النتائج 1 إلى 6 من 6

الموضوع: *** على نصل الحوافير فيك...من نفس الغلابة صبر ..

     
  1. #1
    عضو ماسي
    Array الصورة الرمزية العاقب مصباح
    تاريخ التسجيل
    Jan 2008
    الدولة
    ضل النيمة
    المشاركات
    7,179

    *** على نصل الحوافير فيك...من نفس الغلابة صبر ..

    على نصل الحوافر فيك
    بنفس الغيم تجيك مطرة وتبل ريقك
    فيا ريق الحوارى الجاف
    عيون الشفع الايتام
    تجيك الروح وسرقاتها
    وتشوف فيك صورة الانسان وكت يكمل
    وتنده لى البعيد الغاب
    ايا قمره
    يا السوسنة الحمراء
    شوفى ليه ما جاء
    عمق الخاطر ساكن فيك
    يا بنات النيل
    يا رجال الصحراء
    يا شفع عيد
    مرتاح البال ... الجمع القال
    انا بيك يا فال ...ارحل قبال..
    الكلمة تقال... وتوقع فيك صواقع العالم
    ورعد الدنيا الكان رحال

    سنين العتمة تودى اليك
    ودروب القافلة بتحفر فيك
    مرت قافلة ودون تنشل يوسفك من جبك
    اقعد يا يوسف فوق الجب
    ما الجب جميل
    واجمل من حب
    لا يوجد بعض دراهم ليك
    الشارى يدور عن سعر ارخص
    والبائع ليك بقى يتلصص
    شان يعرف كم تمنك ويخلص
    لكن الكل بقى يتملص
    من عاهتك والشوف الاحوص
    يا يوسف امسك فى جبك
    وان جاك دلو
    بى سنانك قطعه او بمقص
    ما تمرق يا يوسف اوعى
    العالم بره الجب قبيح
    خليك فى الجب
    خلينى كمان اتجب واخلص

    يا وطن رغم الجراح
    يسعد هَناك
    متوهط البال زى سماحتنا الزمان
    ومطرا ينقع فيك نقط
    تتلقاها بى ايدينها فى بسماتها بى نفس اليفط
    انا ما قصدت العتمة او الظلمة ما قاصد غلط
    فكيف الظل يكون مايل
    اذا كت مستقيم زى خط
    وكيف حال القلم موجوع
    بقى يلخبط
    دا ما حالى
    ولا بقدر اقيف فوق صحراء واتوهط

    وحال النيل بينده ليك
    وجواهو الغريق جواكى مبسوط فيك
    وما بين الغرق فى النيل وبين انثى مسافة ترد على روحك
    وتدى العالم التحتانى من ريحة الغلابة صبر
    وكيف انسان يكون غرقان
    وفى نفس المكان فى جمر
    لا قادر تطفى النار
    ولا قادر كمان تصبر




    أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما!

    http://alagibmisbah.blogspot.com/
  2.  
  3. #2
    عضو فعال
    Array
    تاريخ التسجيل
    May 2009
    المشاركات
    349

    اقتباس المشاركة الأصلية كتبت بواسطة agibmisbah مشاهدة المشاركة

    وحال النيل بينده ليك
    وجواهو الغريق جواكى مبسوط فيك
    وما بين الغرق فى النيل وبين انثى مسافة ترد على روحك
    وتدى العالم التحتانى من ريحة الغلابة صبر
    وكيف انسان يكون غرقان
    وفى نفس المكان فى جمر
    لا قادر تطفى النار
    ولا قادر كمان تصبر




    [/color]
    لا قادر اسيب ريدك
    ولا قادر اكون مرتاح

    صديقنا العاقب
    ها عدت ياصاحب
    كلم جميل .. كما تعودناك
    والقول لي
    ما اروعك .. حين تغني في الثقافي

    شكرا العاقب

    هـجرة عـصافير الـخريف
    فـى مـوسم الـشوق الحلو
    هـيج رحـيلا مـع الـغروب
    احـساس غـلبنى اتـحملو
  4.  
  5. #3
    عضو مميز
    Array الصورة الرمزية بنت النيل
    تاريخ التسجيل
    Jun 2009
    الدولة
    ود ازرق
    المشاركات
    395

    مشكوووور على الكلام الحلو ويديك العافية

    عينيك حس اطفال بنادو القمرا للغايب يعود
    وجبينك الضواي حجا الحبوبه في الزمن السعيد
  6.  
  7. #4
    عضو ماسي
    Array
    تاريخ التسجيل
    May 2009
    المشاركات
    6,855

    وكيف انسان يكون غرقان
    وفى نفس المكان فى جمر
    لا قادر تطفى النار
    ولا قادر كمان تصبر

    لو أعيش زول ليهو قيمة أسعد الناس بوجودي
    زي نضارة غصن طيب كل يوم يخضر عودي
    وأبقي زولآ ليهو قيمة
    وأبقي زولآ ليهو قيمة
  8.  
  9. #5
    عضو مجتهد
    Array
    تاريخ التسجيل
    Mar 2007
    المشاركات
    123

    فكيف الظل يكون مايل
    اذا كت مستقيم زى خط
    عاقب
    الباب بي وين ياخي عايز اطلع...

    ضاريني بي طرحت زفافك من اساي
    غطيني من قسوة زماني ومن شقاي
    وتعالي جاي
    ندخل ضريح
    آخر دراويش الزمان
    تعالي جاي
  10.  
  11. #6
    فخر المنتديات
    Array الصورة الرمزية saleh farah
    تاريخ التسجيل
    Dec 2003
    الدولة
    ودمدنى - جزيرة الفيل
    المشاركات
    998

    ولا بقدر اقيف فوق صحراء واتوهط
    وحال النيل بينده ليك

    صدقنى ده حالك مع الكوره ياعاقب
    مالك ومال الكوره والجوطه
    انت بتشبه الحته دى
    زى مابتقول مدينة
    نحن فى انتظار الكثير

    خليك ربيع مليان زهور فتح ورودك واحضنه

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid