حكاية حيطة الجالوص في الدراما السودانية !!!

[بورتبيل]

نتمنى ان يعود يا المكاشفي .. فهذا الموضوع مهم جداً

اتمنى ان يعود المسافر المشاتر ( ابو الدقيق)

لنتواصل عن اصلاح ما يمكن اصلاح في الدراما السودانية

وحيطة الجالوص ..!! صادق مودتي .. يا ابو عبد الله

[المكاشفى]

نتمنى ان يعود يا المكاشفي .. فهذا الموضوع مهم جداً

اتمنى ان يعود المسافر المشاتر ( ابو الدقيق)

لنتواصل عن اصلاح ما يمكن اصلاح في الدراما السودانية

وحيطة الجالوص ..!! صادق مودتي .. يا ابو عبد الله

ابو احمد مشتاقون ياراجل وطلتك بدر
وكم نحن للزمن الجميل وهذه الحيطه من الزمن الجميل
وكما بين ظهرانينا الاخ الجميل السنى دفع الله
نتمنى ان نرى دلوه هنا بيننا فى هذه الحيطه الغير مائله
ونبدأ يا مدثر من حيث ان انتهينا اولا

فأنا كنت ارجح عن الاخفاق لعدم الامكانيات

[بورتبيل]

[النبدأ ليك انا من اول وجديد

شوف يا المكاشفي في حقيقة الامر .. الدراما السودانية من ناحية انها بها بعض القصور والضعف والهوان وما يجعلنا نتوارى عنها احيانا كثيرة ( دي تبقى حقيقة ) وبما اننا سودانيين ونعيش ونعلم كلنا الواقع السوداني اليومي والحياتي .. اعتقد بان الدراما السودانية احيانا تكون بعيدة عنه تماماً في امثلة متنوعة وعديدة .. مثلاً هناك بعض التمثيليات والمسلسلات تجد فيها الملابس مختلفة تماماً عن الواقع المعاش .. فتجد مثلاً بعض الشخوص يرتدون ( عراريق صفراء صفراء عديييييييييل) وان كنت لا اذكر بالتفصيل المشاهد الا انني اري امامي الاخ (خليفة حسن بلة) لابس عراقي اصفر .. بالهذ عليك متى رايت في اي بقعة في السودان عراقي اصفر ..؟؟ اعتقد بانها جزئية محتاجة الى وقفة .. الامر الثاني تجد ان هناك افراط في تصوير الفقر والفقراء فمثال ذلك مشاهد في مسلسل (نداء) فعائلة الاخ ( عبد الله صوصل) المهموم بحال القرية عائلته لا تملك ما يسد رمق اليوم ..!! فكيف بحالهم وهم لديهم طالب في الجامعة في وقت فيه الجامعة تعني مصاريف ومصروفات تعتبر باهظة بحساب الارقام..!!
لا اريد ان اخذ كل الامثلة من هنا وهناك لابخس اشياء الاخرين .. ورغم ضعف الامكانيات التي عادة ما تكون السمة المميزة للقصور الا انني اعتقد بان هذه السمة ليس المسئول الوحيد عن الاخفاق .. اعتقد بانه هناك اخفاق في ضروب شتى .. حتى في التصوير العادي الذي لا يتطلب حوار او نص او وجود ممثل حتى .. تجد بان هناك اخفاق ..
يا حبيبنا المكاشفي الموضوع كما اسلفت موضوع تحلو الكتابة فيه .. واحياناً كثيرة تجد نفسك تبحث عن ورقة وقلم وتدون اشياء وملاحظات عن بعض المشاهد في الدراما السودانية لانك تعتقد بان المسالة محتاجة للكثير من الجهود.

امرق بيك لبرا شوية .. في دعاية في النيل الازرق لعصير .. بيجيبوا مشاهد لبنات بسحبن نفسهن في الدرابزين بتاع السلم بطريقة غير مفهومة اطلاقا.. ( ما عارف اوصف ليك الموضوع كيف) .. اذا اخذنا بان البنات في الاعلان غير سودانيات .. الا ان الدعاية الاعلانية تعتبر نوع من انواع الدراما لتوصيل المعلومة للمشاهد السوداني .. الذي ينبغى ان يكون احترامه هو اول شي يمكن ان يراعى.

