من منا لم يسمع بزيارة بعض الفنانين السودانيين لدولة نيجيريا
وما تبعها من تصريحات بعد عودتهم الى السودان ،،،
ومن منا لم يسمع بالحرب الكلاميه التى دارت بين الفنانه حنان بلبلو
والمطربه ندى القلعة عندما زكرت حنان بلبلو ان ندى القلعه فارقتهم
فى المطار بنيجريا ولم تشاركهم فى اى حفل فمن اين اتت بالعربه اللكزس
ومن منا لم يسمع بالمهاترات هنا وهناك ،،،،
ندي القلعه بتقول:
الشريف مبسوط منى
عشان انا بريد فنى
مشيت ليهو باحساسى وبى طبعى الاساسى
محتشمة ملتزمة خاته توبى فوق راسى
اللكزس هدية ما علاقة شخصية
انا عرضى حافظاهو وما بدور لى وصية
الليلة والليللة السافر يا حليلا
اللكزس الفين وسبعة موديلا
سودانا حافظاهو ما رميت مستواه
خليتو لى ناس نيجيريا اللقى هواهو
لقونى مافيشة قطعو قايلنى كيشة
مشيت بى دعوة خاصة ما اتخففته ريشة
خليت الحكومة فى قلوبنا مرسومة
انا من الناس حسودة والله مظلومة
هناى وهناية امسكو القناية
المارسيدس ولكزس وبكره الهمر جاية
الحين والماتو عرفو فنى وغلاتو
والغالى بى غلاتو فى نيجيريا بضوق حلاتو
وجيت مالكم سكتو يبستو واتبكمتو
وجيت لى وطنى تانى والعاقل يطلع شجرتو
الليلة والليلا اعصابكم يا حليلا
الروزرايس جاية الفين وتمانية موديله
هناى وهناية امسكو القناية
المارسيدس ولكزس وبكره الهمر جاية
غناية من جوه مليان اغانى قوة
سيد الغرام كوبانى وامجد حمزة خوه
اللكزس هدية ما علاقة شخصية
انا شرفى حافظاهو ما بدور لى وصية
اللكزس الفريدة وفى العربات بريده
مهما الناس يقولو ياها اجمل حقيقة
حسدونى المعاية فى روعة غناية
موهوبة من قمته ما بى حظ عمايا
نيجيريا يا حليلا وعقولكم يا حليلا
وبترد عليها حنان بلوبلو:
الدنيا حلوة يا ناس الدنيا
أنا أووووب من مغارز الدنيا
فلانة متين كبرتى
ختيتى ما ميزتى
مغارز الدنيا والدنيا حلوة
يا ناس الدنيا
انا ما البهبشوها
كان بكيتى ونكرتى
تاريخك عندى حاضر
سطرتو فى دفاتر
القاصدنى هو الخاسر
دولية ماضى وحاضر
دنيا تاخد وتدى
ياناس الدنيا
مرة مرة بترضى
ياناس الدنيا
حقيقة بقولها ليكم
فوق الدنيا أنا قبلت التحدى
قبالك غنينا سافرنا
قبالك رقصنا وما افترينا
والمعاك مغارز الدنيا
وقبالك هم لينا
كلامك ما هامينا
وعشان ( قسوم ) مشينا
قبالك سافرنا
ما اتهجمنا إتخلعنا
للسودان مثلنا
ما جبنا سى دى وفضحنا
وين دا ( ... ) قالوا خلاكى
ومن جهلك وغباكى
لو كنتى ملتزمة
كان رجع ليك تانى
مغارز الدنيا
والدنيا حلوة
عليكى الحزن خيم
وفارقك الكان متيم
أنا بأخلاقى أشتهرت
ما بنات بالزى بتتقيم
يا فلانة خلاص كفاية
وأنا فاهمة الحكاية
ألفتى قصة ورواية
عملتى سمعة ودعاية
مغارز الدنيا والدنيا حلوة
فنانة جاهلة أمية
والفن دوبلماسية
العارفاهو ما السفرية
وأنا محترفة دولية
القالت أنا حاسداها
دى الهابط مستواها
عازراها تصرفاتها
عدم الفهم مأساتها
الليلة أنا عازماكى
كان ما جيتى جاياكى
بوعدك أنقط ليكى
وجيبى ولدك معاك
أنا من قمت ربيانة
وانا عينى مليانة
فالتسقط القوة
الكوع وال بى الخيانة[/COLOR][/COLOR]
المفضلات