ليك يا مدنى الحبيبه فى القلب اوسع مجال
ما بناظرك فيهو غيرك لا يماثلك فى الجمال
لو تعب منك يمين ليك بيمتد الشمال
او نشيلك فى العيون تبقى اقرب للمنال
************************************************** *******************
انت يامدنى السماحه شمعه تتحدى الرياح
وجهك المشرق بيضوى ديمه زايد انشراح
زهره بتجدد شبابا لابسه ثوب العز وشاح
البلاب ليك تغنى غنوه الحب والسماح
************************************************** ******************
ليك ود مسكين تغنى قولو عنك دار محنه
فقت يا مدنى فى جمالك فى اجمال محسوبه جنه
فى الفنون اصبحت مشهد اى ملهم ليك تغنى
والرياضه بحورا تشهد كنت مضمار مغنى
************************************************** *****************
وانت يا مدنى العراقه ديمه انت فى اعلى قمه
سيره فى كل المحافل شفنا اسمك تاج فى هامه
جدتى للاجيال بخيرك بيهو احسنت العزامه
واقتصادنا الكان فى حيره للوطن اصبح دعامه
************************************************** ***************
فايقه اقرانك حبيبه ديما يا مدنى الحبيبه
ليك نرفع للايادى تبقى مخضره ونضيره
دونك الروح يا حبيبه فى النفوس انت الاميره
منك ابتدت الزعامه وفيك تمتد المسيره