برجع ليك تاني في حيطتك دي ..!! ولا حيطة المسافر .. ما فرفت يا الحبيب.

وفي انتظار محمد السني دفع الله .. عشان نفرتق الحيطة دي..!!

خالص الود وصادق مودتي

[المكاشفى]

الحبيب ابو احمد سلام والعود احمد وبكم
تتزبل الحيطه بعد التصدع وردم المطر
اها انا بجى لى حاجاتك دى واحده واحده
اولا حاله الانسجام (الازياء لاتشبه الموقف او المكان )
دا حالنا فى الدراما وفى غيرها شغلنا خم ساااااااااااااى
وفى الدراما الالسودانيه فى التلفزيون بالزات ام الخم زاتو
عندنا ممثلين لكن ماعندنا صبر ننفز بيه العمل (خم فى دقيقه)
والنتيجه مخجله وبرضو من الامكانيات
لأنو لو فى امكانيات كان ارتفعت الاجور وارتفعت نثريه العمل
البروفه للعمل والترحيل والى آخره .. لكن التلفزيون داير ليه مشهد من ربع ساعه
فيه اكثر من اربعه ممثلين ويرصد ليه خمسمائه جنيه واحتمال كبير
يكون فيها اجار كاميرا وعربه غير حق الفنيين والمخرج
اها تفتكر الخمسمائه جنيه دى بتكفى منو؟؟؟؟
ويطلعو عدل على اللوكيشن ويقوم المخرج بتوزيع الادوار
مدثر تقاطع كشه وتقول ليه الليله الضبح تسمعك مدنيه هناك
تقوم تسكل يجى جارى الفخيم بتاع البقاله ومعاه المسافر بتاع
اصالات المويه يصلوكم ويقولوا ليك نحن شاهدين ارح اشتكيهو
وتمشو القسم وهنا يجى الاستوديو يكون مستضيفين قانونى يشرح
اها دا بخموه كدى خم لا تجى لابس شنو؟؟ لا تهيئه نفسيه لابروفه
هى ماخمس مائه تمشى وتجوها كم يوم الحكايه شنو؟؟؟
المهنيه مفقوده وبرضو للامكانيات
بجيك لى حته الاعلانات دى

[محمد الجزولى]

من خلال متابعتى للبوست يمكن تلخيص ما دار فى الاتى
بدأ البوست بانتقاد حائط الجالوص كخلفيه تعكس واقع الحياه السودانيه فى الدراما السودانيه
تطور مسار البوست لينتقد عملية الدراما السودانيه ككل وضعفها الواضح وذلك لعدة عوامل منها
الامكانيات عامل اساسى فى تاخر الدراما السودانيه
الممثل السودانى نفسه لا يجيد التمثيل وذلك لطبيعة الشعب السودانى باكمله
استخدام خلقيات تدل على الفقر المدقع فى تصوير المشاهد الدراميه
الشعب السودانى بطبيعته شعب محافظ ولا يقبل بعض المشاهد حتى ولو كانت تمثيلا
ثم تقدم الاخ زاهر باقتراح عمل فنى سودانى تاريخى هو موقعة كررى لم يتفق حتى الان حوله من الاخوه المتداخلين فى البوست
فتح هذا البوست الاخ المسافر فى 2007 ونحن الان فى 2010
سؤالى هو هل تغير شئ فى الدراما السودانيه فى هذه الفتره ام لا زلنا ندور فى فلك حيطة الجالوص؟؟؟
الاجابه على هذا السؤال مهمه جدا لانها تعطى مؤشرات يمكن ان يبنى عليها اى حلول قادمه
مع وافر تحياتى للاخوان المسافر وبورتبيل والمكاشفى وزاهر وكل المتداخلين

[بورتبيل]

من خلال متابعتى للبوست يمكن تلخيص ما دار فى الاتى
بدأ البوست بانتقاد حائط الجالوص كخلفيه تعكس واقع الحياه السودانيه فى الدراما السودانيه
تطور مسار البوست لينتقد عملية الدراما السودانيه ككل وضعفها الواضح وذلك لعدة عوامل منها
الامكانيات عامل اساسى فى تاخر الدراما السودانيه
الممثل السودانى نفسه لا يجيد التمثيل وذلك لطبيعة الشعب السودانى باكمله
استخدام خلقيات تدل على الفقر المدقع فى تصوير المشاهد الدراميه
الشعب السودانى بطبيعته شعب محافظ ولا يقبل بعض المشاهد حتى ولو كانت تمثيلا
ثم تقدم الاخ زاهر باقتراح عمل فنى سودانى تاريخى هو موقعة كررى لم يتفق حتى الان حوله من الاخوه المتداخلين فى البوست
فتح هذا البوست الاخ المسافر فى 2007 ونحن الان فى 2010
سؤالى هو هل تغير شئ فى الدراما السودانيه فى هذه الفتره ام لا زلنا ندور فى فلك حيطة الجالوص؟؟؟

الاجابه على هذا السؤال مهمه جدا لانها تعطى مؤشرات يمكن ان يبنى عليها اى حلول قادمه
مع وافر تحياتى للاخوان المسافر وبورتبيل والمكاشفى وزاهر وكل المتداخلين

الجميل محمد الجزولي
خالص الود .. اشارة الى ما ترمي اليه في هذا التلخيص اعتقد بانه فعلاً كان محور الحديث عن حيطة الجالوص وتصويرها في الدراما السودانية .. ولكن ليس المقصود تحديداً حيطة الجالوص فقط .. الحيطة فقط هنا مجرد مثال ومنها يتشعب النقد في كافة الاشياء التي تحويها الدراما ..وبما ان جميع المتداخلين في هذا الموضوع .. اعتقد بانهم كانوا ومازالوا لديهم الكثير ليقولوه ..
اما في اشارة منك على مقترح الاخ زاهر .. وانه لم يتفق حتى الان الاخوة المتداخلين فيه فاعتقد بانك تريد لفت الانتباه الى شي ما ..!! ( اتحفظ عن ذكره الان) .. ولكن لتعلم شي واحد فقط بان الكتابة في هذا الموضوع هي عبارة عن حرية شخصية لمن ارد ذلك .. نحن لا نقوم بفتح المواضيع القديمة الا لاننا نرى انها هي الاقرب لنا للحديث حولها .. ( اما اذا كان لك راي مخالف لهذا فاعتقد بانه ليس لديك الحق في حرماننا من الكتابة هنا) .. وحسب اعتقادي بانه ليس هناك ما يمنع من الكتابة في مواضيع قديمة ؟؟ اللهم الا ان يكون قد تغير الحال من جديد!!

نعم فتح البوست في عام 2007م ومازال مفتوح .. واتمنى ان يظل مفتوح .. حتى ولو لم نقوم باي اضافة في موضوع الدراما السودانية فقط لدينا مخزون نريد ان نفرغه هنا استفاد منه القائمين على امر الدراما ام لم يستفيدوا .. فقط نريد ان نكتب .!!

في سؤالك الاخير عن ( هل تغير شي في حال الدراما السودانية في تلك الفترة ام مازلنا ندور في فلك حيطة الجالوص؟؟) حقيقة لا اعلم ما ترمي اليه .. اذا كنت ترمي الى ان الموضوع قد اخذ فترة طويلة في المداولة فهذا صحيح اتفق معك فيه .. اما اذا كنت ترمي الى ان الموضوع لا فائدة منهم فهنا الاختلاف .. ( وكل يغني على هواه) وهذا ما جعلنا نواصل في الموضوع.

صراحة وعن نفسي اعتقد بان الموضوع جميل وشيق ويمكن ان يكون اهم موضوعات الثقافي لما فيه من اثارة .. اما اذا كنت ترى غير ذلك فهذه حرية شخصية لك لا اعتقد بانك تريد ان تفرضها على الاخرين.

صادق مودتي

[محمد الجزولى]

صراحة وعن نفسي اعتقد بان الموضوع جميل وشيق ويمكن ان يكون اهم موضوعات الثقافي لما فيه من اثارة .. اما اذا كنت ترى غير ذلك فهذه حرية شخصية لك لا اعتقد بانك تريد ان تفرضها على الاخرين.

صادق مودتي

الرائع بورتبيل
ياخى براحه شويه وخت الكوره دى واطه ياخى
انا والله لم اقصد ما تبادر الى ذهنك اطلاقا
كل قصدى من تلخيص الموضوع هو اننى اردت ان اشارككم النقاش كما اردت توفير المجهود لغيرى للذين لم يمروا على الموضوع من قبل حتى يساهمو ويثروا الموضوع بالنقاش
اما سؤالى عن انو الموضوع فتح 2007 فاننى اردت به كما جاء بسؤالى فقط يعنى بالمعنى هل فى تطور فى الدراما السودانيه ام ان الدراما السودانيه لا زالت محلك سر
هذا باختصار شديد اخى بورتبيل ما اردته بمشاركتى وليس اى اسباب خفيه اخى العزيز بورتبيل
وتاكد اننى سعيد جدا بنقاشكم هذا وسعادتى الاكبر ان هذا الموضوع الحيوى كان بالثقافى
وكلنا هنا اعضاء بمنتدى ود مدنى لنا كامل الحريه فى اختيار اين نضع مشاركاتنا ومتى ولا يمكن لاحد ما ان يحجر او يكون عثره امام الاخر ومشاركاته .
الجميل بورتبيل
ياخى واصل فى كل الاوقات فانا احد الاشخاص الذين يستمتعون جدا بكتاباتك
ولك خالص احترامى ومودتى

[المكاشفى]

ود الجزولى مرورك جميل لكن ياخوى
ظلمتنا ظلم الحسن والحسين وقلت ماعندنا ممثلين
دى بختلف معاك فيها اختلاف توتلى تماما
ويا بورتبيل الراجل قصدوا يقول هل فى الثلاث سنوات دى
درامتنا اتحركت ولا لسه فى حيطتها دى
اها انا بقول ليهو متحركه وشديد كمان لكن برضو
الامكانيات حجر عثره ...... اها يابورتبيل وقفنا امس فى شح الانتاج
وبجيك لى موضوع الاعلانات .. هو مانحن مافى زول جايب لينا الكفوه
غير ناس حمص ديل .. المصريين بوابتنا ودا سبب بوار بضاعتنا
حتى الاعلان يصنع بى مصر . وقديما فى هذا البوست كان احد الاخوه
ذكر تخلف الدراما من اسبابها اتجاهنا للدراما المصريه البتمسخ درامتنا
ومشاهدنا وجمهورنا مابقبل فايزه عمسيب فى ليلى علوى
اها دا كل الحاصل يالحبيب
وبجيك فى الامكانيات لمات تتوفر بحصل شنو ؟؟؟؟

[محمد الجزولى]

ود الجزولى مرورك جميل لكن ياخوى
ظلمتنا ظلم الحسن والحسين وقلت ماعندنا ممثلين
دى بختلف معاك فيها اختلاف توتلى تماما

حبيب الكل المكاشفى
تسلم يا حبيب على التوضيح
لكن يا اخوى بس عاوز اقول ليك انا لسه ما قلته رايئ
ولكن هذا تلخيص لما دار من مناقشات بين الاخوه المشاركين
بل على العكس تماما انا ارى ان الممثل السودانى مبدع جدا ولكن هذا الابداع تتدخل عوامل كثيره جدا لتحد منه
اها يا الحبيب فى رجاك لمواصلة ما انقطع من حديث

[المكاشفى]

اها يا احبه ود الجزولى الحر بواصل يالحبيب
بس ايدك معانا لنثرى ساحه الحوار وكمان
اخوى مدثر ده زول مثقف وذو درايه والله احسبه
من الوسط الفنى لكن ثقافه واعلام سااااااااااى جابها ضرب ايد
اها
تظل الامكانيات هى العائق الاساسى

شفتو سلسله ياخلف الله عزبتنا

الاساتذه الاجلاء جمال حسن سعيد
وابراهيم خضر(ابراهيم كومك)
ومحمدعبدالله موسى

اها رأيكم شنو؟؟؟؟
من حيث
- التمثيل
- التلقائيه
- الاجاده
- المتعه
وبجيكم راجع بعد تردوا لى

[بورتبيل]

الانيق ود الجزولي

تحياتي .. انا هنا لا اضع نقاط للاختلاف بقدر ما اوضح اشياء تتراء للجميع في غياهب الصياغ والحوار والمناقشة

لك خالص الود .. وكما اسلفت ان الحديث عن الدراما السودانية حديث شيق وجميل وخصوصاً الحبيب المكاشفي متحزم للحوار لانه ممثل ومتخصص كمان .. الا انني اعيب عليه انه احياناً كثيرة يا اخذ المسالة من ناحية شخصية .. وهذا ما يجعلني اتحفظ كثيراً في المناقشة .. خوفاً ان اخسر المكاشفي .. صديقي وتربطني به اشياء واشياء ..كثيرة

ود الجزولي .. لك الحرية في الكتابة ولك الحرية في التلخيص .. فصدقني متي ما كنت متحرراً في الكتابة تكون .. اكثر جاذبية .. امنياتي لك بوافر الكتابات والمشاركات. كن كما اود


الجميل كشة ( ابو عبد الله)
لا تاخذ كلامي على انني اهاجمك او اهاجم القائمين على امر الدراما السودانية .. الا انني لا احسب ان الامكانيات هي المعضلة الحقيقية في تاخرنا دراميا .. فاعتقد بان المسالة مترابطة مع بعض .. يعني نحنا تاخرنا في مجالات عديدة .. سواء رياضية او فنية او علمية او عملية .. ولا اعتقد بان الامكانيات هي ما يعوق التقدم والتطور .. الا انني اخلص المسالة في النظرة البعيدة وافتقادنا لها تماماً .. اذا لا يعقل ان يكون هناك ميزانية لمسلسل ( هباش مثلاً) وياتي بصورة فيها الكثير من التصنع والمحاكاة الفارغة .. ( اذا اخذنا بان الشعب السوداني نصفه لا يعرف التفرقة بين اندونيسيا والصين ) فمتى بدات العائلات السودانية في استقدام عاملات منزليات ( في تصوير شغالة الوزير) اعتقد بان مسلسل هباش عبارة عن سقوط للواقع السوداني .. الذي حاول القائمين على المسلسل تصويره على انه هكذا .. ولا اعتقد بانه الصحيح .. لذا كان المسلسل باير بورة ام الخزين جبّار.
ضع مسلسل ( هباش ) بالمقارنة مع الفلتة ( اقمار الضواحي ) وقارن حجم الميزانيات .. وابحث في النتائج الى اي مدى اتضح الواقع السوداني المعاش في المسلسلين .. وما هي درجة القبول في المسلسلين لدى الجمهور .. اعتقد باننا محتاجين الى بعد النظر في عكس واقع المجتمع السوداني وتصوير بالصورة ذاتها بعيداً عن المحاكاة والتقليد الاعمى. ومن هنا ينبع هوان الدراما السودانية ..لا بد للقائمين على الامر الاخذ في الاعتبار ان الدراما السودانية محتاجة لشخوص لديهم بعد النظر في مستقبل الدراما السودانية واخراجها الى العالم على انها سودانية خالصة .. بعيدة عن اي تاثير او تقليد ..( سؤال برا النص .. تفتكر ليه الافلام الوثائقية .. والبرامج الاذاعية احيانا كثيرة بتفوز في المسابقات الخارجية ) لانها ببساطة لا تخرج من كونها سودانية خالصة اخرجت في ثوب سوداني خالص .. ونحن لدينا من الامكانيات ( المادية او البشرية ) ما يجعلنا نستحق بجدارة فرض انفسنا على الاخر واجباره على احترام ثقافتنا وموروثاتنا وتقاليدنا.
يعني بصراحة لا اعلم ماذا تعني الامكانيات في ظل وجود اعمال في الساحة مطروحة الا انها لا ترقى لان تكون لافتة او ملفتة .. لو تكلمت عن التمويل واسعار الممثلين ..!! هذا زاوية اخرى .. اعتقد بان الممثلين انفسهم هم من خلقوها .. ( لا اعلم ان كانت لهم نقابة او اتحاد ..!!) لو جدت فعليها ان تعيد النظر في المسائل المتعلقة بالاجور .. وبالتسويق وبالدعاية .. وبالبيع .. والعوائد من ذلك .. المسالة هي في النهاية محصلة مالية ذات مردود ومكاسب وان كان من المفترض ان يكون حب العمل نفسه هو القائم الاول ..!!
سنعود وننبش هذا الرتل من الحيطان الجالوصية القديمة

[محمد الجزولى]

الحبايب المكاشفى وبورتبيل

اولا دعونى اثبت ان لدينا ممثل سودانى جيد دارس ويتمتع بالموهبه
ولدينا بيئه طبيعيه خلابه تصلح لتصوير ارقى الدراما العالميه
نجى لى حتة الامكانيات
يمكن تحصيل دراما ناجحه باقل الامكانيات طالما هنالك عزم واصرار بالخروج بدراما متميزه
وطالما هنالك جهد مضاعف مبذول من الممثل من ناحية حفظ النص والسيناريو وعدم ارتجال الحوار
ولدينا تجربة فرقه الاصدقاء فقد استطاعت ان تجذب اكبر عدد من الفمشاهدين وكان المتلقى العادى
يحس ان هؤلاء الممثلين مقنعين وتلقائيين جدا
كما لدينا تجربة مسلسل عثمان دقنه الذى عرض فى فتره سابقه بانتاج مصرى سودانى مشترك فقد نافس الممثل السودانى الممثل المصرى فى درجة الاداء والاقناع وقد حقق المسلسل نجاحا ملحوظا
خلاصة كلامى ان الممثل السودانى موجود ويتمتع بالموهبه وكثير منهم حاصل على اعلى الدرجات فى التمثيل والاخراج ولكن
( وده طبعا راى شخصى ) اعيب عليه الكسل
لماذا لا يفتح الممثل السودانى لنفسه قنوات اتصال خاصه مع جمهوره مثلا ان يقوم اتحاد الممثلين بانشاء قناه سودانيه دراميه صرفه تتولى انتاج وعرض الدراما السودانيه قيام مثل هذه القناه سوف تساهم فى توفير الامكانيات التى تؤرق الممثل السودانى ويمكن تحقيق عائد عن طريق الاعلان فى هذه القناه يستثمر فى انتاج اعمال دراميه اكثر كما ان وجود هذه القناه سوف تساهم فى انتشار الدراما السودانيه عبر البث المستمر للاعمال الدراميه
انا ارى الامر ليس صعبا فانشاء قناه ليس صعبا ويمكن ان يتحقق لو تحلل الممثل السودانى من ثوب الكسل واجتهد قليلا بدلا من التعلل بشح الامكانيات وهو ينتظر الدوله ان توفر له الامكانيات وهذا فى نظرى سوف يزيد من علل الدراما السودانيه
ولى عوده فى محور اخر

[المكاشفى]

الجميل ود ابوى مدثر الحبيب ياخ ولاشخصى ولاحاجه
ياخ انداح ورحم الله امرئ اهدى الى عيوبى
وانت بدأت تتحسس معى الطريق واوصلتنى الى محور ثانى
كنت متباطئ فى الوصول اليه بعد الانتهاء من معضله الامكانيات
اوصلتنى اليه بمقارنتك اقمار الضواحى بهباش وجيتنى لكى اتحدث
فى المحظور فأقمار الضواحى صناعه فنان وقامه مثل قاسم ابوزيد
وهباش مفصل ليتجدع فيه اشباه المواهب مثل على مهدى
بواقع بترولى بحت لكن هيهات طمثو هويتنا وكلو من الكمسارى
فالمحور هو تسييس الفنون وانطوائها تحت لواء الكيزان معانا تمثل
مامعانا ياولدنا شوف ليك بلد .. واجازه النصوص بروئيه كوزيه ومن
اناس غير متخصصين ورحم الله اصدقائى خالد سليمان وهو يحمل
فى جعبته مسلسلان واكثر من خمسه افلام ولايجد من يصغى اليه
ولكن لو كان من الموالين لأنتجو رغم انف التلفزيون والتلفزيون يدمر
العمل بخروج كاميرا واحده لتصور مسلسلا

فللمسرحيين لايوجد اتحاد ولا كيان الا قبل اشهر حاولو لم الشمل
بحراك بالمسرح القومى ملتجأ اسموه بيت المسرحيين يقنن الدخول
له ببطاقه ولا ادرى مايقدمه للمسرحيين من خدمه دا كل الحاصل

اها يابورتو ماقلت لى رأيك فى خلف الله

بس داير اجيك لحته الانتاج والامكانيات
ياولدنا .. انا كمتخصص ارى ان الاخوه فى السلسله اتقطعو عديل
اشتغلوا بتلقائيه عجيبه لاتكلف لا اصطناع ولا ولا ... واياها درامتنا
والسبب الانتاج والكم الهائل من القروش التى رصدتها المفوضيه
(المؤتمر الوطنى)للدعايه وهل تعلم يابورتو اخوى انو مستجلبين
ليها تيم عامل مصرى (مصورين ومخرجين وفنيات ) اها شن قولك
عمل صرفو فيه وهيأ له من الامكانيات فوق طاقه العمل
وطلع ميه ميه
لو فى انتاج واهتمام بالكادر زى ده
ما كان طرنا السما
ولى عوده

[المكاشفى]

ود الجزولى واصل يالحبيب
مدافرتك سمحه بالحيل وكلامك زى الفل
بجيلك بى رواقه افند ليك الماعاجبنى فيه ياخوى
وانورك على الماعارفو انت من خبايا المهنه
اشوفك بكره فى الموعد

[بورتبيل]

يا حبائب مكاشفي وود الجزولي

- تابعوا ( حكايات سودانية على قناة الشروق ) من كل خميس الساعة 8 مساء ( الليلة ما عارف كيف مع الكورة دي )

ولنا عودة للتحليل باذن الله

[محمد الجزولى]

يا حبائب مكاشفي وود الجزولي

- تابعوا ( حكايات سودانية على قناة الشروق ) من كل خميس الساعة 8 مساء ( الليلة ما عارف كيف مع الكورة دي )

ولنا عودة للتحليل باذن الله

تحياتى الحبيب بورتبيل
سعيت بكل السبل لحضور حكايات سودانيه .. ولكن ظروف قاهره منعتنى من ذلك
وعدا منى اخى بورتبيل الخميس القادم سوف اشاهدها

همسه : البركه بالشوفه ياخى

[المكاشفى]

الحبايب بورتو وود الجزولى شوق الى شخصيكما الغاليين
وشوق لى قييله فى ضل حيطه الجالوص دى كان ماتتهايس فينا
معاكم وبكم يحلو السمر

[ود المطامير]

الحبايب بورتو وود الجزولى شوق الى شخصيكما الغاليين
وشوق لى قييله فى ضل حيطه الجالوص دى كان ماتتهايس فينا
معاكم وبكم يحلو السمر

إبن عمى سلااام
والله رجعتنا للزمن الجميل

أحلى أيام

[المكاشفى]

إبن عمى سلااام
والله رجعتنا للزمن الجميل

أحلى أيام

الحبيب الجميل الشفيف
ابو عمرو ابن عمى الكلس والله لك من الشوق
ما فاض بنى وطفح بالخليج العربى وغرق جزيره الكدائس
والله زمن اجمل من جميل والله ايام يازمان
ليت الشباب يعود يوما
مووزه :-
المسافر ماضنيتو جانا تانى الراجل بقى حيكومه

[بورتبيل]

السلام عليكم يا ناس الحيطة

جيناكم تااااااااني راجعيين

نشوف وصلنا وين في الحيطة الما عايزة لا تموت ولا تفوت ولا تتهدم دي

كمية من المشاركات والتحليل لما شاهدناه في الفترة الفائتة

باذن الله لنا عودة

[محمد الجزولى]

الحبايب بورتو وود الجزولى شوق الى شخصيكما الغاليين
وشوق لى قييله فى ضل حيطه الجالوص دى كان ماتتهايس فينا
معاكم وبكم يحلو السمر

المكاشفي اخوي
بركه بالشوفه ياخي
وسعيد جدا بطلتك عبر هذه النافذه
ويلا نبني المكان حجر حجر

[محمد الجزولى]

السلام عليكم يا ناس الحيطة

جيناكم تااااااااني راجعيين

نشوف وصلنا وين في الحيطة الما عايزة لا تموت ولا تفوت ولا تتهدم دي

كمية من المشاركات والتحليل لما شاهدناه في الفترة الفائتة

باذن الله لنا عودة

الغالي بورتبيل
طلتك بالدنيا
منتظرين جيتك يا الحبيب

[بورتبيل]

بسم الله

اها جينا ليكم يا ود الجزولي ... وخلي نفسك طويل وشوف لينا ابو الدقيق ( المسافر دا وين ) والمكاشفي منتظرك برضو

في اعتقاد شخصي بحت اقول ان الدراما السودانية لن تكون ولن تقوم ما لم تخرج من عباءة التقليد والمحاكاة .. وقد يقول قائل اين المحاكاة في حيطة جالوص في مسلسل سوداني .. فاقول ان التقليد ليس مقصود به المادة موضوع الحدث .. انما اقصد بالتقليد هو تقليد الممثلين لاداء بعض الشخصيات من حركة وطريقة كلام بافتراض لو كان التقليد والمحاكاة (تقليد بنت حنكوشة مثلاً في الواقع) اعتقد بان التقليد وحركة بعض المشاهد للممثلة في تجسيد الدور يكون فاتراً جدا وممل فمثال لا اعتقد بان الاستاذة اخلاص نور الدين تصلح لاداء دور بنت حنكوشة حتى ولو كانت هي كذلك في الواقع ... ( فالمسالة هي ما يراه المشاهد وما يقع عليه من انطباع عن الشخصية المجسدة)
ومثال اخر .. عن حبيب المكاشفي وصديقه الرائع (صالح عبد القادر ) ورغم انه ممثل متميز الا انه احياناً يكون في تجسيده لبعض الشخصيات فارق شوية .. بمعنى انه لا يصلح ان يكون في شخصية صاحبة اموال وتجارة وما الى ذلك. رغم انه يسعى بقدر الامكان وقد ينجح كثيراً في اداءه.
لو عرجنا الى شخصية عرقلة في مسلسل (.....) ما متذكر اسمه .. الا انها شخصية مازال لها انطباع في المشاهدين الى يومنا هذا .. والشخصيات كثيرة جدا الا ان الشخصيات التي علقت بالذاكرة قليلة جدا وتكاد تحسب في اصابع اليد الواحدة. كابتن كابو .. وعرقلة .. وكورينا ..
ما ااريد ان اقوله ان اختيار الشخصية وانطباعها على المشاهدين او المشاهد هو ما يعيق مسيرة الدراما السودانية .. كم وكم من الشخصيات جسدت في مسلسلات وفي فقرات درامية قصيرة او في المسرح .. ولكن كم هي التي بقيت في الذاكرة .. وكم من الممثلين السودانيين قاموا بعمل اعمال لم تبقى في الذاكرة لو لمدة قصيرة.
ايضا هنا نقطة اخرى عن التقليد والمحاكاة .. في الحركة داخل المشهد واعتقد بانه احيانا كثيرة تكون الكاميرا ثابته والممثل ثابت لا حركة ولا حرك وقد يخلق الممثل هنا حركة مقلدة او محاكاة لشخص ما راه في الواقع وتكون فاترة ومبالغ فيها بعض الشي .. فثبات الكاميرا يجب ان يمنح الممثل مساحة لاداء حركته بصورة تجعل المشاهد يحس بالممثل ويحس بانه فعلاً موجود في مكان الحدث ( اتمنى ان يكون قد وصل ما انعنيه).
النقطة الاخيرة في المحاكاة والتقليد اعتقد بان وقوف الممثلين وحركتهم غير متناسقة مع بعض .. لذا تجد ان حامل الكاميرا ليس له اي دور في اظهار ما يجب اظهاره بحيث انه اذا كان هناك مشهد فيه اكثر من ثلاثة شخصيات .. تجدهم اما جالسين واما واقفين بدون حركة الا حركة الايادي او الشفاه اثناء الكلام؟؟ ايضا اعتقد بان هناك صعوبة في متابعة الحركة ولا يكون هناك مجال مرسوم مسبق لحامل الكاميرا وللممثل لتجسيد المشهد.

بنرجع لكم باذن الله

[انور النور محمد]

سلام الى كل المتداخلين وتقدير واحترام
مدخل
في زول كل يوم بجيبوا ليهو في الاكل صينية فيها ما لذ وطاب من اصناف الاكل محمر مشوي محشي ومحدقات تخلي الواحد ياكل وللنهايه وتحليه وبعد داك شاي اوزن الراس واستمر على كدي سنين
بعدين بدون مقدمات غيروا ليه النظام
صينيه في النص صحن واحد فيه كسرة بملاح وناقص ملح كمان
بكون احساسو شنوا
ده مدخل اول لكلام كتير

بعيدا عن المدخل الدراما السودانية على مستوي ( المسرح) مميزه جداً
في كل اركان العمل نص وحوار وتمثيل واخراج (وجمهور)

بجي بي مهلة افكك صينية الاكل الاولى والتانية

[محمد الجزولى]

الاعزاء جدا
بورتبيل
انور النور
المكاشفي
جلوس ومتابعة