النتائج 126 إلى 150 من 285

الموضوع: @ العاقب المصباح @ ضيفا ً على الكرسي الساخن

أدوات الموضوع
- مشاهدة صفحة طباعة الموضوع


	19-07-2009 09:52 PM #126 سيد البلد الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,039 المشاركة الأصلية كتبت بواسطة بت مارنجان وريني أجمل بت في دفعة تكاليف وماتقول لي هناية راجنك ياللخو أنا البدعوك تقيِّل في الدواخل يوت أنا البصبِح بعد أمسيت معاك نشوان وأنا السمُّوني بي ريدتك وكان في السِّكة شافوني إنادوا عليَّ بي إسمك عشان ياروحي بيك مليان


	19-07-2009 10:36 PM #127 ودالعمدة الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Oct 2006 الدولة من أرض المحنة المشاركات 2,252 زيادة حرف العاقبــــــمصباح معذرة لحضورى متأخرا بسبب المشاغل حبابك سبعة آلاف وماأسعد الكرسى بحضورك الطيب وانت تعزف بريشتك على ايقاع الحروف ودندنة الكلمات بروعة الخيال أعذب أنشودة نتغنى بها على مسرح المنتدى ... نحن نحبك أخى عقبة ... أخى الرائع محطات وسندات توقف بها قطارك بين الحرقة والدوحة وكان لها أثر فى حياتك؟ هل انت راضٍ عن المنتدى بشكله ومضمونه الحالى ؟ لا أقول كما طلب منك أخى هشام سلس بحذف حرفين من اللغة العربية ولكن هل فى الامكان اضافة حرف واحد جديد للغة ؟؟؟ !!! نأمل وندعو لك بالتوفيق والسعادة ونتمنى أن نراك مجرتقا وبالحريرة والضريرة قبل أن تقوم من مقامك ( كرسيك ) هذا ؟؟؟ ( كيتاً لمحمد النـــور) التعديل الأخير تم بواسطة ودالعمدة ; 19-07-2009 الساعة 10:44 PM و انتمى إليكَ ...... ياوطناً تفردَ بالجمالِ وبالبهاء ياأرضَ مهيرة وبنونة ...... ياديوانَ الرجالِ وبيتَ العوينِ .... يامرتعَ الأطفالِ عندَ الرواكيبِ مساء


