جوافة خجلة/ صالح فرح

[ابراهيم]

بين التربة وصفق الشجرة
حبة غبرة وموية متره
وغيمة جميلة شايله المطره
وريحة ثمره تناسم عطره
سلبت شوقنا وسرقت شوفنا
مشينا وراها معانا قطوفنا
حفنة فكة وريحة جوفنا
وسهر الغربة الهد كتوفنا
وصلنا زرايب الشوك الطعن
كراع مشوارنا وليلنا الالعن
ونلعن يوماً ساقنا وامعن
فوق الغربة حباها وادمن
مرقنا الشوكه الكان خوافه
وحرقنا سيجاره بين اطرافه
وبين القيفه وكم صفصافه
لامس جوفنا رحيق جوافه
كانت خجلة بين اوصافه
وكنا فى عجله من اوصافه

[عبدالرحيم سعيد]

اسفا اخي ابراهيم الجب مافتئنا يلازمنا وتتقطع الافق دونه وسهر الغربة الهد كتوفنا يحكمنا يتراي السراب مطرا يغسل احلام الماضي فينا ونحترق علي الرصيف

[ابراهيم]

خجلت تاني
خجلت حتي المنقا الكانت جنبها خدرا
خدودها احمرت
وجنبها كم ليمون ابتسمت
خجلت أكتر
ورغم الحزن الكاسي عيونها
شوق للناس الهجرت رحلت
سابو جناين خدرة وريفة
رملة وفاكهة وناس حلوين
سابو مكانها وفاتو بعيد
إلا وحاتك ما قاسين
وشوف المنقا الدمعة الفيها
رغماً عنها فرحت وضحكت
زي بتغالط فينا الدمعة
وتطمنا
كيف ما تخجلي يالجوافة
وفيك كلمات بالشهد اتكتبت
قالها اديب مشتاق ملتاع
وزول اشواقو اليك انفجرت

[ابراهيم]

اسفا اخي ابراهيم الجب مافتئنا يلازمنا وتتقطع الافق دونه وسهر الغربة الهد كتوفنا يحكمنا يتراي السراب مطرا يغسل احلام الماضي فينا ونحترق علي الرصيف

نعم اخي عبد الرحيم
نتأسف كثيراً حينما نطالع مفردة "الماضي"
ونبكي حاضرنا
وما يبدو سراباً نتمناه يحنو لنعانق احلامنا الماضية والآتية على الرصيف

[عبدالله الشمراني]

ما اجمل هذه الكلمات تناغم .. جميل ..وفلسفه خاصه ورائعه جدا ..
اشكرك على هذه الكلمات ...الرائعه التي لايكتبها .. الا رائع ..
تقبل تحياتي ولك جزيل شكري
دمت بخير وسعاده

[ابراهيم]

ما اجمل هذه الكلمات تناغم .. جميل ..وفلسفه خاصه ورائعه جدا ..
اشكرك على هذه الكلمات ...الرائعه التي لايكتبها .. الا رائع ..
تقبل تحياتي ولك جزيل شكري
دمت بخير وسعاده

نعم هكذا اخونا وشاعرنا صالح فرح عندما يكتب نجدنا نلتهم الحروف في وحشة
فهو يكتب ببساطة وأناقة ودفء وكانت القصيدة لحظية وكانت اللحظة تغني الحنين لجزيرة الفيل المحمية والمروية بعشق سكانها السمحين .. وجاءت فكرة المطارحة بتلك الاحرف الخجولة كما جوافتنا رمز البلد الحنون ..
والعشق الخاص عزيزي عبد الله الشمراني دوماً له لون وطعم خاصين
كما إطلالتك هنا
فهي تعني الكثير من الود والحميمية والبهجة
اقعد عافية

[saleh farah]

الحكايه شنو يا ابراهيم
مش اتفقنا نودي الجوافه والمنقه السوق لمن استواً
بالطريقه دى حاتبور فواكهنا
ونبقى نشتغل جرجير

[ودتابر]

العزيز .. إبراهيم

ما اروعها فاكهة بلادي عندما تنداح أسطرا راقصة متناقمة ... وما احلاها عندما تأتينا تزف لنا الخجل الآثر ... بروعة تأثر القلوب .. وتفتح العقول .
لك التحية .. وااصل يا عزيزي ... وستجدنا تحت ظل شجر البرتقال ننتظرك

[saleh farah]

وخجلت تانى
خجلت روحنا الشايلنا جروحنا
وطير الجنه الفارق دوحنا
لون اللوبه الجافا جروفنا
وطعم الفرحه العافا حروفنا
خجل السنبر وراعي يزنبر
ينادي غنيمه جناها بطنبر
وسرب القمري العد سمانا
وضل الشجره الرامي حدانا
وطعم الالفه الكان لامانا
انت وزيك كنتوا معانا
كانت لمه جد عاجبانا
ما اتخيلنا الفرقه مصيرنا
وموج الغربه بلملم صيرنا
اتاري الدنيا قريه كبيره
فيها مرافئ والف جزيره
ورملاً بشبه رمل المكي
نفس الشاطئ الليهو بنشكي
آآآآآآآآآه يا مدنى ليه بتبكي
زولاً رادك عنك بحكي