المرايا أدخل وشوف نفسك بأقلام عضوية المنتدي

[عاطف عولي]

فكرة هذا البوست تقوم علي اقلام عضوية المنتدي وكل عضو يعبر الاخرين بشفافية عالية ودون مجاملة او تجريح.

روحو مرحة دمو تقيل زول نصيحة صاحب حضور جميل صاحب قلم مميز كاتب اجتماعي رياضي ثقافي سياسي محلل حلال شبك عمدة شيخ عرب يعني خلي الزول البتعبرو يشوف نفسو من خلالنا.

واكيد مافي زول يملك حق الرد غير صاحب المشاركة والشخص الذي وضعت عليالمرايا
يمكن المشاققة والقفشة ويمنع المشاتر ويلا نبدا

[مهيد ود السفاح]

الفكره اكتر من رائعه
عشان كده انا قررت اكون على راس المشاركين وبكل صراحه

العاقب مصباح وعبد الرحمن مدثر : الناس دي بمتلك قدره على الكتابه تجبرك على الصمت , وانا شخصياً بتقل مشاركاتي في اي بوست للعاقب او عبد الرحمن مدثر , وبقرأ البوست عشرين مره واكون في قمة الاستمتاع بالاطلاع فقط دون المشاركه , ممكن تقول دي انانيه مني او عجز , على كيفك , لكن دي الحقيقه اقرأ ولا اجد ما ارد به فأكتفى بمتعه المتابعه .

مدنيه :

دون خلق الله لا تعجبني المناكفات الا في رأي للرائعه مدنيه , امكن ده نابع من حبها للونها الرياضي , (( مهيد ابعد من قدامي )) لما مدنيه تصل لي المرحله دي انا بكون وصلت لقمة الراحه .ههههههههههههههه

مشكور على الفكره وبجيك تاني

[مايسة]

هههههههههههه

فكرة حلوة جدا -

عوض الكريم الخواض انسان متسامح جدا - وعقلاني جدا - ينفع يكون شيخ منتدي

البنات ديل عاد صعب الكلام - لكن بجيك تاني وبوريك

[ابوالنور]

فعلا اخي الفاضل ... عاطف عولي

فقد أصبح بالمنتدى كتاب جدد ومبدعين ...اصبحوا ذو مكانة عالية بالمنتدى ..

ولا تحتاج لشهادة قلم او كاتب مبدع اخر

ود مدثر وتشكيل الحروف

[عاطف عولي]

بعد ما الجماعة فرعو البيع ادونا فرصة معاكم.

1- علي النعيم محمد نور:- شيخ العرب عمدة المنتدي. احس به وكانه يلبس جلبابه الأبيض الفضفاض ودارع شاله علي كتفه ولافي عمته الما خمج ويتجوال بين أحياء المنتدي مالك ياولد نعل في عوجة مالك يابت انشاء الله خير انت قاعد هنا مالك انت ماشي وين وكاني به يتفق الرعية فردآ فرد.
وعلي النت بالمنزل اتخيله يرتدي جلباب ابيض فضفاض اكمام واسعة لزوم الشمير يجلس علي كرسيه يفتح الجهاز يدخل علي المنتدي يجر اكمامه الي الاعلي ويصلح من جلسته. بت يا هالة جيب قهوة ابوك خلاص حنخش.
ام هالة هل لي بكوب ما ء الولد عطشني. عامل مشكلة في المنتدي.
احسه وهو يكتب منكبآ بكل احساسه وجوارحه والحروف تتنزل من بين اصابعه كحبيبات المطر.


2-خالد ابو قرجة:- الرائع روعة الليل في البادية والدنيا قمر 14 طبعآ الزول دا نسيبنا وماخد بتنا بت جامعتنا والدفعة الورانا عشان كدي والقول صعب والنسيب عين شمس. اخاله عندما يجلس للكتابة تعتريه حالة من الهدواء لدرجة قف ويعدل من نظاراته التي قد تكون من وحي خيالي وينكب كاتبآ ثم يصفن متطلعآ الي سطح المبي وكانه يستلهم الفكر يقودك من خلال حروفه الرقراقة من حيث لا تشعر ولا تدري وييوصلك في نهاية موضوعه الي ذروة المتعة وتفاجاء بانك وصلت الي فكرته من اول سطر ولكن حتي انت لا تدري ذلك


