صفحة 1 من 2 12 الأخيرةالأخيرة
النتائج 1 إلى 25 من 31

الموضوع: ونسة مع عمك تنقو ...

     
  1. #1
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    ونسة مع عمك تنقو ...

    قلب أخضر يسوقني دوما لتصفح ارتعاشات المشاعر في هذا المنتدي ولكن للأسف عمك تنقو راجل سرمدي ينتشي دائما بالإلفة ( ولوف ) أغيب وأجي وعايز ألقي الناس زي ماهي
    دوما والمنتدي يمد لي لسانه ساخرا ( لن أستوعب لك كل المشاعر ) والروض في هذه المساحة ينبت كل يوم زهرة !!
    صديقي ود المأذون اتصل ويتصل بي دوما وقلت له مازحا أين أنتم وكتاباتكم ؟ قال لي وين ياتنقو أمشي أكتب في العام تجي تفتش موضوعك بعد شوية تلقاهو قلع في الشرفة

    كم سررت بالمقابلة الاذاعية التي تكلم فيها ود الماذون عن ودمدني وابنائها في المهجر والمنتدي الذي اشاد به كثيرا وبابنائه المؤسسين واعجبني أكثر نفيه البات في انحياز ابناء مدني في المنتدي وغيره واعتزازه بالمدينة والمنتدي .. شكرا لك ياصاحب الفوضي الهادئة والمنظمة !!

    وبمناسبة الاذاعة التقيت برجل في احدي الصرافات عماني الجنسية في العقد السابع من عمره وسمعني أقول لموظفة الصرافة التحويل ( لأمدرمان ) ونظر لي مليئا ثم اتجه نحوي وهو يشد يدي ويقول لي بالحرف الواحد ( هنا أمدرمان ) هذه الاذاعة استمعت لها في شرق أفريقيا وتحديدا مدينة دار السلام منذ خمسين عاما !! وأردفت معقبا وماهي الاذاعات التي استمعت لها في ذلك الوقت أيضا فقال : لندن وصوت العرب !!
    وتذكرت علي الفور ما آلت اليه حالنا الآن وبالأخص سودانير التي كانت بصيت الميدلست
    والبرتش إير والكويتية حيث لم تظهر أسماء الطيران الحالية وقتها .

    ظاهرة الفساد في السودان تفشت واصبحت رائحتها مقرفة وطاردة ، تشرفت بوجود ستة شبان أطباء علي مائدة فطور رمضان في المنزل وكانوا قد حضروا للعمل هنا في مستشفيات السلطنة حديثا وامتد النقاش مطولا عن الفساد في الأدوية وفضيحة الإمدادات الطبية الأخيرة في وزارة الصحة التي كانت تبيع للأمة السودانية دواء يخالف كل المعايير والمواصفات !!! حيث تم الثراء الفاحش وتطاولت المباني في جميع أحياء العاصمة وأصابتني الدهشة بالفعل عندما قال أحدهم أنه كان في مأمورية طبية في دنقلا لمدة ستة شهور وعمل توكيلا لصديقه لصرف الرواتب وتسليمها لأسرته بالعاصمة وهاتفه صديقه تلفونيا بأن الادارة المالية التابع لها الطبيب رفضت صرف الراتب ، فانتظر الطبيب نهاية المأمورية وعاد للخرطوم وهو يمني نفسه بمبلغ محترم يساعده وأسرته علي مطالب الحياة حيث اتجه في اليوم التالي من وصوله لصرف رواتبه للفترة التي قضاها في دنقلا ويحكي لنا الطبيب بأنه وقف أمام البنت المحاسبة التي قابلته بفتور ( ومساخة ) اسمك منو ؟ رقمك كم ؟ مرتبك كم ؟ وصقع عندما سمعها تقول له بالمناسبة مرتباتك دي انت صرفتها وده توقيعك !!!
    فنظر الي التوقيع وتمالك اعصابه ذاكرا لها انه كان في دنقلا وهذا ليس توقيعه والأمر فيه لبس وخداع ! فانتفضت الموظفة صارخة في وجهه كيف تقول ذلك نحن حرامية ؟ وخرج رئيس الحسابات من مكتبه مندهشا للصراخ ( في شنو ) ؟ وحكت له الموظفة الحاصل مؤكدا رئيس الحسابات كلامها وهنا انطلق الطبيب خارجا وهو يصيح : انتو قايلين البلد دي فوضة مافيها كبير ويحكي انه سمع من ورائه صوت ينادي يا ابن العم دقيقة ! اسمعنا وعندها كان في الشارع !
    لحسن حظه وجد احد اصدقائه راكبا ( موتر ) وهو في كامل هيئته وكان بدينا طويلا يرتدي بدلة فحكي له القصة وطلب مساعدته ( الشكية لي ابيدن قوية ) صعدا للمكتب وهناك تظاهر صديقه بانه مسؤول كبير وبتلك الهيئة وبصوت جهوري وصارم سأل البنت ورئيس الحسابات في شنو ؟ الزول ده مالو ماصرف رواتبه ؟
    أبدا والله ، نحن قلنا ليهو يا ابن العم اصبر شوية نشوف موضوعك ده وحقك مابروح ! فانتفض صديقه والتفت الي الطبيب اسمع بعد نص ساعة اذا ما قبضت تعال لي في المكتب وانصرف خارجا ممثلا للدور كاملا جاعلا ناس الحسابات في ( سيك ويك ) معتقدين أن هذه الشخصية مصيبة كبيرة وبذلك لتعرفوا مدي وصول حالة السودان الادارية أي علي مستوي الناس التعبانة الموظفين الذين يتعاملوا مثل ما يعملو الكبار هناك ومثل هذا العمل لن يقدم عليه أحد لولا أن رأي رؤسائه ورؤوس رؤسائه يفعلون ويحمون أنفسهم بأنفسهم واليكم حكاية مرتبات ولدنا الطبيب التي تصلح بأن تكون فلما سودانيا ينافس أفلام الغرب في الإحتيال !!
    جلس الطبيب وهنا انكسر خاطر البنت المحاسبة وهي ترمقه بعين منكسرة ولكنها عين خبيرة بهذه الأمور قائلة له : تصور البنت زميلتي دايما موقعانا في مشاكل ؟ فقال لها الطبيب زميلتك منو ؟ ومالها ووينها ؟ فأخذته ودخلت به علي رئيس الحسابات الذي أبدي بدوره أسفه بأن الموظفة زميلة المحاسبة تزوجت وأخذت راتبه للستة شهور ووقعت بالفعل علي ذلك علي أن ترد المبلغ فيما بعد ولم نتوقع حضورك فجأة !
    طيب البت دي وين أسه ؟ فذكروا لها أنها عادت لتوها من شهر العسل .. وفي لحظات أمسك رئيس الحسابات الطبيب من يده وخرج به مهرولا ولم يجد نفسه الا في سيارة آخر موديل ياباني دفع رباعي وتاهت بهم في شوارع الخرطوم مخاطبا اياه : اسمع انت داير قروشك ولا حاجة تانية !!
    ويذكر انه وقفت بهم السيارة أمام منزل عادي ولكنه محاط بسياج مراقبة قوية حسب احساسه الداخلي ودلف به داخلا وهناك وجد عدد هائل من الموظفات وأمامهم رزم فلوس أرقام عالية فأخذ رزمة وعدّ منها مبلغ من المال معطيا اياهو الطبيب ( صاحبنا قبض ) وخرج به والتفت اليه قائلا خلاص ارتحت !
    فقال له الطبيب عندك تلفون البت العروس دي وعليك الله اديني تلفونك بالمرّة !
    هالو ، هالو ، ازيك ياعروس شهر العسل كيف بالله ؟
    انت منو ، معاي منو : فقال لها أنا منو ؟ أنا ما الخزينة نسيتي ولا شنو ؟؟

    حاشية :

    كان هذا الشاب من أوائل السودان الذين دخلوا جامعة الجزيرة كلية الطب وقضي بها ستة سنوات دراسة وبعدها سنة خدمة وسنتين امتياز وستة سنوات خدمة قبل أن ينتقل لهذه المأمورية حديثنا ... ليجد نفسه أمام الجوازات والهجرة ليهجر وطنه وأسرته ويبدأ مشوار طويل وطويل وطويل وآه منك يابلد !!

    التعديل الأخير تم بواسطة عمك تنقو ; 01-11-2007 الساعة 05:43 AM
    ورد اذا ورد البحيرة شاربا
    ورد الفرات زئيره والنيــلا
  2.  
  3. #2
    رحمة الله عليه Array الصورة الرمزية صالح ابوشوارب
    تاريخ التسجيل
    Jan 2005
    الدولة
    مدني
    المشاركات
    2,095

    اولا انشاء الله اكون اول من يدخل هذا الباب الانيق وسوف اعود بعد قرأة البوست
    ولكن وحشتنا يافردة



  4.  
  5. #3
    عضو ذهبي
    Array الصورة الرمزية مختار بازى
    تاريخ التسجيل
    Dec 2006
    الدولة
    حنتوب المربعات حى الرياض مربع 2
    المشاركات
    5,587

    الاستاذ الفاضل

    بعد التحية والاحترام والعود احمــــــــــد فقد افتقدناك بكثرة

    ونتمني ان تعود كسابق عهدك وتملاء صفاحات المنتدي بالحــــــــب والسرور

    ولكن هنالك مواقف ومواقف وهـــــــــذا قليل من كثير للمواقف التي دعت للغربة والغربة

    نصل يتغلغل إلى أن يصل إلى العمق فيصبح الجرح في الأعماق وعندها لا نستطيع إيقاف النزيف .

    للغربة سياط تترك آثارها على أجسادنا وأرواحنا و نظراتنا و أنفسنا فلا نستطيع الخلاص

    منها أبد الدهر لتكون مرسومة على الجبين تعلن للجميع عن تعاستنا .

    قد تكون الغربة حلا أمثل عندما ينبذنا الوطن من شناعة اعمال ال........
    وتلفظنا أرضه ..

    وتحملنا ريحه إلى البعيد ..

    لتتركنا في الإقامة الجبريةخارج حدوده ..دون أن يرق قلبه لتوسلاتنا ولا تجدي معه قصائد

    استعطافنا واستجدائنا ولا يطربه شدونا ولا يحرك فؤاده حبنا له وعشقنا لثراه .

    عندها نضطر لحزم حقائبنا وذكرياتنا وما بقى من كرامتنا ..

    ونبدأ في البحث عن وطن جديد ..

    وطن يقبل بنا ويأوينا ..

    وحنيننا يشدنا إلى الوطن الأول ..

    وكرامتنا تدفعنا في المضي قدما للبحث عن وطن جديد يتبنانا ...

    ولكن الحنين يعذبنا ..

    والبعد عن أرضنا يذبحنا من الوريد إلى الوريد .. ونكون على يقين تام بأننا سنعـــــــــــــود

    يوم الي حضن الأم الرؤؤم


    الســــــــــــــــــــــــــــــــــــــودان ,,,

    لك فائق احترامي وودي,,





    كن كالنخلة عن الاحقاد مرتفعا ترمى بحجر
    فتعطى اطيب ثمرى
  6.  
  7. #4
    فخر المنتديات
    Array الصورة الرمزية moh_alnour
    تاريخ التسجيل
    Aug 2007
    الدولة
    جدة - السعودية
    المشاركات
    7,687

    آه يا بلد آه
    وكفى

    إننا نحب الورد رغم الأشواك التي تعانقه وهكذا الحياة
    abu ze yazan

    جزيرة الفيل الأصالة و العراقة
  8.  
  9. #5
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة صالح ابوشوارب مشاهدة المشاركة
    اولا انشاء الله اكون اول من يدخل هذا الباب الانيق وسوف اعود بعد قرأة البوست
    ولكن وحشتنا يافردة
    عزيزي الغالي .. أبو صلاح
    تاوقت يعني وماجييتني راجع
    فعلا والله فردة نحن جيل تحرمني منك وليالي عبد العزيز المبارك واذكر انا
    والمرحوم ربيع ابو عيسي طيب الله ثراه والاستاذ امين موسي اطال الله في عمره
    كنا نشتم رائحة الحفلات ونذهب اليها كداري وين ووين وبمجرد وصولنا يتلهفنا الاستاذ
    عبد العزيز المبارك ( الحفلة انتهت ) عربيتكم مالها اتعطلت ولا شنو كدي تعالو اتعشو
    وكلما انظر اليك يا ابوصلاح احسبك اصغر سنا مني وفردتنا في اللون ( حلبة يعني ) والنظارات .. وست اللهيج السكري .. يديك العافية وعايزك في الماسنجر .

    ورد اذا ورد البحيرة شاربا
    ورد الفرات زئيره والنيــلا
  10.  
  11. #6
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة مختار بازى مشاهدة المشاركة
    الاستاذ الفاضل

    بعد التحية والاحترام والعود احمــــــــــد فقد افتقدناك بكثرة

    ونتمني ان تعود كسابق عهدك وتملاء صفاحات المنتدي بالحــــــــب والسرور

    ولكن هنالك مواقف ومواقف وهـــــــــذا قليل من كثير للمواقف التي دعت للغربة والغربة

    نصل يتغلغل إلى أن يصل إلى العمق فيصبح الجرح في الأعماق وعندها لا نستطيع إيقاف النزيف .

    للغربة سياط تترك آثارها على أجسادنا وأرواحنا و نظراتنا و أنفسنا فلا نستطيع الخلاص

    منها أبد الدهر لتكون مرسومة على الجبين تعلن للجميع عن تعاستنا .

    قد تكون الغربة حلا أمثل عندما ينبذنا الوطن من شناعة اعمال ال........
    وتلفظنا أرضه ..

    وتحملنا ريحه إلى البعيد ..


    الســــــــــــــــــــــــــــــــــــــودان ,,,

    لك فائق احترامي وودي,,
    شكرا ابني مختار البازي وقت تكون احدي الضحايا الذين لفظ بهم الوطن خارجا في رحلة المجهول وهذا قدرك وقدر الكثيرين .. لك الله يا ابني معافا موفقا منتصرا عائدا بسلاحك العلمي وتراثك الوطني للعشيرة والأهل والآسرة ..

    ورد اذا ورد البحيرة شاربا
    ورد الفرات زئيره والنيــلا
  12.  
  13. #7
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة mohalnour مشاهدة المشاركة
    آه يا بلد آه
    وكفى

    قلت وكفيت يا محي .. شكرا لك علي المرور ودامت لك العافية

    ورد اذا ورد البحيرة شاربا
    ورد الفرات زئيره والنيــلا
  14.  
  15. #8
    رحمة الله عليه Array الصورة الرمزية صالح ابوشوارب
    تاريخ التسجيل
    Jan 2005
    الدولة
    مدني
    المشاركات
    2,095

    الحبيب تنغو
    والله مشتاقين . اتصلت عليك على الرقم 00971507877187 طبعا شلتو من نزار لكن للاسف جرس وما في رد .
    فعلا الآن النفوس تغيرت وكل واحد عايز يستولى حق الغير بدون وجه حق ولكن المؤسف تواطؤ رئيس المكتب مع الموظفة واجابته العجيبة

    ( رئيس الحسابات الذي أبدي بدوره أسفه بأن الموظفة زميلة المحاسبة تزوجت وأخذت راتبه للستة شهور ووقعت بالفعل علي ذلك علي أن ترد المبلغ فيما بعد ولم نتوقع حضورك فجأة)
    يعنى شنو هو الدكتور داخل معاهم صندوق ولا شنو (اخدت الصرفة بدلو)



  16.  
  17. #9
    عضو مجتهد
    Array الصورة الرمزية مثني ودالعيكوره
    تاريخ التسجيل
    Jan 2007
    الدولة
    العيكوره
    المشاركات
    181

    بلدي هو البلد الوحيد الذي لم يعد للاندهاش مكان فيه

    فكل شئ متوقع وجائز وعاااااادي بحصل

    ويا بلد المهريّه هردتي كلاي وجعك جوائّ

    لا تجفل ...
    ولا تترك فرسك يجفل
    كم من فرس أجفل ،، القي فارسه تحت الارجل
    وأفتح خيمتك الواسعه إذا الليل تسلل ،،
  18.  
  19. #10
    فخر المنتديات
    Array الصورة الرمزية امير عبدالباقي
    تاريخ التسجيل
    Aug 2004
    الدولة
    مدني حي المدنين
    المشاركات
    2,447

    عم التنقو الشوق كتير وين غائب عننا
    هل القصه حقيقيه ؟؟؟؟ والله دي مصيبه معقول ده يحصل او حصل

    ارمي همومك خلف ظهرك
    واجعل الابتسامة دائما علي وجهك
    ابوريان
  20.  
  21. #11
    اللجنة الاستشارية
    Array الصورة الرمزية مرتضى يوسف العركي
    تاريخ التسجيل
    Sep 2006
    الدولة
    ودمدني-حي مايو
    المشاركات
    2,113

    المسكون تنقو
    اتحفتنا مفردة والما ... بوجع متحكر ... هكذا الحال ... ياريت قلمك الانيق يواصل وبدون فواصل اقبلني متابعا ومترقبا للوجع النبيل من خلال ادبكم العميق ...
    تحياتي

    كلمة طيبة** كغيث أصاب أرضا طيبة **فأنبتت كلأ وعشبا كثيرا

    الحلامابي
  22.  
  23. #12
    فخر المنتديات
    Array
    تاريخ التسجيل
    May 2005
    الدولة
    ألجنيد الحلّه
    المشاركات
    1,288

    الوجيه توم الروح أخوي تنقو
    ريحتك بتجيب الضهبان جري للمنتدي ...كر علينا من الدنيا الحدها ما بتلحق تاخدنا حوفاء من الاحبه والناس الطيبين الاصيلين أولاد البلد وتلبسنا لوم الشدر من راسنا لي كرعينا ...وتبقي ذكراكم الطيبه هي سلوانا والملاذ ..هي المأوي والهمبريب والرزاز ..

    مشاققه...
    الونسه والحكاوي يخلوها ليك والله أنا محروق ماشي مع الدكتور الحجل بالرجل لغاية ما أستلم قريشاتو بس لي هسه المغصه كاتلاني وهيّجت علي الدبس ....
    تحياتي للاسره الكريمه ...
    قف ...
    إطلالة الوجيه الفرده أبشوارب عبّقت المكان بأريج من ود قيحه ...ألا ليت الزمان يعود يوماَ..
    فأخبره بما فعل الله جابو ....

    عم الله جابو


    الاصلو نخله منّو الخير ما بخلا
    والاصلو حنضل كان كبولو السكر ما بحلا...(خالتي حاجه بتول)
  24.  
  25. #13
    فخر المنتديات
    Array الصورة الرمزية نزار حسن محمد
    تاريخ التسجيل
    Apr 2006
    الدولة
    حى المنيره
    المشاركات
    6,876

    عم تنقو ..
    بركه الجيت ..بركه الجيت
    وينك يالحبيب ..
    برغم مايحمله البوست من ..وجـــــــع
    لكن شوف الفراشات حوله بتحوم كيف
    قرب ..تعال ..ما تبتعد ،،،

    [SIZE=2]الابتسامه.. كلمه طيبه .. من غير حروف
    الابتسامه لاتكلف شيئا ولكنها تعنى الكثير[/
    SIZE]

    ************************************************** ****************

    حياة جل مكسبها خسار ** وعيش لايسرك يانزار
  26.  
  27. #14
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة صالح ابوشوارب مشاهدة المشاركة
    الحبيب تنغو
    والله مشتاقين . اتصلت عليك على الرقم 00971507877187 طبعا شلتو من نزار لكن للاسف جرس وما في رد .
    فعلا الآن النفوس تغيرت وكل واحد عايز يستولى حق الغير بدون وجه حق ولكن المؤسف تواطؤ رئيس المكتب مع الموظفة واجابته العجيبة يعنى شنو هو الدكتور داخل معاهم صندوق ولا شنو (اخدت الصرفة بدلو)
    ابوصلاح اتصل علي هذا الرقم : في سلطنة عمان :
    99369307 00968


    داخل معاهم صندوق كلامك ده محامي مابقولو !
    يازول قلت ليك الحكاية نهب عديل وخربانة من كبارها !

    ورد اذا ورد البحيرة شاربا
    ورد الفرات زئيره والنيــلا
  28.  
  29. #15
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة مثني ودالعيكوره مشاهدة المشاركة
    بلدي هو البلد الوحيد الذي لم يعد للاندهاش مكان فيه

    فكل شئ متوقع وجائز وعاااااادي بحصل

    ويا بلد المهريّه هردتي كلاي وجعك جوائّ

    بلدي هو البلد الوحيد الذي لم يعد للاندهاش مكان فيه

    فكل شئ متوقع وجائز وعاااااادي بحصل

    ويا بلد المهريّه هردتي كلاي وجعك جوائّ


    ود العيكورة صدقت القول بدليل غسيل الكلي في السودان مجانا ونسبة للزحمة يمكن لك أن تجلس تحت ضل أي شدرة داخل المستشفي وتغسل .. قالوا سراير مافي والناس المهرية كلاها بقت بالملايين وأهو عملو ليكم غسيل الكلي مجانا .. يلا .. انهرو !!

    ورد اذا ورد البحيرة شاربا
    ورد الفرات زئيره والنيــلا
  30.  
  31. #16
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة مرتضى يوسف العركي مشاهدة المشاركة
    المسكون تنقو
    اتحفتنا مفردة والما ... بوجع متحكر ... هكذا الحال ... ياريت قلمك الانيق يواصل وبدون فواصل اقبلني متابعا ومترقبا للوجع النبيل من خلال ادبكم العميق ...
    تحياتي

    مرتضي ود العركيين ...

    أصبح السر جهر في بلدي
    وضلنا وقف مازاد

    لك حبي وتحياتي لمرورك المشرف .

    ورد اذا ورد البحيرة شاربا
    ورد الفرات زئيره والنيــلا
  32.  
  33. #17
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة Jamal Elmahi مشاهدة المشاركة
    الوجيه توم الروح أخوي تنقو
    ريحتك بتجيب الضهبان جري للمنتدي ...كر علينا من الدنيا الحدها ما بتلحق تاخدنا حوفاء من الاحبه والناس الطيبين الاصيلين أولاد البلد وتلبسنا لوم الشدر من راسنا لي كرعينا ...وتبقي ذكراكم الطيبه هي سلوانا والملاذ ..هي المأوي والهمبريب والرزاز ..

    مشاققه...
    الونسه والحكاوي يخلوها ليك والله أنا محروق ماشي مع الدكتور الحجل بالرجل لغاية ما أستلم قريشاتو بس لي هسه المغصه كاتلاني وهيّجت علي الدبس ....
    تحياتي للاسره الكريمه ...
    قف ...
    إطلالة الوجيه الفرده أبشوارب عبّقت المكان بأريج من ود قيحه ...ألا ليت الزمان يعود يوماَ..
    فأخبره بما فعل الله جابو ....

    عم الله جابو
    انت عارف ياجمال رمضان كلو وأيام العيد أشيل وأرسل ليك في الرسائل وبتمشي لكن مافي أي اشارة انك استلمتها أو لا .. واحد شافني محتار ، قال لي انت بترسل وين ، قلت ليهو أمريكا .. قام قال لي وكمان بتكتب بالعربي انت قايلو في المحيريبة
    واتضح انو امريكا لازم تكتب بالرطانة واخدت مقلب انا ..
    مشتاق ليك يا فردة
    تحياتي للاسرة الكريمة .

    ورد اذا ورد البحيرة شاربا
    ورد الفرات زئيره والنيــلا
  34.  
  35. #18
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة نزار حسن محمد مشاهدة المشاركة
    عم تنقو ..
    بركه الجيت ..بركه الجيت
    وينك يالحبيب ..
    برغم مايحمله البوست من ..وجـــــــع
    لكن شوف الفراشات حوله بتحوم كيف
    قرب ..تعال ..ما تبتعد ،،،
    نزار الغالي .. خليتك شاويش ! وجيت لقيتك لواء اسع انت فرقك شنو من المحاسبة دي
    الشالت قروش الطبيب ده
    مشتاقين ليك ولي صحن سلطة كبييييييييييير بالدكوة وعيش حار من فرن السوق الجديد

    ورد اذا ورد البحيرة شاربا
    ورد الفرات زئيره والنيــلا
  36.  
  37. #19
    رحمة الله عليه Array الصورة الرمزية mahagoub
    تاريخ التسجيل
    Aug 2007
    الدولة
    ودمدنى
    المشاركات
    11,330

    والله انحنا ما ضعنا عديل يا تنقوا
    سرقت رواتب
    اختلاس
    نهب مال عام
    وقال عايزين البلد تتقدم ورجوع الكوادر العامله فى الخارج
    رحمال يا ربنا بهذا البلد المنكوب ولسه فى حروب

  38.  
  39. #20
    مشرف منتدي النفاج
    Array الصورة الرمزية ابوالنور
    تاريخ التسجيل
    Sep 2006
    الدولة
    مدني
    المشاركات
    6,658

    اقتباس المشاركة الأصلية كتبت بواسطة عمك تنقو مشاهدة المشاركة
    قلب أخضر يسوقني دوما لتصفح ارتعاشات المشاعر في هذا المنتدي ولكن للأسف عمك تنقو راجل سرمدي ينتشي دائما بالإلفة ( ولوف ) أغيب وأجي وعايز ألقي الناس زي ماهي
    دوما والمنتدي يمد لي لسانه ساخرا ( لن أستوعب لك كل المشاعر ) والروض في هذه المساحة ينبت كل يوم زهرة !!
    صديقي ود المأذون اتصل ويتصل بي دوما وقلت له مازحا أين أنتم وكتاباتكم ؟ قال لي وين ياتنقو أمشي أكتب في العام تجي تفتش موضوعك بعد شوية تلقاهو قلع في الشرفة

    كم سررت بالمقابلة الاذاعية التي تكلم فيها ود الماذون عن ودمدني وابنائها في المهجر والمنتدي الذي اشاد به كثيرا وبابنائه المؤسسين واعجبني أكثر نفيه البات في انحياز ابناء مدني في المنتدي وغيره واعتزازه بالمدينة والمنتدي .. شكرا لك ياصاحب الفوضي الهادئة والمنظمة !!

    وبمناسبة الاذاعة التقيت برجل في احدي الصرافات عماني الجنسية في العقد السابع من عمره وسمعني أقول لموظفة الصرافة التحويل ( لأمدرمان ) ونظر لي مليئا ثم اتجه نحوي وهو يشد يدي ويقول لي بالحرف الواحد ( هنا أمدرمان ) هذه الاذاعة استمعت لها في شرق أفريقيا وتحديدا مدينة دار السلام منذ خمسين عاما !! وأردفت معقبا وماهي الاذاعات التي استمعت لها في ذلك الوقت أيضا فقال : لندن وصوت العرب !!
    وتذكرت علي الفور ما آلت اليه حالنا الآن وبالأخص سودانير التي كانت بصيت الميدلست
    والبرتش إير والكويتية حيث لم تظهر أسماء الطيران الحالية وقتها .

    ظاهرة الفساد في السودان تفشت واصبحت رائحتها مقرفة وطاردة ، تشرفت بوجود ستة شبان أطباء علي مائدة فطور رمضان في المنزل وكانوا قد حضروا للعمل هنا في مستشفيات السلطنة حديثا وامتد النقاش مطولا عن الفساد في الأدوية وفضيحة الإمدادات الطبية الأخيرة في وزارة الصحة التي كانت تبيع للأمة السودانية دواء يخالف كل المعايير والمواصفات !!! حيث تم الثراء الفاحش وتطاولت المباني في جميع أحياء العاصمة وأصابتني الدهشة بالفعل عندما قال أحدهم أنه كان في مأمورية طبية في دنقلا لمدة ستة شهور وعمل توكيلا لصديقه لصرف الرواتب وتسليمها لأسرته بالعاصمة وهاتفه صديقه تلفونيا بأن الادارة المالية التابع لها الطبيب رفضت صرف الراتب ، فانتظر الطبيب نهاية المأمورية وعاد للخرطوم وهو يمني نفسه بمبلغ محترم يساعده وأسرته علي مطالب الحياة حيث اتجه في اليوم التالي من وصوله لصرف رواتبه للفترة التي قضاها في دنقلا ويحكي لنا الطبيب بأنه وقف أمام البنت المحاسبة التي قابلته بفتور ( ومساخة ) اسمك منو ؟ رقمك كم ؟ مرتبك كم ؟ وصقع عندما سمعها تقول له بالمناسبة مرتباتك دي انت صرفتها وده توقيعك !!!
    فنظر الي التوقيع وتمالك اعصابه ذاكرا لها انه كان في دنقلا وهذا ليس توقيعه والأمر فيه لبس وخداع ! فانتفضت الموظفة صارخة في وجهه كيف تقول ذلك نحن حرامية ؟ وخرج رئيس الحسابات من مكتبه مندهشا للصراخ ( في شنو ) ؟ وحكت له الموظفة الحاصل مؤكدا رئيس الحسابات كلامها وهنا انطلق الطبيب خارجا وهو يصيح : انتو قايلين البلد دي فوضة مافيها كبير ويحكي انه سمع من ورائه صوت ينادي يا ابن العم دقيقة ! اسمعنا وعندها كان في الشارع !
    لحسن حظه وجد احد اصدقائه راكبا ( موتر ) وهو في كامل هيئته وكان بدينا طويلا يرتدي بدلة فحكي له القصة وطلب مساعدته ( الشكية لي ابيدن قوية ) صعدا للمكتب وهناك تظاهر صديقه بانه مسؤول كبير وبتلك الهيئة وبصوت جهوري وصارم سأل البنت ورئيس الحسابات في شنو ؟ الزول ده مالو ماصرف رواتبه ؟
    أبدا والله ، نحن قلنا ليهو يا ابن العم اصبر شوية نشوف موضوعك ده وحقك مابروح ! فانتفض صديقه والتفت الي الطبيب اسمع بعد نص ساعة اذا ما قبضت تعال لي في المكتب وانصرف خارجا ممثلا للدور كاملا جاعلا ناس الحسابات في ( سيك ويك ) معتقدين أن هذه الشخصية مصيبة كبيرة وبذلك لتعرفوا مدي وصول حالة السودان الادارية أي علي مستوي الناس التعبانة الموظفين الذين يتعاملوا مثل ما يعملو الكبار هناك ومثل هذا العمل لن يقدم عليه أحد لولا أن رأي رؤسائه ورؤوس رؤسائه يفعلون ويحمون أنفسهم بأنفسهم واليكم حكاية مرتبات ولدنا الطبيب التي تصلح بأن تكون فلما سودانيا ينافس أفلام الغرب في الإحتيال !!
    جلس الطبيب وهنا انكسر خاطر البنت المحاسبة وهي ترمقه بعين منكسرة ولكنها عين خبيرة بهذه الأمور قائلة له : تصور البنت زميلتي دايما موقعانا في مشاكل ؟ فقال لها الطبيب زميلتك منو ؟ ومالها ووينها ؟ فأخذته ودخلت به علي رئيس الحسابات الذي أبدي بدوره أسفه بأن الموظفة زميلة المحاسبة تزوجت وأخذت راتبه للستة شهور ووقعت بالفعل علي ذلك علي أن ترد المبلغ فيما بعد ولم نتوقع حضورك فجأة !
    طيب البت دي وين أسه ؟ فذكروا لها أنها عادت لتوها من شهر العسل .. وفي لحظات أمسك رئيس الحسابات الطبيب من يده وخرج به مهرولا ولم يجد نفسه الا في سيارة آخر موديل ياباني دفع رباعي وتاهت بهم في شوارع الخرطوم مخاطبا اياه : اسمع انت داير قروشك ولا حاجة تانية !!
    ويذكر انه وقفت بهم السيارة أمام منزل عادي ولكنه محاط بسياج مراقبة قوية حسب احساسه الداخلي ودلف به داخلا وهناك وجد عدد هائل من الموظفات وأمامهم رزم فلوس أرقام عالية فأخذ رزمة وعدّ منها مبلغ من المال معطيا اياهو الطبيب ( صاحبنا قبض ) وخرج به والتفت اليه قائلا خلاص ارتحت !
    فقال له الطبيب عندك تلفون البت العروس دي وعليك الله اديني تلفونك بالمرّة !
    هالو ، هالو ، ازيك ياعروس شهر العسل كيف بالله ؟
    انت منو ، معاي منو : فقال لها أنا منو ؟ أنا ما الخزينة نسيتي ولا شنو ؟؟

    حاشية :

    كان هذا الشاب من أوائل السودان الذين دخلوا جامعة الجزيرة كلية الطب وقضي بها ستة سنوات دراسة وبعدها سنة خدمة وسنتين امتياز وستة سنوات خدمة قبل أن ينتقل لهذه المأمورية حديثنا ... ليجد نفسه أمام الجوازات والهجرة ليهجر وطنه وأسرته ويبدأ مشوار طويل وطويل وطويل وآه منك يابلد !!
    ده دكتور ولاء الدين ولا شنو
    تسلم يا عم تنقو وما عدمناك انشاءالله


    يا ربي انا وين
    sun shine
  40.  
  41. #21
    عضو فضي
    Array الصورة الرمزية okasha
    تاريخ التسجيل
    Nov 2006
    الدولة
    ودمدنى-حى دردق
    المشاركات
    1,530

    والله ياعمك تنقو الشوق كتييييييييير كتييييييير



    بعدين ظاهر عليك كنت لابد لينا فوق راى ولا شنو



    ومشكور عشان ظهرت لينا المتجرسين من الغربة



    وكمان عشان اعمامنا فى المنتدى بدوا يظهروا

  42.  
  43. #22
    عضو ماسي

    Array الصورة الرمزية ود المطامير
    تاريخ التسجيل
    Dec 2006
    الدولة
    الشرفة بركات
    المشاركات
    12,589

    عمّى الحبيب
    تحياتى وأشواقى
    رؤية إسمك تملأ المكان عبق وأريج الحكاوى
    التى تتسرب إلى النفس بكل سهوله ويسر

    وكم نلهث خلف قلمك نتجرع إكسير البلد ونتنسم ريحة الدعاش
    وبها نشعر بنسه تبرد لهيب البعاد

    قلت لى الدكتور قاعد فى دنقلا يطعن ويكشف ويساهر على راحة الناس
    والهوامير هناك يتاجروا برواتبه ؟
    والحاله دى دا دكتور المفروض هم يسهروا على راحته الماديه والنفسيه
    لكن الله معاك يا بلد

    قلت لى .. قلع فى الشرفه
    هع هع هع هع
    أتمنى من القلب أن تكون كما أود لك وللعائله الكريمه
    والرجاء ثم الرجاء عدم الإنقطاع وأن تتحفنا كل إسبوع
    برائعه من روائعك المدهشه .

    اللهم أجعل قبرى روضه من رياض الجنّه
  44.  
  45. #23
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة mahagoub مشاهدة المشاركة
    والله انحنا ما ضعنا عديل يا تنقوا
    سرقت رواتب
    اختلاس
    نهب مال عام
    وقال عايزين البلد تتقدم ورجوع الكوادر العامله فى الخارج
    رحمال يا ربنا بهذا البلد المنكوب ولسه فى حروب
    الدفعة محجوب والله تقوم ترجع غير الكنكان والصعود ما تلقي حاجة
    المشكلة كان قلت ليك أمشي كندا اسه تقوم تزعل مني
    نحن فرحنا اصلو ماتم يوم يامحجوب !!
    حتي الكورة متنفس الشعب السوداني فرحتو مابتم فيها !!
    شكرا علي المرور .

    ورد اذا ورد البحيرة شاربا
    ورد الفرات زئيره والنيــلا
  46.  
  47. #24
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة okasha مشاهدة المشاركة
    والله ياعمك تنقو الشوق كتييييييييير كتييييييير



    بعدين ظاهر عليك كنت لابد لينا فوق راى ولا شنو



    ومشكور عشان ظهرت لينا المتجرسين من الغربة



    وكمان عشان اعمامنا فى المنتدى بدوا يظهروا
    okasha

    وين لنت يا ابني ؟

    آخر مرة شفتك يوم مباراة الهلال مع الفريق النيجري وانت كنت مدرب الفريق
    مشتاقين والله ليك كمان .. وبنتلاقي .

    ورد اذا ورد البحيرة شاربا
    ورد الفرات زئيره والنيــلا
  48.  
  49. #25
    فخر المنتديات
    Array الصورة الرمزية عمك تنقو
    تاريخ التسجيل
    Dec 2004
    الدولة
    ود مدني - حنتوب
    المشاركات
    499

    اقتباس المشاركة الأصلية كتبت بواسطة ود المطامير مشاهدة المشاركة
    عمّى الحبيب
    تحياتى وأشواقى
    رؤية إسمك تملأ المكان عبق وأريج الحكاوى
    التى تتسرب إلى النفس بكل سهوله ويسر

    وكم نلهث خلف قلمك نتجرع إكسير البلد ونتنسم ريحة الدعاش
    وبها نشعر بنسه تبرد لهيب البعاد

    قلت لى الدكتور قاعد فى دنقلا يطعن ويكشف ويساهر على راحة الناس
    والهوامير هناك يتاجروا برواتبه ؟
    والحاله دى دا دكتور المفروض هم يسهروا على راحته الماديه والنفسيه
    لكن الله معاك يا بلد

    قلت لى .. قلع فى الشرفه
    هع هع هع هع
    أتمنى من القلب أن تكون كما أود لك وللعائله الكريمه
    والرجاء ثم الرجاء عدم الإنقطاع وأن تتحفنا كل إسبوع
    برائعه من روائعك المدهشه .
    خليتك تاجر عيش في سوق أم ضريسة جيت لقيتك مشرف النفاج !! علي الطلاق عافي منك تب وقت دخلت لي حكومة الاشراف .. الفلاحة يا بوي فايتاك وين ..
    ليك شوق ارادب وتقليعة حبيبك في الشرفة !! نشلوا ودفنوا ولو مشي لي غادي كان راح فيها ..
    أشكرك يا مقنع بنات جعل .. لك التحية مني واليك وبنتقابل انشاء الله كان الله أده في العمر بقية ..

    ورد اذا ورد البحيرة شاربا
    ورد الفرات زئيره والنيــلا

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid