اشتقت ليك . . . محاولات شعرية

[ABUZAID]

+ + + + + +اشتقت ليك
وفضلت ولهان مرتجيك

اغزل من الحرمان حروف
مخضرة تامل لوتجيك

لكن قدر حطم شراع
كسر جناح الهجرة ليك

مزق صحائف من سلام
منظومة من ازمان اليك

دمر مجاديف مبحرة
طالبة الوصول لي موطنك

شتت مواسم مزهرة
صارت بعد سفرك حطام

+ + + + + + + + + واشتقت ليك

شوجرت زهرة شوقي ليك
فوق الغمام لو توصلك

لوتلقي جنبك سكنتة
لو تلقي افراحا تدوم
ماتنقطع

وانا في رجاك . . .
انا في رجاك. . .

طرزت كحل الليل شموع
بخرت حزن الكون دموع

وفضلت منتظرك هناااااااك
حيث العدم واللارجوع

حيث التسامي عن البشر
عن كل ماهو منتحل
عن كل خوف

حيث السعادة والشجن
حابس دموع

منتظرة موكب حضرتك
تنزل تطهر ذات ضمير

من قبل مايستقبلك
ويدللك ويتوجك

من تاني لي قلبو
الاسير بي مهجتك

لكن محال . . .

لا موكبك صدق الوعود
لا راضي ارجع اكذبك

وفضلت واقف منتظر
وانا في رجاك
+ + + + + + + + + اشتقت ليك

ودمدني 1997م

[HAMADTO]

بسم الله الرحمن الرحيم



اهلا وسهلا بيك يا ودابوزيد في المنتديات .........
نسعد كثيرا لوجودك بيننا ..........
ودمدني الامان ... شامخة على مر الزمان .....

[114]

نحن ما فنانين زي حدتو يا ود ابو زيد، عشان كده ما بنقدر نعبر ليك زيو
عموما ربنا يديك الصحة والعافية،

[ABUZAID]

قصيدة من مدافن السنوات

وكانت تقريبا اول مشاركة لي في منتداكم الثقافي العامر في العام 2004م

ضاعت حتى كلماتها في ذاكرتي

وبالصدفة اليوم وجدتها , , وانا كل فترة بمر عليها بدون وعى
استرجعت الزمن الى العام 2004م . . .

واتمنى ان اجد ماضاع مني في فقدان الداتا الحصل قبل فترة في المنتديات
كنت اعتبر المنتدى خير مكتبة استطيع ان احفظ فيها كل مدخراتي

لكم ودي وشكري

[أشرف صلاح السعيد]

كلام احلى من الكلام اخى ابوزيد..

يديك العافية وماتسكت ليك حروف طول الحياة من كآبة او حتى خوف..

لك كل الود،،

[abomazeen]

ونحمد الله على (ماضاع مني في فقدان الداتا ) لكي اقرأ وأمعن النظر في جمال أدبيات الكلمة الحلوة


أخي المرهف أبوريماس لك التحية والتقدير دوماً فلا تبخل علينا ما يجود علينا هذا القلم المرهف ...

[ABUZAID]

كلام احلى من الكلام اخى ابوزيد..

يديك العافية وماتسكت ليك حروف طول الحياة من كآبة او حتى خوف..

لك كل الود،،

الاخ الغالي - اشرف صلاح السعيد

اهلا وسهلا بيك

والف شكر على مرورك

[ABUZAID]

ونحمد الله على (ماضاع مني في فقدان الداتا ) لكي اقرأ وأمعن النظر في جمال أدبيات الكلمة الحلوة


أخي المرهف أبوريماس لك التحية والتقدير دوماً فلا تبخل علينا ما يجود علينا هذا القلم المرهف ...

الغالي - ابومازن

لك الشكر اجزله

وشكرا على مرورك وكلماتك الجميلة



لك شكري وتقديري

[ABUZAID]

اسوق شكري الى من قام بتعديل اسم البوست من ( ود ابوزيد ) الى ( اشتقت ليك . . . محاولات شعرية ) وذلك حسب طلبي

تحياتي

[محمد الجزولى]

يا سلام عليك يا ابوزيد لما تدوزن فى الحروف
كلمات ولا اروع تحكى عن دواخل انسان فنان مرهف الاحساس
همسة : ونحن برضو اشتقنا ليك

[خالد علونى]

+ + + + + +اشتقت ليك
وفضلت ولهان مرتجيك

اغزل من الحرمان حروف
مخضرة تامل لوتجيك

لكن قدر حطم شراع
كسر جناح الهجرة ليك

مزق صحائف من سلام
منظومة من ازمان اليك

دمر مجاديف مبحرة
طالبة الوصول لي موطنك

شتت مواسم مزهرة
صارت بعد سفرك حطام

+ + + + + + + + + واشتقت ليك

شوجرت زهرة شوقي ليك
فوق الغمام لو توصلك

لوتلقي جنبك سكنتة
لو تلقي افراحا تدوم
ماتنقطع

وانا في رجاك . . .
انا في رجاك. . .

طرزت كحل الليل شموع
بخرت حزن الكون دموع

وفضلت منتظرك هناااااااك
حيث العدم واللارجوع

حيث التسامي عن البشر
عن كل ماهو منتحل
عن كل خوف

حيث السعادة والشجن
حابس دموع

منتظرة موكب حضرتك
تنزل تطهر ذات ضمير

من قبل مايستقبلك
ويدللك ويتوجك

من تاني لي قلبو
الاسير بي مهجتك

لكن محال . . .

لا موكبك صدق الوعود
لا راضي ارجع اكذبك

وفضلت واقف منتظر
وانا في رجاك
+ + + + + + + + + اشتقت ليك

ودمدني 1997م

والله متعنتي ومتعتا كل الناس الدخلوا عليك


متعك الله بي الصحة والعافية









واشتقت ليك يا منقة