@ مهيد ود السفاح ضيف الكُرسي الساخن @

[المبارك ود إبراهيم]

الأخ مهيد تحية طيبة ورمضان كريم وتصوم وتفطر علي خير.
شخصي الضعيف حديث عهد بهذا البيت العامر بأهله منتدي ود مدني.
إلا أنني بعد مروري علي كل ما كتبه الأخوة والأخوات المتداخلين في الكرسي الساخن وردودك.تبين لي أنك كتاب مفتوح جميع صفحاته ناصعة كقلبك الطيب الذي جعل كل الأحباب تروي لنا نحن الجدد عن هذا الجبل الأشم ود السفاح حفظك الله ورعاك وأعاد الله غربتنا وغربتك وغربة كل بني وطني.
ليست لدي أسئلة وأنا ما زلت أتلمس الطريق ولكن:

1/ ماذا تعني الكلمات أو العبارت الآتية لمهيد؟؟

الليل / مسحة من كف مهيد علي رأس يتيم /بيت شعر تجد نفسك فيه؟؟ صوت قمرية في الصباح علي فرع شجرة في بيتكم؟؟؟
لك الود ونتمني عودتك بالسلامة.

[مهيد ود السفاح]

الاخ ودالسفاح .. لك ميزة في كل شي ..تترك اسرك وانت تسبح في حنايا المنتدي ..تعجبني ردودك .. وصراحتك خاصة في الثقافي ..مرح جداً في العا والنفاج .. متدين في الاسلامي اما الرياضي فيظهر لنا شخصية عدائية علي عكس طبيعة شخصية مهيد والسفاح ..رمضان كريم وربنا يلمنا فيك في السودان ان شاء الله

معليش جيتك متأخر شوية ..

بس قلنا ندي الجماعة ديل فرصة ..

وعندي ليك شوية اسئلة من الدكشنري بتاعي ..

مهيد انت زول مثقف حسب معرفتي بيك في المنتدي .. حصل جربت مرة تكتب اي حاجة ..؟

رايك شنو في المنتدي بصورة عامة ..؟

ماهو الشي الذي اضافه المنتدي الي مهيد ..؟

رايك بصراحة في الاشراف بصورة عامة ..؟

هل عرض عليك الاشراف في المنتدي ..؟

واذا عرض عليك لماذا رفضت ..؟

مهيدبتسمع لي قديم وجديد ..؟

رايك شنو في مطربين اليومين ديل ..؟

الاحوال في السودان ماشة في تحسن من وجهة نظرك السياسية ..؟

لو بقيت رئيس جمهورية ازكر اول ثلاث قرارات حتصدرها ..؟

بلف وبجيك تاني ..

اخي ادروب
كلماتك في حقي شهادة اعتز بها فكل حرف فيها اخجل تواضعي وكفى .
وانا مسامح لكل من تأخر عن المشاركه وانت عارف رمضان ولكل منا همومه
ورمضان كريم .

جربت الكتابه كتير يا ادروب وأجريت تقييم لكل ما اكتب وحقيقة لقيت نفسي فاشل جداً في الكتابه , خصوصاً اذا علمت اني لا اجيد الكتابه الا عند موجات الحزن , وهذا حسب اعتقادي هو الفشل بعينه , ويكفيني اني قارئ جيد .

المنتدى : في كثير من المشاركات اوضحت ان المنتدى هو بيتي , فأنا اتواجد بالمنتدي وانا مشبع بكل قسوة الغربة , و اعيش وحيداً في غربتي ولا اجد نفسي الا بعد الضغط على تسجيل الدخول , على ذلك ليس لدي ادنى استعداد لان احرم يوماً من العيش في كنف المنتدى .

اما ما اضفته لمنتديات ودمدني فلا شئ والامر متروك برمته لاخوتي بالمنتدى , وكم كنت استطيع الاجابه ان كان سؤالك ( ماذا اضاف لك المنتدى ؟ )

اشراف المنتدى مسؤلية كبرى تحمل عبئها نفر كريم واخوان اعزاء , يؤدون دورهم بكل تفان , فأن أصابوا فبفضل الله و إن أخفقوا فعلينا نصحهم وتوجيههم .

لم يعرض علي الاشراف بالمنتدى , واذا عرض علي ذلك فسوف ارفض ولي مبرراتي فيما ذهبت اليه .

انا مستمع جيد لكل القديم , وارتاح جداً للحقيبه , فأطرب لعبد الحميد يوسف في اذكريني يا حمامه , وبادي محمد الطيب في سليم الذوق او الكواكب احتفلوا بالقمر , وعبد العزيز محمد داؤود في نسمات الشمال ,
وتعجبني سميره دنيا في لحظك وارحم يا سمير واهوى كل اغنيات البلابل , واشدو مع مصطفى سيد احمد واغرد مع وردي واترنم باغنيات محمد الامين .

اما المطربين الشباب فأنا لا اسمعهم لاقول رأيي في احدهم .

أما الأحوال السياسية في السودان فهي تتأخر يوماً بعد يوم ولا يوجد أي تقدم ,(اكثر من ستون حزباً سياسياً والبقية تأتي ) , هذه ليست ديمقراطيه , ان اسمها ( فرق تسد ) .

لو اصبحت رئيساً للجمهورية فأول ثلاث قرارات هي نفسها تلك التي تصدر في اول يوم لتولى مقاليد الحكم في العالم الثالث .
حل الحكومة السابقه ( هذا لوجيتكم بأنقلاب) , اعلان المجلس او التشكيل الجديد , اعلان حالة الطوارئ لمده لا تقل عن ستة اشهر .

قال احمد مطر /
اثنان في اوطاننا يرتعدان خيفة
من يقظة النائم
اللص .....والحاكم .

وانا اقول
الحمد لله
انا لست بسارق
ولا انا والي
وفي انتظارك يا ادروب

[مهيد ود السفاح]

الأخ مهيد تحية طيبة ورمضان كريم وتصوم وتفطر علي خير.
شخصي الضعيف حديث عهد بهذا البيت العامر بأهله منتدي ود مدني.
إلا أنني بعد مروري علي كل ما كتبه الأخوة والأخوات المتداخلين في الكرسي الساخن وردودك.تبين لي أنك كتاب مفتوح جميع صفحاته ناصعة كقلبك الطيب الذي جعل كل الأحباب تروي لنا نحن الجدد عن هذا الجبل الأشم ود السفاح حفظك الله ورعاك وأعاد الله غربتنا وغربتك وغربة كل بني وطني.
ليست لدي أسئلة وأنا ما زلت أتلمس الطريق ولكن:

1/ ماذا تعني الكلمات أو العبارت الآتية لمهيد؟؟

الليل / مسحة من كف مهيد علي رأس يتيم /بيت شعر تجد نفسك فيه؟؟ صوت قمرية في الصباح علي فرع شجرة في بيتكم؟؟؟
لك الود ونتمني عودتك بالسلامة.

وكل عام وانت بألف خير اخي المبارك
وتقبل الله منكم ومنا صالح الاعمال .
ومنتدى ودمدني عامر بوجودكم فأنتم اهله وانتم من يزرع الابداع .
واسأل الله ان يعيدنا الي وطنا سالمين غانمين .

الليل :
ولم أر مثلي غار من طول ليله ..... عليه كأن الليل يعشقه معي
وما زلت أبكي في دجى الليل صبوة ... من الوجد حتى ابيض من فيض أدمعي


اليتيم : شئ لا يقدر ولا يثمن ولا يكال ولا يوزن ان ترسم بسمة على شفاة يتيم .

بيت شعر اجد فيه نفسي :

قد يدرك الشرف الفتى ورداؤه ... خلق وجيب قميصه مرقوع

صوت قمرية في الصباح علي فرع شجرة في بيتكم؟؟؟ دي يا مبارك عايزه ليها قعده طويله ,
قومة الصباح ولمة الناس للشاي , وصوت البقر مارقات على السرحه , ولا عربية فلان ماشه البندر , وجغمة شاي وحبة لقيمات تسند الجوع , وفوق ده كلوا صوت القمريه .


مشكور كتير المبارك

[مهيد ود السفاح]

بس اختى ادروب

وملكة القلوب

والباقى هين

كتر خيرك يا عقوبه
وعارفك زول حاره
وياني خاتيك دخري الحوبه يا عشاي

طبعاً يا (عشاي) اليومين دي شغاله لانو الدنيا رمضان مافي طريقة لي
( غداي , لا وفطوري )

اللهم اني صائم
بس ما تطول خليك قريب قولة عووووك وانت جنبي
كويس ياعقوبه .

[ايمن عبد الله]

ود السفاح ..
ود جيراننا ..


جيناك متوخرين شوية
لانه الواحد صراحةطول من المنتدى شديد ..


وما ح اسألك من اي شي يارشاش
لاني عارف اي شي


بس حبيت اطل واسلم عليك بس

وان شاء الله الجماعة ما اكونوا سخنوك وتعبوك تعب الدافوري حقنا الزمان داك

تتذكروا ؟


ولنا ولكم عودة
وكل سنة وانت طيب
وتصوم وتفطر على خير
والسنة الجاية ان شاء الله عريس انت وغربتي


ويلا سلام

[عمرسنهوري]

من هو الشخص لذي اسهم في تكوين شخصية مهيد ؟؟؟؟
مهيد بين القريه والمدينه !! اين تجد نفسك ؟؟؟

ا

[الملكة اسماء ( ام محمد )]

جينا نطمئن عليك

ولقيناك الحمد لله ولا متجرس ولا حاجه

بس اختى ادروب

وملكة القلوب

والباقى هين

والله يا العاقب جيت غاشية اشوف العالم ديل مجرسين مهيد والا لسه ؟
لقيت كلامك دا
قلت الليلة الا اخلي مهيد يعرف انك هبشتنا مخصوووص انا ودربة عشان نقبل عليه ونجرسه


انت يايابا صاحب التابا واليابا
تحريش مشفر قلت لي ؟


همسة : مهيد ... انا جيت وياتطفش .. ياتطفش
والسبب صاحبك

يلا نقول بسم الله
مرر الماوس لاسفل الصفحة

[الملكة اسماء ( ام محمد )]

ومشكوره كتير الغربه لانها من عمق حبكم وحب الوطن في مهيد

مهيد

في ردك على سؤال البطاقة الشخصية اخبرتنا ان ميلادك كان حضورك لهذا الجمع الذي تجمع غالبيته حال المغترب والاشواق للوطن

الغربة خيوط رفيعة تتغلغل بدواخلنا وتنسج الكثير من الاشياء المترابطة ..حنين .. امال نتمنى تحقيقيها .. احساس بمرارة واقع وطننا العزيز .. الطارد والمتراجع عن باقي الدول غالبا
ومما سبق ايضا علمنا انك تدرس بالمراسلة في ذات الوقت الذي تعمل فيه في دولة اليمن

-هل تعتقد ان السودان فعلا ( طارد ) . وفشل في احتواء الخبرات السودانية والتي تحتاج لاعداد وتنشئة ؟
-هل يمكن ان يستقر مهيد باسرته ( بعد الزواج باذن الله ) في بلاد الغربة ؟ ولماذا في كلا الحالتين؟
-وبعيون تغض الطرف عن مفهوم الغربة الكبير . ماذا قدمت لك الغربة غير الوضع المادي .. اقصد ماذا استفاد مهيد من تجربة الاغتراب بعيون الانسان المتطلع للافضل والمشاهد لمجتمع مختلف ؟

الغربة .. الحنين ..لوطنين كبيرين .. الاسرة .. البلد
يراودنا احساس حزين جدا كلما شاهدنا معالم بلدنا على شاشات التلفاز او اتانا زائر يتحدث عن ذاك العزيز .. سودانا
وياخذنا الحنين للاهل .. الجيران والاصدقاء .. والاهم الطفولة التي شهدتها ازقة وشوارع الحي ..
ذكريات تراود مهيد وهو في بلاد الغربة فيشعر بدموعه تجد طريق الخروج على امل مواساته حين تهب عواصف الشوق ؟

مهيد الشاب ( االمقبل على الزواج ) .. تختلف فكرة الشاب المغترب عن الزواج تتفاوت من شاب لاخر .. منهم من يترك الاختيار لاهله ( ويمشي زول حفلة بس ) ومنهم من يفضل ان يذهب ويختار الشريكة بنفسه .. ومنهم من يفضل الا يرهق اهله ونفسه بالسؤال عن فتاة من ارض الوطن ويفضل ان تكون ( مغتربه معاه ) لحسابات كثيرة جدا منها انه ممكن يكون تابع تحركاتها جيدا وفهمها ولن يضمن ان يجد مثلها .. وطبعا في اراء في الفكرة عموما ونجد من يعتبر بنات المغتربين ( مدلعات وفاشلات في ادارة المنزل ).. مهيد ضمن اي واحدة من هذه الفئات.. ولماذا ؟

كلمات اغنية تواسي مهيد في الغربة ؟
هل فكر مهيد في تدوين بعض مشاعره المتغربة في اوراقه الخاصة ؟
موقف مر على مهيد في بلاد الغربة فاحس عندها بمعنى ( الغربة )؟
رسالة يبعث بها مهيد لجميع الشباب في ارض الوطن ممن يفكرون في الاغتراب .. محتوى الرسالة .. ولماذا ؟

مهيد

بمشي واجيك باذن الله

[esmat]

بمشي واجيك باذن الله

غايتو بالغتي مع صاحبي دا وبعد دا ماشية وجاية
تعالي لكن عايني سااااي حبيبنا دا صايم جنس دا ما بقدر عليه

[بنت الرفاعي]

أرحب بيك أخوي مهيد ولو إنها جية متأخرة جدا جدا ,
ورمضان كريم علينا وعليكم.

[مهيد ود السفاح]

من هو الشخص لذي اسهم في تكوين شخصية مهيد ؟؟؟؟
مهيد بين القريه والمدينه !! اين تجد نفسك ؟؟؟

ا

اخي سنهوري
كل المواقف في الحياة علينا الاستفاده منها , ونأخذ ما يلزم منها , وهناك شخصيات كثيره تثير الاهتمام , ولكن هناك شخصيتان لهما الدور الاساسي في تكوين شخصيتي
اولهم جدي عليه رحمة الله / يوسف بابكر سعد , ووالدي متعه الله بالصحة العافية /السفاح الهادي بابكر .
وانا اجد نفسي بالقرية حيث الهدؤ بعيداً عن صخب المدينة , ولتكن القرية ملاذاً للهروب من زحمة الحياة .

[مهيد ود السفاح]

مهيد

في ردك على سؤال البطاقة الشخصية اخبرتنا ان ميلادك كان حضورك لهذا الجمع الذي تجمع غالبيته حال المغترب والاشواق للوطن

الغربة خيوط رفيعة تتغلغل بدواخلنا وتنسج الكثير من الاشياء المترابطة ..حنين .. امال نتمنى تحقيقيها .. احساس بمرارة واقع وطننا العزيز .. الطارد والمتراجع عن باقي الدول غالبا
ومما سبق ايضا علمنا انك تدرس بالمراسلة في ذات الوقت الذي تعمل فيه في دولة اليمن

-هل تعتقد ان السودان فعلا ( طارد ) . وفشل في احتواء الخبرات السودانية والتي تحتاج لاعداد وتنشئة ؟
لعمري ما ضاقت بلاد بأهلها , والسودان لم يفشل يوماً في احتواء ابنائه , ولكن قد لاتتاح الفرصه كاملة لاظهار المقدرات والسبب في ذلك ليس السودان , على ذلك لن نتعلل ونعلق سلبياتنا في شماعة الوطن , ان اللون السياسي في كل البلدان المتخلفه سياسياً هو العامل الرئيسي , لذا نعيب زماننا والعيب فينا .
-هل يمكن ان يستقر مهيد باسرته ( بعد الزواج باذن الله ) في بلاد الغربة ؟ ولماذا في كلا الحالتين؟
نعم يمكن الاستقرار خارج الوطن بوعي من يسابق الزمن للعوده ولذات الاسباب التي دفعتني للعيش ببلاد الغربة قبل ان اتزوج .
-وبعيون تغض الطرف عن مفهوم الغربة الكبير . ماذا قدمت لك الغربة غير الوضع المادي .. اقصد ماذا استفاد مهيد من تجربة الاغتراب بعيون الانسان المتطلع للافضل والمشاهد لمجتمع مختلف ؟

قدمت لي الغربة الكثير الكثير , فأنا درست الصبر في وطني وتخصصت فيه في بلاد الغربه ونلت اعلى شهاداته , وازدادت مقدراتي في تحمل الصعاب وتجاوز العقبات .
لا ادعي القوة ولكنني بعد الغربة اشعر باني اكثر صبراً وتحملاً وبكاءاً .

الغربة .. الحنين ..لوطنين كبيرين .. الاسرة .. البلد
يراودنا احساس حزين جدا كلما شاهدنا معالم بلدنا على شاشات التلفاز او اتانا زائر يتحدث عن ذاك العزيز .. سودانا
وياخذنا الحنين للاهل .. الجيران والاصدقاء .. والاهم الطفولة التي شهدتها ازقة وشوارع الحي ..
ذكريات تراود مهيد وهو في بلاد الغربة فيشعر بدموعه تجد طريق الخروج على امل مواساته حين تهب عواصف الشوق ؟

دموعي دوماً في مقدمة الركب , والذكريات يمر شريطها في كل لحظه امام ناظري لذا فلا يحق لي ان اسميها ذكريات , فكل مواقفي في الغربة يتخللها رابط بشريط الذكريات , ولا اخفيك ان قلت لك اني ومنذ ان وطأت قدماي ارض الغربة وانا اعمل على سودنة حياتي فيها , وذلك حتى لا تفوتي التفاصيل الصغيره وتجرفها قسوة الغربه , اليس من حقي ان اجعل ( القطار ) للموسيقار حافظ عبد الرحمن نغمة لموبايلي ؟؟؟

مهيد الشاب ( االمقبل على الزواج ) .. تختلف فكرة الشاب المغترب عن الزواج تتفاوت من شاب لاخر .. منهم من يترك الاختيار لاهله ( ويمشي زول حفلة بس ) ومنهم من يفضل ان يذهب ويختار الشريكة بنفسه .. ومنهم من يفضل الا يرهق اهله ونفسه بالسؤال عن فتاة من ارض الوطن ويفضل ان تكون ( مغتربه معاه ) لحسابات كثيرة جدا منها انه ممكن يكون تابع تحركاتها جيدا وفهمها ولن يضمن ان يجد مثلها .. وطبعا في اراء في الفكرة عموما ونجد من يعتبر بنات المغتربين ( مدلعات وفاشلات في ادارة المنزل ).. مهيد ضمن اي واحدة من هذه الفئات.. ولماذا ؟

اولاً احترامي لكل الفئات , اما عن مهيد فهو يختار اشيائه البسيطه كالملابس والاكل والشرب بنفسة , فكيف ادع المجال لغيري لاختيار شريكة حياتي , فقط هناك شرط واحد هو ان تختارني هي شريكاً لحياتها .

كلمات اغنية تواسي مهيد في الغربة ؟
كل اغنيات الحقيبة تخفف عني لوعتي , لحظك الجراح , ارحم يا سمير , لاح الصباح , يا سليم الذوق , تم دورو ودور... وكل اغنيات الزمن الجميل .

هل فكر مهيد في تدوين بعض مشاعره المتغربة في اوراقه الخاصة ؟

فكرت في ذلك ولكن نسبة لعدم اجادتي الكتابه وافتقاري لموهبة القلم عدلت عن الفكرة .
موقف مر على مهيد في بلاد الغربة فاحس عندها بمعنى ( الغربة )؟

في اول يوم لي ببلاد الغربة , صحوت من النوم قبل طلوع الشمس , وكنت اتوقع انني في البيت وانا تحت الغطاء , وكم كانت المفاجأة كبيره عندما اكتشفت حقيقة الامر .
والمواقف كثيره ولكن لا تحضرني الان .

رسالة يبعث بها مهيد لجميع الشباب في ارض الوطن ممن يفكرون في الاغتراب .. محتوى الرسالة .. ولماذا ؟

اجعلوا الغربة خياركم الاخير وليس الاول , فهي اشد قسوة من ارتداء البزة العسكرية وسلك طريق الجنديه .

مهيد

بمشي واجيك باذن الله

لا عليك الله خليك قاعده
هسي وصلتي صفحة كم في دفترك حق الاسئلة ؟؟

وبكره انا كان فطرت ذنبي على منو ؟؟؟

ومرحب بيك وفي انتظار المزيد من اسئلتك يا غاليه

[مهيد ود السفاح]

ود السفاح ..
ود جيراننا ..


جيناك متوخرين شوية
لانه الواحد صراحةطول من المنتدى شديد ..


وما ح اسألك من اي شي يارشاش
لاني عارف اي شي


بس حبيت اطل واسلم عليك بس

وان شاء الله الجماعة ما اكونوا سخنوك وتعبوك تعب الدافوري حقنا الزمان داك

تتذكروا ؟


ولنا ولكم عودة
وكل سنة وانت طيب
وتصوم وتفطر على خير
والسنة الجاية ان شاء الله عريس انت وغربتي


ويلا سلام

ولد جيرانا الغالي
رمضان كريم , وكل سنة وانت طيب

والله فقدناك كتير .

وزي ما شايف الكرسي مع الصيام , بالله عليك ده توقيت ده , والله زي مباراة الهلال وانيمبا مطره بس .
بس مرات انا بشوت ( ضفاري ) وكان الكورة دخلت بيتكم طلعها لينا يا ود جيرنا .
واكرر كل سنة وانت والجميع بألف خير

[مهيد ود السفاح]

أرحب بيك أخوي مهيد ولو إنها جية متأخرة جدا جدا ,
ورمضان كريم علينا وعليكم.

مليون مرحب

ورمضان كريم وتقبل الله منكم ومنا صالح الاعمال

وانا في انتظارك

تخريمه : اتأخري زي ما عايزه ناس ادروب وملكه ما بقصروا . هههههههه

[مهيد ود السفاح]

غايتو بالغتي مع صاحبي دا وبعد دا ماشية وجاية
تعالي لكن عايني سااااي حبيبنا دا صايم جنس دا ما بقدر عليه

تقول شنو يا عصمت

وقالت شنو , قالت ماشه وجايه .
حكم والله حكم

هسي يا عصمت لو النقه بقروش وعليها فاتورة
ما في ناس كده بيتعبوا تعب شديد
وفواتيرهم والله ما تتسدد الا عن طريق النائب العام
هههههه ههههههههههههههههه

[الملكة اسماء ( ام محمد )]

لا عليك الله خليك قاعده

هسي وصلتي صفحة كم في دفترك حق الاسئلة ؟؟

يادوووووب في الصفحة الاولى

وبكره انا كان فطرت ذنبي على منو ؟؟؟
ذنبك على جنبك , واتخيل انك في امتحانات الشهادة

ومرحب بيك وفي انتظار المزيد من اسئلتك يا غاليه

تسلم كتير , والبيت بيتنا طبعا

تخريمه : اتأخري زي ما عايزه ناس ادروب وملكه ما بقصروا . هههههههه

غايتو يامهيد انا مشكلتي لما اشوف زول متجرس بشفق عليه
لكن وبيني وبينك ح اخالف طبعي عشان اكون اكرمتك كويس وانت في ضيافتنا انا وادروب واخرون من فرقة الاسئلة القصيرة

اتسحر كويس بالله

[الملكة اسماء ( ام محمد )]

تقول شنو يا عصمت

وقالت شنو , قالت ماشه وجايه .
حكم والله حكم

هسي يا عصمت لو النقه بقروش وعليها فاتورة
ما في ناس كده بيتعبوا تعب شديد
وفواتيرهم والله ما تتسدد الا عن طريق النائب العام

هههههه ههههههههههههههههه

[العاقب مصباح]

بس ما تطول خليك قريب قولة عووووك وانت جنبي
كويس ياعقوبه .

انا جنبك يا مهيد ياخ

افوتك وين

وفينى منك لسه حاجات من مخاوف ومن شجن

وابداك من وين وظنى انك فكرة اعلان الحياة وانتهاءات العوارض والمحن

ابداك منى ولا منك

ولا من اسئلة ملكة الجاية عليك

ولا من دفاتر ادروب

الناس دى بظن فيها الخير غايتو

وبتمنى يحرسوك يومك كلو

بتلقى ليك هممبريب شديد

وطرواه من بين حروفهم

بوصيهم عليك

وانا بسكت ساى

بقرا وبتخارج

[مهيد ود السفاح]

انا جنبك يا مهيد ياخ

افوتك وين

وفينى منك لسه حاجات من مخاوف ومن شجن

وابداك من وين وظنى انك فكرة اعلان الحياة وانتهاءات العوارض والمحن

ابداك منى ولا منك

ولا من اسئلة ملكة الجاية عليك

ولا من دفاتر ادروب

الناس دى بظن فيها الخير غايتو

وبتمنى يحرسوك يومك كلو

بتلقى ليك هممبريب شديد

وطرواه من بين حروفهم

بوصيهم عليك

وانا بسكت ساى

بقرا وبتخارج

نفسى ألقاك

وأكون كلى من بعضك

أو بعضى من كلك بدن

داير ألقاك وأوحد دايرة الدم

المسمة بينى بينك والشجن

أبداك من وين ؟؟


ولانهم عندي كل الخير ( ملكه وادروب وكل الاخوان )
فهم فرحة الدنيا
وهم شعاع النور

عقوبه ما تجي الليلة تفطر معانا

[مدنيّة]

انت يامهيد لهسي قاعد في الكرسي دا "وش مهجوم كيف"

ماصائم انت ولا شنو ياخ

امشي جهز الفطور خلا الاذان قرب

[العاقب مصباح]

انت يامهيد لهسي قاعد في الكرسي دا "وش مهجوم كيف"

ماصائم انت ولا شنو ياخ

امشي جهز الفطور خلا الاذان قرب

رمضان كريم ياخ

الشئ شنو يا اختى

مختفية تب

رمضان دا جرس نااااااااااااااااااااس

[مدنيّة]

رمضان كريم ياخ

الشئ شنو يا اختى

مختفية تب

رمضان دا جرس نااااااااااااااااااااس

صايمين ياخ صايمين

[العاقب مصباح]

صايمين ياخ صايمين

بعد وصف بت مارنجان مفروض تصومى شهرين

[ايمن عبد الله]

ولد جيرانا الغالي
رمضان كريم , وكل سنة وانت طيب

والله فقدناك كتير .

وزي ما شايف الكرسي مع الصيام , بالله عليك ده توقيت ده , والله زي مباراة الهلال وانيمبا مطره بس .
بس مرات انا بشوت ( ضفاري ) وكان الكورة دخلت بيتكم طلعها لينا يا ود جيرنا .
واكرر كل سنة وانت والجميع بألف خير

وانت طيب يا مهيد ان شاء الله ..

وكان الكورة دخلت بيتنا انت عارف قلوب بقدها طوالي وبرميها ليكم بي فوق الحيطة مع بعض النبذ اللذيذ :d

مباراة الهلال وانيمبا ام اربعة ولا ياتا يا مهيد انا ذاكرتي بقت كعبة خالص:d

[تغريد]

مهيد كل مرة بجي بتاوق وبلاقي الامن مستتب وما شاء الله عليك ماسك دفة الكرسي

ببراعة تحسد عليها عيني باردة ببس جد اجاباتك مقنعة وخفيفة علي القلب

ورمضان كريم وتصوم وتفطر بالف خير وعندي شوية أسئلة كدا ليك







مهيد ماذا اضاف لك المنتدي


قسم تتمني اضافته


سلبيات المنتدي في نظرك


الحب في حياة مهيد ود السفاح

الماجستير بالمراسلة الصعوبات و المعوقات



نصيحة توجهها لنفسك

نصيحة توجهها لاعضاء المنتدي


لأيهما تميل الزواج عن حب ام بالطريقة التقليدية


بتقول علي نفسك فشلت في الكتابة وانا بشوف عكس فمهيد له روحة الخاصة التي تعطيه بصمة نادرة تدعو للدهشة كدا ورينا زكرياتك في القسم الثقافي قبل السيل


واكييييييييييد بجيك راجعة تاني