@ ملكة القلوب @ ضيفة الكرسي الساخن

[الملكة اسماء ( ام محمد )]

وزي ما قال ودالطاهر الله يديه العافيه
بمر انا كل يوم بالبوست...زي عمنا صلاح ودالطاهر
بحاول اشارك بس بحس اني بفسد جمال البوست

العفو عزيزتي ... فجمال لوحة المكان تكتمل بتواصلكم الدائم

ربنا يديك العافيه ويديم المنتدى الي كل يوم بيطلع لينا ابداعاتو
لك مني كل التجله يا مالكه القلوب ومليكتها

ولك خالص الشكر والتقدير اختي الغالية على هذه الثقة وارجو ان اكون عند حسن الظن دائما.. واتمنى ان تجدي في هذا المنتدى ضالتك دائما في بحثك عن مواطن الابداع والجمال

[النور محمد يوسف]

ملكة اتابع باعجاب كل ما يخطه يراعك

نسال الله ان يمد في عمرك وتتحفينا بجمال كلامك ودقة تعبيرك


كنت رائعة في كل ما تكتبين وتجلت الروعة هنا فانت شخصية قوية ربنا يزيدك


فخورون نحن بك فالى الامام

[هيثم ادروب]

لأول مرة
ادلف لجنبات المنتدي العام
شدني بوست ملكة القلوب ضيفة الكرسي الساخن
واستمتعت بكتاباتها الجميلة النابعة من إحساس مرهف
وإكتشفنا جوانب من حياتها بين السودان وقطر
فدمت لنا اختاً عزيزة علينا
لا تحرمينا من كتاباتك
وارجو من الله التوفيق لك في حياتك

[أحمد عمر ( MOODY )]

بوست متعة حد السمع والشوف
يستاهل نجومية الشهر
ملكة القلوب تستاهلي اللقب .. و كفى
حفظك الله من كُلّ سوء .. وبارك لك فيما آتاك
وأعطاك ماتتمنين

[الملكة اسماء ( ام محمد )]

ملكة اتابع باعجاب كل ما يخطه يراعك

نسال الله ان يمد في عمرك وتتحفينا بجمال كلامك ودقة تعبيرك
ويديك الصحة اخي الفاضل ويقدرني واكون عند حسن الظن دائما

كنت رائعة في كل ما تكتبين وتجلت الروعة هنا فانت شخصية قوية ربنا يزيدك

فخورون نحن بك فالى الامام

وفخورة انا بتشريفك لي سيدي الفاضل بهذا المرور وهذه الاشادة التي اعتز بها كثيرا


يزيدني اعتزاز الناس بي افتخارا
واشعر برغبة الابداع والبوح انتصارا

[الملكة اسماء ( ام محمد )]

لا تحرمينا من كتاباتك
وارجو من الله التوفيق لك في حياتك

وعد مني الا اتوقف عن الكتابة طالما هناك من احب احرفي
وارجو ان اكون عند حسن الظن دائما اخي هيثم

وارجو من الله لي ولك توفيق وفلاح
ودمت بالف خير

[سامية عباس]

ملكة القلوب ......يامن ملكتي حقا كل القلوب

يا انثى ايغظت الشجون
بنشرها
ورد تفتح وانسكب منه
العبق
حبات طل بالعبير تخضبت
وبهاء صبح حين يغتال
الأرق

لك مني الف تحية .....وكميات من الاعجاب ... ما شاءالله عليك ربنا يحفظك ويحقق ليك كل ما تتمني
..اعلمي انك سافرتِ في دواخلي حباً وشوقا وتحنانا ........ وضل يهديني النسمة ويديني براح

لك ودي الخالص
ودفقة احساس من قليب رادك شديييييد

وآآآآسفة ان تأخرت خطاي عن الترحال معك هنا عبر هذا الألق والبوح الشفيف

حبيبتي

لمن تهرب الكلمات وما تقدر تعبر عن جواك تلمس مكامن الحس .؟......شن بتسوي يالسمحة


تقولي شنو على الزول البتعشمي انو ليك الضل وفجأة تلقي الضل صبح رقراق.؟

وتسلمي ياغالية

[esmat]

واليوم الجد ما بتنسي يوم عرفت قيمتي عند شخص عزيز

ربنا اسعد ايامك يارب ويحقق ليك جميع احلامك

الملكة متهمة بالركود الذي اصاب المنتدي لوجود كل الاعضاء
حول هذا البوست لمتعته وترك بعض البوستات


الملكة /مايو 40 / ابوعاذر (هاشم)/ مدني / والبقية

[الملكة اسماء ( ام محمد )]

بوست متعة حد السمع والشوف

يستاهل نجومية الشهر

تسلم كتير اخي الفاضل

حفظك الله من كُلّ سوء .. وبارك لك فيما آتاك
وأعطاك ماتتمنين

بارك الله فيك اخي على هذا الدعاء الرائع وحفظنا الله واياك اينما نكون
وحقق كل امانينا باذنه تعالى
وهي شهادات عز وافتخار لي في هذه الزوايا من شخوص بقاماتكم
دمت بالف خير

[الملكة اسماء ( ام محمد )]

ربنا يحفظك ويحقق ليك كل ما تتمني

واياك ياغالية ان شاء الله
وحقيقة اعجز عن التعبير امام وابل الاطراء هذا
و افخر به حين يكون من شخص مثلك غاليتي

..اعلمي انك سافرتِ في دواخلي حباً وشوقا وتحنانا ........ وضل يهديني النسمة ويديني براح

كم اسعدتني بهذا الاحساس الراقي الذي يزيد من احتمالات البقاء بدواخل كل من يقراء سفرا وترحال لعلني اجد مرسى لكل تائه في زمن تهت فيه انا عن مرساكم سنين

ودفقة احساس من قليب رادك شديييييد

يعلم الله لك بداخلي ذات الشعور

وآآآآسفة ان تأخرت خطاي عن الترحال معك هنا عبر هذا الألق والبوح الشفيف
اعذرك اختي واعذر كل من تاخر او خذلته مراكب الابحار في مد كلماتنا هنا

حبيبتي

لمن تهرب الكلمات وما تقدر تعبر عن جواك تلمس مكامن الحس .؟......شن بتسوي يالسمحة

كثيرا ما احتارت عباراتي ولازالت وتجولت في قواميس المعاني لابعث عن مرادف لكلمة الاحساس بداخلي فلم اجد ... وكنت احزن حين اعجز عن وصف مشاعري بالكلمات
ورغم ذلك لم ايئس وكنت ازداد اصرارا ...فكانت همجية كلماتي احيانا تعبر بشكل اقرب لما يجيش بداخلي

تقولي شنو على الزول البتعشمي انو ليك الضل وفجأة تلقي الضل صبح رقراق.؟
يا ااااااااه دا سؤال (حاااااااااااااار) ... وماتوقعت اتسئل عن الاحساس دا في حياتي رغم اني عشته كتييييييير ...
ويمكن لاني اكتشفت اني اعيش تحت الرقراق اكتر من مرة
ولم اكن احس بذلك الا بعد ان تصبح شمس الواقع .. جحيم ..فوق راسي ...
وفي كل مرة كنت اعقد العزم كي ابني (راكوبة)..للضمان كنت افشل في اختيار مكان تثبيت اعمدتها ..

اما قولي للزول الكنت بعشم انه يكون الضل .. وصبح رقراق فبقول:

مسكينة انا ..فتشتت في قلبك المغرور محل
مسكينة انا ...وارتحت ليك وبنيت عليك مليون امل
مسكينة انا ..ماعرفت انك ضل ضحى قبل المقيل فرتق رحل
مسكينة انا .. وعشمي الكبير ..بلون سواد فجاءة اكتحل
مسكينة انا .. لكن ..وحاتك ..لكل كتاب عند الله اجل
مصيرك بكرة تتعلم ..وتعرف قدري لو تجهل
انا الزيي ..بتعرف قيمته لما يفوت ..ومن طيبته ..عليك يسئل

وتسلمي ياغالية

تسلمي انتي ياحبيبة وربنا يديك العافية
ويسعدك ..دايما

[الملكة اسماء ( ام محمد )]

ربنا اسعد ايامك يارب ويحقق ليك جميع احلامك

اللهم اااااااااامين
واياك ياااااااااااااااااااااااااخ


الملكة متهمة بالركود الذي اصاب المنتدي لوجود كل الاعضاء
حول هذا البوست لمتعته وترك بعض البوستات

والله دي شهادة المفروض اعلقها في الحيطة الجمبي دي
بس هسي انت زعلان والا فرحان والا غضبان عشان ماف زول جاء الانخابات بهناك ؟

طبعا يا اسمت اسعدني كثيرا حضور كل الحاضرين واسعدتني اكثر شهادات كل من حضر
وهي شهادات افخر بها كثيرا وربنا يقدرني واكون عند حسن الظن دائما

وتحت تحت كدا سمعت ان (الكرسي) بتاعك انت وتاني كم نفرات كدا كان منتهى الروعة وحزنت كثيرا لاني لم اشهد تلك الحقبة الرائعة من الابداع في مجالسكم
وماااااااااااا مشكلة يا سيدي ... نعمل ليك كرسي (الكوشة) ونطلب من الفنان يدينا (المايك) وفرصة تحقيق شامل معاك قبل ما نسمح ليك تطلق (العزوبية)


الملكة /مايو 40 / ابوعاذر (هاشم)/ مدني / والبقية

يبدو لي والله اعلم انك عينت ليك زول في الاستخبارات مؤخرا

مايو 40 ... قصة يعجز اللسان احيانا عن كشف احداثها
ابو عاذر (هاشم) ... عزيز على قلبي
مدني .. استاذ مدني ... عزيز اخر
والبقية ... حكاية لم اوقن بدايتها الا حين اعلنت الساعة موعد عودتي لديار الغربة


على قولتك ... وش احتار في معلوماتك لحد ما عرف (المصادر) بتاعتك

اقول والا ماف داعي

[محمد حسين (المميز)]

أصعــــــــب


موقـــــــف


محـــــــرج


مـــــــــــرّ


عليـــــــك


فـــــــــي


حيـــــاتك

[عبده بشير]

ربنا يسهل علينا وعليك ياملكة القلوب الحزينه ويكون فى عون الاخوه الاعزا الطيبين

[moh_alnour]

جنة هذه الدنيا التلاقي
و لكنُا و إن طالت خطانا فهمس الحب فينا باقي
نسافر في أمانينا و نغدو و في أحداقنا حب الرفاق
تمازجت القلوب على وداد بلا زيف خفي أو نفاق
الأخت : ملكة قلوبنا
شاكر لكِ تلبيتك للدعوة و حضورك المتميز فقد كنت ِ كما العهد بكِ رائعة في كل ردودك
و قد كانت سانحة طيبة أن تلمسنا فيها بعض من الجوانب في شخصية ملكة القلوب
أتمنى أن يدوم الوصل دوما ً بين أعضاء هذا الملتقى الطيب
و أمنياتي لك بالتوفيق في كافة مناحي حياتك
و أمنياتي القلبية الصادقة لك ِ بدوام الصحة و العافية و أن يمن الله عليك بنعمة الشفاء
لكي تعودي إلينا ملكة متألقة تمنحنا كل الرحيق و الجمال

[عبدالله محمد العقاد]

و أمنياتي القلبية الصادقة لك ِ بدوام الصحة و العافية و أن يمن الله عليك بنعمة الشفاء
لكي تعودي إلينا ملكة متألقة تمنحنا كل الرحيق و الجمال

ندعوا الله ان يشفى اختنا ملكة القلوب و ان تعود الينا مرة أخرى ...آمين .