عشان باكر مواعيدنا

[ابراهيم]

عشم متدسي في قلبين

نسافر ونحن مشتاقين
وتتقابل شراع اشواقنا
في ميعاد رجينا سنين
عشان باكر مواعيدنا

اتاريك ملان اشواق يا ابراهيم ربنا يرد غربتك يا اخوى سالم غانم وابلل شوقك
نسافر ونحن مشتاقين
وتتقابل شراع اشواقنا لانه الشراع واحد وانتو اتنين او مجموعه مشتاقين

شراع اشواقنا دى ماوقعت لي والله
كدى حاول تصلحه
مثلا
وتتقابل سفن شوقنا

استاذنا صالح فرح تحيات واشواق
ليك ولي جزيرة الفيل بيوتها وجناينها
شكراً للملاحظة الدقيقة تعرف الشوق دة محل ما خش بعمل بعثرة في الناس واللغة والحروف .. والخطا مطبعي والصحيح "وتتقابل شراعات شوقنا"
وانشاءالله تتقابل شراعاتنا كلنا في بلدنا الحبيبة.
لك تقديري ومودتي

[ابورجاء]

الرائع ابراهيم
حاولت وحاولت ثم كررت المحاولة
علي استطيع الرد لكن فشلت محاولاتي
عجزة احرفي وضاع الكلام مني لروعة ما
خطت أناملك وعذوبة حروفك وروعة أحاسيسك
فليس لي غير أن أقول راااااااااااااااااااااااااااااااائع
حد الروعة جميل كما يكون سحر الجمال.
ودوما في رعاية الله وحفظه .
مع كل حبي وإمتناني باقة من الفل والياسمين لك
ولقلمك ونبضك...

[ابراهيم]

العزيز الغالي ابو رجاء
قالوا متألم شوية وياخي بعد الشر عليك
ياخ انت البركة ذاتها يا حبيب
جيتك هنا كفاية معانيها في الخاطر
تمنياتي ان تكون بخير
وفي اتم الصحة والعافية