اهل مدني السمحين

[أبوبكرحامد]

انتوا ياناس الشربوت قام بيكم - عملتوا فيها دكاترة ، ده حالتو مافيهو خميرة ، كدى شوفو لى ناصر الباشا بى وين ، انا غايتو مركب السماعات باقى لى كم ساعة وابقى طيار وليكم على سفرية يوميا لى مدنى وبى نصف السعر وياسامبا ناس الملح ديل زحهم غادى ديل كرهونا فى دار الرياضة .

[ناصر الباشا]

الزول الرائع ابو بكر حامد
طبعاً يا بكور كلما تشغلني مسئوليات الغربة القى نفسي فجأة اساسك

في نور و في النهاية اجده يقودني الى هنا و اجده ليس نور (ابو لمبة)

و انما ابو بكر حامد فعذراً ان ساقتني المشغوليات بعيداً عن سحركم

اختي فاتنة
يا بت ما تخلي النوم الكتير ده ابو بكر بحاله هنا

[ابراهيم]

سلامات اهلى السمحين
معليش والله يا فاتن انا جيت متأخر
عشان ماف زول عزمني
وهسع الجابني ريحت الشية ومعاها الدكوة والشطة الخدرا بالليمون
وصوت الفنان ..
ناس ودالماذون ومهيرة وسواح والباشا
قولوا عوك ..الواحد الا يجى ب دخان الشية
انا بجى تانى

[أبوبكرحامد]

والله يا ابراهيم حقك على لأنى عارف الحياة فى مصر ... ياخى زمان الماجى قطعت مصارينا والواحد يوم تجيهو الحوالة الشهرية بيعمل كرامة واعزم الشباب على حلة لحمة " بيتيلو" زى البسكويت ، بس والله كانت ايام حلوة رغم المعاناة والشلهتة .

[فاتنة]

الاخ ابو بكر حامد
حقيقة يا اخوي مشكور جدا على ذيارتك الدايمة للصالون و حقيقة بتشرف كتير بوجودك معنا دايماً
اخونا المشرف ابراهيم
البيت بيتك و شرفتنا كتير بذيارتك بيتنا نور و كلو زينة
الاخوان بالمنتدى
اعتذر عن تاخري و لكن كنت في نزهة و كلكم كنتوا معاي

[أبوبكرحامد]

الاخوان بالمنتدى
اعتذر عن تاخري و لكن كنت في نزهة و كلكم كنتوا معاي

يادكتورة دفتر مقابلات المرضى مليان والناس منظرنك ، تسويها لينا نزهة - نزهة ولا حدايق القبة ههههههه.
زمان ايام الدراسة بمصر كنتا بتلخبط فى مترو الانفاق البيودينى ميدان روكسى لأنو عندهم عبد العزيز فهمى والنزهة والميرغنى " الأخير ده كان عاجبنى عشان أهلنا الختمية وكده" ، الكلام ده كان قبل مترو الأنفاق ...ياسلام على الأيام.

[سفيان]

حبابك عشرة بلا كشرة والف مليون حبابك فى المنتدى فى مدني الجميلة مدني مدني يا اجمل خبر

[أبوبكرحامد]

والله ياسفيان انتا زول أصيل .... وماشايف بنوتنا ديل سون ليك شاى ولا جابو ليك حاجة باردة ، انا غايتو بسوى ليك كباية شاى كاربة . يافاتنة سفيان ده لقيتو قاعد براهو وين باقى الناس .انا نيابة عنكم برحب بيهو فى المنتدى .

[sambaaa]

يا شباب نحن جينا هنا الليلة عشان نستريح حبة كده ..
وين الكركدي يا فاتنة ؟
يا سوااااااااح انا مش قلت ليك خليك هنا عشان الضيوف ديل ؟ مشيت وين انت ؟

[فاتنة]

اها انا جيتكم يا ناس الصالون
ابو بكر حامد و سامبا
ازيكم و طبعاً يا سامبا انت عارف سبب تاخري عليكم و كان الود القاكم كل يوم بس انتو عارفين السبب و دايرة اقول ليكم سر انا كنت زعلانة شوية و سامبا عارف السبب و تاني ما بتاخر و اعذروني الكركدي جاهز و اخوي الكبير ابو بكر حامد قاعد و ما خايفة اني اكون مقصرة و سامبا برضو في

[sambaaa]

اها انا جيتكم يا ناس الصالون
ابو بكر حامد و سامبا
ازيكم و طبعاً يا سامبا انت عارف سبب تاخري عليكم و كان الود القاكم كل يوم بس انتو عارفين السبب و دايرة اقول ليكم سر انا كنت زعلانة شوية و سامبا عارف السبب و تاني ما بتاخر و اعذروني الكركدي جاهز و اخوي الكبير ابو بكر حامد قاعد و ما خايفة اني اكون مقصرة و سامبا برضو في

يا فاتنة ..

إنتي كنتي زعلالالالالالالالانة ؟؟؟

في شنو ياربي ؟

الضيوف وعشيناهم ليك .. الفنان غنى لمان صوتو إتقرش ..

الحاصل شنو ؟

[sambaaa]

نحن ما بنقدر على الزهور والورود بتاعة سامبااااا دي، لكن جوه القلوب كامن الشوق والمودة ليك ولكل منتمي لمنتدانا ..
حللت أهلاً ونزلت سهلاً يا فاتنة،
وفي انتظار مداخلاتك وبوستاتك

إقتباس آخر النهار ..

يا عمر وينك ؟ والله فاقدنك يا عزيز المنتدى ..
وانا بهديك اكبر وردة من حدائق مدني المعلقة ..

لك الود يا استاذنا الرائع ..

[مهيرة]

المشكلة العشا قصر في 114
والله ده الا تجيبوا ليهو فول بي باقي الشوربة
الدّاساها أميمة عشرية دي
وكمان شنو ؟
قالت داسها معاها دكوة بالشطة عشان مالقت لامرارة ولا شية

[Azhari Abdien]

غايتو يافاتنه علي الترحيب الشوفتو ده ماعندي أكتر منو .. غايتو بقول ليك أهلاً وسهلاَ بين اخوانك وأهل ديرتك .. ونحن مستعدين أن نلبي كل العزومات المقدمه ليك وخاصه بتاعت الضبائح... !!

[فاتنة]

ازيكم يا ناس
و الله وحشتوني و مشتااااااااااااااااااااااااااااااقة ليكم شديد مهيرة و ابو بكر و سامبا و اهلاً بسفيان و ازهري عابدين و بالجد قصرت معاكم كتير و الحلة لحدي ما حرقت لكن صدقوني كنت بفتش للبازنجان و الفلفلية عشان المحشي و انا عارفة مهيرة ما بتقصر في باقي الطبايخ و عاملة الواجب و اكتر و ربنا يديم التواصل بيناتنا و مشكور اخوي ابو بكر حامد على تواصلك مع ناس الصالون و جاياكم تاني ان شاء الله

[ابراهيم]

المشكلة العشا قصر في 114
والله ده الا تجيبوا ليهو فول بي باقي الشوربة
الدّاساها أميمة عشرية دي
وكمان شنو ؟
قالت داسها معاها دكوة بالشطة عشان مالقت لامرارة ولا شية

فول بي باقى شوربة
والله صعبتيها يا مهيرة
غايتو الاكل المرارة والشية انشاءالله يسمن ..

[نزار حسن محمد]

السلام عليكم ياناس الجوه والله انا عشطان وقرمان لى قهوه لو معها كمان بخور تكونه تب ماقصرتو بعدين النوسه بتجى

[فاتنة]

الاخ نزار و ناس الصالون سلام
اول حاجة مرحب بالاخ نزار في الصالون و منورنا اخ نزار و ادخل الصالون الجماعة هنا حلوين و طيبين و حتلقى الكركدي بروح المشاعر الطيبة . و ناس الصالون مبروك لاخوكم ناصر الباشا و سوباوي و ابراهيم اعضاء الصالون على فوز مواضيعهم بالمراتب الاولى لافضل خمسة مواضيع في شهر ابريل .و لي عودة

[haroun ahmed]

u...well....come..........haroun

[mohammed ahmed]

شمسك طلعت وأشرق نورها بقت شمسين 0000
بالله رايكم شنو في الكلام الرائع ده
رحمك الله يا الكاشف
حمام

[فاتنة]

و الله لكن ياناس الصالون ما بسألكم نوم شديد

[مهيرة]

فاتن


نومة شنو دي هي

الناس ديل شربتيهم شنو
معقول الشربوت يعمل كده
ولا ده باقي الفول

اسكتي ساكت براهم بقوموا اصلو الكهرباء مرات بتقطع
وجنس حر هو لكن !!

[أبوبكرحامد]

فاتن


نومة شنو دي هي

الناس ديل شربتيهم شنو
معقول الشربوت يعمل كده
ولا ده باقي الفول

اسكتي ساكت براهم بقوموا اصلو الكهرباء مرات بتقطع
وجنس حر هو لكن !!

إنوحن لى حماماتن
همن عينى غماماتن
حليلن
شوقى لى صالون فاتن

[سفيان]

حبابك الف ومرحب بيك فى منتدى مدني وارض المحنة والف مليون حبابك

[فاتنة]

اخواني في الصالون
ابو بكر حامد
مهيرة
سواح
سامبا
سوباوي
ابراهيم
ناصر الباشا
و كل الاخوة وينكم يا ناس مدني السمحين يعني خلاص قفلتوا الصالون على اي حال جيتكم تاني و لو ما دايرينو خلاص حنقفلو و برضو اخواني و ليكم كل احترامي و تقديري بتمنى اشوفكم هنا