النتائج 1 إلى 15 من 15

الموضوع: شوفي كيف ..

     
  1. #1
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    شوفي كيف ..

    شوفي كيف ..

    وكتين تغيبي الشوق ببهدل حالي كيف ..!!؟
    ما كنتي غبتي ..

    او لو عرفتي الريدة في جواي كم ..!!
    والمعزات والحنان
    ما كان بعدتي ..

    لو شفتي لحظات الشجن
    وسألتي نجمات الليالي الشاهدة سهدي ومر اساي
    بس كان سألتي

    او حتى كان عللتي اسباب الغياب . .
    كان بيهو بحتي

    ورحمتي غيبوبة الرهيف البيك بهاتي سنين طوال
    بي طلتك ليه كنتى جدتي

    عارفاني يا كل الأماني الفي حشاي
    يا رحيق كل المعاني البي أمامي وبي وقفاى
    انا غير وجودك ما بكون
    انا في غيابك شن بكون ..؟؟
    عارفاني انتي

    ما الحب خلاص اتوهط القلب البيشتهي نسماتك
    تعتق نبضو بيك حد الجنون
    واللحظة بعدك عندو موت

    آآآه يا أنا ..
    آآه يا منى
    وريني كيف اقدر اعيش الثانية من غير أكون
    جنبك أنا

    شوفيها بتكون كم سنة
    شوفي الزمن كيف مفترى ...!!!
    ما بين رموش اللحظ وقتين اقتراب
    وبين متاهات الشجون المحزنة

    يا فاتنة . .
    اديني من بدرك شعاع
    ضويني بيك
    ضوى الزمن
    كل الدورب والامكنة

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  2.  
  3. #2
    فخر المنتديات
    Array الصورة الرمزية اميمه عشريه
    تاريخ التسجيل
    Jun 2005
    الدولة
    من مدني فكل مدني دياري
    المشاركات
    1,486

    آآآآآآآآآآآه يا انا ....وآآآه يا انت يا معجون بالاحساس

    لولا هذا الجـــدار لما عرفنا قيمة الضؤ الطلـــــيق


    اميمه صلاح الدين عشريه
  4.  
  5. #3
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    لو كنت بس بقدر أنا
    كنت كتبت ليك
    كل الشعاع الجاي منك
    ضاوي ليل الكون هنا
    والوحشة والشوق والضياع

    لو كنت بعزف عود انا
    كنت عزفت ليك
    موسيقى حلوة ودندنة
    سمفونيات مليانة ود
    إلفة ومحنة ودوذنة
    مصقولة بي فن وابتداع

    لكن بس ما بتدي حريف

    جيتك هنا يا اميمة شهادة تقديرية تتعلق في الخاطر وفي الجبين معزة

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  6.  
  7. #4
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    اقتباس المشاركة الأصلية كتبت بواسطة mayaliyoussif مشاهدة المشاركة
    عاد بدل شوية شنو مدني التخلي وخالد الصحافه لو شافوها ح يطالبوا بتعويض واعمل حسابك خاصة الشايقي خالد محجوب شوفينت كيف اغنيه مسجلة ومعروفة صحيح انت عدلت لكينفيها السرقات الادبية والله ما مشكله لكني خايف عليك من الشايقي دا وخاصة ح ترفع اسهمه

    اخوك النخلي / عماد
    اخوي النخلي/عماد
    تحياتنا وسلاماتنا قبل وبعد
    ومن ثم:
    اين وجه الشبه ما بين مدني النخلي وخالد الصحافة مع احترامي لهما
    وما بين ما كتبت؟
    الرجاء قبل الإتهام التوضيح بدقة
    مع العلم بأني قاريء جيد لشعر النخلي ومستمع ايضاً لأغانيه بحنجرة مصطفي سيد احمد رحمه الله

    اديني احساس بالامل
    واقف براك
    معاك كنت
    ما بان عليك سفر العمر
    واخريات من الجميل والكثير الذي احفظه ويحفظه معظم محبي مصطفي سيد ومحبي الشعر السوداني الجميل ..
    فلست جريئاً الى الحد الذي يجعلني اسطو على ما كتبه النخلي الشاعر الفنان
    فما كتبته يا غالي هي تداعيات تخصني وحدي وليس لها علاقة بما قلته انت ..
    ولفظة "سرقة أدبية" يا عزيزي يجب أن تأخذ موقعها حتى يكون استخدامها أدبي
    لك تقديري
    وفي انتظارك

    التعديل الأخير تم بواسطة ابراهيم ; 28-11-2006 الساعة 04:38 AM
    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  8.  
  9. #5
    عضو جديد
    Array الصورة الرمزية همس القصيد
    تاريخ التسجيل
    Nov 2006
    المشاركات
    93

    فلتسلم الأيادي الطيبات

    بسم الله الرحمن الرحيم
    السلام عليكم ورحمة الله وبركاته


    يأسرني دوما ذلك الذي يمس شغاف القلوب ويتسربل عبر المسام
    ليداعب حنايا الوجدان بتلك اللمسات الحانية , ما أروعها من عامية
    بسيطة في الطرح عميقة في المضامين وهي تحوي هذا الكم الكبير
    من الشحنات العاطفية الدفاقة من شوق ولوعة وحب جم ..

    سلمت أخي وسلم يراعك الفذ الذي يجود بالرائع الخلاق الثر ..


    دمت مع أحلي الأمنيات الطيبة
    أختك
    همس القصيد


  10.  
  11. #6
    فخر المنتديات
    Array الصورة الرمزية saleh farah
    تاريخ التسجيل
    Dec 2003
    الدولة
    ودمدنى - جزيرة الفيل
    المشاركات
    998

    المبدع مبدع حتى ولو تشابه البقر فى المراعي
    وبما ان الحروف العربيه لاتتعدى الكم وعشرين
    والاحساس بالشجن لايتفاوت ببعد المسافات
    والموهبه هى الموهبه
    حتماً سوف نجد التشابه
    وان كان النخلى قد وجد التشابه او احس به
    فهذا دليل على قوة المفردات التى اتى بها ابراهيم
    لانه هنالك فرق بين قوة السمع ووقع الموسيقى
    وبين قصيدة لم تلحن ولم تغنى
    وهذا ليس بعيب وانما دليل قاطع على قوة القصيده التى كتبها ابراهيم
    وزمان عنتر قال
    هل غادر الشعار من متردم ام هل عرفت الدار بعد توهم
    كل التقدير للنخلى ولابراهيم وللناقد الذى يحمل شفافية السمع اتمنى ان لايكون هذا النقد له علاقه بالاسماء

    خليك ربيع مليان زهور فتح ورودك واحضنه
  12.  
  13. #7
    ابو قناية
    Guest

    تحياتي لكم رواد منتديات ود مدني والتحية لكل اصحاب الاقلام الجملية ...وشكرا للاخ ابراهيم المبدع دوما ..وتحياتي للاخ النخلي عماد..وانحنأة تقدير للاخ صالح فرح ..
    هل غادر الشعراءمن متردم ..ام هل عرفت الدار بعد توهم
    عفوا عزيزي صالح. ولكن عندما قرأت ما كتبه الاخ النخلي فكرت في الرد علية .. وخطرعلي بالي هذا البيت .وربما كانت الخواطر قد التقت عند دوحة منتديات ودمدني الوارفة .. واتمني ان نلتقي قريبا ياعزيزي..وما قاله النخلي بعيد كل البعد عن الحقيقة.. وليس له ما يسنده من دليل ..وهل التشابه في استخدام بعض الكلمات سرقة ؟؟؟!!!!وهل تناول الموضوع من جهة اخري يعتبر سرقة ؟؟؟!!!قفا نبك ..الا ليت شعري ... السقيا...ذكر الديار ..وما شاكل ذلك من ضروب الشعر العربي تناولها كل الشعراء العر ب.. ولم نجد من اتهم الاخر بالسرقة ..واقوي دليل علي تداول الكلما ت قول عنترة انف الذكر...
    دعك عن هذاوتعال الي الشعر السوداني .بل الي الغنا ء السوداني ..ياغالية يا تمرة فؤادي..ياغالية يا زينة حياتي ... يا غالية يا نبع الحنان ....يصدح بالاولي الاستاذ حمد الريح والثانية الاستاذ زيدان ابراهيم ..والثالثة الاستاذ الطيب عبد الله ولم يتهم اي منهم الاخر بالسرقة
    ..الزكريات ..القطار ..الحنين..كل هذة الكلمات تشترك في معظم الاغاني السودانية ..
    واسال النخلي ما علاقة الاستاذ خالد محجوب بالقصيدة ؟!هل لانه الفنا ن الذي يتغني بها؟؟؟ولكن هل له الحق في مقاضاةابراهيم ؟؟ بالتاكيد لا والف لا ..صاحب الحق هو الاستاذ الشاعر النخلي ..ثم ما ذا تقصد بتكرار لفظ الشايقي تهديدا؟؟ ما فهمته من كلامك وما يفهمة كل الناس ..ان الشايقيةاهل لؤم وحب ما ل .وهذا ليس صحيحا ..وهذا ما يغضب خالد وكل سوداني محترم ..وفي نهاية المطاف انبهك الي شي وهو ..لا تحاول ان تدخل العبارات القبلية والجهوية في مثل هذة المواضيع
    مع معزتي

  14.  
  15. #8
    فخر المنتديات
    Array الصورة الرمزية saleh farah
    تاريخ التسجيل
    Dec 2003
    الدولة
    ودمدنى - جزيرة الفيل
    المشاركات
    998

    يانخلى انت معانا ومننا وجوانا حتى فى لحظات الغفلة ودائما اختلاف الرأي فيه التوضيح والايضاح وصدقنى مافى زول زعلان منك ولافى زول اتناول الموضوع بى زعل كل الشئ الحصل هو مجرد راي واختلاف الاراء فيه الفائدة والافادة ، بعدين ياخى نحن هنا ماعندنا خيار ولا فقوس عندنا ودمدنى وحب ناس مدنى والموده البينا .

    خليك ربيع مليان زهور فتح ورودك واحضنه
  16.  
  17. #9
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    اقتباس المشاركة الأصلية كتبت بواسطة همس القصيد مشاهدة المشاركة
    بسم الله الرحمن الرحيم

    السلام عليكم ورحمة الله وبركاته


    يأسرني دوما ذلك الذي يمس شغاف القلوب ويتسربل عبر المسام
    ليداعب حنايا الوجدان بتلك اللمسات الحانية , ما أروعها من عامية
    بسيطة في الطرح عميقة في المضامين وهي تحوي هذا الكم الكبير
    من الشحنات العاطفية الدفاقة من شوق ولوعة وحب جم ..

    سلمت أخي وسلم يراعك الفذ الذي يجود بالرائع الخلاق الثر ..

    دمت مع أحلي الأمنيات الطيبة
    أختك

    همس القصيد

    شكراً لهذه الهمسة الرقيقة التي أخجلت تواضعي وأحرفى
    شكراً لمنحك كلماتي البسيطة الضوء والبريق
    فإن كنت جميل فهذا بعض مما يحتويكم ..
    شكراً وسيبقى اريج كلماتك ملء المكان
    مع مودي اختي همس القصيد

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  18.  
  19. #10
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    اقتباس المشاركة الأصلية كتبت بواسطة saleh farah مشاهدة المشاركة
    المبدع مبدع حتى ولو تشابه البقر فى المراعي
    وبما ان الحروف العربيه لاتتعدى الكم وعشرين
    والاحساس بالشجن لايتفاوت ببعد المسافات
    والموهبه هى الموهبه
    حتماً سوف نجد التشابه
    وان كان النخلى قد وجد التشابه او احس به
    فهذا دليل على قوة المفردات التى اتى بها ابراهيم
    لانه هنالك فرق بين قوة السمع ووقع الموسيقى
    وبين قصيدة لم تلحن ولم تغنى
    وهذا ليس بعيب وانما دليل قاطع على قوة القصيده التى كتبها ابراهيم
    وزمان عنتر قال
    هل غادر الشعار من متردم ام هل عرفت الدار بعد توهم
    كل التقدير للنخلى ولابراهيم وللناقد الذى يحمل شفافية السمع اتمنى ان لايكون هذا النقد له علاقه بالاسماء
    ما فض فوك
    أخى صالح فرح فقد اثلجت صدري بهذه المداخلة الأنيقة والحقيقة
    أحياناً ورغم محدودية الحروف ولا محدودية المشاعر شوق وشجون ووداد ووو
    يأتي الحديث متبايناً ..
    ويستطيع القاريء الجيد معرفة حرف زيد واسلوبه غير حرف عبيد واسلوبه
    لك تقديري استاذنا صالح فرح ومودتي بلا حدود

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  20.  
  21. #11
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    اقتباس المشاركة الأصلية كتبت بواسطة ابو قناية مشاهدة المشاركة
    تحياتي لكم رواد منتديات ود مدني والتحية لكل اصحاب الاقلام الجملية ...وشكرا للاخ ابراهيم المبدع دوما ..وتحياتي للاخ النخلي عماد..وانحنأة تقدير للاخ صالح فرح ..

    هل غادر الشعراءمن متردم ..ام هل عرفت الدار بعد توهم
    عفوا عزيزي صالح. ولكن عندما قرأت ما كتبه الاخ النخلي فكرت في الرد علية .. وخطرعلي بالي هذا البيت .وربما كانت الخواطر قد التقت عند دوحة منتديات ودمدني الوارفة .. واتمني ان نلتقي قريبا ياعزيزي..وما قاله النخلي بعيد كل البعد عن الحقيقة.. وليس له ما يسنده من دليل ..وهل التشابه في استخدام بعض الكلمات سرقة ؟؟؟!!!!وهل تناول الموضوع من جهة اخري يعتبر سرقة ؟؟؟!!!قفا نبك ..الا ليت شعري ... السقيا...ذكر الديار ..وما شاكل ذلك من ضروب الشعر العربي تناولها كل الشعراء العر ب.. ولم نجد من اتهم الاخر بالسرقة ..واقوي دليل علي تداول الكلما ت قول عنترة انف الذكر...
    دعك عن هذاوتعال الي الشعر السوداني .بل الي الغنا ء السوداني ..ياغالية يا تمرة فؤادي..ياغالية يا زينة حياتي ... يا غالية يا نبع الحنان ....يصدح بالاولي الاستاذ حمد الريح والثانية الاستاذ زيدان ابراهيم ..والثالثة الاستاذ الطيب عبد الله ولم يتهم اي منهم الاخر بالسرقة
    ..الزكريات ..القطار ..الحنين..كل هذة الكلمات تشترك في معظم الاغاني السودانية ..
    واسال النخلي ما علاقة الاستاذ خالد محجوب بالقصيدة ؟!هل لانه الفنا ن الذي يتغني بها؟؟؟ولكن هل له الحق في مقاضاةابراهيم ؟؟ بالتاكيد لا والف لا ..صاحب الحق هو الاستاذ الشاعر النخلي ..ثم ما ذا تقصد بتكرار لفظ الشايقي تهديدا؟؟ ما فهمته من كلامك وما يفهمة كل الناس ..ان الشايقيةاهل لؤم وحب ما ل .وهذا ليس صحيحا ..وهذا ما يغضب خالد وكل سوداني محترم ..وفي نهاية المطاف انبهك الي شي وهو ..لا تحاول ان تدخل العبارات القبلية والجهوية في مثل هذة المواضيع

    مع معزتي
    تحياتي الطيبات اخوى ابو قناية ...
    هنيئاً لنا بك وانت هنا .. تتناثر روعة وبهاء
    شكراً كثيراً لهذه المداخلة والتبيين وعذراً لتأخرى في التعقيب
    لك مودتي وتقديري

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  22.  
  23. #12
    عضو فضي
    Array الصورة الرمزية راسكال
    تاريخ التسجيل
    Mar 2006
    الدولة
    مدنى القسم الاول
    المشاركات
    1,849

    اخوى ابراهيم

    والله انا رايى شنو بين الناس ديل

    لكن تسلم

  24.  
  25. #13
    ابو قناية
    Guest

    اخونا النخلي تحياتي لك
    والله صدقني انا ما قدرت افهم من الرد اي حاجة امكن عشان انت مابتهتم بالاملاء والشي التاني البينا عامرة ود اختلاف اراء واختلاف الاراء كما قالو (لا يفسد للود قضية )واتمني ان نلتقي
    واناما من ناس ابوقناية المعروفين في مدني يعني من قانية تانية واهلا بكل الاخباب وهم فوق الراس من فوق

  26.  
  27. #14
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    الأخ عماد/النخلي
    تحياتي بلا حدود
    هذه أدناه مشاركتك الاولي قبل التعديل

    المشاركة الأصلية كتبت بواسطة mayaliyoussif

    عاد بدل شوية شنو مدني التخلي وخالد الصحافه لو شافوها ح يطالبوا بتعويض واعمل حسابك خاصة الشايقي خالد محجوب شوفينت كيف اغنيه مسجلة ومعروفة صحيح انت عدلت لكينفيها السرقات الادبية والله ما مشكله لكني خايف عليك من الشايقي دا وخاصة ح ترفع اسهمه
    اخوك النخلي / عماد
    وهذه بعد التعديل
    عاد بدل شوية شنو عايزين نري جديد بدل التشابه في الافكار الادبيه السمحة دي وانت راجل شاعر ومرهف واتمني ان لا تاخدها بحساسيه وبس خايف ليك من اخونا الشايقي دا يقوم يرفع اسهمهوهو متلقي حجج والاغنيه ماتت وانتهت من زمان يقوم يحي ها خلي شي هو متمسك بيه رغم ان التشابه قد يكون في الاسم وبعض المقاطع فقط لك التحيه وانت تبدع دايما
    اخوك النخلي / عماد
    974/5381739
    28-11-2006 05:12 AM
    اخى عماد ليس هناك اريد منك فقط تفنيد وتوضح جملة "تشابه الافكار الادبية" حتى نستفيد من نقدك
    ومن ثم ماذا تقصد برفع الاسهم .. تلقى الحجج ..
    حيث وأنني اراني وحروفى البسيطة والمتواضعة بعيدين كل البعد مما تقول
    هي احاسيس تخصني وحدي ليست تجارة وأنا هاوي فقط
    دلني حيث مقاصدك اجارك الله واجارنا جميعاً
    لك تقديري ومودتي

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا
  28.  
  29. #15
    عضو ذهبي
    Array الصورة الرمزية ابراهيم
    تاريخ التسجيل
    Nov 2003
    الدولة
    مدني الجميلة/جزيرة الفيل
    المشاركات
    4,172

    اقتباس المشاركة الأصلية كتبت بواسطة راسكال مشاهدة المشاركة
    اخوى ابراهيم

    والله انا رايى شنو بين الناس ديل

    لكن تسلم
    الحبيب راسكال
    اي حاجة جميلة منك
    تكفي فقط إطلالتك هنا يا غالي
    وبي زيارتك بيتنا نور ..
    مع حبى وتقديري

    وأنا هل كنت إلا ألقاً ذاب في عينيك وهجاً أبديا
    او فتوناً فوق خديك إنتشي بهجة عاد بها الحس إليا

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid