلق أو الورق لجعل القوام غليظا

في حالة استعمال البامية توضع بعد غسلها وتقطيعها إلى قطع صغيرة في المرق عند نصف نضج اللحم وتفرك حتى تحمر بذورها

تعمل قدحة من الثوم والكزبرة في الزيت أو السمن وتضاف إلى أي نوع من الملاح المفروك

في حالة استعمال الويكة يضاف ملعقتين من الويكة الجافة إلى المرق ثم تفرك

تضاف اللحمة التي نشلناها سابقا على المرق أو تقدم منفصلة بعد تحميرها كما سبق

وبالهناء والشفاء.

لى عودة مجددا لمزيد من الاكلات السودانية .

[مهيرة]

البت الراقية نور العيون طلب خاص
للاكلات القديمة من المفروك وعواسة الكسرة

ولا شطحت ههههه اصلو يانور مطعمك كان مقفل ليهو مدة !
لك ودي

[نور العيون]

الاخت مهيره تسلمي على المرور
و فعلا المطعم كان ليه مده
بسبب اعمال الصيانه و كده
لكن خلاص التعديلات خلاص خلصت و الافتتاح بكره ولا بعدو بيكتيروا
تمام يا عسل

[samah]

يانور انت كفايه عليك العيادة اديني المطبخ انا جاده

[نور العيون]

يا سموحه ما مشكله المطبخ مطبخك
و العايزاه اعمليه لكن ما ممكن اخلي ليكي حياتي
و الله المطبخ د انا بعشقوا و بحبوا وبعمل ليكم شيف
و بشرف عليكم لكن ما ممكن اخليه ليكي كده
هاهاهاهاهاهاهاهاهاهاها بهظر معاكي
المطبخ مطبخك و مرحب بيك مساعده لينا
و تسلمي يا عسل

[نور العيون]

و انا حابدا الافتتاح بتوزيع بوظه و انشاء الله تنال اعجابكم



بوظة الشوكولاته






المقادير :

- 2/1 2 كوب أو 600 مل من الحليب
- علبة 395 غرام من حليب نستله المكثّف المحلّى بالشوكولاتة
- زلال 7 بيضات
- 4/3 كوب أو 100 غرام من السكر البودرة
- 2/1 2 ملعقة صغيرة من روح الفانيلا
- ملعقة صغيرة من روح اللوز
- علبتان 170 غرام قشطة
- كوبان أو 500 مل من الكريما المخفوقة

الطريقة :

- يوضع حليب نستله المكثّف المحلّى بالشوكولاتة في قدر ويُترك على النار حتّى الغليان تقريباً. يُرفع عن النار ويُترك جانباً.
- يُخفق زلال البيض في وعاء مع روح الفانيلا وروح اللوز، وتُمزج المكوّنات جيداً لمدّة 3 دقائق. يُضاف الحليب تدريجيّاً مع الاستمرار بالخفق.
- يُسخّن مزيج الحليب من جديد على حرارة خفيفة، مع التحريك باستمرار حتّى يبدأ مزيج الحليب بالاشتداد. يُرفع المزيج عن النار ويُترك جانباً. يجب تجنب غلي مزيج الحليب.
- تُضاف القشطة إلى مزيج الحليب وتُمزج جيداً معه، ثم يُترك الوعاء جانباً ليبرد.
- عندما تصبح حرارة مزيج الحليب 25 درجة مئويّة، تُخفق الكريما جيداً، وتُسكب على مهل فوق الصلصة.
- يُسكب المزيج في قالب مستطيل، ويُثلّج لمدّة 24 ساعة.

نصيحة للطهو:




- تُحفظ الكريما المخفوقة في البرّاد لأنّ درجة حرارة الكريما السائلة يجب أن تبقى بين 3 و5 درجات مئويّة حتّى تُخفق.

[TAJCO]

شو ه الاكلات الغريبة علينا وين الاكلات السودانية الاصلية يا نسوان مدني و له خلاص اغتربتوا و نسيتو الكسرة و الويكة و ام تكشو و الله اللي يعيش ياما يشوف

[نور العيون]

والله يا عزيزتي TAJCO
الموضوع ما كده لكن كان الغرض من فتح اللمطعم هو التنوع
ليس الا و لا اقصد اني انهي الاكلات السودانيه و المطعم مفتوح
للجميع يعني حتى لو عاوزه تنزلي اكلات سودانيه مافي داعي
لكن البحر ما بيابى الزياده و انحنا في عصر جديد و كلنا و الحمد لله
بنشتغل و عندنا اصدقاء من جميع انحاء العالم سواء السوداني ولا الشامي ولا الاجنبي
و لو زوجك في يوم من الايام عزم ليه زول ما سوداني و ما بياكل الاكلات السودانيه حتعملي
شنو الوقت د عشان كده العارف اكلات سودانيه يورينا و غير كده يورينا و هو سموه مطعم ليه
و مافي زول جابرك على اي جاجه و في النهايه د رايي و لك الاختيار و العندو اعتراض يورينا
و على فكره المطعم د ساعدنا كتيرفي رمضان خاصه انو في الجيران بتجيب اكلات ولازم تودليها اكلات
و ما ممكن تجبريها تاكل اكلنا فممكن نتعلم اكلم و انحنا اهو بنتعلم و ما ممكن نقيف على نوع
واحد من الاكل و انا واحده الناس بعمل الشيء د

[Madanawi]

الدكتورة صاحبة المطعم الراقي ، بالله عليك انا بموت في سمك السلمون ولو لقيتو ما عندي مانع كل يوم اكل سلمون ، يلا ورينا همتك في الموضوع ده وما اظن انو ما موجود عندكم!!!

[نور العيون]

اخي العزيز مدناوي
ما حاخلي نفسك في حاجه
و مش بتحب السالمون وريني دايروا بياتوا طريقه
و دي واحده من الطرق و ان شاء الله تعجبك





السالمون المحمر





المكونات والمقادير

ـ قطعة سالمون من الحجم المتوسط مقطعة لنصفين
ـ ربع كيلو بطاطس مقطعة لانصاف.

مقادير الصلصة:

ـ 4 ملاعـق من عـصير الليمـون
ـ 3 ملاعـق مـن صلصة السمـك
ـ ملح وفلفل اسود
ـ ملعقة خردل
ـ ملعقة ثوم مفروم.

طريقة التحضير

1 ـ افتحي السمك الى نصفين، ثم ازيلي عنه الحسك والقشرة الخارجية. ضعيها في صينية الفرن
2 ـ اسلقي البطاطس في ماء مغلي مملح لمدة ثماني دقائق. صفيها من الماء واحتفظي بها جانبا
3 ـ اخلطي مقادير الصلصة جيدا، ثم رشي بها السمك، حمي الفرن حتى تصبح درجة حرارته 180درجة مئوية، ثم اطخبي فيه السمك لمدة 20 دقيقة وقدميه مع البطاطس المسلوقة او الخضر المسلوقة حسب الرغبة.

[الشريف الهندي]

نور العيون اكلت البوطه باشكتاته لكن ...
انتي العياده وين ؟؟؟

[نور العيون]

نور العيون اكلت البوطه باشكتاته لكن ...
انتي العياده وين ؟؟؟

و الله يالشريف الحمد لله مافي
زول اكل حاجه انا عملتها و مشى العياده
اتتحيل يا ولد امي
اما بخصوص البوظه بالشوكولاته
شكلك كبرت على الحاجات دي و ما عارف هي
شنو
الحاجات دي خلوها لينا و انتو خليكم في التقليه
و ام بقبق و الويكه ولا الراي شنو

[samah]

يانور الناس العايزه السوداني ديل حوليهم لي اها من الاخر كده بتعرفو السخينه
والله حاجه حلوه شديد مدناوي مالك ومال السلمون والجمبري عليك الله جرب السخينه دي
هي عباره عن بصل محمر وشوية طماطم مخلوطه مع دكوة وتوضع كلها في الحله وتغلي لمدة20 دقيقه
واضيف التوم والفلفل
وتقدم في شكل فته مع سلطه خضراء وشطه خضراء والعجب مع الكسره ودمتم سماح

[نور العيون]

يانور الناس العايزه السوداني ديل حوليهم لي اها من الاخر كده بتعرفو السخينه
والله حاجه حلوه شديد مدناوي مالك ومال السلمون والجمبري عليك الله جرب السخينه دي
هي عباره عن بصل محمر وشوية طماطم مخلوطه مع دكوة وتوضع كلها في الحله وتغلي لمدة20 دقيقه
واضيف التوم والفلفل
وتقدم في شكل فته مع سلطه خضراء وشطه خضراء والعجب مع الكسره ودمتم سماح

والله يا بتي ما يغرك الكلام المكتوب و الوصفات دي
و الله بناكل السخينة و دي و جبتي المفضلة و كمان الكمونية
و الدفلي و ام بقبق و اي حاجة ما يغرك الاغتراب د لكن الحمد لله
العيشة سودانية لكن برضو التغيير مهم ولا شنو يا عسل

[ود المطامير]

عليك الله يا نور ورينى كيف أعمل أم تكشو
أصلو روحى طالعه فيها وحاة الله

[نور العيون]

سماح يا فيلسوفة عصرك و زمانك
يلا حولنا ليك الاكل السوداني د
يلا ورينا انا تاني ما حادخل في الاكل السوداني و
الموضوع محول ليك يا عسل يا سموحة

[samah]

يانور يانواره سلامات والله ود المطامير ده ببالغ كمان ماللدرجه دي
انا بعرفها لكن ام تكشو دي في الخلا بقت مابتقوم
معليش ياحبيبه مقصرين مع النواعم لكن المشاغل بس
ودمتي وسوار لنا
مشاققه
ودالمطامير شايفاك بجاي تعمل في شنو

[نور العيون]

يا سماح يا عسل
لكن انتي طلبتي و يلا نزلي لينا
الاكلة دي انشاء الله تفتشيها و تنزليها لينا
المهم تنزل عن طريقك و انت الطلبتي الطلبات السودانية
و د امتحان عديييييييييييييييييييييييييييييييييييييل كده يا عسول

[ريموز]

سلام نور العيون
ماشاءالله المطعم عامر وملان حاجات رهيبه حسى انا بحب الام على بس لكن بى القشطة والزبده دى ح تكون صعبه شويه ودسمة شويه ممكن نعملها بدون زبده؟
وبعدين تعالى هنا ياريت تركزى لينا شويه فى السودانى وانتى وسماح تقدرو تفننو فى وتورونا ناس المحاشى والضلوع والذى منو لو ممكن طبعا اذا مافى طريقه استعينو بصديق
اها ودعتكم على الله
وفى انتظار الجديد واللذيذ

[نور العيون]

مافي اي مشكلة يا عسل انا قلت يعني السوداني الكل بياكلوا
فقلت انوع شوية خاصة انو الغيير حلو ولا شنو
و كن على ام على ممكن بدون زبدة
و كان على الضلوع ما مشكلة انتظري المزيد يا عسل