النتائج 1 إلى 22 من 22

الموضوع: حكاية ريد لي فاطنة السمحة

     
  1. #1
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    حكاية ريد لي فاطنة السمحة

    حكاية ريد لي فاطنة السمحة

    مدخل:
    أحبك
    كلمة وحيدة بنقولا
    وما بننساها
    نحن فداها يا عازة
    *****
    عيونك نيلك السامي
    نحب نغرق في عينيكي
    أياديك نخلك السامق
    نحب نوصل أياديك
    وخصرك أرض مروية
    أحب املابو أيديه
    سودانية
    سودانية
    ما بننساها
    نحن فداها يا عازة
    ********
    أجيك يا مهيرة أتقدل
    أقول أعمل بدور أعمل
    منو البعمل غيري نا
    تزغردي لي
    وتفرحي بي
    وفاطنة السمحة تتنا
    وأشيل مخلايا
    وأنت معايا تتفجر ينابيع ريدنا ما بتجف
    ولا بينضب معين احساسنا
    أخت يديك في ايديه
    ونشيل الطين ونرسم امنا الجاية
    و أحبك

    الكره احساس جاد وانا اضن باحاسيسي الجادة ولا ابعثرها هباء
  2.  
  3. #2
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    ونواصل في حكاية الريد
    سأعود

    الكره احساس جاد وانا اضن باحاسيسي الجادة ولا ابعثرها هباء
  4.  
  5. #3
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    النص:

    ياحبوبة من ما قمنا نحن عشقنا فاطنة السمحة
    شايلة مكارم الاخلاق لابسة الطرحة
    ما بتنهان
    نمت فينا
    وتسند فوق خطاوينا
    وتقول للغول
    محمد في هواي مكتول
    محمد مني نا المسئول
    وهو المسئول ونحن صغار
    شلنا معاه هم الدنيا
    كيف يزرع وكيف يحصد
    وكيف الزول يريد الزول
    وكيف الزول يكون مسئول
    وكيف نحفظ بلدنا وكيف
    نكاتل لي حماها نقيف
    ومانتهان
    عرفنا الدنيا كل الدنيا
    يا حبوبة من غنية
    بتقولها السمحة لي خوها
    وبتعرفي السمحة لما تغني لي خوها
    بتسعد كل من جوها وما تتهان
    ****
    اصيلة اصيلة يا فطومة
    حقوقك كيف تكون مهضومة
    وانت السمحة مافي متيلك
    انت العزة موية نيلك
    عيونك عازة السودان
    و ثغرك لؤلؤا مرجان
    و ما تتهان
    لي ود النمير الكان
    يشوف في فاطنة سرية
    وحجتو سنة دينية
    ويقول لمحمد المنصور
    بشوف فاطنة بتكون ليا
    وعرفت الجاهو يا حبوبة من ديا
    وفهمتي الجاهو يا حبوبة من دية
    وشفتي الجاهو............
    أسدة .. ونمرة.. ومرفعين الجبال
    ام سنونا طوال
    سيدم سندو
    اسدة ونمرة ومرفعين الجبال ام سنونا طوال
    سيدم سندو
    وفاطنة عزيز كيف تنهان
    عيونا عازة السودان
    تقول للغول اكان داير تشيل محصول
    زرعو محمح المامول
    دحين حاول
    محمد مالو ابدا سيد
    محمد مو البحمل القيد
    ونحن نعيد
    معاك قصة الاشواق من الاول

    الكره احساس جاد وانا اضن باحاسيسي الجادة ولا ابعثرها هباء
  6.  
  7. #4
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    وتتواصل حكاية الريد
    سأعود

    الكره احساس جاد وانا اضن باحاسيسي الجادة ولا ابعثرها هباء
  8.  
  9. #5
    عضو مميز
    Array
    تاريخ التسجيل
    Feb 2006
    الدولة
    الخرطوم-امتداد الدرجة الثالثة سوق الندا
    المشاركات
    412

    المرهف بشرى الفكي

    حقاً هي (سمحة) و بارعة الفتنة كما صورتها هنا و البستها بديع حرفك

    دعها تبحر بخواطرك الناضرة و تلبس من درر قوافيك ما شئت لها ان تتجمل

    لك الروعة اخي بشرى و يسلم قلمك ايها الشفيف

  10.  
  11. #6
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    ناصر الباشا الجميل
    محظوظ انا في معية ودمدني وعبق الذكريات الحلوة، ومحظوظ انا ان يتداخل معي فنان وشاعر واديب مثلك
    ودمدني لم تزل ولود ودود فكما انجبت العباقرة نجدها تجود علينا بالباشا
    هذا بعض من فضلكم يا باشا
    لك مني التحية والتجلة
    بشرى

    الكره احساس جاد وانا اضن باحاسيسي الجادة ولا ابعثرها هباء
  12.  
  13. #7
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    نواصل الحكاية
    حكاية الريد لي فاطنة السمحة

    الكره احساس جاد وانا اضن باحاسيسي الجادة ولا ابعثرها هباء
  14.  
  15. #8
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    وكت كنا صغاااار من حولك
    نشيل في قيمنا بالجملة
    وندفي جسومنا بي حضنك
    ونبكي كتير وتبكي كتير
    ود النمير
    ختف فاطنة
    محمد هاج ونحن بكينا
    كنا سغار
    وما عارفين ننط اسوار بناها الغول
    وشال محصول
    سقوهو من شعاع النار
    وعز احرار
    و ما بننهار
    ****
    محمد كان كلامو جميل
    قشقش دمعة الاطفال وقال
    يا شتلة مروية بدمعة ريد
    لي فاطنة السمحة داااك طريق اعرفوهو
    وقال
    حبوبة ما تبكي
    بتقولي بكانا نحن نضال
    وبرضو بكانا نحن نضال
    كبرنا سريع بقينا السيل
    وكان ابريل
    ضريبة ريد وكان تهليل
    وكان فرحا كبير بالحيل
    نضالاتو بتشد الحيل
    ****
    بقول يا فاطنة يا السمحة
    انت الغنوة والمدحة
    وانت الدقة في الطنبور
    وانت نصرة المقهور
    وانت صدور
    مشبعة بي عبير ريدك
    وانت الدوكة
    انت البامية مفروكة
    وانت شتم بيخلف عزف دلوكة
    وانت هوانا
    انت دوانا
    وما بنطيق فراقك مرة يالسمحة

    الكره احساس جاد وانا اضن باحاسيسي الجادة ولا ابعثرها هباء
  16.  
  17. #9
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    وتتواصل حكاية الريد
    سأعود

    الكره احساس جاد وانا اضن باحاسيسي الجادة ولا ابعثرها هباء
  18.  
  19. #10
    عضو فضي
    Array
    تاريخ التسجيل
    Nov 2004
    المشاركات
    1,395

    الوريف .. بشرى الفكي ..

    لا زلت أقول أن ما خفي بيراعك أعظم ...

    لك ولفاطمة أمنيات بحجم الشمس ..

    هل هي ذات الفاطمة الشايلة الفزعة وذات المحمد الشاطر الذي تحور إلى محمد أحمد حينما يغنون ...

    فاطمة السمحة .. جايبة الفزعة

    شايلة حطب ...

    ودأحمد .. شقيان .. بتعب ..

    عرقوا مصبب ... حالتو بتصعب ...

    تعال نتلم ...

    حبل الود البينا نمدو

    سور الخوف الفينا نهدو ..

    فاصل الشك الطول فايت حدو ...

    باب النار الفاتح فينا نقوى نسدو ..

    معذرة عزيزي بشرى لهذا التحليق المطلق والخروج غير الحر من النص ..

    ولكن لفاطمة تفاصيلها الخاصة في الذات وهي سادلة ضفائرها في عناق في سكون ....

    تحياتي أقصى ما تراه عيون ..

    وما كنت حزين لما افوتك وسط الفقراء بيوت الطين ...
  20.  
  21. #11
    فخر المنتديات
    Array الصورة الرمزية مهيرة
    تاريخ التسجيل
    Dec 2004
    الدولة
    ودمدني / أمدرمان
    المشاركات
    1,715

    اقتباس المشاركة الأصلية كتبت بواسطة Bushra Elfaki
    وكت كنا صغاااار من حولك
    ****
    بقول يا فاطنة يا السمحة
    انت الغنوة والمدحة
    وانت الدقة في الطنبور
    وانت نصرة المقهور
    وانت صدور
    مشبعة بي عبير ريدك
    وانت الدوكة
    انت البامية مفروكة
    وانت شتم بيخلف عزف دلوكة
    وانت هوانا
    انت دوانا
    وما بنطيق فراقك مرة يالسمحة
    انت ياود الفكي وحاتك داير ليك فكي
    وانت هوانا
    وانت دوانا
    ده كلام سمح في خشم سيده
    لكن ماجنس ريده !!!؟؟؟

    مهـــــــــــــــــــــــــــــــــــــــــيــــرة
    ولدت في يوم ماطر
    ففاجأني الصوت وهو يتجول وحيدا
  22.  
  23. #12
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    الباهي سوباوي سعيد انا بمرورك
    اولا: هي بعض خواطر او هترشات لاترقى لأن تكون قصيدة وهي ارفع من المباشرة
    على العموم لك وللقراء يسمونها بما يريدون
    ثانيا: ما أحلى ما يجود به قلمك المبدع لا أظنني استطيع مجاراته فالفرق بائن
    ثالثا: اسعد انسان انا بتواصلي معك
    بشرى

    الكره احساس جاد وانا اضن باحاسيسي الجادة ولا ابعثرها هباء
  24.  
  25. #13
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    مهيرة
    شكرا للمرور والتعليق
    والريدة علينا شديدة يا عزيزتي
    والبزيدها كمان الغربة والعيش مع الرطانة
    تخيلي ان تعيشي في بلد ما فيها اذان
    حتموتي في ريد فاطنة السمحة انا عارف
    بشرى

    الكره احساس جاد وانا اضن باحاسيسي الجادة ولا ابعثرها هباء
  26.  
  27. #14
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    لسة حكاية الريد
    نواصل

    الكره احساس جاد وانا اضن باحاسيسي الجادة ولا ابعثرها هباء
  28.  
  29. #15
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    وما بنطيق فراقك مرة يا السمحة
    لما يجينا همباتي
    ود النمير المات يقولو جانا بعاتي
    ويختف فاطنة في تلتين
    وهو المسكين
    أكان بعرف حلاوة الطين
    أكان بعرف غلاوة الطيت
    أكان عندو حبيبة دين
    ما كان قام لينا من قبرو
    وكان خاتي
    وهو العارف
    بي ريد فاطنة نحن ديمة بنهاتي
    ونحلم بي زمن اتي
    ونعيش للاتي من زمنا بعيد بالحيل
    وهو الضليل
    *****
    محمد قالا كلمة زمان
    محمد ماهو زول بتهان
    ونحن معاه ما بنتهان
    بنحرق دفتر الأحزان ونعيش للريد
    أصلو الريدة قصة طويلة ما بتكمل
    مما قمنا عشناها
    وشلنا الهم مع محمد
    كيف يزرع كيف يحصد
    وكيف الزول يريد الزول
    وكيف الزول يكون مسئول
    وكيف نحفظ بلدنا وكيف
    نكاتل لي حماها نقيف وما نتهان

    التعديل الأخير تم بواسطة Bushra Elfaki ; 30-05-2006 الساعة 07:12 AM
    الكره احساس جاد وانا اضن باحاسيسي الجادة ولا ابعثرها هباء
  30.  
  31. #16
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    الحكاية تحتاج الى تكملة
    كما في الروايات قصة الحب لابد أن تنتهي اما بالزواج أو الانتحار
    ليقل الجميع كلمتهم
    لأن كلام الناس هو النهاية السعيدة لنعيش جميعا في تبات ونبات ونخلف صبيان وبنات

    تعريجة بزاوية منفرجة:

    ولدي طبعا استرالي مع اني ابوه وامو سودانية، حاولت احجيهو لأنو محروم على حسب اعتقادي
    فصب علي كمية من الاسئلة المحيرة والتي لا أستطيع الاجابة عليها زي مثلا فاطنة السمحة ما اتصلت بالتلاتة اصفار عشان البوليس والاسعاف يجو ليه؟
    والغول ده شنو؟ الزرزور......؟ لغاية ما حسيت اني مزرزر فقلت ليهو انا اسف بس بالله خلي لي حجوتي زي ما هي ما تخربها لي بالتلاتة اصفار بتاعتكم دي

    تعريجة بزاوية مية و تمنين درجة
    :

    انتو شفع السودان لي هسي حبوباتم بحجوهم

    الكره احساس جاد وانا اضن باحاسيسي الجادة ولا ابعثرها هباء
  32.  
  33. #17
    فخر المنتديات
    Array الصورة الرمزية سواااح
    تاريخ التسجيل
    Feb 2006
    الدولة
    مدني - الدرجة الاولي
    المشاركات
    7,978

    اخي البشري ..

    هل اقول انت عائد من الزمن الجميل ..

    ام ....

    شئ من عطر الماضي السعيد ؟؟

    اعذرني ان اتيت متاخرا علي حكايتك

    فاطنة ام محمد ام ود النمير

    لا ادري هذا منا ام نحن منه ..

    الان كل الحكايات صارت من خيال دخيل علينا

    زمن كانت الحكاية هي النبض هي البسمة هي النسمة

    كن دوما بخير ..

    دمــــــــــــــت ،،

    العقول الصغيرة تناقش في الأشخاص،

    والعقول المتوسطة تناقش في الأشياء،

    أما العقول الكبيرة .. فإنها تناقش في المبادئ !!


  34.  
  35. #18
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    sawa7
    تسلم يا غالي وشكرا للطلة
    اخي البشري ..

    هل اقول انت عائد من الزمن الجميل ..

    ام ....

    شئ من عطر الماضي السعيد ؟؟
    انا يا عزيزي
    شتلة مروية بدمعة ريد لي فاطنة السمحة

    اعذرني ان اتيت متاخرا علي حكايتك

    واعذرني لو حكيت قبل الزمن


    ايها الباهي
    لك السعادة قدام ولينا التحسر علي امبارح
    قول قولك في الريدة لا فض فوك
    وتسلم

    الكره احساس جاد وانا اضن باحاسيسي الجادة ولا ابعثرها هباء
  36.  
  37. #19
    فخر المنتديات
    Array الصورة الرمزية اميمه عشريه
    تاريخ التسجيل
    Jun 2005
    الدولة
    من مدني فكل مدني دياري
    المشاركات
    1,486

    مثل هذه الحكايات لا نريد لها ان تنتهي فينا تظل تتشكل في دواخلنا كلما شارفنا على ان نضع نقطه نهايه السطر ..

    اخي بشري .... فاطنه سمحه جدا سماحتا دي هي البتخلي الكلام ما يكمل وكل مره يبقي اجمل .. واجمل ... واجمل

    لولا هذا الجـــدار لما عرفنا قيمة الضؤ الطلـــــيق


    اميمه صلاح الدين عشريه
  38.  
  39. #20
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    اميمة عشرية
    كلامك ما كلام خمج
    وكرمك كان اروش لما تجودتي علينا بالطلة
    وفاطنة........
    والريدة..........
    من يستطيع كتابة الحلقة الاخيرة
    لك الود من هنا لي هناك
    ودمت

    الكره احساس جاد وانا اضن باحاسيسي الجادة ولا ابعثرها هباء
  40.  
  41. #21
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    الكلمة ومعناها[b]
    البعاتي
    الذي يأكل الناس وذلك لحسده لهم لأنهم ما زالو يعيشون وهو مات وشبع موت
    وطبعا البعاتي بشر زينا لكنو مات ومتمرد علي حالة الموت
    الموت:
    أشكال وأنواع أخطره موت الضمير

    تعريجة تانية لكن بزاوية حادة
    انا قابلت الكتير منهم يا ربي قابلتو في مدني بس كم بعاتي
    تعريجة بزاوية تلتماية وستين درجة:

    فاطنة ومحمد ديل اخوان ولا حبايب لي هسي ما عارف زمان مرة يحجونا يقولو هم اخوان وتاني اقولو حبايب
    انا زاتي محتار افتوني يا ناس يا هووووووووووو

    الكره احساس جاد وانا اضن باحاسيسي الجادة ولا ابعثرها هباء
  42.  
  43. #22
    عضو مجتهد
    Array الصورة الرمزية Bushra Elfaki
    تاريخ التسجيل
    Apr 2006
    المشاركات
    143

    المسروقة
    لحين استردادها

    الكره احساس جاد وانا اضن باحاسيسي الجادة ولا ابعثرها هباء

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid