عشان باكر مواعيدنا ..محل ما الدنيا ترمينا
ووين ما تتوه خطاوينا
بيبقى عشمنا في باكر
دليل السكة للميعاد
عشان باكر مواعيدنا
بنرسم في حشا الايام
ملامح اللقيا بالريدة
عشان تتحقق الاحلام
وتبقى الدنيا زغرودة
تغازل الفرحة بالأنغام
عشان باكر مواعيدنا
وفي الخاطر شذى الماضى
البيفتح في بيوت شوقنا
نسايم ريدة ريانة
تطيب خاطر المشوار
تغازل خطوة تعبانة
نسافر ونحن مسكونين
كلام فارد مساحاتو
قدر مشوارنا جوانا
قدر احساسنا بالالفة
ولهفة لقيا راجيانا
عشان باكر مواعيدنا
قدر ما نمشى ما بنمل
عشان السكة موعودة
بي زمناً جميل واخضر
مفرهدة فيهو احلامنا
حنوصل ليها مهماً كان
عشان باكر مواعيدنا
مواعيد باكية دمعات شوق
على خد غربة تواهة
مقدر لينا نمشيها
نقاسي اللوعة والآهة
ومهما القسوة تتمادى
بنتصبر
ونتقاسم قساوة البين
ونتأمل
عشم متدسي في قلبين
نسافر ونحن مشتاقين
وتتقابل شراعات شوقنا
في ميعاد رجينا سنين
عشان باكر مواعيدنا
المفضلات