إيييييه والله زماااااااااااااااااااااااااااااااااااان 000
الليلة اتذكرتا لمن رجعتا السودان بعد أربعة سنين غربة بعد التخرج مباشرة 000
أيام الشباب والشـ (
شباك) 000
وإحساس الرجعة مليان بدقات القلب البتزيد لمن سلك العين يتوصل بي وش من أبو
220 فولت 000 يا الرسول
وسرعة الخطاوي بتحوم في كل دروبات الفريق 000
إمكن تلقي الحبيبة بتشتغل منديل حرير علي قول صلاح أحمد أبراهيم 000
ولا تلقي لمة صحاب طال الشوق لي مجادعات حلوة بيناتم 000
ولا قعدة عواجيز قدام دكان الفريق المناقرة بيناتم وحكاويهم منهل تربوي مجاني (
ياخي منهل دي كيفتني ) وما ليها علاقة بإسم حبيبة الصبا 000
أها مع كوووووووووووووووووووووووووووول التداعيات والمحفزات دي 000
لمن جيت ماري بي جزارة سوق المزاد القديمة قلبي انقبض 000
يااااااااااااااااااااااااااااااااااه 000
معقولة دي جزارة عم عبد المجيد (
رحمه الله شاركت في دفنه منذ عامين بالبقيع ) 000
معقولة ده المكان الكان بفووووور طوووول اليوم 000
الصباح بي نسوان الفريق وركاب بصات المزاد والمساطب مليانة خضرجية 000
والمغيرب بي كواريك الأصحاب ووتداخل أصوات المواعيد لفيلم اليوم الدور التاني وكورة بكرة المسخنة في دار الرياضة 000 ودافوري العصرية اللسع فلايتو ما فكت 000
معقولة ده
سوق المزاد الكان بفور بي ناس الجمعية الخيرية لمن يكون في صيوان نفير 000
ومعقولة ده
المزاد ؟؟؟؟0000
الليلة دي 000
اتذكرتا سوق المزاد 000
وجزارة
عم عبد المجيد البقت خرابة 000
وجمعية
المزاد الخيرية الكانت بتهز وترز واسمها مالي ود مدني 000
ناس النيمة 000
سلام جاكم 000
من زولاً فتر 000
قطع الدروب ساساق 000
ورجع للنيمة ضايق المر 000
شال هم البكان غنوات 000
لا طمعاً ملاه لا حماهو المر 000
مجرجر خطاوي الشوق 000
لي لمة صحاب البر 000
يرجع صوت النيمة زي أول 000
ده حلماً نشيلو نذُر 000
بس 000
قبال ما أفوت 000
أحمد علقم 000
خالد علوني 000
جميلين بي حب المكان 000
المفضلات