الزول إن اباك من غير سبب ما تسكو
امسح اسمو من خارطـه ضميرك حكو
شتتو فى الخلا ,,وعكس الهبايب فكو
جامل البجاملك,, والبيسكك سكو
وحـــــب البحبـــــــك والبدقك دقـو
الناس زى الهدوم فيها الراقى وفيها الزى جناح ام جكو
واحد ساتر وواحد احسن منو تمشى امفكو...
تسالني اين تجد الحب
ابحث عنه في قطرة ندى صافيه
ساظل احبك وان طال انتظاري
فان لم تكن قدري
فقد كنت من
اختـــــــــــيـــــــــــــاري
اها يلا ندخل في الاسئلة بعد الترحيب ده :d يافتاااااااح ياعليم يا رزاااق ياكريم اصبحنا
عرفينآ ببطآقتك الشخصيه
يلا المرة دي عندي ليكم هدية خاصة جدا وحصرية في عنقريبكم لانكم حاتعرفوا مالايعرفه البقية : الاسم : اسماء احمد محمود ومابيناتنا قولوا سوما ... سمسم ... سماسم ...ياخي على كيفكم ياااخ
العمر : مافي داعي نهائيا ومافي داعي للاحراجات ياااخ ... لكني عجوزة والحمد لله وبيني وبين التلاتين كم عتبة كدا ما متذكرة :d
خريجة : مختبرات طبية جامعة الجزيرة
الوظيفة : شغالة في غير مجالي مؤقتا في مدرسة تابعة لتعليم حديث ادرس مادة العلوم للاطفال في عمر العاشرة بالغة الانجليزية(تخريمة .. شفع يحننو يااخ ... بدوهم حاجات قريناها نحن في الجامعة والله)
تاني في شنو ؟
لمَ اخترتين اسمَ ملكةالقلوب معرفٍ لك في المنتدي ؟ صرااااااااااااحة ... بحب لقب امتلاك حاجة واي كانت الحاجة الانا بتمنى اني امتلكها جد بتمنى اكون ملكة قلوب العالم كلها
عرفينآ على مملكتك الخآصه؟ ياااااااااااااه ...دا سعال في الصميم يابت ياعسولة انتي مش المفروض ماتقعدي في النت كتير ؟ لكن عموما .. بشكل حصري برضو تصريحات خطيرة .. بطبعي انسانة هادئة جدا وبحب انزوي في مساحة فاااااضية دايما رغم اني اجتماعية جدا وقت الجد .. علاقاتي والحمد لله وااااسعة جدا وبعرف ناس جد لهم بصمتم الخاصة في حياتي قلبيا كدا والحمد لله مستقرة عاطفية وافضل دايما اكون في حالة استقرار عاطفي بالذات من ناحية اسرتي والناس القراب خااااااااالص
مآ هي نقطة ضعفك وكيف تتغلبينَ عليهآ؟
:d:d:d اقول والا مافي داعي انا للاسف المتاسف والاسيف جدا رومانسية اكتر من اللازم واعتقد اني ابتديت اتحكم في الحاجة دي كويس وافصل بين المنطق والعاطفة واحاول دايما اوازن اموري على الاساس دا
موقــف حصل معك في المدرســـه كلمآ تذكرينه يرتفع الدم الى رأسك الاولاد زملائي في الفصل(تانية ابتدائي) ربطوا لي ودقوني اخر الدوام لاني اشتكيتم للناظر ودقاهم في الطابور :d:d
عضو ثقيل دم بنظرك ........... ااااااااااايك ياااااخي بالغتي هسي عايزاني اقول ليك في وشك انك .......... عسولة الاعضاء كلهم بشهادة حق ظراف جدا والحمد لله علاقتي بيهم كلهم ماحسيت بغير انهم جد ناس راقيين
عضو تبتسمين كلمآ قرأتي له ......... ياسلااااااااااااام ياخ ديل كتار والله العظيم لكن جد في شخصيات ساخرة جدا جدا ببتسم من اعماقي لما اقرا ردودهم الساخرة ومنهم على سبيل المثال وليس الحصر الزول اللذيذ : Esmat ابو وشوش وصديقة المميز : سيد البلد الراقية بشهادة الجميع : بت مارنجان الزول الراقي جدا : ابو النور وفي عضو دمو عسل وشايفاه مختفي: ود الضو الراجل الراقي : فيرو في زول مميز جدا اسمه : عباس الدسيس وبصراحة كدا وما قدامكم شعب النفاج احلى وارقى واطيب ناس وماحابة اذكر اسم عشان ما اقصر في الوصف لكن المعاي هسي هنا والبجوا زيارات والله العظيم صنعتوا واحة استجمام لكل من ياتي من الاقسام الاخرى مكسور الخاطر
على ذات الصعيد في اعضاء كتاباتهم ترد الروح وديل لو ذكرت اسم واحد سا اظلم البقية وهم كثر بحمد الله ويكفي ان منهم العاقب مصباح عبدالرحمن المدثر خالد ابقرجة والكثير الكثير ممن اخشى ان تسقط اسمائهم سهوا
عضو اسمه يعجبك ......... غااااااااايتو جنس اسئلة محرجة بشكل :d انتي عارفة الاسم الجد عاجبني اسم منو ؟admin واسعى لسرقة هذا الاسم :d
وبجيك تاني يا عثل
تعالي يابت امي تعالي
والله اظنني بجيب لي كلاب بوليسية اقعدها جمب كراع العنقريب دا
مرحب ملكة يا ست القلوب يا اصيلة مرحب حباب رفيق الغربة عقبة
مخاض الكتابة
هل عانت حين ارادت ان تكتب ابدا ولله الحمد اعتقد ان عرق الشوايقة والبديرية الدهمشية اثر معاي جد واعتقد ان السبب هو انهم جد بتميزوا بكتابة الروح الانا بحب اسرد بيها احساسي
ام ان القلم انساب كما الضحكة صراحة في الاول استغربت لما لقيت نفسي ممكن انظم كلمات توحي للقارئ اني اقتبستها من مكان وكنت سعيدة جدا عندما اشاد الوالد باول كلمات كتبتها في حب الوطن وانا في صف السادس الابتدائي
هل كتبت ملكة كتابات تخشى ان يطلع عليها الكل .... ااااااااايك الكثير جدا
اقول ذلك .... وفى فكرتى نوعين من الكتابة ... كتابة مؤلمة لمن يقرأ ... وكتابة صغيرة فى عيون من يجيد القراءة.... احيانا اظن اني اكتب لنفسي واتفاجاء بان كتابتيلامست احساس غيري الكتابات الانا جد خفت انها تنشاف كانت تمس غيري بشكل كبير لدرجة ممكن يعتقد القاري انه المقصود وفي كتابات بعتبرها خاصة جدا يعني لو اطلع عليها الجمهور العربي المتحفظ بالذات ممكن يعتبرها جراءة مني اما الكتابات البحس انها صغيرة جد فما بحاول اخت الفكرة دي لانها ممكن تشكل عقبة في حياتي الكتابية انا بكتب وبستنى النقد البناء لانه بدون نقد ما حا اطور اسلوبي
انداحى ياخ
طالبني انداح يا صديقي اتحمل البجي من وراء اندياحي
جابني الطريق وغشيت هنا ظل نيمة وارف وتحته لمة شلة حلوة احساس جمييل لامي الخلايق والهواء داعب صفق شجرة خجولة حرك نسيمة اهدت بسيمة للتعبان من سفر العجولة وللمحتاج للمة وبعرف البهجة واصوله
السلام عليكم يا ناس هوي ..
يا سلام على على جلستكم همبريب و ضل نيمة ذكرتوني أيام الجامعة كنا بنقعد مع ست الشاي خالتي هدية ربنا يطراها بالخير .. بس وين البخور ؟
وكتين عيش الخلاء يقصّر بتبقي مسافة في جواي بتحضني صحوة المحروم وإيقاع خطوتك مكتوم أجادل في الفكر والحيل وأحاول مره زي ألقاك بين برق السماء البحرق حشا المطرة معطّنه ببشارة الخير ....
لاقتني كتير جدا وفي مرحلة من المراحل عرفت فعلا اننا في نعمة الطفولة المتطلعة كانت طفولتي انا وجد كنت بحتاج اكتر من غيري يمكن لان اللاهل ادوني الاحساس دا تحت مسمى(دلوعة باب) غربة الوالد في فترة تكوين شخصيتي شكلت فرق كبير وكان لازم يغطي غيابه بتوفير معظم احتياجاتنا فدي حاجة خلتني ارهق الحوليني جدا بالطلبات ولف الزمن واكتشفت اني كنت عايشة في نعمة مقارنة بحال معظم اطفال السودان اليوم
والحمد لله اسعى حاليا لتوفير نفس الظروف وافضل منها لطفل يحتاج فعلا لمجهود لسد فراغ اكبر
السلام عليكم يا ناس هوي ..
يا سلام على على جلستكم همبريب و ضل نيمة ذكرتوني أيام الجامعة كنا بنقعد مع ست الشاي خالتي هدية ربنا يطراها بالخير .. بس وين البخور ؟
وكتين عيش الخلاء يقصّر بتبقي مسافة في جواي بتحضني صحوة المحروم وإيقاع خطوتك مكتوم أجادل في الفكر والحيل وأحاول مره زي ألقاك بين برق السماء البحرق حشا المطرة معطّنه ببشارة الخير ....
السلام عليكم يا ناس هوي ..
يا سلام على على جلستكم همبريب و ضل نيمة ذكرتوني أيام الجامعة كنا بنقعد مع ست الشاي خالتي هدية ربنا يطراها بالخير .. بس وين البخور ؟
نبض السكون الليلة جاكم زائر
مرحب بالاصيل نورتنا وببشائر
تلقى الراحة تلقى الخوة كان ليها داير
ادخل فى الغريق ما تقيف تعاين وحائر
حبابك الف
التعديل الأخير تم بواسطة العاقب مصباح ; 06-07-2009 الساعة 05:04 AM
أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما!
ملكة القلوب -- الخفاش وووووووووب هيثم وصل كدي من الصباح النسخن بيك كدا ياخي انت ابعد ماتكون عن اناقة استقبال النسوان ياااااااخ بتبالغ جنس بوليغ هسي انا قلت يغير عادته ويجيني لله في لله الليلة
ولكي مني كل الاحترام والتقدير .. ياسلاااااااااااام يااااااخ تسلم والله اهم شي قصة الحذف دي
من هي ملكة القلوب ..؟ انا ..... ملكة القلوب انسانة بسيطة جدا والحمد لله عضوة في منتدى ود مدني وزولة بتحب مدني جدا جدا
تقريباً انتي في الامارات ..؟ نووووووو ياريت انا في قطر
ملكة بين السودان وقطر ..؟ ياخي دا سعال عذبني عذاب في الكرسي الساخن .. لكن تقدر تقول خلطة فكرية وثقافية واجتماعية بشكل غريب
احساس الغربة معاك ..؟ يااااااااااه حار جدا واكثر ما يؤلمني حين اتذكر انها غربة قد تطول
احساسك وانك في بلد مفتوح زي قطر .. بالنسبة للمحرمات ..؟ احساس عادي جدا واكتر من اتعودنا عليه مادمنا بنقدر نحافظ على موروثنا الثقافي وعاداتنا وتقاليدنا السودانية
هل دا بيأثر عليك في حياتك ..؟ اطلاقا ... ويمكن اكون اتعلمت اتعامل مع اي مجتمع بنفسه بشكل قائم بذاته حسب متطلباته بدون ما يؤثر في تعاليم دينا وعاداتنا
عايزك تتكلمي عن المفارقات بين السودان وقطر بأختصار..؟ طبعا ح تستغرب لو قلت ليك تكاد قطر تشبه السودان ومدني تحديدا مع اختلاف اللغة طبعا وبعض العادات التي نجد قطر فيها محافظة مرات اكتر من السودان, وعموما الشعب القطري من الشعوب الخليجية الانيقة في التعامل مع الاجانب
رايك شنو في المنتدي بصراحة ..؟ بصراحة بصراحة غلبني انضم لاي منتدى غيره وحتى المنتديات السجلت فيها ما مشيت عليها من يوم اتعودت منتدى ودمدني وبقى بيتي التاني فعلا
رايك في المشرفين ..؟ بكل امانة احبائي واخواني وتربطني ببعضهم علاقات صداقة راقية جدا
مشرف اعجبت بكتاباته..؟ انا طبعا سمعت انهم روعة في الكتابات بس زعلت لما لاحظت الاشراف ماخد وقتهم ومابنشوف بصماتهم الا احيانا يعجبني جدا : ود النور ... وخصوصا انه بحب يحرك المنتدى بافكاره الحلوة وحاليا انضم لهم : المميز جدا : ابو النور الرائع هيثم عبد العال ... كوتش بالجد كان هنا وكنت احبه عضوا : شيكو صديقي الراقي : عثمان جلالة الرائع حد الروعة : ود الطاهر وبكل امانة كل المشرفين يتصفون بلباقة يستحقون عليها مرتبة الاشراف ولا اريد ان انسى احد واذكر هنا المشرف الغائب والحاضر احيانا : اسامه الرشيد واهنئ المنتدى الثقافي بقيادة مستحقة : لابو مازن
مشترك غياظ .. غيري انا ...؟ ماف غيرك ياهيثم :d
منو من المشتركين تتمني تلاقيه ..؟ والله العظيم كلهم ... وماتقول طماعة
موضوع عجبك في المنتدي ..؟ كتيرة جدا ولو عايز لسته استناني يومين انزل ليك الارشيف كله هنا مع العلم اني واكبت حقبة السيل
المعروف عنك انك بتاعت مشاكل ..
هل دا راجع انو الناس مابتفهمك صاح .. ولا انتي ماقادرا توصلي معلومة ..؟ :d:d:d:d اولا منو القال اني بتاعت مشاكل اكيد دا الزول الواقف هناك دا وريني اولا ياهو والا ماياهو (اوعا تقول لي هوت ميل) :d
علاقة ملكة بالسياسة ..؟ ماقلتوا بتاعت مشاكل لو عايزين قوات الاحتياطي تكسر النيمة اسئلوني السؤال دا تاني
هل ملكة منتمية لحزب معين ..؟ ابدا اطلاقا وشلتي كلهم (ديموقراطين) ..حسب اخر احصائية
لو كنت رئيس السودان .. ماهي اول ثلاث قرارات تتخزيها ..؟ اولا : امر بعودة كل المغتربين واحتوائهم داخل البلد ثانيا : توحيد الصفوف والغاء الطبقات والعنصرية ثالثا : توظيف العقول الشبابية بوعي اكبر لضمان النماء الفكري والاقتصادي
رايك في السودان هل هو في تقدم ..؟ طبعا وانا كمتغربة معظم حياتي برجع في فترات بلاحظ فيها التقدم والتطور بعكس المواطن المقيم في السودان (تقدم السلحفاة)
اوصفي لينا حال العالم العربي والاسلامي الآن ..؟ انت بتحب تعمل مشاكل اكتر مني والله هسي شوف بس حتى العصافير سكتو لما سمعوا السيرة دي باختصار( عالمنا العربي والاسلامي يهوي ببطء في دائرة مظلمة)
في كلمتين .. انطباعك عن الاتي ..
اوباما .. تصدق وتامن بالله لسه ماشفت ليه شي ولا سمعت غير اسمه
حسني مبارك .. راجل _مفتح
صدام .. قمة ... كنز استهدفه الغرب لانه سيد نفسه
بن لادن .. احب هذا الرجل لدرجة تفوق الوصف واتمنى ان التقيه يوما لو كان على قيد الحياة
عمرو موسي .. قوي احيانا ... متردد كثيرا
شخصية سياسية اعجبت بها..؟ السيد الرئيس ..عمر حسن البشير
بماذا تحلم الملكة ..؟ بحياة سعيدة بعيدة عن ضوضاء المدن وزحمة شوارع الافكار
هل الملكة متدينة .. وتعرف امور الدين وتعمل بها ..؟ اكتفي بتطبيق ما اعلم واتمنى ان يزيدني الله علما اتمنى ان ارتقي لطبقة نساء العلم والدين
رأي الملكة في بنات اليومين دول ..؟ بصراحة ... رايحات جدا
هل الرسيفر والانترنت اثروا عليهم سلبياً ..؟ طبعا الادمان على النت تحديدا مرحلة لم اكن اعتقد اني قد استسلم لها لكني اعلم اني قادرة على علاج نفسي
هل انتي من انصار انفتاح المراة ..؟ ولكن بشروط
ياخ انا تعبت بمشي ارتاح في البرش وبجيك بعد شوية ..
ياااااخ والله انت التعبتني ياود الحلال الله يرضى عليك امشي لناس بيتكم زيارة ياااااخ بدفع ليك حق التذكرة بس اتخارج
همسة : سعيدة مرة اخرى بشخص مثلك
التعديل الأخير تم بواسطة الملكة اسماء ( ام محمد ) ; 05-07-2009 الساعة 11:46 PM
المفضلات