والله ياجماعه احكليكم تجربتي مع الدعاء الفي اللينك دي.
بعد ماجاني الدعاء دا في الايميل قمتا قريتو وعجبني شديد والغريبه انو كان مصادف يوم الخميس الفات قمتا قلت اجربو في ليلة الجمعه بما انو الجمعه يوم مبارك وكدا, المهم قمتا صليت الفجر وبعد الصلاة مسكتا الدعاء وقريتو ليك وانا كنت متاكد تماما انو الله حيستجيب لي لانو العوامل كانت كلها متوفره للاجابه اول حاجه انا كنت موقن تماما بالاجابه وثانيا الزمان كان صباح يوم مبارك ووقت بتاع استجابه بعد صلاة الفجر وكدا يعني .
المهم بعد ماقريتو قمت مشيت على السرير اتمددت فوقو وانا كنت قبل يومين بشكو من قطيعة في ظهري معذباني عذاب شديد خلاص لمن مرات مابقدر اتنفس منها المفاجاءة لمن جيت رقدت حسيت بانو القطيعة دي اختفت اتقلبت يمين شمال قمت وقفت قعدت رقدت تاني مافي اي اثر للقطيعه دي, في اللحظه ديك اتذكرت انو الدعاء فوقو حتة المرض دي ففرحت فرح شديد لمن بقيت بضحك براي لانو ربنا استجاب لدعاي والحمدلله . ودي قصتي مع الدعاء ارجو انكم تكونو استفدتو منه كل واحد بحسب حاجته والله يتقبل العمل الصاح .
المفضلات