صفحة 104 من 108 الأولىالأولى ... 45494102103104105106 ... الأخيرةالأخيرة
النتائج 2,576 إلى 2,600 من 2682

الموضوع: ودمدني هذا الصباح

     
  1. #2576
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    انسان ود مدني جميل الصفات بخلقه وصبره ويقينه التام برزقه في هذه الدنيا الفانية لذلك يتكلم عن الغلاء وزيادة الاسعار بخجل وحسرة داخلية كامنة , هناك لقمة العيش والعلاج والدواء والتعليم والمجاملات والمناسبات المتلاحقة وبمعني آخر مشغول بنفسه بعيدا عن الترفيه وجماليات الحياة والابداع وافق واسع في جميع مجالات الثقافة والفن والسياسة والرياضة في زمن ود مدني الجميل . هنا ينظر اهل مدني لهذا الزمن من خلال آثار قديمة في الواقع والخيال واصبح كل ما هو مهمل في ام المدائن الجميلة مجرد خاطرة او عادة خاصة الشوارع والحفر وتصريف المياه والانارة والانفلات في الاسعار وتنظيم الاسواق والدور الذي يخدم هذا الانسان الجميل معدوم تماما !!
    لفت نظري وسبق ان كتبت عنه مدخل شارع مدني من الخرطوم او من الشرق عند مدخل كبري حنتوب ولفة دوار البحوث الزراعية المتجهة الي سنار وسنجة والدمازين وحدود اخطر المناطق جدلا مع الجنوب !
    فالاول مدخل حنتوب طريق تمر به شركات عالمية سوي عن الطريق الشرقي حنتوب الخرطوم او عبر الكبري ولو نظرنا يمينا وشمالا لوجدنا روعة مشاهد خلابة في طبيعتها مجري النيل والخضرة ومنظر مدينة ود مدني ولكم ان تتخيلوا معي بان هذا الشارع لا توجد به لمبة انارة واحدة من الملكية مرورا بالكبري المظلم ليلا ومستشفي القلب الجميل وجامعة الجزيرة حتي لفة الخرطوم ( لا توجد انارة وهي من اولويات وعنوان المدينة والتمدن والتحضر ) ..
    ولكن الطريق المهمل تماما لفة البحوث وقديما كانت به علامة اذا كنت تنوي السفر جنوبا الي سنار وسنجة عبارة عن ( مجسم طائرة ) ولكنها ازيلت واصبح الطريق بلا ملامح او اشارة تنبيه حتي توحي لك بان هذا الطريق هو لفة سنار واكرر هنا بعالمية دوار الشارع حنتوب الخرطوم سنار لوجود شركات استثمار وهيئات عالمية وسياسية داخل وخارج السودان تمر بهذا الطريق معدوم الملامح والشبه بصورة يومية ..
    مشاققة :
    سمعتوا بي حاجة اسمها عكاز في سوق خرفان ود مدني ..
    بكرة نواصل .

    ورد اذا ورد البحيرة شاربا
    ورد الفرات زئيره والنيــلا
  2.  
  3. #2577
    اللجنة الاستشارية
    Array
    تاريخ التسجيل
    Aug 2006
    الدولة
    ودمدني / بانت
    المشاركات
    1,705

    سرد جميل ممتع .. نتابع المفارقات التي قل أن توجد في العالم وعنوانها السودان دائماً ..

  4.  
  5. #2578
    فخر المنتديات
    Array الصورة الرمزية مدنيّة
    تاريخ التسجيل
    Jul 2006
    الدولة
    محل الرئيس بنوم والطيارة بتقوم
    المشاركات
    18,647

    (عكاز في سوق خرفان ود مدني)
    دي انا غايتو ياعمو الطيب ما سمعت بيها
    منتظرين كلامك عنها ):

    -----
    تسلم ياعمو الطيب والله

    كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح
  6.  
  7. #2579
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    قد يكون لاحظ غيري أن معظم سائقي الاوتوس من ودمدني شرق واعني بذلك قري شرق النيل ابو حراز والرهد بقراه المتناثرة والشرفة والبشاقرة وتمتد القري حتي مشروع الرهد الزراعي وكان حظي هذه المرة مع ( اللخو محمد ) الشكري من قرية بوادي شرق النيل وهو يفتخر كثيرا بانتمائه لقبيلة الشكرية شاب وسيم صغير السن في عمر الصبا وكالعادة ( شلاقة عمك تنقو ) ساقتني للسؤال الروتيني خريج وين يا محمد ونظر لي باستغراب واستخفاف وبسمة وطيبة ومزيج من الاجابات احتفظت لحظتها حسب تعابير وجهه بالاجابة في دهاليز افكار عمك تنقو !!
    كانت مشاويري تعتمد علي الاماكن التي اذهب اليها وكانت هذه المرة عديدة نسبة لخروج والدتي من مستشفي القلب وتبعيات عيد الفطر المبارك وكان لا بد ان تطول الرحلة ويطول الحديث مداعبا له بقولي داير لي مرة ( زوجة ) من الشكرية !
    رد سريعا انت جنسك شنو من امك وابوك .. وكان ابي من اولاد العمومة لهم ووالدتي اصلها جعلية اصلها من السروراب الجموعية وكان رده من ناحية ابوك مافيك كلام تب !
    لكن من ناحية امك بنفتشك (زييييييييين ) بعدين نشوف !
    فضحكت ولم اعقب خوفا من اشارته لي بان الدينكا جعليين وحتما من ناحية امي ساكون جنوبي وكان قصدي بذلك المزاح معه برغم ان كلامي لا يستند الي قيمة علمية او شرعية سوي عادات وارث القبائل النيلية والبادية والبطانة وكلها تقع مباشرة شرق ود مدني !
    يا اخوي داير لي كرامة لي امي طلعت من المستشفي الصباح ده قلت له ذلك وكان حدسي في محله ورد لي بقولة ( ابشر ) انا اولاد عمي الشكرية في سوق البهائم , اها داير الكريبة ولا السوق المركزي بركات تقاطع السكة حديد بالقرب من محلات آدم ( شية ) ! فاشرت له بالاخيرة وذهبنا هناك وتلقتنا مجموعات من البشر الرعاة اصحاب البهائم ومعهم ( الضباح ملوح بفراره وسكينه ) وكل يمسك بالعربة .. هازول يمين الا تقيف هازول ديل خرفان الخريف ده هازول ما بتلقي احسن من بهايمي ديل واصبحت الاوتوس في رحمة الشكرية وهم يتقاسمونها ونبهت محمد الي ذلك فقال لي اصبر انا ماشي لي الامين ود عمي لزم ووصلنا هناك .. الامين يلبس الصديري والعراقي والسروال المزركش من تحت عند القدمين وصوت العنج ( الما خمج ) والعمة الصغيرة عبارة عن رباط ( غبشة تب ) والشنب العاتي والسكين ( المحوكرة ) في الضراع .
    وقلت ( ابلبص ) شوية للاميبن قبل واسطة محمد الشكري سواق الاوتوس فقلت اسمع يا الامين انا ود عمكم من قبيلة الرفاعيين جدي محمود ود زايد ضباح شحم البل سيد القدح الما بكمل وايقنت ان (بلبصتي ) ستنجح حتما ولكنه بادرني :
    ات من البلد دي ولا شغال وين وحقيقة نسيت نفسي وقلت ليهو انا مغترب في سلطنة عمان وسكت برهة من الزمن وحينها كان يهمس له واسطتي محمد بان الخروف كرامة لامي خرجوها الليلة من المستشفي ولكن شدني سؤاله فقلت له عرفت سلطنة عمان ! فالتفت لي مستعملا كيس الصعود ليضع سفة ( مدنكلة ) ويرد لي في نفس اللحظة : والله يا ود عمي انا غير السلطنة الزرقاء ما سمعت لي بي سلطنة قبال كده !!
    وجائني محمد قال لي اختار الخروف الدايرهو انا اتكلمت معاهو خلاص وكانت عيني اختارت من اول وهلة خروف يقوم بالغرض الوافي من كرامة وفطور رمضان وشية العيد وكمونية ندسها لي تالت يوم وامسكت بالخروف بكل ثقة وهبشت جيبي في هذه اللحظة للتاكد من وجود (المطبقة ) وقدت الخروف من ذنبه مناديا ( اياهو ده ) اها بي كم ؟
    فرد الامين سريعا ده بي ( عكاز ) واحد بس !
    فالتفت الي محمد واسطتي ورفيقي الي هذه ( المعمعة ) فهمس لي عكاز يعني ( مليون جنيه ) !!!

    مشاققة :

    العيون التي قتلت عم تنقو في مستشفي القلب !
    بكرة نواصل .

    التعديل الأخير تم بواسطة عمك تنقو ; 03-09-2012 الساعة 04:44 AM
    ورد اذا ورد البحيرة شاربا
    ورد الفرات زئيره والنيــلا
  8.  
  9. #2580
    عضو برونزي
    Array الصورة الرمزية ابو علا
    تاريخ التسجيل
    Jun 2010
    الدولة
    ودازرق
    المشاركات
    784

    اقتباس المشاركة الأصلية كتبت بواسطة عمك تنقو مشاهدة المشاركة
    صديقي العزيز الجنرال ود الصول
    تحية خالصة ومفعمة بالحب والود والتواصل
    لظروف مرض والدتي بمستشفي القلب لم اتمكن من مقابلتكم في اجازتي القصيرة التي بدأت منذ منتصف رمضان وحتي امس الثلاثاء 28-8-2012م
    خدمتني الظروف بمقابلة أجمل شباب مدني خلقا وثقافة وشخصية وتعاون ود الدرجة ( المتميز ) محمد .
    تعارفنا وسلم علي كثيرا عندما عرفته بشخصي وذكر لي ان الشلة المدناوية اقلام المنتدي كل يوم في تلاقي وسمر مستمر وشمعة المنتدي ( بتي مدنية من بينهم )
    اتصل بي صديقي وابني الغالي ( حمدتو ) امس الاول معاتبا وشرحت له ظروف الوالدة
    كما اسجل اعتذاري لغيابي عن الساحة مدة من الوقت من بيتنا الكبير منتديات ودمدني ..
    ساكتب من يوم غدا يومياتي في صباحات ودمدني فترقبوها :
    سواق الرقشة الذي اذهلني !!
    سواق الاتوس لاعب دولي سابق حمل كاس افريقيا علي اعناقه
    شارع عالمي في ودمدني مهمل !
    العجور المهجن !
    مستشفي القلب العالمي في مدني
    اجمل منطقة في مدني
    العيون التي قتلت ( عمكم تنقو ) جمال زي ده اصلو ما شفتو
    عندما بكيت في حي من احياء مدني !
    مدني مدينة سياحية من الدرجة الاولي عالميا ولكن !!
    خريف مدني ورحمة ربنا في رمضان
    ست الشاي في كبري حنتوب ومنشرحون وسلطة فواطه واجمل الاكلات ( وين ) !
    بكرة نبدأ
    وعودة !!
    عمكم المشتاق ( تنقو ) !
    اقتباس المشاركة الأصلية كتبت بواسطة ابو علا مشاهدة المشاركة
    يتواصل السرد الجميل
    شطبنا على رائعة سواق الرقشة
    وشطبنا على سواق الاتوس الماعرفينو لي هسي هو اللاعب الدولي السابق ولا واحد تاني .
    واصل تجدنا متابعين برضو في صمت وبدون تعليق ......
    متابعييين ....... بس كونه لاعب دولي سابق دي فطيتها يالخو ام خبائتها في دهاليز افكارك ولا دا اتوس تاني .....

    التعديل الأخير تم بواسطة ابو علا ; 03-09-2012 الساعة 09:22 PM
    لا اله الا انت سبحانك اني كنت من الظالمين
  10.  
  11. #2581
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    الصديق ابو علا
    تابع الحلقة التانية من صباحات ود مدني
    اوتوس سمارة ماشي
    ما فطتيتها
    بمناسبة فطيتها دي بتعرف لعبة تيحه تيحه
    بالمناسبة اللعبة دي والبلّي انعدمت تماما في زقاقات وحارات ودمدني
    لك شكري وودي وامتناني للمتابعة والاهتمام .
    تسلم .

    ورد اذا ورد البحيرة شاربا
    ورد الفرات زئيره والنيــلا
  12.  
  13. #2582
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499



    ايام في الذاكرة من صباحات مدني صاحبتني حتي في منامي واصول الحكايات الجميلة هي غنية عن التدوين لانها ستكون اكثر وضوحا ونضجا وتمكنا في الذاكرة والبوح بها ياتي في غمضة العين وفي السيارة في المكتب انها خاطرة التذوق الحلو تتناولها احيانا صورة وحلم وحقيقة وايقاعي الداخلي ينحاز الي الجمال كليا وفي اجازاتي تكون وظيفة عيوني هي ايقاع كل جميل ولا احب ( عكننة الصباح ) لذلك اربط مشاويري باطراف المدينة بعيدا عن ضوضاء ام المدائن وساقتني الظروف في ممارضة والدتي الحبيبة ( في مركز ودمدني لامراض وجراحة القلب *) ...

    ورد اذا ورد البحيرة شاربا
    ورد الفرات زئيره والنيــلا
  14.  
  15. #2583
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499



    قل للحبية ود مدني كل شعر الحب وقل للحبية مرحبا تفتح لك الابواب عندما تجد المحبة والجمال والرضا توزع ضوءها عندما تجد الاهتمام باقل المجهودات لانها جميلة واشواق عارية تريد من يلبسها قطعة جمال ولمسة حنان . صباح جديد وبعده صباحات كانت عند هذا المبني الجميل الذي ترونه ( مركز ودمدني لامراض وجراحة القلب ) قلب انسان مدني المرهف ترجمات في دروب الحياة وما اطول دروب انسان مدني من البورت لمشروع الجزيرة للسكة حديد وقطار الوحدة لنادي الخريجين والثقافات المتناثرة هنا وهناك ودمدني بيت الرياضة الكبير الذي خرج منه افذاذ الكرة السودانية ومنها كانت اجمل الفنون قاطبة من المساح وكرومة الي ود الامين وابو عركي البخيت . نمشي في هذه المدينة بمفردات مجدها وتاريخها العريق وفي قطار المجازات اعترف باني وجدت هذا المستشفي الصرح العظيم الانساني جميل جمال ودمدني وزالت عنها بعض من تجاعيد العبوس بموقع هذا المكان العالمي عند مدخل كبري حنتوب غربا وامامه النيل الجاري وخضرة حنتوب تلامسه جامعة الجزيرة الانيقة من الناحية الغربية وشارع عترة المتجه لحدائق مازالت متأنقة في شخصيتها وينعس قلبي داخل هذا المستشفي العاشق لفرح الآخرين ...

    ورد اذا ورد البحيرة شاربا
    ورد الفرات زئيره والنيــلا
  16.  
  17. #2584
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    من المطار مباشرة كانت التلفونالت تلاحقني الي ان وصلت ام المدائن وكان الجو نموذجيا في هذا اليوم الجمعة العاشر من اغسطس في اواخر ايام شهر رمضان وتحت المطر ارتعشت اوصالي وانا ادلف الي هذا المستشفي الجميل بقيود محددة اعجبتني كثيرا للحفاظ علي كل جميل واطمأن قلبي علي الوالدة في غرفة العناية المركزة في الطابق الثاني برفقة الدكتور الجراح صلاح الدين مصطفي وطبيب عام وسسترات والاخ عبد الرازق الذي خدمني كثيرا وقتها وفيما بعد ...
    توالت الزيارات للمستشفي الراقي المؤسس وعلمت ان دكتور محمد الفاتح الجراح المشهور عربيا وافريقيا هو من يقوم بعمليات القلب واندهشت عندما علمت ان المرضي الذين يذهبون الي الاردن والقاهرة ترسلهم الجهات الطبية هناك لهذا المستشفي كونه الكادر الثاني عربيا وافريقيا ايضا من الاجهزة والاطباء والنظام ولحداثته ووجود اشهر الاطباء عالميا في زيارات دورية والقيام ببعض العمليات مجانا لمن صادفه الحظ ...
    فاقت امي تماما بعد العملية بتوفيق من الله سبحانه وتعالي واصبحت امي بريئة وضحكتها تجذبني كالطفل امامها وهذا مشهد تصويري لا يمكن وصفه وجائت طبيبة المختبر لتاخذ عينة دم للوالدة وكانت رؤي طبية تمازجت معها سر المهنة وشخصية ملائكية بدر في عمر الصبا وبذكاء فطري غرست الحقنة في يدها عندما نظرت لي الوالدة بكل براءة ( ما تاخدها لي ياولدي ) !!

    مشاققة :

    بكرة ليكن موعدنا مع هذه القصيدة !!

    التعديل الأخير تم بواسطة عمك تنقو ; 03-09-2012 الساعة 10:38 PM
    ورد اذا ورد البحيرة شاربا
    ورد الفرات زئيره والنيــلا
  18.  
  19. #2585
    عضو برونزي
    Array الصورة الرمزية ابو علا
    تاريخ التسجيل
    Jun 2010
    الدولة
    ودازرق
    المشاركات
    784

    اقتباس المشاركة الأصلية كتبت بواسطة عمك تنقو مشاهدة المشاركة


    ايام في الذاكرة من صباحات مدني صاحبتني حتي في منامي واصول الحكايات الجميلة هي غنية عن التدوين لانها ستكون اكثر وضوحا ونضجا وتمكنا في الذاكرة والبوح بها ياتي في غمضة العين وفي السيارة في المكتب انها خاطرة التذوق الحلو تتناولها احيانا صورة وحلم وحقيقة وايقاعي الداخلي ينحاز الي الجمال كليا وفي اجازاتي تكون وظيفة عيوني هي ايقاع كل جميل ولا احب ( عكننة الصباح ) لذلك اربط مشاويري باطراف المدينة بعيدا عن ضوضاء ام المدائن وساقتني الظروف في ممارضة والدتي الحبيبة ( في مركز ودمدني لامراض وجراحة القلب *) ...
    نسأل الله الشفاء العاجل للوالدة وربنا يديها الصحة والعافية يارب

    لا اله الا انت سبحانك اني كنت من الظالمين
  20.  
  21. #2586
    عضو برونزي
    Array الصورة الرمزية ابو علا
    تاريخ التسجيل
    Jun 2010
    الدولة
    ودازرق
    المشاركات
    784

    اقتباس المشاركة الأصلية كتبت بواسطة عمك تنقو مشاهدة المشاركة


    [B][U][SIZE=5][FONT=System][COLOR="#000080"]قل للحبية ود مدني كل شعر الحب وقل للحبية مرحبا تفتح لك الابواب عندما تجد المحبة والجمال والرضا توزع ضوءها عندما تجد الاهتمام باقل المجهودات لانها جميلة واشواق عارية تريد من يلبسها قطعة جمال ولمسة حنان . صباح جديد وبعده صباحات كانت عند هذا المبني الجميل الذي ترونه ( مركز ودمدني لامراض وجراحة القلب ) قلب انسان مدني المرهف ترجمات في دروب الحياة وما اطول دروب انسان مدني من البورت لمشروع الجزيرة للسكة حديد وقطار الوحدة لنادي الخريجين والثقافات المتناثرة هنا وهناك ودمدني بيت الرياضة الكبير الذي خرج منه افذاذ الكرة السودانية ومنها كانت اجمل الفنون قاطبة من المساح وكرومة الي ود الامين وابو عركي البخيت . نمشي في هذه المدينة بمفردات مجدها وتاريخها العريق وفي قطار المجازات اعترف باني وجدت هذا المستشفي الصرح العظيم الانساني جميل جمال ودمدني وزالت عنها بعض من تجاعيد العبوس بموقع هذا المكان العالمي عند مدخل كبري حنتوب غربا وامامه النيل الجاري وخضرة حنتوب تلامسه جامعة الجزيرة الانيقة من الناحية الغربية وشارع عترة المتجه لحدائق مازالت متأنقة في شخصيتها وينعس قلبي داخل هذا المستشفي العاشق لفرح الآخرين ...
    بصراحة روعة الصورة شغلتني عن القراءة
    نسأل الله أن يشفي جميع المرضى
    نداء لاخونا علقم الغايب عن الشاشة هذه الايام من عبركم عسى المانع خير :
    ياريت لو فتحت بوست واتحفتنا بي بجماليات المدينة عبر الصور
    متعكم الله بالصحة والعافية جميعا

    لا اله الا انت سبحانك اني كنت من الظالمين
  22.  
  23. #2587
    فخر المنتديات
    Array الصورة الرمزية الزبير محمد عبدالفضيل
    تاريخ التسجيل
    Jan 2004
    الدولة
    من عمق مدني
    المشاركات
    3,359

    نسأل الله العلي العظيم الشفاء لجميع مرضي المسلمين وهذا صرح جميل تفتخر به ست المدائن

    حسبي الله لااله الا هو عليه توكلت وهو رب العرش العظيم
  24.  
  25. #2588
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اشكرك اخي الزبير وربنا يديك العافية

    ورد اذا ورد البحيرة شاربا
    ورد الفرات زئيره والنيــلا
  26.  
  27. #2589
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة ابو علا مشاهدة المشاركة
    بصراحة روعة الصورة شغلتني عن القراءة
    نسأل الله أن يشفي جميع المرضى
    نداء لاخونا علقم الغايب عن الشاشة هذه الايام من عبركم عسى المانع خير :
    ياريت لو فتحت بوست واتحفتنا بي بجماليات المدينة عبر الصور
    متعكم الله بالصحة والعافية جميعا


    اشكرك اخي ابو علا بدعائك للوالدة بالشفاء وربنا يديكم العافية ...


    مشاققة

    طيب يا ابو علا في انتظار علقم عشان يتحفك بالصور بعدين نواصل !!!

    التعديل الأخير تم بواسطة عمك تنقو ; 06-09-2012 الساعة 08:34 PM
    ورد اذا ورد البحيرة شاربا
    ورد الفرات زئيره والنيــلا
  28.  
  29. #2590
    المشرف العام والمدير الفني
    Array الصورة الرمزية ahmed algam
    تاريخ التسجيل
    Oct 2005
    الدولة
    ودمدني- القسم الاول
    المشاركات
    40,742

    اقتباس المشاركة الأصلية كتبت بواسطة ابو علا مشاهدة المشاركة
    بصراحة روعة الصورة شغلتني عن القراءة
    نسأل الله أن يشفي جميع المرضى
    نداء لاخونا علقم الغايب عن الشاشة هذه الايام من عبركم عسى المانع خير :
    ياريت لو فتحت بوست واتحفتنا بي بجماليات المدينة عبر الصور
    متعكم الله بالصحة والعافية جميعا
    شكرا ابوعلا علي السؤال
    وانا بخير الحمد لله

    _____

    وان شاء الله نلبي طلب في فتح بوست بجماليات المدينة عبر الصور


    اقتباس المشاركة الأصلية كتبت بواسطة عمك تنقو مشاهدة المشاركة


    اشكرك اخي ابو علا بدعائك للوالدة بالشفاء وربنا يديكم العافية ...


    مشاققة

    طيب يا ابو علا في انتظار علقم عشان يتحفك بالصور بعدين نواصل !!!
    عمنا الرائع جدا تنقو

    متابعين معاك اليوميات الرائعة جدا

    بس واصل لينا وماتنقطع

  30.  
  31. #2591
    فخر المنتديات
    Array الصورة الرمزية نزار حسن محمد
    تاريخ التسجيل
    Apr 2006
    الدولة
    حى المنيره
    المشاركات
    6,876

    الحبيب الغالي الطيب
    اسماً على مسمي عمك تنقو
    الف حمدالله على سلامة الوالده
    وااااصل ياخى

    [SIZE=2]الابتسامه.. كلمه طيبه .. من غير حروف
    الابتسامه لاتكلف شيئا ولكنها تعنى الكثير[/
    SIZE]

    ************************************************** ****************

    حياة جل مكسبها خسار ** وعيش لايسرك يانزار
  32.  
  33. #2592
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    ويا هلا باجمل الاصدقاء نزار
    هلا باللورد ابسفروك
    شيخ العرب ما مشتاقين كتير ياخي
    وحات النبي صاحبك التلفون يرن ويرن وما برفع لي
    عرّس تاني ولا شنو !!
    ولا الجامعة حولوها ياربي !
    حاضرين نواصل يا نزار وانا بقدر مع ناس الزمن الجميل !
    ما بقدر .

    ورد اذا ورد البحيرة شاربا
    ورد الفرات زئيره والنيــلا
  34.  
  35. #2593
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    ولدي الجميل حمدتو
    شكرا للمحادثة والسؤال دائما علي الوالدة
    راجعين للصباحات
    ياصباح مدني ما تسرع تخفف لي !
    مشتاقين ياحمدتو لعضة نادي القضاة
    بتذكر !

    ورد اذا ورد البحيرة شاربا
    ورد الفرات زئيره والنيــلا
  36.  
  37. #2594
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اخوتي الاعزاء
    انتهت الصباحات
    والي صباحات جديدة

    لكم تحياتي

    وشكرا ...

    التعديل الأخير تم بواسطة عمك تنقو ; 12-09-2012 الساعة 11:59 PM
    ورد اذا ورد البحيرة شاربا
    ورد الفرات زئيره والنيــلا
  38.  
  39. #2595
    فخر المنتديات
    Array الصورة الرمزية نزار حسن محمد
    تاريخ التسجيل
    Apr 2006
    الدولة
    حى المنيره
    المشاركات
    6,876

    ود الصول بيتك ما ببقى براك
    تعال يابا نحن فى انتظارك

    [SIZE=2]الابتسامه.. كلمه طيبه .. من غير حروف
    الابتسامه لاتكلف شيئا ولكنها تعنى الكثير[/
    SIZE]

    ************************************************** ****************

    حياة جل مكسبها خسار ** وعيش لايسرك يانزار
  40.  
  41. #2596
    اللجنة الاستشارية
    Array
    تاريخ التسجيل
    Aug 2006
    الدولة
    ودمدني / بانت
    المشاركات
    1,705

    اقتباس المشاركة الأصلية كتبت بواسطة نزار حسن محمد مشاهدة المشاركة
    ود الصول بيتك ما ببقى براك
    تعال يابا نحن فى انتظارك
    نزار عندي صاحبي بخوف ود الصول إسمه زكريا .. قال لي أديه يومين لو ما بان أرجع لي ..

    خالد بكلم ليك وفاتحة واحدة بتغطس حجرك .. أحسن تسمع كلام نزار ..

  42.  
  43. #2597
    فخر المنتديات
    Array الصورة الرمزية خالد أحمد الصول
    تاريخ التسجيل
    Apr 2006
    الدولة
    مدني
    المشاركات
    2,762

    شرف عظيم لي أن أجد أخي الحبيب عمك تنقو يتكي علي حيطتي ... وينداح بعطر فواح فيغمر الجميل بشذاه و رائحته الذكية ... شرف كبير لي أن أجده يتحكر في منتصف ديواني ليكرم ضيوفي و يواددهم ويؤانسهم ... فنعم الاخ أنت و نعم الصديق ... ومامحظوظة الشافعة بتاعة المعمل لتنال دعوه الوالدة الحبيبة والتي أتمني أن تكون آخر الالام لها ... كل حزني أنني لم أقابلك فلو كنت أعلم لكنت إحدي البائتين علي جنبات هذا المستشفي الحدث أعصر البرش معك و أكابرك ... كل حبي لهذا الولد المتمرد الذي ما فتئ يحرضني دائما للعوده ... فهو عزيز من عزيز من عزيز خصوصا بعد أن ترك سفروفه وجدعه في قارعة الطريق ليحمل بدلا عنه الحنان و الحب ... فاكديسه قد كتلت له قلبه ... لك مني الانحناءه إحتراما و تقديرا ولك الحب و الود كله أخي عصام حسين و لا أستطيع إلا أن أقول حاااااضر فكلامكم أوامر ... وشيخ زكريا له كرامات وآضحه وبائنه ... إلا أنه لم يأتي لنا فنحن ننتظره كهلال رمضان .... يمكن أن أعود إذا تعافينا من الاكتئاب ... فآدعو معي الله أن يزيل عنا كل مكروه و مكروهه

    سبحان الله و بحمده ... سبحان الله العظيم
  44.  
  45. #2598
    فخر المنتديات
    Array الصورة الرمزية نزار حسن محمد
    تاريخ التسجيل
    Apr 2006
    الدولة
    حى المنيره
    المشاركات
    6,876

    اقتباس المشاركة الأصلية كتبت بواسطة خالد أحمد الصول مشاهدة المشاركة
    شرف عظيم لي أن أجد أخي الحبيب عمك تنقو يتكي علي حيطتي ... وينداح بعطر فواح فيغمر الجميل بشذاه و رائحته الذكية ... شرف كبير لي أن أجده يتحكر في منتصف ديواني ليكرم ضيوفي و يواددهم ويؤانسهم ... فنعم الاخ أنت و نعم الصديق ... ومامحظوظة الشافعة بتاعة المعمل لتنال دعوه الوالدة الحبيبة والتي أتمني أن تكون آخر الالام لها ... كل حزني أنني لم أقابلك فلو كنت أعلم لكنت إحدي البائتين علي جنبات هذا المستشفي الحدث أعصر البرش معك و أكابرك ... كل حبي لهذا الولد المتمرد الذي ما فتئ يحرضني دائما للعوده ... فهو عزيز من عزيز من عزيز خصوصا بعد أن ترك سفروفه وجدعه في قارعة الطريق ليحمل بدلا عنه الحنان و الحب ... فاكديسه قد كتلت له قلبه ... لك مني الانحناءه إحتراما و تقديرا ولك الحب و الود كله أخي عصام حسين و لا أستطيع إلا أن أقول حاااااضر فكلامكم أوامر ... وشيخ زكريا له كرامات وآضحه وبائنه ... إلا أنه لم يأتي لنا فنحن ننتظره كهلال رمضان .... يمكن أن أعود إذا تعافينا من الاكتئاب ... فآدعو معي الله أن يزيل عنا كل مكروه و مكروهه
    جبيب الكل ابو الدكتوره انشاءالله يابا يوم شكرك مايجي يالحنين يالطيب يشهد الله بجيتك العيون سهراً هحد والبيت الكبير يادوب صالونه انفتح تعالوووو يابنوت شيلوا الغبار من الكنب وبخور الصالون وجيبوا ترامس المويه البارده والشاى والقهوه ود المطامير جاى كدارى من الشرفه الله يستر ما يخشى التكيلات مدنيه جيبى معاك الاستريو وشرايط النعام ادم والبونى ام... يازول والله النقوله من شدة الفرح ماعرفين اخر انزل دمعات الشوق ساى وياود حسين من زمان مالك ما وريتنا شيخ زكريا ده يلحقنا ويتجدنا ود علقم جيب الوح والدواي لابونا ود الصول واقعدوا بعيد

    [SIZE=2]الابتسامه.. كلمه طيبه .. من غير حروف
    الابتسامه لاتكلف شيئا ولكنها تعنى الكثير[/
    SIZE]

    ************************************************** ****************

    حياة جل مكسبها خسار ** وعيش لايسرك يانزار
  46.  
  47. #2599
    مشرف جمعيه منتديات ود مدنى للاعمال الثقافية والانسانية
    Array الصورة الرمزية آلاء عبد الرحمن
    تاريخ التسجيل
    Dec 2010
    الدولة
    الزمالك
    المشاركات
    5,650

    سبحان الله وبحمده
    سبحان الله العظيم

    http://wadmadani.com/vb/showthread.php?28735-

    الاتحاد-القومي-للمعوقين-حركياً-–-ولاية-الجزيرة-–-محلية-ود-مدني
  48.  
  49. #2600
    مشرف جمعيه منتديات ود مدنى للاعمال الثقافية والانسانية
    Array الصورة الرمزية آلاء عبد الرحمن
    تاريخ التسجيل
    Dec 2010
    الدولة
    الزمالك
    المشاركات
    5,650

    سبحان الله وبحمده
    سبحان الله العظيم

    http://wadmadani.com/vb/showthread.php?28735-

    الاتحاد-القومي-للمعوقين-حركياً-–-ولاية-الجزيرة-–-محلية-ود-مدني

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid