مساء ، صباح الجمال

[ياسر عمر الامين]

يا راسي طبعك
كلمات مصطفى عوض الله بشارة
ألحان الدكتور عبد الماجد خليفة

ياراسى طبعك ناسينا مالك
ما تبقى قاسى وتزيد دلالك
دوام بنســـــــال كيفنو حالك
وين العواطف وين
وحيات جمالك
يا راسى طبعك

*********************************

علشان ظروفك مرات بتقسى
يطول بعادك لريدنا تنسى
وتسيب حبيبك يهاتى يقسى
يرسل حنينو فى كل همسه
ياراسى طبعك...............

************************************

لو كنت فاكر لحظات لقانا
والشوق بيوقع نغمات خطانا
ما كنت تطرى ايام هنانا
والدنيا غنوة تفرح معانا
ياراسى طبعك............

**************************************

ياراسى طبعك ناسينا مالك
ما تبقى قاسى وتزيد دلالك
دوام بنسال كيفنو حالك

****************************

[مايسة]

[آلاء عبد الرحمن]

مدنية بتسلم عليكم
وهي وجيمي كانو بعافية شوية

[ياسر عمر الامين]

مدنية بتسلم عليكم
وهي وجيمي كانو بعافية شوية

ربنا يسلمها ويسلمك وما يشوفو شر يا رب...

[المارشال]

مدنية بتسلم عليكم
وهي وجيمي كانو بعافية شوية

حاولنا مراراً وتكراراً الإتصال بها تيلفونياً للإطمئنان عليها ولكن دون جدوى .. الحمد لله طمنتينا عليها الله يطمنك .. وانشاء الله أجر وعافية ..

تخريمه ( شكلك كنت خائفة المريخ يتغلب ويشمتوا فيك ناس روبش )

[مايسة]

الميعاد
كلمات والحان وغناء / صالح الضي


اوعك تطول البعاد
وانت عارف شوقي كم
اوعك تخلف الميعاد
وتسيب لي الالم
بستناك وقلبي خافق
في لحظات العشم
**************
مال قلبي يا حبيبي
لقلبك يهمس عتاب
ويوصيك اوع تنسى
وكل يوم رسل جواب
وانا كل لحظة تمر علي
بقول حبيبي الليلة غاب
***************
حبك نار بين ضلوعي
نار الشوق والحنان
انا ياريت لوعرفتك
وحبيتك من زمان
كان غنيت لليالي
وكان صفاني الزمان

[مدنيّة]

سلااااااااااما وشوق كتير ليكم
لغاية لما ارجع برواااااقة

--------

طال علينا فراقكم والله ياغاليين
قدر ماننسى العلينا برضو مشتاقين
والله مشتاقين

الخدود الشاربه من لون الشفق عند المغارب
دي خدودك سيدي سيد الناس ياسيد الحبايب
العيون طرني زول من أهله غايب
والشعر في كتيفه بتهادى السبايب
والله مشتاقين
في عينيك تظهر لي دنيا دنيا شوقك فيها ظاهر
الأماني الحلوة هايمه زي بحور ماليها أخر
الكليمة الطيبة منك ذاتي وحياتك لباكر
والأمل فارد جناحه ديمه زي عينيك مسافر
والله مشتاقين
الغروب يسألني منك أمسياتنا في شوق إليك
الرمال الناعمة مشتاقه لمشيك
الطيور الراحلة في كل المساء بتسأل عليك
كيف تفارق الضفه والنيل هان عليك
والله مشتاقين

[بدر الدين محمد]

حاولنا مراراً وتكراراً الإتصال بها تيلفونياً للإطمئنان عليها ولكن دون جدوى .. الحمد لله طمنتينا عليها الله يطمنك .. وانشاء الله أجر وعافية ..

تخريمه ( شكلك كنت خائفة المريخ يتغلب ويشمتوا فيك ناس روبش )

احب نجومك احب نجومك من دفاعك لي هجومك

[المسافر]

الماضي والحاضر - صلاح مصطفي



إنت لو فكرت تتذكر غرامك وتبكي ماضيك البعيد
برضي زيك كنت عاشق وكانت أيام عمري عيد


كنت عايش في سعادة وقلبي فرحان بي حبيبو
ياما شمتو الناس عليهو لما حاول يوم يسيبو
الفراق قسموهو ليهو وقلبي رضيان بي نصيبو
تمضي أيامو في عذابو وفي ربيعو يكون وحيد


لما شفتك رحت ناسي كل ناسي الكانوا قربي
بعت غيرك واحتضنتك يا حياتي جوه قلبي
كم رويتك بي حناني وكم سقيتك طهر حبي
وافتكرتك تبقي أملي وتبقي زادي لباقي دربي
لو نسيتني ..... أو جفيتني
في العذاب كم متيم وكم في الغرام كم من شهيد.


يا حبيبي إيدي وإيدك نبني جنتنا الصغيرة
تحكي لي واحكي ليك عن أمانينا الكبيرة
الحنان نتغذي بيهو والحنين يبقي النفيرة
يا حبيبي قلبي عندك وانت فيهو تحيا بيهو
و تبقي ليهو طوق نجاتو ونور حياتو
يا حبيبي .

[المسافر]

ما عدت فادر انتظر
كلمات مصطفى سند

ما عدت قادر انتظر
سامحني غلطان بعتذر

ما كنت قايل من عتاب تحكم علي ّ
بالوحدة والشوق والعذاب
انت القبيل شلت الصعاب
في دربو عديت ألف باب

لو انت زهو الحسن في عيونك بدا
خليك أمين في العشرة لي آخر مدى
كيف تنسى لهفة قلبي ليك
تنسى الحنان الكان لديك
لو مرّ اسمك في البعيد شايلو الصدى
بلّ النسايم الحلوة بي قطر الندى
تلقاني واقف مرتعش ضارع إليك

عارف تمام ده المستحيل
الحُسن والطبع النبيل
يغضب يجور
لحظات خصامو المُره تتمدد شهور
صدقني لو أغلط معاك دايماً أقول
انت الأصيل انت الوفي
عن حبي ما ممكن يميل
يضحك سلام الدنيا في عيونك دليل
من بعدو ما داير دليل
يرضو غلطان وبعتذر

[المسافر]

كلمات أغنية : عارفك جميلة
غناء الفنان / زكي عبد الكريم



اميرة الشباب يا السمحة أنا جايك عريس
بي كتب الكتاب يا الملكة مهرك مو رخيص

عارفك جميله وزايده في البنوت حلا
المال عليك يا غالية أبداً ما غِلا
لكن ظروفنا القاسية كيف بنبدلا
فاضل وحاتك بس نفوس ندللا

من قلبي دايرك ليّ شريكه وأم عيال
لكنو قربك ليّ بعيد صعب المنال
يعجبني فيك لو قلتي أنا ما دايره مال
وأصلو العرس بالفاتحة يا ناس ما حلال

بت المدن يا الواعية يا الدارسة الكتاب
غلا المهور حاربيهو ما تخليلو باب
إتمنى خت الحنة وأعرض في السحاب
وأرقّص بنات حلتنا دايرات الشباب

عايش وحيد بلدي فيها الحور بنات
عاشق جمال بنوتنا سمحات الصفات
قولوا خير باركوا العرس يا الأمهات
على الشباب خايف يفوت فيهو الفوات


تخريمة

الفي بطنو sothing براهو dancing

[هيثم عبدالعال]

الوسيم القلبي رادو

محمود عبدالعزيز أضاف لها بعد آخر جعلني أدمن سماعها ولا أمل .... فكل حواسي عليهو نادو .. وعز من بعدو عند محمود هي مناداه تنضح شوق

مهداه لمن يستحق

[مدنيّة]

مساء الجمااااااااااااال

[مدنيّة]

طولت ما رديت
وجمال فرفور

[مدنيّة]

صباح الجمااااااااال

[مدنيّة]

[مدنيّة]

صباح الجماااااااااااااااال

[مدنيّة]

الوسيم القلبي رادو

محمود عبدالعزيز أضاف لها بعد آخر جعلني أدمن سماعها ولا أمل .... فكل حواسي عليهو نادو .. وعز من بعدو عند محمود هي مناداه تنضح شوق

مهداه لمن يستحق

ذوق مافي كلام ياهيثم
--------
الوسيم القلبي رادو
الجمال حاز انفرادو
مالو لو مرّة افتكرني
مالو لو أنجز ميعادو

******

ليه نساني .. أو تناسى
لاهو جامل لاهو آسى
وقلبي بي التعذيب أبادو
منّي شالو وما أعادو

******

شفتو كان في توب حدادو
وكل حواسي عليهو نادو
استجاب لي نداي وجاوب
كان عواطف وكان تجاوب
عزّ من بعدو التلاقي
رغم قربو واشتياقي
طرفي متزايد سهادو
وخلي جافا الرقاد مهادو

*******

إيه يكون في نظري زادو
غير خصالو واعتدادو
مهما يجفو في قربو أطمع
ما بطيق لي غيرو أسمع

أسألوهو إذا تبسّم
واتركوهو إذا تألّـم
واجبي حتّــم أصون ودادو
مهما زاد صدّوا وعنادو

[مدنيّة]

كلمات أغنية : عارفك جميلة
غناء الفنان / زكي عبد الكريم



اميرة الشباب يا السمحة أنا جايك عريس
بي كتب الكتاب يا الملكة مهرك مو رخيص

عارفك جميله وزايده في البنوت حلا
المال عليك يا غالية أبداً ما غِلا
لكن ظروفنا القاسية كيف بنبدلا
فاضل وحاتك بس نفوس ندللا

من قلبي دايرك ليّ شريكه وأم عيال
لكنو قربك ليّ بعيد صعب المنال
يعجبني فيك لو قلتي أنا ما دايره مال
وأصلو العرس بالفاتحة يا ناس ما حلال

بت المدن يا الواعية يا الدارسة الكتاب
غلا المهور حاربيهو ما تخليلو باب
إتمنى خت الحنة وأعرض في السحاب
وأرقّص بنات حلتنا دايرات الشباب

عايش وحيد بلدي فيها الحور بنات
عاشق جمال بنوتنا سمحات الصفات
قولوا خير باركوا العرس يا الأمهات
على الشباب خايف يفوت فيهو الفوات


تخريمة

الفي بطنو sothing براهو dancing

كلمات جميلة ياخالد
لكن ما لقيت فيها فيديو
لو لقيته لينا نزله ياخالد


---------
تسلم خالد

[مدنيّة]

ما عدت فادر انتظر
كلمات مصطفى سند

ما عدت قادر انتظر
سامحني غلطان بعتذر

ما كنت قايل من عتاب تحكم علي ّ
بالوحدة والشوق والعذاب
انت القبيل شلت الصعاب
في دربو عديت ألف باب

لو انت زهو الحسن في عيونك بدا
خليك أمين في العشرة لي آخر مدى
كيف تنسى لهفة قلبي ليك
تنسى الحنان الكان لديك
لو مرّ اسمك في البعيد شايلو الصدى
بلّ النسايم الحلوة بي قطر الندى
تلقاني واقف مرتعش ضارع إليك

عارف تمام ده المستحيل
الحُسن والطبع النبيل
يغضب يجور
لحظات خصامو المُره تتمدد شهور
صدقني لو أغلط معاك دايماً أقول
انت الأصيل انت الوفي
عن حبي ما ممكن يميل
يضحك سلام الدنيا في عيونك دليل
من بعدو ما داير دليل
يرضو غلطان وبعتذر

[مدنيّة]

الماضي والحاضر - صلاح مصطفي



إنت لو فكرت تتذكر غرامك وتبكي ماضيك البعيد
برضي زيك كنت عاشق وكانت أيام عمري عيد


كنت عايش في سعادة وقلبي فرحان بي حبيبو
ياما شمتو الناس عليهو لما حاول يوم يسيبو
الفراق قسموهو ليهو وقلبي رضيان بي نصيبو
تمضي أيامو في عذابو وفي ربيعو يكون وحيد


لما شفتك رحت ناسي كل ناسي الكانوا قربي
بعت غيرك واحتضنتك يا حياتي جوه قلبي
كم رويتك بي حناني وكم سقيتك طهر حبي
وافتكرتك تبقي أملي وتبقي زادي لباقي دربي
لو نسيتني ..... أو جفيتني
في العذاب كم متيم وكم في الغرام كم من شهيد.


يا حبيبي إيدي وإيدك نبني جنتنا الصغيرة
تحكي لي واحكي ليك عن أمانينا الكبيرة
الحنان نتغذي بيهو والحنين يبقي النفيرة
يا حبيبي قلبي عندك وانت فيهو تحيا بيهو
و تبقي ليهو طوق نجاتو ونور حياتو
يا حبيبي .

يالله ياخالد
الاغنية دي بحبها جددددددددا والله

--------
شكرا كتير ياخ

[مدنيّة]

صباحك كل الجمال ياوطني

[مدنيّة]

[مدنيّة]

صباح الجماااااااااااااال

[مدنيّة]