	19-07-2009 10:38 PM #128 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة صابرحسين أخي العاقب مرحب بك في الكرسي الساخن الذي يعتبر نافذة مضيئة للمبدعين أمثالك لنتعرف عليهم من جميع جوانب حياتهم التي أسأل الله أن تكون حياة سعيدة وهانئة ... لك كتابات كثيرة بالمنتدى أتباعها من غير ملل لما لها من الروعة والإبداع ، وذلك بشهادة الجميع ، ولكن أغلب هذه الأعمال تنتهي بحلم أفاق منه بطل القصة في النهاية ! لماذا تنتهي هذه الأعمال دائماً بالحلم ؟ هل هنالك إشارات معينة لذلك ؟ ، مع العلم بأن المطروح دائماً يناقش قضية مفيدة وفي ثوب جميل من إبداعاتك ... ومزيداً الإبداع أخي عقبه اخى الرائع صابر حسين نفرش الأرض ورودا وتكتسى حُلة زاهية ترحيبا بمقدمك السعيد شكرا لكلماتك الكبيرة فى حقى وشكرا انيقا لمتابعتك ما اكتب دمت اخى بكامل وموفور الصحة ربنا يحفظك اخوى صابر.... إجابتى على سؤالك :- من مجموع ما كتبت ربما يقفز احيانا بعض الحلم لأنى أرفض أن يكون واقعا... هنالك أحلام اتمنى أن لا تصبح حقيقة ... من ضمنها حلم ست الجيل ومشاركتها فى عزاء مايكل جاكسون... ربما البقية تبتعد عن الحلم مثلا دخان نسوان السودان تنتهى بخنوع الأنثى رغم إلحاح عواطف ... وعندما يتصافح ماء المطر ينتهى بحقيقة تصافح الأم وولدها بماء المطر ... وإنهيار البنوك العالمية ينتهى بكذبة المسئول الحكومى حين اخبرهم بأن بابكر لم يمت .... كوب عصير ومنزلا لم يعد يملكه تنتهى بحقيقة أن الرفض احيانا يؤدى للجنون ...وسفة تمباك تنتهى بتغليب مصلحة البنت على حقد المجتمع وربما تتشابه ودخان النسوان ...زوجتى تعد نفسها لغيرى تحمل حلم ولكنه حلم رجل غير نائم ... احلام اليقظة ... إمراة من صمت القبور تميل إلى الخيال أكثر من ميلها الى الحلم ... ولم ندرى اكانت حلما انتهى ... أم تغير العالم من بعدها هياكل عظمية تبحث عمن يكملها ... جنيهان وطفل سادس يقترب تعكس سوء الوضع الاقتصادى والذى كانت ستنقذه فقط جنيهان .... ولم تنتهى بحلم بل انتهت بواقع ... كواقع القصة نفسها .... لك محبتى يا صديقى واتمنى ان اكون قد وفقت فى الرد على سؤالك .... مع عظيم احترامى أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	19-07-2009 10:40 PM #129 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة سروية يالعاقب اخوي والله انا ماعارفة اقول شنو في حضرتك ترتاح مشاوير الخطي .. تتوه الكلمات اتمني ليك العافية دوما اختى سروية ولا اقول ليك بنتى سروية مرحب حباب طلتك ويكفى قولا توقيعك وحضورك وقراءتك لما بين السطور شكرا سروية لروعتك ولحضورك المفرح ولكلماتك العظيمة فى حقى نردها ليك فى السمح يا بتى أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	19-07-2009 11:21 PM #130 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة عبدالرحمن مدثر داير حاجة ياعمنا انا داير اقول ليك انا مستمتع جدا هنا ممكن اى (سندوتش ) احساس زيادة لحتة كدا داير تنداح فيها برااااك سؤال ساااااى هل كتابات الفرفشة الكثيرة (نفاجية ) تؤثر فى ذاكرة الكتااابة ؟؟ حبيب قلبى الخرباش ياخى انت نسيبى من هسع بتك دى دايرها وما شاء الله تبارك الله ربنا يحفظها ليك من عيون العرسان ربنا يخليها ليك ووينها ساندويتشاتك ياخ جاى لى ويدك فاضية دا كلام دا جيب ياخ اى شئ ان شاء الله رموش ونغرق فى رموش عينيها .. ما تقول لى رموش عصمت الجننته ديك كتابات الفرفشة النفاجية مهمة جدا لضرورة تعدى مرحلة الغرق والحداد الحاصلة ... وبداخل كل منا مساحة فكاهية ... يُفضل البعض الإحتفاظ بها.. والبعض الآخر البوح بها ... والبوح بها وسيلة جميلة وانيقة...تُظهر دواخلنا كما هى ... تُظهرنا على حقيقتنا ... بدون أى رتوش ... بالواضح الما فاضح ... يمكن من خلال النفاج أن تفهم شخصا ويفمك... أن تسأله كما تود ... لو تناقشت او سألت أى اسئلة من اسئلة النفاج فى أى قسم آخر ستحدث مشاكل لا قبل للآخرين بها ...هنالك الأقلام بيضاء النية...وصافية الذهب ...ونقية الاحرف ...وغنية الكلمات.... يمكن لك أن تقول بحبك لأى شخص .... لو قلتها لنفس الشخص فى مكان آخر ستلحق طه نفسه ....إندياح كما تحب ونحب ... صورة تشبه المجتمع القروى كثيرا ... بدون جدية .... وما احلى الحياة حينما تكون صادقة .... لك محبتى يا صديقى ... وتأكد أن كتابات النفاج ربما تكون دافعا للتجويد... ودافعا للتعمق ... ومواصلة الكتابة بأى لغة سواء كانت نفاجية او جادة خير من التوقف عنها... تنشيطا للدورة القلمية للكاتب نفسه ... مع محبتى يا صديقى أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	19-07-2009 11:31 PM #131 ابوالشباب شوشه الملف الشخصي مشاهدة المشاركات عضو مميز Array تاريخ التسجيل Jul 2009 الدولة حالياً مايو نص المشاركات 531 والله ياعجبنا شكلوا الناس دى ماخلت لينا سؤال زاتو نسألك ليهو لكن سؤال واحد كده بس هسى والبقية تآتى : احساسك وانت فى الكرسى ده شنو ؟


	19-07-2009 11:37 PM #132 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة عثمان جلالة والله يا العاقب أخوي كان عارفك بى جاي كان بطلت شغلي كلو وجيت حرست كلامك لكن ملحوقة .. أم بناياً قش أول حاجة يا اللخو عندي سعال واقف لي في حلقي : إنت لـ حدي أسي ما عرست مالك ؟؟ وشكرا أقصد .. بجيك تاااااااااااني حباب ود جلالة ياخى بى جيتك شميت ريحة السودان واتقريفت لى ريحة الدعاش الدعاش البيذكرك الهمبتة والحنين ليها يا همباتى انت حبابك الف والله وخليك فى شغلك ياخ عشان تجيب القروش وبعد القروش تجى بتقدر تعفينى من الشيلة والشبكة بتاعة منة الله ابشر يا نسيبى سؤال العرس دا والله يحير ما لقيت العروس لسه وما كونت نفسى لسه وما جبت الشيلة لسه وما اشتريت الشبكة لسه وما اشتريت الشنطة لسه والبيت لسه والساقية لسه مدورة والعرس غالى والغالى بى غلاته يضوقك بوراتو...من البورة وكدا... ياخى دا موضوع كبير جدا اصحابى وزملاء الجامعة كلهم عرسوا الا انا ياخ عشان اكف العين منتظر البت الطاعمة توافق كان وافقت هسع بخطب وانا مجننانى شديد واقول يا هى يا اغرق والظاهر على غرقت غرقة درويش فى ليلة مديح وقول يا رب أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	19-07-2009 11:59 PM #133 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة مدنيّة الليلة اصلك ما تظهر عالم جبانات لا يا مدنية مشيت ارمى لى تماس زى وارغو وأتأخرت عشان التاكسى اتعطل وكدا أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 12:15 AM #134 كندشة الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Nov 2004 الدولة ماليزيا المشاركات 397 المشاركة الأصلية كتبت بواسطة agibmisbah رغم القلة المتعمدة منك حبابك الف الموية الساقطة دايرة ليها شية جمر بعد تجى من ماليزيا عازمك والحساب عليك يا جميل... يا ريت تكون بس العزومة في قندهار طالما الحساب علي تعال انت ماليزيا و جيب المدام شهر عسل حرم الا أسوي ليكم شية بيدي حاخد كورس ما تخاف بختك انت( شيلتك مرقت) بعد ده بس أتوكل و امش و ما تقول لي كاني و لا ماني :d :d نجى لى اسئلتك...:- الكتابة صعبة وسهلة فى آن ... عندما تكون الفكرة موجودة تكون الكتابة سهلة ... تنزل الاحرف كالغيث المنهمر... ولن اجد نفسى الا وقد اكملتها... اغيب من الوعى القراءى فى تلك اللحظة... ادخل داخل النص الكتابى... لا احاول ان اعدل ولا حتى الاخطاء الإملائية .. الا بعد الانتهاء تماما مما أوحى لى به من قلمى .. وعقلى... فى تلك اللحظة تكون الكتابة سهلة... تكون الكتابة صعبة حين احاول الارتجال ... بدون احساس .... لا احاول الارتجال كثيرا ... اتحاشاه كثيرا ...لأنه يخرج مشوها ...الكتابة بدون فكرة هى الاصعب .... يوجد نص اتعبنى كثيرا عند حدوث مخاضه ... (( إنهيار البنوك العالمية سبب وفاة بابكر))... كنت قد كتبت النص مكتفيا به ... احساس الكتابة انزلته فى البوست ...وقلت الحمد لله كثيرا على ذلك ...تفاجأت بمن شاركنى الفرحة يكتب لى (( واصل واصل نحن فى الانتظار )).... كانت ورطة وشعرت بعظم المسئولية ... ربما انتظرت قرابة الأربعة اشهر حتى استطعت ان اجد ما يناسبها .... ولم ادرى حينها اوجدت خاتمتى أم لا ... الكتابة تكون منسابة انسيابا طبيعيا حسب الموضوع ... والمزاج العام .... احيانا تنساب فى رد على شخص ... وفى احايين اخرى تنساب فى موضوع يخصك... اذا طبيعة الجو العام المحيط بالقلم وصاحب القلم هو ما يحدد انسيابية وعدم انسيابية الكتابة ... لك مودتى يا صديقى واتمنى أن اكون اجبت على اسئلتك بما يُرضيك إجابتك في حد ذاتها نص آخر قمة في الإبداع و قد كفيت و و فيت السؤال كم هو جميل هذا الكرسي في حضرة جلالك ايها العاقب لك مني صادق المودة و الإحترام النفس ما حملتها تتحمل وللدهر أيام تجور وتعدل وعاقبة الصبر الجميل جميلة وأفضل أخلاق الأنام التجمل


	20-07-2009 12:16 AM #135 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة ملكة القلوب غاااايتو جنس شيل حاااااااااال غايتو ياالعاقب انت وعصمت انا متبرعة ليكم بالشيلة ...... افو وانا اختكم بس بس ابقوا سايرين بالله ...خجلتونا مع اللجانب يا عصمت الكلام دا عايزين نوثقه فى الخارجية والقنصلية والسفارة السودانية.... ملكة انا ناقصانى الشيلة والشنطة والشبكة.... عصمت دا قال متأخر شويه عشان كدا كملى لى وعصمت مسئول منه انا رايك شنو يا عصمت وش زول ضمن خلاص أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 12:21 AM #136 esmat الملف الشخصي مشاهدة المشاركات عضو ذهبي Array تاريخ التسجيل Dec 2005 الدولة مدني مايو طرف- نص المشاركات 3,693 ياخى انت نسيبى من هسع والشبكة بتاعة منة الله ابشر يا نسيبى منتظر البت الطاعمة توافق كتبت لي ود المدثر وكتبت لي جلالة وقبل كدا كاتب لي مايسة عايز بتك "وعد" ياولدنا انت فهمك شنو عايز تصل وين عايز تخطفهم كلهم ولا شنو ياخ انا بالطريقة دي بحرش ليك الناس ديل معقولة لكن وانا اقول التردد في العرس دا سببو شنو وانتا تقابض بالغت لكن جيب ياخ اى شئ ان شاء الله رموش ما تقول لي رموش عصمت عاد لكن يا اخوي ما بسألك كدا قطع شك طبعاً بتاتاً اتلومت معانا اسي في داعي للهجمات المرتدة دي ما بالغت لكن شوية كدا ما كان قطعت رحتك وربطت هلال بالغت معانا غايتو لو (ما) دي مافي كان مشكلة احب (الما) والوجه الحسن وكان غنو ليك يارمزا واقلبي قلبوا البلا وحتي حتة الشراء غايتو شوية كدا كان تجيب لينا سكتة قلبية نحنا بدون رموش ما بنشوف مافي طعم للحياة والله تغمض وتسرح تنسى الدنيا وما تحس إلا الابتسامات والزهور والوردي دي ما تديك الدرب والدرب اخضاااااار والدنيا جميلة خلاص ضمير هذا نوع خاص من انواع الثلج لا علاقة له بأيِ نوع من الانواع المتوفرة في الأسواق remooosh.jeeran.com ويوم تقول داير تسافر ... بستف الحب بين ملابسك ...شان يلامســك،،، كل هدماً ترتديهو...تلاقي فيهو قليبي حارسك ... ولما تهدأ فوق وسادتك تلقي روحي ملت جوانحك ... ولما تغمض رمش عينيك ... أبقي في نومك أزاحمك،،، ... ولما تبقي امام مرايتـك ... تلقي صورتي كست ملامحك،، رمــــــــــــوش


	20-07-2009 04:06 AM #137 ميادة الملف الشخصي مشاهدة المشاركات عضو ذهبي Array تاريخ التسجيل May 2009 المشاركات 3,426 عدنا ايها الرائع .. وشايفة الجماعة ما قصرو معاك تب :d جمآل الحيآة بنظرك..أين يكمن..؟ إذا خآلط البعض نوع من الحزن أو ضيق فإنه يبحث عن شيء لتفريغ حزنه و ضيقه.. فالبعض يكتب و البعض يبكي و البعض يكسر.. ووووووووو فماذا تفعل أنت في هذه المواقف ؟! متى يكبر ألإنسآن بنظرك ومتى يصغر..؟


	20-07-2009 04:45 AM #138 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة ملكة القلوب حنك للصباح يا ود مصباح احسن ليك تقوله صراح كم عمرك ... جاوب وارتاح عمرى ابتدأ من تاريخ لاقيتكم ميلادى صباح اليوم الجيتكم قام السيل ضيع لى شبابى وتانى ولدت عشان حبيتكم أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 05:34 AM #139 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة محمد الواثق ولينا الشرف استاذي الغالي فخشيت ان لاتنال رضاك او لا تكون بمستواك ياخى حكاية استاذى دى بتكبرنى واخوك لسه باير قول اخوى وبطل كذب :d:d:d العاقب انسان غدوة بالنسبة الي .... كيف يقضي وقتة؟ في المنزل ! في الاجازات ! والله انا سعيد غاية السعادة يا محمد وما قادر اعبر ليك صراحة ...ربنا يحفظك يا صديقى .. وقتى فى المنزل فى الايام العملية يكون بين دفات الكمبيوتر وهى سويعات فقط ... قبل الرجوع للروتين اليومى.... الغشل البيت الشغل البيت .... يتحكم المنبه اليومى فى وقتى... واقضى وقتا فى القراءة .... هذه الايام سعيد بوجود كتاب همس الريف للكاتب الصديق / عصمت الصادق حماد .... اقرأه بشغف ... احاول الإطلاع على الصحف .... واحاول الاستماع للشعر وبعض الابداع السودانى الخالص .... فى الاجازات القصيرة يوم الجمعة ... بعد الصلاة هى فترة راحة احاول ان استعيد فيها ما فقدته فى اسبوع من الإرهاق ولكن هيهات ...وانتظر الجامعة التالية بفارق الصبر ... اتمنى ان اُحظى بإجازة سعيدة فى الوطن بين الاهل والاحباب .... اختيار العاقب لصديقة ؟لنصفة الثاني كيف يكون ؟ صديقه قاصد ولا قاصد حاجة تانية يا محمد اخوى... إذا قصدت الصداقة فالأيام وحدها هى التى توطد الصداقة... ليس هنالك شروط للصداقة ...فقط الإحترام المتبادل .... والإستماع الى الصديق ... ومعرفة ما يدور بخلده... وأن تقف معه فى أحلك الظروف والمواقف ... وفى اجمل الايام ايضا ... لم يُخيب أملى صديق فى حياتى... يحترمونى وأحترمهم ... يقدرونى وأقدرهم .... لا تحتاج الصداقة لأكثر من ذلك وجهة في السودان طلب من العاقب الذهاب اليها ولم يرغب العاقب ولماذا؟ اعشق السودان من نمولى لى حلفا ... ومن كسلا الى الجنينة ... بمليون ميل وزيادة ... اتمنى أن ازوره ميلا ميلا .... فى كل بقعة من الوطن يوجد جمال خاص ... جمال متفرد ...أسأل الله أن ازوره بجميع مناطقه ... افضل لاعب في رايك ؟ سوداني؟ غير المبدع هيثم مصطفي اتمنى أن يكون هيثم مصطفى عربي ؟ محمد ابوتريكة....إنسان خلوق قبل ان يكون لاعبا ماهرا اسيوي؟ لم اتابعها كثيرا ... افريقي؟ إيتو مصري بالتحديد؟ قلنا ابوتريكة ياخ اوربي ؟ فرانك ريبريه اسباني بالتحديد ؟ راؤول غونزاليس لغز تعبت في الوصل لحله ولغز لم تحله ؟ حكاية الالغاز دى بتجننى يا اخوى... بتلقنى مشيت للحل على طول لو كان فى حل .... ولو مافى بجتهد.... لكن صدقنى كل الألغاز صعبة .... واخوك ما بيفهم فيها فى الوقت الراهن ... فى العمر الاولى كنت افهمها واعشقها أما الان فصرنا من نوع التيك اوى حتى فى المعلومات العاقب كلمات او جملة وامقولة يرددها دائما ؟ بصراحة يا محمد الواثق كل يوم او يومين بتظهر مفردة جديدة ... او جملة جديدة... لكن اكثر ما اردده هو توقيعى الشخصى (( ابق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما!)),..... لك احتراماتى يا محمد الواثق أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 05:47 AM #140 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة بت مارنجان [color="blue"]عقبة ياخوي : وردي بيقول : ياراجياني وماناسياني ياما الغربة بتتحداني وانا بتحدي الزمن الجائر لو في بعدك يتحداني استنيني انتي مصيرك تستيني لما سحابة تلاقي سحابة تمشي وتسالي عن عنواني كل ماتلاقي مسافر عائد تمشي وتسالي عن عنواني وانا عنواني عيونك انتي واي مكان تمشيهو مكاني أنا سافرت عشانك انتي وسبت البلد الماناسياني الغنية دي قلتها لي منو ؟؟؟؟[/ color] بت مارنجان حبابك الف للمرة التانية الاغنية دى ما قلتها لكن مستعد اقولها هسع لى فلانة الجواى ومحتلانى ... للمكسرة فينى ضلعة يمين... للجابت خبر قلبى... وخلتنى اشرب من ريدها...هناية يا بت مارنجان ياخ .... زوجتى الجاية ... ومستقبلى ... وام اولادى وريني أجمل بت في دفعة تكاليف وماتقول لي هناية ياخى وقت عارفها هناية فاضحانا مع الجيران مالك .... تعرفى يا بت مارنجان... اتذكرت لى بت ما فى تكاليف... بس بتجى القاعة بتاعة تكاليف ... ياخى دى حلوه جنس حلا ... ما تجيبى لى الهواء اطلعى سريع يا بت مارنجان شرفتى ونورتى كتير وما تنقطعى واقيفى مع اخوك أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 06:02 AM #141 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة esmat يا عاقب اخوي كدي اول حاجة النوثق الكلام دا ياخ الشيلة دي نحفر فيها من سنة 2000 بالجديد والقديم ما قادرين نشم ريحتها كل ما نقول خلاص الموية جات تقطع الكهرباء وانا احلم وهي تحلم اظهر توب ندي القلعة نختار منو 8 وبعد شوية نقول لا خليهم 12 خلاص نشم الريحة اظهر توب وارغو والوالي حارقو ونحنا سايرين وانتو سايرين وعين الله ترعاكم والاجانب ديييل زاااتهم عندهم بص خاص ومكيف لزوم الحر وكدا ونغني ليهم الحر كتلهم والعريس عزمهم يعني بعد كدا الواحد ابقى زول عرس ساااي وفكر في شهر العسل وياناس ( )شدوا حيلكم عشان شهر العسل عليكم وكدا شفت كيف غايتو يا اخوي كرسيك دا ما تنزل منو لحدي ما نضمن الولد الاول وحق السماية والله يا عصمت حيرتنا بالطلبات البتشبه طلباتى دى يبقى يا اخوى لمن تجى ماشى جيبهن اتنين اتنين وفرحى يتكلم بى لغتين وبنتحاسب وكدا وخلى باب الشيلة متاكا والملكة دى جدعة وبت اصول وقدر كلامها يعنى الكلام البتقوله بتطبقه عافى منها انا وهسع انا قفلت على الشيلة تب واهل العروس قالوا ستة ستة والملكة قالت دستة دستة وما مشكلة بتعينا لى قدام والسماية زى ما بيقولو عرس تانى والكرسى دا انا قاعد فيهو تب ومتحكر يا زول ومانى طالع ولابد تجى الشيلة هنا ونتقسمها بيناتنا والبت اختنا وعايزة تفرح بينا ونقول للملكة كمان نحن برضو بنبادلك التكافل الاجتماعى والجدعنة دى وبنجيب ليك كردان فى عرسك جيبو يا عصمت جيبو وما تتاخر عليك الله وقدم السبت عشان انا القى الاحد أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 06:09 AM #142 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة ملكة القلوب لكن يا انتي نحن لينا تلات يوم جارين وراه عشان نعرف عمره كم ابا يورينا ليه عايزاه يقول ليك اسم هناية جميلة جميلات دفعة تكاليف ؟:d:d وريها وريها البت دى لا سمعت لا قرت قريتى فى تكاليف شنو انتى فى حاجات اسرار ياخ أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 06:13 AM #143 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة بت مارنجان ماقال عمرو كم ؟؟؟ والله يالملكة لو عقبة قال عمرو كم حتتخلعو والله مادفاعآ لي عقبة ,, لكن الجني دة سغير والله وهو عارفها جميلة تكاليف منو اسكتى اسكتى يا بت مارنجان خليهو يكون سر لابد للحياة من سر لابد للحياة من غموض أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 07:18 AM #144 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 المشاركة الأصلية كتبت بواسطة محمد موسي الصديق الليله اوووووووووووووب واوووووووووبين عليك ... ناسف يا العاقب علي التاخير .... والله باستضفاتك بالكرسي منتدانا نور والله نور كلو زينا جاتنا نسمة فايحة في عيننا ... الاخ العاقب هكذا عهدناك من زمن بعيد مواجها للصعاب واتمني ان يكون الكرسي بردا وسلاما عليك ..... مرحبا يا صديقى ويا رفيقى ويا زميلى ويا شقيقى نورت انت بطلتك ونور المنتدى بعودتك الف اهلا وسهلا ومرحبا بك اخا لا ضيفا حبابك الف العاقب مصباح .... ما الذي اضافته لك الغربة الصعبة وما الذي سلبته منك .... اضافت لى اصدقاء .... وسلبت منى اصدقاء .... سلبت منى رائحة الوطن وهواءه المنعش وذكرياته الاليفه وحنيته الدافقة وهل قرار العودة والاستقرار في السودان يراود عقلك ... بصراااااااااحه ... يطرق بابى كل لحظة... وكل حين ....اتمنى ان اجد له حلا يريحنى منه مع انك قاعد تنعل في السودان .... ماذا انت قائل في ولدا متين بقي للسفر والاغتراب والدردراءءءءءءءءءءءءءءء... كنت مجننا بالاغاني دي .... الظروف تجبرنا على الإختيارات الصعبة.... و ترغمنا على ما ليس لنا منه بد أول حاجة يا اللخو عندي سعال واقف لي في حلقي : إنت لـ حدي أسي ما عرست مالك ؟؟ ما انت عارف يا محمد ياخ .... البير وعدم غطايته.... بعد القى بت الحلال تعال اسالنى دا سؤال سالك اياهو الاخ عثمان وانا كمان بكرره وعايزين الاجابه الصريحه .... هل للعاقب الان انسانه حقيقيه وليس في الخيال .. توجد نصف انسانة.... توجد فكرة بينى وبين انثى ... اتمنى ان تكتمل تلك الفكرة ... وان ترى النور ...سأدعك فى عالم البورة تعانى وتقاسى يا صديقى . يعني ماذي قشك الزمان للبنات .... ماذا تعني للعاقب جامعة السودان للعلوم والتكنولوجيا وهل معك زكريات الجامعه ولا الغربه قضت عليها .... ذكريات الجامعة لا ولن تنسى .... علمتنا كل شئ ... ومعها كبرت عقولنا .... لن تنسى تلك الفترة ...فهى حافلة بكل شئ توده .... حياة بكاملها توجد هناك ....تلازمنى كل يوم مواقف طريفه ومحرجه واجهتك اثناء دراستك في الجامعه .... المواقف الطريفة فى اول يوم فى الجامعة او الاسبوع الاول ... اسبوع كامل واخوك برلوم وما عارف الكافتريا وين ... كل يوم بمشى افطر بره واجى ... والجماعة يدرسوا فى القاعة واخوك رايح .... طبعا السؤال مشكلة لانه الواحد بيخاف يتبرلم وكدا .... والقصص الطريفة تلقاها فى يوميات برلوم فى الجامعة موثقة...... عشان ما تتعبنا ياخ وانت قلت لونك السياسي شنوووووووو في الجامعه خلاص نسيييييييييت انك كنت منتمي لي شنوووووووو اها داير تقول شنو يا حبيب قلبى.... العاقب متي يكون منتشي وسعيد ومتي يكون حزين .... اسعد بسعادة من حولى .... واحزن بحزن من حولى ... الآخرون هم من يصنعون كل ذلك ماذا عن زكرياتك لطورا بورا والوسط واشياء من هذا القبيل ... وبنجيك راجعين انشاء الله ... تورابورا كانت من اجمل الفترات ...رغم ضنك العيش وتعب المواصلات ...ومعاناة البصات ... وسخانة النهاريات..... والطلقات النارية التى تخترق الصمت بين كل فترة واخرى...وجثة موجودة على طرف الداخلية ... وعملية تسمم بفعل روب مدته منتهية لى صاحبى بلال .... والبليلة العدسية .... وكسة المرة الفى اخر محطة.... وصيام رمضان .... وحلة العشاء ..... واللقيمات ..... ياخى ما تجننى ساى يا محمد ياخ ....سؤالك الآخير دا بجيهو بى رواقة يا اخوى.... تسلم شديد يا راقى انت على الذكر يات الجميلة وحباب جيتك أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/


	20-07-2009 10:57 AM #145 محمد الواثق الملف الشخصي مشاهدة المشاركات عضو فضي Array تاريخ التسجيل Jan 2008 الدولة مدني \ودازرق المشاركات 2,986 المشاركة الأصلية كتبت بواسطة agibmisbah بصراحة يا محمد الواثق كل يوم او يومين بتظهر مفردة جديدة ... او جملة جديدة... لكن اكثر ما اردده هو توقيعى الشخصى (( ابق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما!)),..... لك احتراماتى يا محمد الواثق بل لك احترامي استاذي اولا ثم اخي وبعدها صديقي المقولة تعكس شخصيتك بلا مجاملة ولا كذب اخترت المطالعة فقط فهلا سمحتوا لي ودعائي وتمنياتي لك بالتوفيق في حياتك الخاصة والعامة وعقبال ما نشوف كروت فرحك بتتوزع قول آميــــــــن برة الشبكة : ممكن اجي اغني في عرسك :d الهم اجعلنـــــــــــــي من من يتركــــــــــــون اثارا طيبـــــــــــــة فــــــــــــــــي قـــــــــــــــــــلوب الأخــــــــــرين وفي حيــــــاتهم لا تمحـــــــــــــــــــــــــــــــــي ابــــــــــــــــــــــــــــــــــــــــــــدا


	20-07-2009 04:44 PM #146 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 المشاركة الأصلية كتبت بواسطة agibmisbah لونك الاحمر وعطرك الاحمر وكلماتك الحمراء ارى نفسى انتمى لهذا اللون ولم ازل انا احمر عقبة الحبيب 000 عدت اليك بهذا الإقتباس 000 تعلم تماما أكثر مني أنه لك 000 دون تزوير 000 و أراك تكابر في الرياضي بعيدا عن ذلك 000 أذكر أنني قلت لك يوما في نون الكهنة التي عدت منها باكرا 000 قلت لك هناك لو تنازلت للحظة واحدة وغيرت لونك الي الأحمر 000 ستعود في لحظة عبثية من نون الكهنة الي الألف ( الأحمر ) 000 يومها اعترضت بت ام درمان علي هكذا قول 000 واعترضت علي توقيعي الذي عرضت فيه بنت جنسها للمطر 000 مما اضطرني لتغييره 000 ود مصباح 000 ما بين الللحظة العبثية التي تسقط عليك تداعيا 000 تنكره في وعيك الجاحد 000 وبين مطر صديقك 000 الذي يمنينا بتسوية أرض تخرمجت معالمها 000 وأزرق لك كل المنا 000 بهلال كل الأمل أن يكون بدره اكتمال صورة ست الحسن 000 ود مصباح 000 أعشق حروفك حين تتدفق دون فواصل 000 أو أرقام للإجابة 000 نقطتين فوق بعض 000 شرطة 0000 قوسين 000 والصفحة لك أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589


	20-07-2009 08:12 PM #147 مايسة الملف الشخصي مشاهدة المشاركات عضو ماسي Array تاريخ التسجيل May 2009 المشاركات 7,300 العاقب الرائع بروعة الذين من هم حوله مستمتعة جدا وانا اقرأ ردودك - وقصصك - وذكرياتك - ليس امامي الا ان ادعو لك بالصحة والعافية - همسه زعلانة: يعني انت على قول عصمت متردد كده وشغال خطبه يمين وشمال مره ود مدثر - ومرة عثمان جلاله - مرة بتي - وفي النهاية بت اخت محمد النور - اصبر لي بس يا باير - خلي زول يديك ليها - سبحان الله وبحمده سبحان الله العظيم *********************************** لك الرحمة والمغفرة تيسير وعوّض الله شبابك الجنة -------------------------------------------------- لا تحاول أن تعيد حساب الأمس وما خسرت فيه ... فالعمر حين تسقط أوراقه لن تعود مرة أخرى...... ولكن مع كل ربيع جديد سوف تنبت أوراق أخرى... فأنظر إلى تلك الأوراق التي تغطي وجهه السماء ... ودعك مما سقط على الأرض فقد صارت جزء منها ...**


	20-07-2009 10:03 PM #148 عبدالله محمد العقاد الملف الشخصي مشاهدة المشاركات عضو فضي Array تاريخ التسجيل May 2009 المشاركات 1,670 الرائع عقبة اخوي العاقب روايتك خالية من الحب هل هذا انعكس لواقع حالي


	20-07-2009 10:31 PM #149 هيثم ادروب الملف الشخصي مشاهدة المشاركات عضو فضي Array تاريخ التسجيل Jan 2008 الدولة السعودية - الرياض المشاركات 1,772 العاقب ياصحبي ... صباح الخير .. بسال عليك الآهة والبسمة البقت ما شادة حيل ... يمكن أصد .. يمكن ارد .. ما ألقى رد يمكن أقع. ... كنت قايل في رجاك بلقى زمني خالي همو ... كل أنوار المشارق ضاويه بي بسمة وجيهك .. كدي ياصحبي رايك فالكلام دا شنو .. ؟ بتسأل عن منو في اللحظة دي ..؟ ياخ ماتحكي لينا عن الحبيبة في عشرة سطور ..؟ هل في مرة انجرح العاقب من حبيب .. ؟ العاقب رايك في الحب بعد الزواج .. ؟ رايك بصراحة في الحب من اول نظرة ..؟ هل هو موجود ام من وحي خيالنا ..؟ نظرتك للحياة وأمانيك ...؟ اتكلم لينا عن الاتي ..؟ الصداقة .. الخيانة .. بنات اليومين ديل .. وجهة نظرك لتطوير المنتدي ..؟ ماذا ينقص هذا المنتدي في نظرك ..؟ هل المواضيع المنقولة ذات فائدة في المنتدي ..؟ العاجبك شنو في المنتدي والما عاجبك شنو ..؟ ماذا اضاف منتدي ودمدني للعاقب ..؟ العاقب فكرة النيمة جبتها من وين ..؟ بجيك احساس انو النيمة بقت شي مهم في المنتدي ..؟ متى تكون في ... قمة السعادة .. قمة الحزن .. قمة الغضب .. قمة القلق .. قمة الإنفعال .. قمة التعب .. قمة الاندهاش .. قمة الألم .. جائزة افضل قلم في المنتدي لمن ..؟ من هو نجم الشهر في رايك ..؟ هل المنتدي مهم في رآيك ولا ضياع وكت وخلاص ..؟ العاقب كان سياسي وانضم لتنظيمات سياسية كثيرة حسب لقاء سابق في النيمة منها علي ما ازكر .. الاسلامي .. والديمقراطي .. واتهم بالشيوعية .. اتكلم لينا عن الفترة دي من حياة العاقب ...؟ ماهي رويتك لمستقبل الصراع الدائر الان في البلد ..؟ الحل شنو في رآيك ..؟ هل ممكن يعم الاستقرار في السودان ..؟ موقف وقفت فيه مسافة طويلة مع نفسك واتعلمت منه حاجة للزمن ..؟ موقف حصل واتمنيتي انو ما يحصل تاني ابدا ..؟ موقف استصغرت فيه نفسك ..؟ موقف حسيت فيه بمكانتك عند الناس ..؟ ماش علي النيمة وبجيك مرة تاني .. تسالني اين تجد الحب ابحث عنه في قطرة ندى صافيه ساظل احبك وان طال انتظاري فان لم تكن قدري فقد كنت من اختـــــــــــيـــــــــــــاري


	20-07-2009 11:05 PM #150 روبش الملف الشخصي مشاهدة المشاركات زيارة الصفحة الرئيسية نائب رئيس مجلس الادارة Array تاريخ التسجيل Mar 2005 الدولة ودمدني - حي القبة المشاركات 4,771 ود مصباح .. حصل ركبت تاكسي

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 05:47 AM

Powered by vBulletin® Version 4.2.5
Copyright © 2026 vBulletin Solutions, Inc. All rights reserved.
Translate By Almuhajir

ودمدني