في الحي ولا في القريه ولا في اي محل
نلقي ناس متكومين في الضل ولا في دكان يصحوا من النوم
الواحد يلبس وفيواحدين بلبسوا شورت ولا برمودا ويجو ا يحرسوا الضل
تجي بت ماشه يحكوا السيرة الذاتيه ليها وبتحب منو وفلان علاقتوا قطعا معاها ليي
وفي البشاغلوا عديـــــــــــــــــــل عينك يا تاجر يجي الفطور يفطروا ويجوا تاني المسا يمشو الكوره
ويجي يقعدوا يقطعوا ويمشوا الحلاق احلقوا شعرم ويمشوا الحفله
بكره من الصباح الضل جوك عطاله وتبدا المشاغله
البنات كرهن الشارع الواحده تشيل هم تجي بي جمبهم كيف والعندها حاجه في الدكان ولا الجيران
بتخليها لغاية يجي اخوها الصغير من المدرسه وترسلوا والايام دي اغتصاب الاطفال قطع قلب الناس بالخوف بقت البت ترسل امها الكبيره بس عشان ما يعاكسوها الاولاد في الدكان ولا ضل النيمه
وتخاف من نظرات الفي الضل البتخلي كرعينا اطاقشن زي المودنها المقابر
الغريبه حتي الناس الكبار ناس سن اربعين وخمسين ما مقصريين نفس المعاينه للبت
لكن الشباب هم الاغلبيه في الضل يعلقوا ويغزفوا بنات الناس بالباطل والغريبه القطيعه النسوان خلنها بقن يمشن حلقات القران والدروس ومسكنها للرجال بقوا لا حول ولا قوه قطيعه بالطريقه الصاح
يا جماعه والله الكلام ده غلط ديل اخواتنا واخوات اصحابنا والما عندنا بيها صله برضو بت حلتنا وبت جيرانا والجار في السودان زي المن الاهل
ولي اخوانا بتاعين المعاينه والمعاكسه بقول ليهم عارفين الوضع ما في شغل
ومافي تعيين ولا مشغله والظروف صعبه
لكن حقوا نعمل لينا حاجه نستفيد منها وبدل الكلام ده ولو مصرين علي العطاله امشوا خشوا ليكم نادي عمروا بي افكاركم اعملوا من الحبه حاجه تفيد وريحوا اخواتكم من نظراتكم الما بترحمم من دي جايه الساعه كم وديك لقيتا خالطه في الحدائق وغيرا والمشاغله ده الكلام الما بشبهنا
وليكم التحيه
ودمتم
رد مع اقتباس
المشاركة الأصلية كتبت بواسطة هيثم بابكر
المفضلات