النتائج 1 إلى 12 من 12

الموضوع: قطار الشوق

     
  1. #1
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    قطار الشوق

    أحبتي الذين أزمعوا السفر
    على متن قطار الشوق الذي سيمضي بنا
    مسرعاً إلى محطات السفر
    فهيا بنا لنسافر لبلاد الله وننسى الناس
    وينسونا وفوقنا الطيبة تدلى
    وهلموا بنا لنعيش ذي ما الطيور بتعيش وتفرد لي جناها الريش

    وقبل الخوض في متاهات الطريق دعوني أيها الأحبة أهديكم
    كلمات أغنية البلابل الشهيرة التي إقتبست منها إسم البوست:

    يا قطار الشوق متين نوصل
    حبيبنا هناك تلاقينا
    متين نحضن عويناتو
    متين يرجع يحيينا
    **** ***
    قطار الشوق ده ليل الغربه
    فيك ودار متين تسرع
    متين نكمل المشوار
    *** *****
    عشان نلقى سيد الناس
    و نطفي البينا من النار
    و اشوف عينيه نعسانه
    و لونو الزاهي كل نضار
    ***** **** **
    يا قطار الشوق لو تعرف
    غلاوة الريد كان بدرت في الميعاد
    وكان جرت عجلاتك
    و كان قللت ساعاتك
    و كان حنيت علي مره
    ***** *****
    يا قطار الشوق
    ده حبيبنا هناك
    بنحسب في مسافاتك

    فكثيراً ما نجد أن سيرة الشوق قد وردت في الأغنيات السودانية العربية بشكل أو بآخر
    شوق للأهل والصحبة وحب كل جميل في الحي وهنالك الأشواق التي تهش وتهتف لعيون الحبيبة
    كما في رائعة الكابلي:
    " يا شباب عمري المفتق
    شلت كل الريد مشاعر حلوة نديانة وخصيبة
    واشتهيت يهل وعدك لي هناء وافراح وطيبة
    اه لو بتعرف كيف تهش اشواقنا تهتف لعيونك
    كيف يلح الشوق ويسأل
    كيف ترق اشواقنا ترمز لعيونك
    كيف يغالي الشوق ويسأل

    ونحن من خلف المدى الفرقنا طول لو بتعرف
    نرسم الليل في البعاد جنة لقاء "
    وهنالك من لا يطيق نار الشوق كما في رائعة ود الأمين:

    " مشتاق ونار الشوق كيف ليها اقدر أطيق
    كيف من همومي أفيق مدام وصالي عسير
    بعيد عن الجنة
    الليهو ديمة أحن
    من شوفتو طولنا نهواه ما زلنا
    نهواه رغم الجور رغم البعاد عنا"

    أما أبهى صور الشوق نجد أنها تتجسد جلية
    في تلك التي ينادي همسها ويقف كل الزمن ويسمع
    كما في أغنية ود الأمين:

    "بريدك .. كلمة كان رفت يهش ثغر النجوم ويسطع
    ولما ينادي همس الشوق يقيف كل الزمن ويسمـع
    عيونك ديل عيون أهلي حُنان زي نغمة في مقطـع"

    وهل تصدقونني إن قلت لكم أن للشوق في الأغنية السودانية
    مواسم وفصول تأملوا الشاعر الرقيق الحلنقي وهو يقول:
    "هجرة عصافير الخريف
    فى موسم الشوق الحلو
    هيج رحيلا مع الغروب
    احساس غلبنى اتحملو
    وكتمت اشواق الحنين
    داير الدموع يتقلو
    ورجعت خليت الدموع
    يناسبو منى وينزلو
    ليه يا عصافير الخريف
    خضرة مشاعرى اشيلا صيف"

    وقف تأمل الغروب وهو يسأل في شوق بالغ
    من أمسيات الحبيبين والرمال الناعمة مشتاقة
    لمشي الحبيبة فوق حباتها
    كما في أغنية عثمان مصطفى الخالدة:
    " الخدود الشاربة من لون الشفق عند المغارب
    ديل خدودك سيدي .. وسيد الناس .. يا سيد الحبايب
    العيون طرتني زول من اهلو غايب
    والشعر في كتيفو يتهادل سبايب
    والله مشتاقين
    في عينيك تظهر لي دنيا
    دنيا شوقك فيها ظاهر
    الاماني الحلوه هايمة زي بحور ما ليها آخر
    الكليمة الطيبة منك زادي
    وحياتك لي باكر
    والامل فارد جانحو ديمة زي عينيك مسافر
    والله مشتاقين
    الغروب يسألني منك امسياتنا في شوق اليك
    الرمال الناعمة مشتاقة لي مشيك
    الطيور الراحلة في ظل المساء بتسال عليك
    كيف تفارق الضفة والنيل هان عليك
    والله مشتاقين
    طال علينا فراقكم والله يا غايبين
    قدر ما ننسي العلينا برضو مشتاقين
    والله مشتاقين"

    أما الفنان الراحل المقيم هاشم ميرغني فقد عاتب الحبيبة تارة
    بأنها لم تعد تشتاق إليه
    وأنه قد وجد أن اللهفة راحت كما في أغنية:
    "يعني ما مشتاقة لي والله ما عارفة العلي
    ما زمان قبال أسافر كان فراقي صعب عليك
    وجيت لقيت اللهفة راحت وحتى عينيك ما عينيك"
    في حين أنه يدعي العكس بأن الشوق لم ينطفئ لهيبه رغم البعاد
    كما في رائعة الشاعر الكبير عزمي أحمد خليل:

    " غيب وتعال .. تلقانا بنفس الايادى الراجفة
    مشتاقة فى ساعة سلامك
    غيب وتعال تلقانا بنفس القلوب الياما
    حزنت لما فقدت ابتسامك"

    التعديل الأخير تم بواسطة حسن سادة ; 05-04-2007 الساعة 03:39 AM
  2.  
  3. #2
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    أحبتي دعونا نواصل السرد
    في سيرة الشوق وعجبي لهذا الشوق
    الذي لم يسلم منه أحد ، حتى الأفلاك قد أخذت تشتاق أيضاً كبني
    البشر كما ورد في الأغنية الشهيرة:
    " كل الأفلاك،، كانت يا ملاك، مشتاقة إليك
    كام بدري عليك تودعني وأنا مشتاق ليك"

    وقد إقترن الشوق في تناول آخر بلحظة معينة تثار فيها
    لواعج الشوق الكامنة كما في رائعة الفنان محمد مرغني:

    " اشتقت ليك ساعة المساء فرد الجناح *** لملم مصابيح النهار
    والعتمة نامت في الدروب ** والليل لبس أجمل وشاح
    اشتقت ليك شوق السحابة الراحلة
    في جوف الشتاء عطشانه تحلم بالخريف
    وبقيت ضعيف
    في اللحظة ديك مديت معابر شوقي ليك
    وحنين حنيني الظامئ ليك
    في اللحظة ديك اشتقت ليك واحتجت ليك "

    وآخر قد إتخذ الشوق طريقاً يسلك دروبه إلى حيث لا رجعة:
    كما في أغنية عبد العزيز المبارك الشهيرة:
    " طريق الشوق مشيناه ،، وبحر الريد عبرناه
    وقلنا مصيرنا يوم نرجع خيالك ما وصلناه
    تطول يا ليل وفيك الطول مآسينا
    ونسكب في دموع الشوق وما بنلقى البواسينا
    وحبيبنا هناك بعيد وحيد وناسينا
    متين يا شوق ظروفنا تروق،، على الأفراح ترسّينا"

    أما عملاق الفن السوداني محمد وردي متعه الله بموفور الصحة والعافية
    فقد ظل ينادي مراسي الشوق بأعلى صوته مردداً:
    " يا مراسي الشوق تعالي تعالي تعالي
    لا الليالي تمر بدونك هي الليالي
    من ضواحي الدنيا جيت وعلى رحالي
    لمدائن في عيونك يا محالي
    ريحني أستري حالي
    عيوني في الدمعات وحيلة
    أسمحيلة تشوف عيونك أسمحيلة
    أنا لا الصبر قادر علي...ولا عندي حيلة "

    ولعل الفنان أبو عركي البخيت كان منشغلاً بأمور الدنيا
    فأرسل مرسال الشوق ليطوف بكل الحبان في كل مكان
    فأخذ المرسال يجتاز الصحاري والوهاد في طريقه إلى
    جبل مرة في غربنا العزيز:

    " مرسال الشوق00 ياالكلك ذوق
    أغشي الحبان 00في كل مكان
    قول ليهم شفنا00جبل مَره
    وعشنا اللحظات00حب ومسرّه
    بين غيمه تغازل00 كل زهره
    وخيال رمانه00علي المجري
    لوحة فنان00تمحي الأحزان
    صُفره وخـُضره00ُزرِقه وحُمره
    حلوه ونضِره00وزفة ألوان
    بين غيمه تغازل00كل زهره
    وخيال رمانه00علي المجري
    مرسال الشوق
    وزهر ناير00نادي وبسّام
    بالحيل داير00ريشة رسام
    جيرانو جداول00هيمانه
    وصنوبره00نادية وريانه
    كزمرده00في صورة بانه
    ورتنا العزيزه00العاجبانا
    الدرنا تكون00هسه معانا
    وتشوف بعيونا00النعسانه
    وتتم الصوره 000الفنانه
    ونقول ياربنا 00ياقادر
    يا واهب كل شيء00نادر
    يااللفنان000أمرك صادر
    تجمعنا كمان00مره00ومره
    بين الحبان 00في جبل مره
    بين غيمه تغازل00كل زهره
    وخيال رمانه00علي المجري
    مرسال الشوق"

    أما شاعرنا الفذ إسحاق الحلنقي فقد دعاه منادي الشوق
    فلبى دعوته طوعاً وراضياً مرضياً حين قال:

    " على رمل الطريق من بيتنا جابنا الشوق في سكتكم
    وصحى الذكريات فينا طواف الغيم بحلتكم
    إلى أن يقول:
    وقالوا الفرقة بتغير وخايفين بكرة تنسونا
    دوري دوري يا أيام ويا أشواق ودينا
    نحن الليلة للحبان من سفراً بعيد جينا"

    وقد سبقه الشوق ذات مرة قبل العينين وأخذ ينظر إلى الشارع
    ليجده تائهاً في دموع المغلوبين:

    " مرت لحظات وكمان ساعات طالت وحياتك ومنتظرين
    لو وشوش صوت الريح فى الباب يسبقنا الشوق قبل العينين
    ونعاين الشارع .. نلقاه تائه فى دموع المغلوبين
    العيد الجاب الناس لينا ما جابك
    يعنى نسيتنا خلاص ؟
    مع انك انت الخليتنا نغنى الحب ذكرى واخلاص
    صبحت دمعتنا وسادتنا كدى حاول اعرف لينا خلاص
    شال النوار ظلل بيتنا
    من بهجة وعدك وما جيتنا
    وفضلنا وحياتك منظرين
    شوف وين روحتنا وديتنا .. وين "

    أما الراحل المقيم سلطان الطرب مصطفى سيد أحمد
    فقد بدا وكأنه ما كان ينوي المجئ ولكن قد دفره الشوق (أي دفعه دفعاً):
    "
    يا مصابيح الطريق ..
    يا المراكبية البتجبد ..
    من فك الموج الغريق ..
    جينا ليك والشوق دفرنا ..
    يا نشوق روحنا ودمرنا ..
    يا المحطات الحنينة ..
    القصرت مشوار سفرنا ..
    يا ما شايلك فيني حايم .. لا اليالي المخملية
    لا العمارات السوامق .. لا الأسامي الأجنبية
    بتمحى من عيني ملامحك ..
    وإنتِ جايهِ المغربيهِ .. داقسهِ دايشهِ المغربيهِ
    وشك المكبوت مكندك .. سمصونايتك زمزميهِ
    كون شبر طوريه منجل ..
    سبحه فانوساً مدردح ..
    قلتي بيهن لي زمانك ..
    يا زمان الآهه حدك ..
    يا زمان الحاجة عندك ..
    لا تطي الوردة الصبيه .. "

    وضرب آخر من ضروب الشوق يجبرك
    ترحل إلى الوطن من غير زاد كما في رائعة وردي:
    "عيونك ذي سحابة صيف، تجافي بلاد وتسقي بلاد
    وذي فرحاً يشيل مني الشقى ويزداد
    وذي فرح البعيد العاد
    وذي عيداً غشاني وفات، وراح عمّ البلد أعياد
    وذي وطناً وقت أشتاق له برحل ليهو من غير زاد
    بدون عينيكي أصبح زول بدون ذكرى وبدون ميلاد"

    أما بالنسبة لي أنا شخصياً، فإن أبلغ ما قيل في الشوق تتجسد
    جلية في أغنية الراحل ملك الطنبور النعام آدم التي كان يردد
    فيها:
    " لا شوفةً تبلّ الشوق ،،،، ولا رداً يطمّن
    أريتك تبقى طيب إنت ،،،، والبي كلو هيّن "

    إليكم جميعاً مع خالص الود
    هدية الثلاثاء من كلمات الشوق:

    " انا لو اقول إشتقت ليك
    ماأظن بكون قلت الجديد
    لكن بقول إحتجت ليك
    والحوجة افضح للبريد
    والوحشه في ليل البعاد تتنازع الأشواق شديد"

    أحبتي المسافرين عذراً إذ سيتوقف القطار هنا هنيهة
    ثم يستأنف السفر إلى المحطات الشوقية البعيدة

  4.  
  5. #3
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    أعزائي الركاب
    أسعد الله صباحكم
    تعلن إدارة قطار الشوق بأننا سوف نتستأنف الرحلة
    بعد ثوان قليلة فيرجى من الركاب البقاء في مقاعدهم
    وقفل النوافذ والأبواب لكي لا تتسلل ذرات الغبار إلى
    قمرات القطار ويرجى إزاحة الأمتعة من الممرات
    تسهيلاً لمرور الكمساري
    رحلة سعيدة نتمناها لكم

    يا معشر المسافرين على محطات الشوق سلاماً يبل الشوق
    ها هو القطار تدور عجلاته وقد دفرته وقود الشوق لينطلق بكم
    في مشاوير لا تنتهي " من بعد ما عزّ المزار
    والليل سها وملّت نجومو الانتظار
    والشوق شرب حزن المواويل وانجرح خاطر النهار
    وبقيت أعاين في الوجوه
    واسأل عليك وسط الزحام قبّال أتوه
    يمكن ألاقي البشهبك
    ما الليل براح والشوق تعالي بيندهك".

    فكثيراً ما ورد سيرة الشوق في أغاني البنات أيضاً
    ومنها:

    " يوم القطر صفّر شالو
    دموعي من عيني سالو إلخ الأغنية"

    أما في رائعة الفنان الكبير الكابلي مروي:
    " قطر الثلاثاء ولا عدم
    الشال السيدة وخلا حرم"

    وكثيرون هم الذين تغنوا للقطار كما جاءت
    في ملحمة الشاعر العملاق محجوب شريف:
    " في إنتظارك
    في شراييني بيدندن حس قطارك
    إنت يا صحو المدارك
    أي نخلة جميلة دارك"

    أو أغنية الراحل المقيم العطبراوي :
    قطاره حلّ يا ناس قطاره حلّ
    الزول مسافر يا ناس ودعتو الله
    الليلة وين وين حن عليا "

    وأغنية:
    " حبيبنا يوم سفره ما ودعنا قام قطره
    وما ورانا أسبابه
    ويمة الليلة الزول مالو وما ورانا أسبابه "

    أما سفير الفن الأغنية السودانية المرحوم سيد خليفة
    فقد تغنى أيضاً للقطار في أغنيته:
    " أسالوه قايل الناس نسوه....
    يوم سافر قطاري ....
    يوم لهلبت ناري ....
    يوم ودعت حبي ...
    يا ناس انا دمعي جاري....
    كيف قاعد مطمن ...
    سحر الريم يجنن .....
    ومن تاثير عيونك ....
    لحياتي مؤمن ...... "

    وقد مر سرد القطار في أغنيات الراحل عثمان الشفيع:
    " القطار المر
    فيه مر حبيبي
    بالعلى ما مر
    يا الشلت مريودي

    في الرصيف مستني
    وللثواني أحاسب
    إمتى يظهر نورو
    الليهُ ديمة اراقب
    ألقى فيه هناى
    يلقى فيني هناهو
    ننسجم لريدنا
    الكان يا مريودي

    الاشرجي تراه
    للاشارة اداهو
    فتحوا السنفور
    لمروره براهو
    قلبي زاد خفقانه
    و زاد كمان في ولاه
    للحبيب الماري
    الليهو زاد شوقي

    القطار يتهادى
    حل في وادينا
    يلا نجري نشوفه
    المن زمان ناسينا
    في السلامة سلامة
    اه انا الجنيتها
    في المحطة بكيتها
    يا القطار تدشدش
    يا الشلت مريودي "




    وأكثر من صدح للشوق هو فنان السودان الأول
    الكروان الراحل ابراهيم الكاشف:
    " الشوق و الريد
    و الحب البان في لمسة ايد
    أغاني نقولا
    أغاني نقولا نقول و نعيد
    الدنيا زهور
    الدنيا زهور في عينينا
    تصبح كل يوم زي طفلي وليد
    كل الأشواق
    آهه بتجرح قلب المشتاق
    ديل يا هاجر ليكي رساله
    لو روحك يوم تنسى دلالها
    تشوفنا قريب ما تتعالى
    تسألنا و نسأل عن حالها
    و نعيد الكان"




    عثمان خالد .. مع احدى درره
    من قصيدة الى مسافرة ....


    أما موال الشوق فقد مر بالشاعر المبدع المرحوم عثمان خالد حين قال:

    " يا قلــــــــــــــبى يا مكتول كمد
    أعصــــر دمــــــــــوع
    هات غنوه لى سيد البلد
    يا حليله .. قال سايب البلد
    يا حليله .. كيفن يبتعد
    وكيفن نسيبه يروح بعيد
    فى رحلة مجهولة الامد
    كل العمر كان لحظه واحدة
    نشوفه والشوق يتقــــــــد "

    أما الراحل مصطفي سيد أحمد (طيّب الله ثراه)
    قد تغنى للشوق أكثر من مرة ومنها أغنيته:

    " طول الوطن إحساسى بيك
    عرض الوطن إحساسى بيك
    نخلاً يبشر بالجريد
    قيزان رمال تمتد شوق
    توتيل وتاكا مع الشروق "

    كما تغنى أيضاً من كلمات الشاعر أزهري الصديق:
    " ادينـــى احساس بالأامل
    ادينى احساس بالأامل فى كل لحظة شوق تطول
    وأدي الخطاوى الراجعة ليك فى سكتك عشم الوصول
    وادينى ما الدنيا كلها انتظار.... والارتحال عشم الوصول
    الموجة تحلم بالضفاف والغيمة تحلم بالهطـــــول
    راحل معاي ضى الامانى وذكرى للايام هناك لحظات بتزخر بالمعانى
    وكيف انسى تزكارات هواك نتحمل الغربة ونعانى
    ونتصبر عشان نكسب رضاك ونتغنى لو زاد الحنين "


    أما شعراء الشايقية فقد دلو بدلوهم في حديث الشوق العطر
    وأبرزهم الشاعر العملاق القدال حين قال:
    " الشوق بحر ياوليدى بحراً تيه
    قت ليك العليك ادرابو لا تنغش ولا ترضابو لاتنغش
    في الزمن الزمين والكي يسوهو خلاف عشان الني
    عليك الدور وتصريف الليالي بدور تشيل ما شلنا من الهم
    ولا من دمعه ترمي الدمعه فوق دربك
    روح يابا .. وابق قفاك لاتعاين ولاتعاين علي موطاك
    ولا تندم علي خطوا تملي مشيتو لى قدام
    وابقي العاتي زى سنطتنا زى صبرا نلوك فوق مرو زى الزاد
    لاشيتاً نزل في الجوف ولابرجع ولا بنزاد
    واركز للبجيبها الريح تقيف انت ويشيلها الريح
    وابقي العاتي والدرب الوراك مسدود و شيل شيلتك
    بقيت للنص لاحلما بجيب البر ولا حدود
    وانبليتا اختا الرملة ما تقع البكان الهش
    هي الممطورة مابتبالي من الرش"

    وتغنى أيضاً عن الشوق في قصيدة الشاعر
    عبد العال السيد:
    " من بعد ماعز المزار
    والليل سهى وملت نجومو الإنتظار
    والشوق شرب حزن المواويل
    وإنجرح خاطر النهار
    وبقيت أعاين فى الوجوه
    وأسأل عليك وسط الزحام
    قبال أتوه
    امكن ألاقى البشبهك
    ما الليل براح
    والشوق تعالى بيندهك
    شايلاهو وين النيل معاك
    عصفورة جنحاتها النجوم
    وأنا بى وراك أسأل عليكى مدن...مدن
    وأعصر سلافة اليل حزن
    وأسأل عليك فى المنفى فى مرفأ السفن
    أمكن طيوفك أخريات الليل تمر
    تملأ البراحات للحزين طول العمر
    مانحن بينا الأمنيات والتضحية
    بينا المعزات والعزابات فى الحياة
    بينا الهوى "

    أما المارد الغنائي والموسيقار القامة القادم من أرض المحنة
    وأرض الجزيرة مدني ود الأمين
    فقد هدته لواعج الشوق والحنين فأخذ يصدح:

    " من شوفتو طولنا نهواه ما زلنا
    نهواهو رغم الجور رغم الصدود عنا
    يا قريب مني بعيد متى نهري بيك يجود
    اراك وابقى سعيد وظلامي يبقى نور
    بي قربك أتهنى ..
    مشتاق ونار الشوق كيف ليها اقدر أطيق
    كيف من همومي أفيق مدام وصالي عسير
    بعيد عن الجنة
    الليهو ديمة أحن
    ليه بي وصالو يضن
    النائي ليهو زمن أتمنى طيفو يدوم
    اني غرقان في التمني
    ولاني سارح بالأماني
    زارني خاطراً بلّ شوقي وإحتواني
    النخل إتلاقى غنى
    وردد النيل الأغاني
    النجوم لامع بريقا
    الورود النايمة فاقت "

  6.  
  7. #4
    فخر المنتديات
    Array الصورة الرمزية الفارس البنفسجي
    تاريخ التسجيل
    Nov 2006
    الدولة
    ودمدني - ودكنان
    المشاركات
    4,621

    الغالي حسن سادة

    لكن بصراحة شوقك
    مباااااااااااااااالغة
    ياريتو شوقي.


    تسلم على هذا الزخم
    من الأشواق.

  8.  
  9. #5
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413


    مرحباً بهذا الفارس المغوار الذي أقدم إلينا يمتطى
    صهوة جواد أغر ولحق بنا في محطة عطبرة
    عاصمة الحديد والنار وربط فرسه على رصيف المحطة
    وترجل ووضع سرجه جانباً وأبت نفسه إلا أن يبدد وحشتنا
    ويؤانسنا في هذه الرحلة الشوقية الطويلة إلى مرافئ الشوق النائية
    ولمدن بعيدة تنوم وتصحى على محطات الطرق
    وأطل علينا كفراشة مجنحة على ضفاف المقرن الجميل
    تقدم أيها الفارس وإتخذ لك مقعداً وثيراً في الدرجة الأولى الممتازة
    فقد أثلجت صدرنا بإنضمامك إلينا أيها العزيز

  10.  
  11. #6
    عضو فضي
    Array الصورة الرمزية محمد السر احمد
    تاريخ التسجيل
    Sep 2006
    الدولة
    مدني - بركات سابقا - المنيرة حاليا
    المشاركات
    1,116

    الاخ حسن السادة شوق ما زاد شوقنا وبهدل شوقنا علي الشوق العلينا
    ويا اخوي انا بحجز اول تذكرة في قطار الشوق
    وتسلم

    wdelsair21@hotmail.com
    wdelseir21@yahoo.com
    زورنا مرة لو امكن
  12.  
  13. #7
    فخر المنتديات
    Array الصورة الرمزية Madanawi
    تاريخ التسجيل
    Sep 2006
    الدولة
    مدني
    المشاركات
    3,544

    يا سادة يا مزاجك سادة وشوقك .. كتير وزيادة

    روعة في الشوق .. والسفر زادو الذكريات .. والامل لوصول المحطة الاولى بعد طول الغياب

    وقالوا في الامثال:

    الحاري ولا المتعشي

    إيه الدنــيا غيــــــر *** لمة نــــــــاس في خيــــــر *** أو ســـاعة حـــزن
  14.  
  15. #8
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    بيان هام إلى ركاب قطار الشوق
    سيداتي وسادتي المسافرون على متن هذا القطار
    ترجو منكم إدارة القطار النزول إلى رصيف المحطة
    فقد فرشنا البساط الأحمر إحتفاءاً بقدوم ناس عزاز علينا
    فهلموا وتضامنوا مع الإدارة الرشيدة لإستقبال
    المسافر الفخري العزيز محمد السر أحمد والعزيز مدناوي
    وأنثروا لهما باقات الرياحين والأزاهر فقد قررا أن ينضما إلينا
    في رحلتنا الممتدة إلى محطات الشوق لمؤانستنا
    فأهلاً بمقدمهما وطلتهما البهية

    وخاووني يا مرحب دايرها تبقى خُوة

  16.  
  17. #9
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    أحبتي رواد قطار الشوق
    سلاماً أرق من نسايم العتمور
    ما بال قطارنا توقف هنا في أبوحمد
    طويلاً هل لعطل ما قد ألم به معاذ الله
    أم أنه قد ولف أبوحمد والولف قتال
    فهيا بنا نبرح هذه المحطة ونمضي قدماً
    حمولنا تهد جمال الشيل
    وفايت في العتامير ليل
    ونتوكل عليك يا الله دافر الليل
    والليل طويل طولاً غريب مافيه ضو
    والريح تنوح فوق الدروب
    وآ خوفي من صوت الرياح
    وكتين تنوح وتسوي هو
    وتغشى ليلاتو البشاير .. ويمكن الفرح الزمان ..
    لسة أصداه بترن .. غنوة حاضناها الضفاير
    والله أيام يا زمان ..
    جايز الأيام تحن … وتصحي فيك نبل المشاعر
    ويمكن المجروح يئن … وتغشى ليلاتو البشاير
    ويمكن الفرح الزمان ... لسة أصداه بترن ...
    غنوة حاضناها الضفاير ..

    التعديل الأخير تم بواسطة حسن سادة ; 18-06-2007 الساعة 08:52 PM
  18.  
  19. #10
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    بيان هام من إدارة قطار الشوق
    حرصاً من الإدارة على سلامة أرواح الركاب
    ترجو الإدارة من الركاب المسطحين العودة
    إلى مقاعدهم داخل القطار

    مع أمنياتنا لكم برحلة سعيدة

    التعديل الأخير تم بواسطة حسن سادة ; 20-06-2007 الساعة 05:06 AM
  20.  
  21. #11
    فخر المنتديات
    Array الصورة الرمزية بدر الدين محمد
    تاريخ التسجيل
    Nov 2006
    الدولة
    ود مدني حي المدنيين الجامع
    المشاركات
    3,210

    ذكرتنا اخي - الغائب عنا - ايام لها ايقاع عندما كنا في كلية الفنون وسنويا نمتطي قطار يحملنا الى اقاصي البلاد شرقها وغربها وشمالها وجنوبها (نسطح) .. ننام في الرفوف .. تحت الكنبات بالايام والليالي ... تحياتنا

    أحببت ذا الخلق العظيم
    نورا وعلما وصراطا مستقيم
    وهو تياري وحزبي وإمامي والزعيم
    فله التعصب (كله) والانحياز
  22.  
  23. #12
    عضو فضي
    Array الصورة الرمزية سمل الحلفاوى
    تاريخ التسجيل
    Jun 2005
    الدولة
    اصلا حلفاوى وساكن بحرى كافورى
    المشاركات
    1,010

    اللهم أغفر عمنا حسن سادة صاحب البوست




    حكمة وقالها سمل ودالولياب
    لف في أي منتدى براحتك .. في غير منتدى ودمنى مش حتـــاخد راحتـك
    سمل ود جزيرة كولب ( وادى حلفا ولاباريس

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid