الليلة فطرتو بي شنو ؟؟؟

[بدر الدين محمد]

لا زلنا في الخرطوم . . المايقوما نعض بالنواجز والنوايب على العادات السمحة في رمضان وأولها الفطور في الشارع ...
من بدري اشترينا الفرشات وقبل الفطور بي نص ساعة الشباب يقشوا ويفرشوا .. ثم تأتي الصواني من هنا وهناك .. الدناقلة والمحس والشايقية يجيبو القراصة شي بالدمعة وشي بالتقلية ونحنا ناس الجزيرة بنجيب اللقمة البوخها يلوي بالتقلية وبالويكة والبامية المفروكة والنعيمية ..
ومرة مرة تلقى صحن الفول والطعمية
والقواسم المشتركة صلطة الروب والبليلة العدسية والكبكبيه
اما المشروبات الحلو مر سيد الجميع بلا منازع والآبريه الابيض وبقوا يلونونه اصفر احمر خضر (زي شفق المغارب) ايضا الكركرديه والقونقوليس والعرديب ثم القمردين والعصاير المستوردة

ثم وبعد الصلاة تدار القهوة والونسة حتى صلاة التراويح ...

انتو فطرتو بي شنو وكيف ولييه؟؟؟ ... ثقفونا !!!

[جيفارا]

استازنا الغالي
تغبل الله منا ومنكم انشاء الله

والله نحنا زي ما تقول فطرنا بي :-
1/ بلح
2/فول
3/بيض
4/سمبوسة
5/سلطة روب
6/سلطة خضار
7/طعمية
8/سجوق
9/كبدة


والاكل رجع زي ما هو

[بدر الدين محمد]

استازنا الغالي
تغبل الله منا ومنكم انشاء الله

والله نحنا زي ما تقول فطرنا بي :-
1/ بلح
2/فول
3/بيض
4/سمبوسة
5/سلطة روب
6/سلطة خضار
7/طعمية
8/سجوق
9/كبدة


والاكل رجع زي ما هو

ما هو لازم يرجع ؟؟؟؟ وين العصيدة البعد ما تكمل تلقى الصحن بوخه طالع
انتو في ياتو مغترب

[ود المطامير]

الحبيب .. بدرالدين
نحنا عصيدتنا دقيقها ذى اللكوكه
والويكه قعادها فى التلاجه بقت ذى السفايه
لا طعم لا ريحه
يا حليلك يا بلد .

[نزار احمد كوارتي]

الأخ بدر الدين
لفت إنتباهى سؤالك أو بمعنى أدق ضربنى فى مقتل(ما داير أقول ليك أزيتنى).
والله العظيم بنفطر بى رز وجداد طعمو زى الما فى حاجه وبنشرب عصاير جاهزه . وينك يا آبرى ونشاء وبليله غايتو الله يكون فى العون. حليلك يا شارع بيتنا وحليل إتفضلو يا جماعه.

[بدر الدين محمد]

الحبيب .. بدرالدين
نحنا عصيدتنا دقيقها ذى اللكوكه
والويكه قعادها فى التلاجه بقت ذى السفايه
لا طعم لا ريحه
يا حليلك يا بلد .

ما كنا في السعودية زمااان بنصوم ما بنحس بالصوم وبنفطر وما بنحس بالفطور ولا اذكر الا فطور الحرم قهوة عربية تسطل وسمبوكسا وموية زمزم تمسح الصدر

[بدر الدين محمد]

الأخ بدر الدين
لفت إنتباهى سؤالك أو بمعنى أدق ضربنى فى مقتل(ما داير أقول ليك أزيتنى).
والله العظيم بنفطر بى رز وجداد طعمو زى الما فى حاجه وبنشرب عصاير جاهزه . وينك يا آبرى ونشاء وبليله غايتو الله يكون فى العون. حليلك يا شارع بيتنا وحليل إتفضلو يا جماعه.

والعجب كان لقيت ليك بروش فيها عصيدة دارفورية بي ويكاب ولا كول تأكل وتلحس اصابعيك .. متين الاذان يأذن

[okasha]

والله انا مجوبك فطوري وخلى بالنية


(دي ملحوظة(اناقاعد داخلية))

[بدر الدين محمد]

خلاص الليلة تجي تفطر معانا وكان ما الليلة تختار اليوم
وده تلفوني 0121712100

[admin]

[RIGHT]
انتو فطرتو بي شنو وكيف ولييه؟؟؟ ... ثقفونا !!!

كل عام وانتم بخير يا بدرالدين .. والفطور عندكم .. واللقمة دي اساسية لو مافي ببقى دا ما فطور رمضان ولا ماكدا .. لكن الصراحة لقمة بي بامية مفروكة دي ما جربتها .. احكي لينا

[عثمان جلالة]

[COLORاستاذنا بد الدين .... تصوم وتفطر على خير ... والتحية عبرك لأهلنا في المايقوما .. والله ذكرتنا زمنا ... سمح بالحيل .. أنا رمضان الفات كنت في السودان ... وكان أحلى رمضان .. والواحد صحن العصيده ... ما يفكوهو منو ألا بالاحتياطي المركزي ... لكن حاليا ... زي ما قال ليك ود المطامير ... فطور لا لون له ولا طعم ولا رائحة ... والله ييسر الحال ="Purple"][/COLOR]

[بورتبيل]

استــــاذنــا بدر الديـــــــــن رمضــــان كريم وكل عام وانتم بخيــــــــــر

(قـــــال لقمــة بي باميــة مفــروكة ما جربا .. تجربـــا ويــن في عين شمس ,, ولا فــي المنيـــرة )D:

الا فطـــــــــورنا نحنـــا خليه سااااي لا بتلاك ولا بنبلع ,, على الرغــــــم من انــو غالبيــة المكونــات ســـودانية بس الطعــم متغيير.

[admin]

الا فطـــــــــورنا نحنـــا خليه سااااي لا بتلاك ولا بنبلع ,, على الرغــــــم من انــو غالبيــة المكونــات ســـودانية بس الطعــم متغيير.

تلفون بدرالدين ياهو دا فوق .. الدور الرابع من هنا اول بوست على شمالك بتلقى مكتوب في الباب رقم 9.. اتصل عليهم وامشي افطر معاهم الليله في المايقوما ههههههههههههههههههههههه

[طلال الصول]

استاذ بدر الدين وانت بالف صحة وعافية يارب

وكان الفطور بتاع رمضان كلامكم دا اكان يعذبنا ساي النقول ليك ياسيدي اول يوم رمضان نسيت الفطور في امان الله ولمن افتكرتو اسكت بس حاجات اشي من التلاجة واشي من تحت السرير شغل عزابة وكدا والعصاير جاهز والا غاز والحمد لله

[الفارس البنفسجي]

الاساسيات

عجوة
زبيب
تين
سلطة روب (للاسف بالخيار ما بالعجور)
ابري
عصير (ليمون + برتقال + منقا + مشكل+موز باللبن)

تتغير من وقت لآخر
شوبة عدس
شوربة لحمة
دجاج بالفرن
كفتة بالفرن
يعني نواشف بس
وبنحاول نبعد عن الزيت بقدر المستطاع

لك التحية حبيبنا بدر الدين وتصوم وتفطر علي خير

[sooka]

والله يابدر الدين انت عزفت على وتر حساس في دواخل المغتربين وكل واحد كان صابر على الغربة قللت ليهو صبرو، خاصة لمايتذكر عاداتنا وتقاليدنا السمحة في هذا الشهر الكريم ، والفطور وماادراك ماالفطور الذي تلعب فيه الويكة اهم العناصر، لكن لو ركزنا شويه بنلقى قصة الفطور الفي الشارع دى شبه انتهت وبدت تتلاشى خصوصا في العاصمة القومية (الا مارحم ربي) يعنى في الاطراف والاحياء الشعبية ، والله يقدرك وتكون ساعة الفطور في العمارات ولا الرياض حقك راح ونيم ماح تلقاهو عشان تفطر بيهو ، انا عايزة اسأل الحاصل شنو؟ منو المسئول عن ضياع العادات الحلوة دي؟ هل هو الزمن البقى شماعتنا ؟ ولا الناس اتغيرو؟ ولا الظروف الاقتصادية الزي الزفت؟

[بدر الدين محمد]

والله يابدر الدين انت عزفت على وتر حساس في دواخل المغتربين وكل واحد كان صابر على الغربة قللت ليهو صبرو، خاصة لمايتذكر عاداتنا وتقاليدنا السمحة في هذا الشهر الكريم ، والفطور وماادراك ماالفطور الذي تلعب فيه الويكة اهم العناصر، لكن لو ركزنا شويه بنلقى قصة الفطور الفي الشارع دى شبه انتهت وبدت تتلاشى خصوصا في العاصمة القومية (الا مارحم ربي) يعنى في الاطراف والاحياء الشعبية ، والله يقدرك وتكون ساعة الفطور في العمارات ولا الرياض حقك راح ونيم ماح تلقاهو عشان تفطر بيهو ، انا عايزة اسأل الحاصل شنو؟ منو المسئول عن ضياع العادات الحلوة دي؟ هل هو الزمن البقى شماعتنا ؟ ولا الناس اتغيرو؟ ولا الظروف الاقتصادية الزي الزفت؟

شكرا للمرور وشكرا لي شيل هم العادات والتقاليد ..

[بدر الدين محمد]

لكن الصراحة لقمة بي بامية مفروكة دي ما جربتها .. احكي لينا

ده الكنا خايفين منو ؟؟ وانا ذاتي ما كنت مصدق انو في سندوتشات فاصوليا الا لما القطر خسر بينا في الرهد!!

[بدر الدين محمد]

[COLORاستاذنا بد الدين .... تصوم وتفطر على خير ... والتحية عبرك لأهلنا في المايقوما .. والله ذكرتنا زمنا ... سمح بالحيل .. أنا رمضان الفات كنت في السودان ... وكان أحلى رمضان .. والواحد صحن العصيده ... ما يفكوهو منو ألا بالاحتياطي المركزي ... لكن حاليا ... زي ما قال ليك ود المطامير ... فطور لا لون له ولا طعم ولا رائحة ... والله ييسر الحال ="Purple"][/COLOR]

الحي بلاقي والزمن بدور وتاني ما تلقى اليفكك من اللقمة والكسرة

[بدر الدين محمد]

استــــاذنــا بدر الديـــــــــن رمضــــان كريم وكل عام وانتم بخيــــــــــر

(قـــــال لقمــة بي باميــة مفــروكة ما جربا .. تجربـــا ويــن في عين شمس ,, ولا فــي المنيـــرة )D:

الا فطـــــــــورنا نحنـــا خليه سااااي لا بتلاك ولا بنبلع ,, على الرغــــــم من انــو غالبيــة المكونــات ســـودانية بس الطعــم متغيير.

كدي اشرح للآدمن الـ( بني كربو) عشان نحنا نستفيد

[بدر الدين محمد]

استاذ بدر الدين وانت بالف صحة وعافية يارب

وكان الفطور بتاع رمضان كلامكم دا اكان يعذبنا ساي النقول ليك ياسيدي اول يوم رمضان نسيت الفطور في امان الله ولمن افتكرتو اسكت بس حاجات اشي من التلاجة واشي من تحت السرير شغل عزابة وكدا والعصاير جاهز والا غاز والحمد لله

شكرا ود الصول ذكرتني فطور العذابة .. مرة كان عندي ملحق تاريخ في الجامعة كان في رمضان .. نمت قريب المغرب صحيت لقيت الداخلية ما فيها غير نوى البلح وفتات الرغيف .. ما كان عندي حل الا اطلع النخلة في ركن الداخلية وافطر في قمة النخلة بي بلح ني وموية من الكولر

[بدر الدين محمد]

الاساسيات

عجوة
زبيب
تين
سلطة روب (للاسف بالخيار ما بالعجور)
ابري
عصير (ليمون + برتقال + منقا + مشكل+موز باللبن)

تتغير من وقت لآخر
شوبة عدس
شوربة لحمة
دجاج بالفرن
كفتة بالفرن
يعني نواشف بس
وبنحاول نبعد عن الزيت بقدر المستطاع

لك التحية حبيبنا بدر الدين وتصوم وتفطر علي خير

الله الله متين يأذن المغرب ..
انا خايف مدنية ومدناوي يقفلوا البوست ده (بجرح الصيام)

[بدر الدين محمد]

والله يابدر الدين انت عزفت على وتر حساس في دواخل المغتربين وكل واحد كان صابر على الغربة قللت ليهو صبرو، خاصة لمايتذكر عاداتنا وتقاليدنا السمحة في هذا الشهر الكريم ، والفطور وماادراك ماالفطور الذي تلعب فيه الويكة اهم العناصر، لكن لو ركزنا شويه بنلقى قصة الفطور الفي الشارع دى شبه انتهت وبدت تتلاشى خصوصا في العاصمة القومية (الا مارحم ربي) يعنى في الاطراف والاحياء الشعبية ، والله يقدرك وتكون ساعة الفطور في العمارات ولا الرياض حقك راح ونيم ماح تلقاهو عشان تفطر بيهو ، انا عايزة اسأل الحاصل شنو؟ منو المسئول عن ضياع العادات الحلوة دي؟ هل هو الزمن البقى شماعتنا ؟ ولا الناس اتغيرو؟ ولا الظروف الاقتصادية الزي الزفت؟

عودة للاخت سكينة
بالامس كنت فاطر في الصحافة ولاحظت في الطريق من الحاج يوسف الى الصحافة كثرة الافطارات الجماعية وموائد الرحمن
اغرتنا ثرامس المياه والعصاير واسالت لعابنا
نا مدني الجربو يجو الخرطوم في مغيرب نهار يوم في رمضان شافو الناس البسدو الطريق للعابرين بغرض اجبارهم للنزول لمشاركتهم الافطار وانا شخصيا لدي تجربة في شارع مدني .. وانشالله الناس تحافظ على العادات دى

[بدر الدين محمد]

اواصل
اليوم القراصة اكلناها جوة البيت الجو كان فيه سحاب وبروق ورعود ورشاش وقالوا الجزيرة مطرانه

[روبش]

اخي .. بدرالدين
لك التحية .. ورمضان كريم
والله نحن عندنا نفس الاصناف لكن فاقدين حاسة الذوق .. اتخيل انت بتفطر داخل شقة ما بتشوف حد بتسمع الاذان بالشباك او عن طريق التلفاز .. والله يا بدرالدين اشتقنا للبرش وجلسة الاخوان والجيران .. وبنتمنى ان نشوف شخص عابر طريق وما يغشى حد عشان تمسكو يفطر معاك وتأخذ الاجر .. حليلك يا بلد