اها يا جماعة انا بكتب كل مرة اتنين من جنس خشن واتنين من جنس ناعم بس


2- بت مارنجان:- منك لابدت الحروف لا انتهت بي الجمل بس حائر انا والكلام دي مطلع قصيدة ما حافظة لاحد افراد مجموعة
ناس عادل حارث ما متذكروا منو . ياخي انت فاكهة المنتدي كلها كوكتيل 1000 في واحد زولة كاملة الدسم لها مقدرات خارقة علي تطويع الحرف واستحلاب المعاني من خلال الجمل ذات مقدرات خارقة لتناول تفاصيل لا يلتفت اليها العامة. تقود دفة الحروف بمهارة فائقة والمغالط يشوف تعليقات زول كدي بعلن عن اسمو لاحقآ ويحاول تخيل ردوده مع الصورة بتاعتو.

4- ميادة:- عثل المنتدي وشهدوا.
اها لمن اقرا مداخلاتها السريعة ديك وعثل بتديني لمن اعاين للصورة الرمزية بتاعتا احساس الزول المستعجل لاحق ليه موضوع في مكان تاني ولمن الناس تكتب علي حلقات الموضوع دا بشحتف روحا ويحرق نفسا وتمسكا ام هلا هلا وخمت نفس وشحتافت روح وعاوزة تلحس العثل مرة واحدة وما عندها صبر ذي المؤجرة عجلة. لكن رائعة جدآ وبتعجبني

[الملكة اسماء ( ام محمد )]

فكرة رائعة جدا جدا اخي العزيز

ولن اضيف رائي الان واخشى ان اظلم قلم بصم بداخلنا جميع
وصدقني كثيرون هم من يجعلون صمتنا خير شاهد على روعتهم


ولي عودة

[littlestar]

الشقى المشاكش شيكو بيه: كتاباته كلها بإحساس وبإنفعال زايد كمان
ويمكن دى أصل المشكله
لكن عن جد مفتقدنك شديد يارائع
وكل ركن وبوست ف الثقافى بيهاتى بيك

واحشنا ياغالى
بنتمنا ترجع من تانى تملا المنتدى بإحساسك وخطرفاتك وحياة خالتك العاجبة سفافة السعوط مشتاقييييييييييين
منتظرنك يارشاش

أخى عولى مشكور على اللفته الرائعه
وبجيك راجعه أعكس المرايا على ناسن عرفناهم وحبيناهم وحسيناهم من حروفهم وجا الدور ال نشوفهم فيه بعيونا

[حاتم مرزوق]

مشكور عولي علي الموضوع المتميز

[عاطف عولي]

5- عزيز عيسي :- الخواجة الرجل القادر علي صناعة الدهشة وصناعة الفرح القلم الذي ينساب علي الورق كما المكوة علي الحرير( ماشاء الله وعيني باردة) وهو يكتب يجيد صناعة نصب الشباك للمتدخلين والمشاركين ليستحلب من جدران ذاكرتهم اكبر قدر من الذكريات والمعلومات

6- العاقب:- صاحب الاسلوب المتميز في السهل الممتنع والاسلوب الاخاذ والصور الجمالية المتعددة

7- ملكة القلوب:- الاسلوب البرجوازي في التعبير ( دي مستلفة من واحد اخونا والمقصود بالبرجوازي الراقي الانيق) القادرة علي جعلك تعيش معها الثواني محبوس الانفاس قمة في التناول بساطة في الاسلوب

8- مدنية:- ام جمال والكلام دخل الحوش رائعة مقلة سريعة الانفعال طيب القلب نقية الدواخل بت بلد اخت اخوان
متعصبة جدآ لمريخيتها ( يلا يا بت دخلنا شنو هلالاب مع بعض)

[عاطف عولي]

9- النور محمد يوسف :-
صاحب المدرسة الخاصة والسرد الاخاذ والقلم الذهبي التفاصيل الجميلة باللغة البسيطة التي تجعلك تعيش الحدث وكانك جزء منه يعطيك الطابع الرسمي يجعلك تتعامل معه بعيدآ عن القفشة والمزحة.

10 عوض الكريم الخواض :- لا ادري لماذا الصورة المنطبعة في ذهني عنه اراه محقب يداه خلف ظهره يتجول في شوارع المنتدي وازقته كما العمدة علي النعيم يعطيك انطباع اخو الاخوان دراج العاطلة قريب الي النفس له اسلوب في الكتابة يحسسكك بانك تعرفه من سنوات

11- سروية:- مبدعة ذات نكهة خاصة الانطباع السائد من شكل مشاركاتها الخجول المنكسفة لدرجة التورد تحمل الطابع الحذر وهي تختار حروفها

12- بت امدرمان:-
قليلة الظهور كثيرة الغياب تديك طابع المشغول جدآ مقلة زي البتقول ياك وتزوغ تكتب باسلوب بت البلد البسيط القريب الي النفس

[littlestar]

شبارقة: من أصحاب الأقلام القلة التى أتعطش لقراءتها ومتابعتها بالرغم من إقلالها الذى يصل لحد الندرة
كتابته من نوع السهل الممتنع
جمله مرنه مختزله تُدخلك لعالم من الجمال والتفكير المرهق
أتمنى أن نرى قلمه المسنن قريباً
ذاك هو أستاذ الفن الجميل

[بت مارنجان]

الاخ ود عولي :
مميز دائمآ بكتاباته ,, حازم في ردوده ,, مندفع في بعض الاحيان ,, غيور جدآآآ
علي وطنه وعرضه ,,, جرئ في تعليقاتو مابخاف من شئ ,, وسمعتو سابقاه
والدفعة 14 تشهد عليه ,,,
مكسب كبير للبعرفه ,,, وخسارة للبجهلك ,,,

مشكور علي افادتك بشأني ,, وربنا يدوم الخير ,,,

[moh_alnour]

بوست جميل و فكرة رائعة يا سنير
تعرف يا ود عولي أنا واحد من الناس الذين عاشروا أعضاء كُثر من خلال هذا الملتقى الطيب
و ذلك لأنني و منذ تسجيلي بالمنتدى أسجل حضور يومي و ربما لا تتعدى فترة غيابي عن المنتدى أسبوع متقطع
لذلك فسأحتاج إلى بوستات لكي أكتب عن أشخاص كُثر على قدر كبير من جمال المواقف جمعني بهم هذا الملتقى الطيب
لذلك سأكتفي بالمرور مع التحية لكل أعضاء هذا المنتدى الرائع بدون تحديد
أحتراماتي للجميع

[عبدالرحمن مدثر]

حاتم مرزوق: هو من القلائل الذين يكتبون كلمات لها ابعاد عميقة ..

ساعات بحس انو كلماتو كالاخطبوط تاخذك من كرسيك وتطوف بك فى عوالمها الرحبة

ومااجملها من عوالم عندما يكون اللون الابيض سيد الموقف للمحطات والمواقف والذكريات

فى مساحات حاتم مرزوق لامجال لسؤاد الرؤية او ضبابية الاشياء ولارمادية تتارجح بين

هذا وذاك ... حاتم مرزوق كاتب حليبى الملامح





الاخ الحبيب عاطف

كعادتك دوما تفرش لنا من البوستات الجميلة والعميقة مساحات للتلاقى والتدانى

[عبدالرحمن مدثر]

عثمان جلالة : البسيط الدواخل والعبارات كتاباته تعطيك انطباع بانك تعرفه من سنين بعيدة

لانه كعادته دوما يقحمك داخل النص بين ازقة الكلمة الحنينة وحواريها .. ومااجمل احساس

ان تقرأ له وتحس بنبضك وحزنك وفرحك كله موجود داخل متون ابتسامته الجميلة وبساطة ود البلد

الاصيل والهمباتى .

[الجندي المجهول]

فكرة هذا البوست تقوم علي اقلام عضوية المنتدي وكل عضو يعبر الاخرين بشفافية عالية ودون مجاملة او تجريح.

روحو مرحة دمو تقيل زول نصيحة صاحب حضور جميل صاحب قلم مميز كاتب اجتماعي رياضي ثقافي سياسي محلل حلال شبك عمدة شيخ عرب يعني خلي الزول البتعبرو يشوف نفسو من خلالنا.

واكيد مافي زول يملك حق الرد غير صاحب المشاركة والشخص الذي وضعت عليالمرايا
يمكن المشاققة والقفشة ويمنع المشاتر ويلا نبدا

[color="blue"]خالد المسافر+عمر سنهوري+مهيد السفاح+عوض الكريم الخواض بصراحة هولاء الأربعة عندما أقرا لهم اي بوست او مداخلة او أي تعليق لا أحس اطلاقاً بالمجاملة او الرياء وواضحين وضوح الشمس ( وواقعيين جدا) وبصراحة شديدة جدا جدا دائما ابحث عن مشاركاتهم اول باول ومرات كثيرة بعيدها اكثر من مرة (ولا يحبون كسير التلج)[/color]

[العاقب مصباح]

عصمت قلم يدخل ويكمل الناقصة تجد نفسك فى بوست وتشعر بفقدانه لشئ معين وعندما يدخل عصمت تشعر بإكتماله بدرا ويكتب فى محل النقاط ويحتفظ فى ردوده بنكهة خاصة ربنا يحفظه مشكور يا عاطف عولى على الجمال وعلى الدواخل الحلوه وتنفتح عليك محل ما تقبل

[العاقب مصباح]

خالد المسافر+عمر سنهوري+مهيد السفاح+عوض الكريم الخواضبصراحة هولاء الأربعة عندما أقرا لهم اي بوست او مداخلة او أي تعليق لا أحس اطلاقاً بالمجاملة او الرياء وواضحين وضوح الشمس ( وواقعيين جدا) وبصراحة شديدة جدا جدا دائما ابحث عن مشاركاتهم اول باول ومرات كثيرة بعيدها اكثر من مرة (ولا يحبون كسير التلج)

ممكن أضيف معاك اقلام عبد الله العقاد وياسر ابوريلان .... لهم قوة فى الردود .... ولهم من الوضوح ما يُذهل محبتى لهم

[بت أم درمان]

يا سلااام يعني هنا الزول يقول رأيه بدون ما الناس تزعل ... طيب مرتادو الرياضة للجميع عامة كدا ... عندهم مناكفات كدا لذيذة ... ويخلو الزول يضحك من جوه ... بس الناس البزعلو جدجد ديل بزعلوني ... مشكور عاطف عولي على الموضوع ... وانا فعلا زي ما قلت بكون مشغولة ... بجي سريع وبمرق سريع ... تسلم يا راقي

[أبوحراز]

بوست تشخيصي رائع وجميل 00
في الحقيقة مازلت { برلوماً } بالمنتدى
وهي فترة لاتسمح لي باعطاء رأيي النهائي رغم قراءتي للكثير من الأقلام هنا
أكثر ما اعجبني العلاقة القوية بينكم
وكأنكم في بيت واحد ومن اسرة واحدة
انصهار تام وذوبان حتى الفيضان !!!
لديكم أقلام فرضت نفسها
وأخرى لابد ان تنحني لها
وهناك أقلام نسائية تجعلك دائخاً ومترنحاً
ابداع حد الدهشة !!!
لاتوجد مناكفات تتجاوز الخطوط الحمراء كما هو الحال في سودانيز أون لاين
كما أن الحرد والزعل لا اراه كثيراً
وبعضكم يحرد للحظات
ثم سرعان مايهطل كما المطر
وصراحة حينما دخلت اليكم تفاجأت بالكثير من الأقلام القويةوالمشرقة
وكم استفدت منها كثيراً رغم قصر المدة
حافظوا على هذا الاستايل الجميل
وتوجوه بلقاءات طازجة
لتتعرفوا على بعضكم أكثر واكثر وأكثر
واجعلوا هذا المنتدى رئة ثالثة لكل مرتاديه
سأقرا لكم
وسوف أشكل إنطباعي
وأنثره هنا يوماً ما 00 ان شاء الله
وأكاد اجزم أنني منذ ان دخلت هذا المنتدى فإنني خففت من تناول الأسبرين !!!

[حاتم مرزوق]

من ركائز هذا المنتدي الكاتبان الأديبان المتألقان العاقب المصباح وعبدالرحمن مدثر الذين شكلا ثنائيا متفردا ومتناغما فاثريا بفكرهما ساحات هذه المنتديان، يبدعون اينما حلوا ونحن لا شك فخورون بهم اشد الفخر.

مزيدا من الأبداع و التقدم والأزدهار.

ومن الكتاب الذين لا يشق لهم غبار :-

النور محمد يوسف : صاحب القلم المتمرس والخبرة الفذه رجل تترقب كتاباته الأنيقة وحروفه الزاهية .

خالد ابو قرجة: هذا الأنسان الرائع المرهف الذي يتدفق ابداعا وعطاء ، هذا الرجل الذي لا تخطئ العين قلمه المتميز و تألقه الجميل و ابداعه الثر وتجلياته العملاقة.


فاكهة المنتدي محمد النور (ود الجاك) : يظل البوست متأرجحا حتي يضع هذا المثقف العملاق بصمته الراقية بكل ادب واقتدار .

ابو حراز : القادم بقوة، يحمل معه لغة رصينة ومخزون ضخم ويقيني انه في مرحلة الأحماء التي تسبق الأنطلاق.

عوض الكريم الخواض:ما اروعه حين ينزل بكتاباته الي الشارع ويصور لنا المشاهد الواقعية التي تهتز لها القلوب وترجف لها الأبدان .

عبدالله العقاد: متفرد في مداخلاته، انيق الحرف ومركز العبارة .

محمد الجزولي : شفاف الكلمة اديب له تجليات.

و عمالقة منتدياتنا كثر ولكني اتوقف مخافة الا اوفي حقوق من اعلق عليهم.

[عاطف عولي]

البوست بدا ياخد مسارو والتحليل دخل منطقة العمق الدرر مازال وراها غوصيين مهرة مكنون الدواخل اصبح ينداح بشكل اكثر عفوية وكلنا في انتظار المزيد
ليس هناك مداخلات محدد للعضوا ممكن يعمل دشليون مداخلة وعجبتني من بعضنا ناخد المداخلة ونضيفا ليها ونكمل الصورة.

ما زالت الاعماق تنتظر غواصينا المهرة ومازالت الاعماق حبلا بالمزيد ويلا نغوص

[بنت الرفاعي]

فكرتك جميلة أبو روان , وهناك الكثير من الأعضاء الذين تحدثت وتحدثوا عنهم , وأتفق معكم فيما ذهبتم إليه , وأود أن أضيف
لأختي ملكة القلوب فبالرغم من أنني أستمتع بقراءة كل ماتكتبه , ولكن دائما ما يكون بداخلها حزن لا أعلم سره ,(إنتو حكاية الحزن دي شنو؟؟ من ملكة للعاقب مصباح)!!


أخاف أن أتحدث عن آخرون دون أن أستطيع وضع المرآة بالطريقة التي تجعلهم يقرأون أنفسهم فيها بطريقة صحيحة كما أريد, وخوفا من نقصان أجزاء تجعلهم يرون رؤية ناقصة , لأنه أحيانا تخوننا التعابير , وقد لا نجد كلمات نصفهم بها .

[عصمت الصادق حماد]

البوست فكرة ممتازة .. خاصة وأن للمرآة أكثر من وجوه خلافاً لبوست الرائعة دوماً مهيرة (ماذا قالت قوقل عن أعضاء المنتدى) حيث تناولت بمفردها طرح وجوه أعضاء المنتدى .
بصراحه أبو قرجه كلامه ده من جوه الجوه وحروفه دائماً ندية وردوده دائماً مورقة أجدى خالي الوفاض وأنا أتحدث عن رجل بهذه القامة الرفيعة.
أبو حراز تربطني به صلة القرابة فمثلث طيبة الشيخ عبد الباقي وأبو حراز والفقراء مثلث متساوي الأضلاع ينثر توصفاً وزهداً وورعاً فالرجل أكبر من تشمله كلماتي البسيطة.
عبد الله العقاد: رجاعة عقل وسمو مكانه وبينه وبين العقاد الكبير صلة من الأدب والنقد الهادف والعلم الغزير.
انحيازي لعاقبنا ود المصباح وعبد الرحمن مدثر ظاهر ذي تحيز أدروب للمريخ.
وراجع ليكم

[عبدالرحمن مدثر]

اذا اردت ان تسمع موسيقى كلاسيكية فيتحتم عليك ان تطفىء كل الاضواء

حتى ترحل معها بعيدا الى حيث السحر اللامتناهى ... واذا اردت ان تستمتع

بمايكتبه استاذنا عمر غلام الله 114 فيتحتم عليك ان تلتزم الصمت فى حضرته

لانه عندما يكتب يذكرنى برائعة محى الدين الفاتح التى مطلعها يقول

كله العالم جاء

جئت أنت فإذا العالم جاء

كله العالم جاء

المدارات ،

خطوط العرض والطول وخط الإستواء

جئت أنت وبحار العالم الخمسة جاءت

ومجرات السماء

جئت أنت فإذا المريخ والزهرة جاءت

وعطارد ونجيمات الثريا