صفحة 4 من 7 الأولىالأولى ... 23456 ... الأخيرةالأخيرة
النتائج 76 إلى 100 من 173

الموضوع: عزيز عيسي وجولة رمضانية في سوق شاور راسك المارنجاني

     
  1. #76
    عضو فعال
    Array الصورة الرمزية محمد هاشم
    تاريخ التسجيل
    Jul 2009
    الدولة
    أركويت - مربع 278
    المشاركات
    221

    اقتباس المشاركة الأصلية كتبت بواسطة عاطف عولي مشاهدة المشاركة
    طبعآ اليوم اول ايام عيد الفطر الميارك وسوف ترتدي منطقة شاور راسك حلة زاهية وتنعقد فيها ساحات الرقص الجماعي علي انغام الكيتا و الوازا و الفجج ورقصات من من غرب السودان وجنوبه ومنطقة النوبة وسوف تشهدون جمهرة غير مسبوقة والكل مبتهج
    كل عام وانت بخير يا أبو روان

    أخوكم أبو وضاح
  2.  
  3. #77
    عضو ذهبي
    Array الصورة الرمزية عاطف عولي
    تاريخ التسجيل
    May 2009
    الدولة
    مدني مارنجان حلة حسن محطة الصهريج جوار نادي حلة حسن
    المشاركات
    5,744

    اقتباس المشاركة الأصلية كتبت بواسطة محمد هاشم مشاهدة المشاركة
    كل عام وانت بخير يا أبو روان
    وأنت وافراد الاسرة الكريمة والنسيبة بالف خير

    لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين

    [IMG]
  4.  
  5. #78
    عضو ذهبي
    Array الصورة الرمزية عاطف عولي
    تاريخ التسجيل
    May 2009
    الدولة
    مدني مارنجان حلة حسن محطة الصهريج جوار نادي حلة حسن
    المشاركات
    5,744

    لبست ساحة شاور راسك حلة زاهية عصر يوم العيد وانعقدت حلقة الكيتا مع نقاراتها المصاحبة وذلك العازف الماهر المتمكن من الته وهو قد ملاء جدومعه بالهواء بعد ان تناول عباره المليانة بالمريسة الدقة التي جهزتها بت ام تج واعدة لهم مكان الاستراحة وهو الان يترنم بأغنية الرائعة عائشة الفلاتية يجو عائدين ويردد معهم الحضور في الحلقة مقاطع الاغنية والكل مسرور مبتهج وها هو رحمة محمد تيسو ذالك النوباوي مفتول العضلات يربط علي راسه شريط احمر يتراقص علي انغام الكيتا وهو يتصبب عرقآ ويردد بين الفنية والاخري لقيتني كيف!!!!!!!!!!!!!!
    ويشاركه حلبة الرقص عاشق الموسيقي وملك الروك اندرول صلاح عكاري الذي ارتدي شارلستون واسع الفتحة وطويل يغطي جزمته الدبابة المستوردة من ارض الكنانة ويزيد من حرارة الرقص حتي يصل الي مرحلته الهستيرية يصيحات المشجعين والمشجعات من صبايا الجبالين والقطاطي وديم بتوال.
    والمح من بين الحضور مجموعات من اولاد الكمبو نمرة اربعة والدباسيين شمال وجنوب والحلة اضافة الي الحضور من القطاطي والجبالين والديم ويزيد من التسخينة قفشات اللعوتة وهو يشاغب الحضور وكلمات العاقب عرفتني كيف.
    وكان هناك ود الدقي وفلو وعمك كودي. الذين شكلوا حضورآ جميلآ بين الكيتا ورقصات غرب السودان. ويتجول بين الحضور عمك ترامس وهو ينادي علي بضاعته من الترمس والكبكبي. وتعالي صيحات عمك فتريتة علي طعميته اللذيذة محشوة علي عيش حار من فرن عمك مرغني العوض. وتمر بين الفتية والاخرة سيارة الشرطة وبداخلها عمك فضل السيد وبعض الافراد منعآ للاحتكاكات والشغب وما يفسد البهجة. والي الجوار مجموعة من اولاد النوبة حول الكيرن يرقصونون الكمبلا.
    وتستمر هذه الحلقات كل ايام عطلة العيد.
    اها بعد دا اخليكم لعزيز عيسي يعيد معاكم في شاور راسك

    لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين

    [IMG]
  6.  
  7. #79
    عضو برونزي
    Array الصورة الرمزية أبو جودي
    تاريخ التسجيل
    Jun 2009
    الدولة
    وادمدني - القسم الأول
    المشاركات
    978

    أهلنا وأحبابنا ناس مارنجان وناس السوق ،،، لكم كل الحب والشوق والتهاني بالعيد ,,, وأسأل الله أن يديم عليكم فرحة العيد وأن يجمع شمل جميع الأخوان ،،، ولكم مني تحية خاصة أخي عاطف عولي ،،،أرجو المعزرة لعدم دخولي للمنتدى في شهر رمضان الكريم ويرجع هذا لضغط عملي في هذا الشهر ولم أتمكن حتى على المرور ،،، لكم العتبى وتحياتي عبرك لأخواني عزيز عيسي وعبره لأخي حكيم جيمس ولزكرياتي معهم الكثيرة في مارنجان لهم مني الشوق الشديد وأرجو مراسلتي ،،،
    وتحياتي للأخ هاشم ،،، والسني دفع الله ،،، وفعلاً كانت لمارنجان في زمننا والحمد لله الراية لا زالت مرفوعة في مارنجان من النوادي الثقافية والرياضة الكثير الكثير الذي اثرينا به هذه المدينة الصغيرة التي تتربع على كتف مدني وعلى قلب المشروع ولها ولناسها من الكثير الذي قدمته لمدني وللسودان عامة فهي كانت الأساس لكل السودان بالمشروع العملاق الذي نبكي عليه دماً لما آل له في هذه الأيام ،،، نسأل الله للجميع الصحة والعافية ولأهلنا وزوينا في السودان الحبيب ووادمدني الغالية التقدم وأن نعيدها سيرتها الأولى إن شاء الله ،،،
    وكل عام وأنتم بخير وعافية

    والناس: إما خالدُ يروى له ذكر،،،،،، وإما لمحة فزوال.
  8.  
  9. #80
    عضو فعال
    Array الصورة الرمزية محمد هاشم
    تاريخ التسجيل
    Jul 2009
    الدولة
    أركويت - مربع 278
    المشاركات
    221

    اقتباس المشاركة الأصلية كتبت بواسطة أبو جودي مشاهدة المشاركة
    وتحياتي للأخ هاشم ،،، والسني دفع الله ،،،
    وكل عام وأنتم بخير وعافية
    وأنت بألف خير وربنا يديك الصحة والعافية

    أخوكم أبو وضاح
  10.  
  11. #81
    عضو فعال
    Array الصورة الرمزية محمد هاشم
    تاريخ التسجيل
    Jul 2009
    الدولة
    أركويت - مربع 278
    المشاركات
    221

    اقتباس المشاركة الأصلية كتبت بواسطة عاطف عولي مشاهدة المشاركة
    [size=5][color=blue]. وتعالي صيحات عمك فتريتة علي طعميته اللذيذة محشوة علي عيش حار من فرن عمك مرغني العوض.
    من الصيحات الجميلة لي عمك فتريتة بتاع الطعمية

    الريق عدو ........ طعمية وعيش سخن

    سلاة النبي مكسبي بي راس مال

    أخوكم أبو وضاح
  12.  
  13. #82
    فخر المنتديات
    Array
    تاريخ التسجيل
    May 2009
    الدولة
    مارنجان
    المشاركات
    4,340

    الحبيب عاطف عولى
    عيدك سعيد وكل سنه وانت طيب
    ما اجمل سوق شاور راسك فى عصريات العيد ... عندما يجتمع الكل فى مشهد قومى رائع
    وهم يستمتعون بامسيات العيد ... كبارهم وصغارهم ... حقا اخى ود عولى ما اروعك يا مارنجان ... ارجو ان لا تنقطع عن هذا البوست .... وان تتطرق لكل الجوانب المضيئه بمارنجان ...
    وتحياتى للاخوان ابو جودى ومحمد هاشم

  14.  
  15. #83
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    اقتباس المشاركة الأصلية كتبت بواسطة ابو صفاء مشاهدة المشاركة
    مارنجان السودان كما يحلو للبعض
    اخواني عزيز وعولي السلام عليكم ورحمة الله وبركاته
    اعتب عليكم انكم تجاهلتم بعض الناس المهمين
    امثال عمكم عبدالرحيم عبدالكريم التعاون وعمكم ختم ابو ورشة الحداده
    وايضا اسرة آل تركمان المنتشرة في ربوع مارنجان
    يعني بصراحة طنشتم اهلي
    أبو صفاء إنت زولنا وأنحنا ما جيبين خبرك؟!
    معقولة نتجاهل ناس مثل عمنا عبدالرحيم وختم أبو
    وآل تركمان - صديق وصلاح وعبدالحليم (حلمك)
    ياخي ديل ناس أهل.. متأكد عاطف عولي سيأتي
    بذكرهم في مجمل حديث ذكرياته عن مارنجان..
    وأرجو منك أن تساعدنا في سرد بعض الذكريات.

  16.  
  17. #84
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    الأخوان عاطف عولي
    أشرف صلاح السعيد
    أبو صفاء
    عباس الدسيس
    محمد هاشم
    ولد مارنجان
    الجعلي
    أبوجودي
    محمد الجزولي

    كل عام وأنتم بخير وأهلا ومرحبا بكم في مارنجان السودان..
    وإن شاء الله تلقوا كل شيء يسركم.
    ودي وتقديري.

  18.  
  19. #85
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    الأخ عاطف عولي،
    طبعا كلها أيام ويكون الأخ هاشم عبدالعزيز (يانكو) بطرفنا هنا في
    هيوستن تكساس في زيارة لنا لمدة إسبوعين.. وطبعا سنعيد ذكريات
    أيام مارنجان الجميلة وغيرها.
    من الطرائف والمواقف اللطيفة عن ظرفاء مارنجان حكي لي الأخ هاشم
    قال: جماعة ظراف تعرفهم من مارنجان (لا داعي لذكر أسمائهم) كانوا
    في قعده في طرف الحلة والكاس مدور.. جاءهم واحد قاطع المشوار
    وأخبرهم بأن (فلان) مات والناس ماشين على المقابر يدفنوا الجنازة..
    قام واحد منهم نط قال ليهو: يعني إنت هسع جاي المشوار دا كلو
    تعبان من هناك علشان تجي تخرب لينا القعدة بتاعتنا السمحة دي؟!
    (هو عمك دا كلبه مات يعني شنو هو مات؟!
    ما يموت خليهم يمشوا يدفنوه ويخلصونا )

  20.  
  21. #86
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    والحكاية عن نفس عمك المتوفي الله يرحمه..
    قالوا مره عمك (....) صرف الماهية ودخل قندهار (محل الشراب)
    وخلص الماهية كلها ورجع البيت ونام.. وعند منتصف الليل عمك صحي
    وراح أدخل يده في جيبه ووجد واحد جنيه.. نهض من عنقريبه ومشى
    يفتح الباب.. جاره سمع صوت حركة فتح الباب رفع رأسه بالحطية وقال
    لعمك (....) يازول ماشي وين بالليل دا..
    عمك (....) رد عليه: والله أدخلت يدي في جيبي ولقيت جنيه مسكني
    من يدي وقعد يبكي ويكورك يقول لي: عليك الله يا (....) ألحقني بأخواني.
    أها عمك (....) مشى إشترى بالجنيه نصف (قزازة) ورجع بيها البيت.

  22.  
  23. #87
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716


    أعفص هنا
    ولاحظ أخونا أنوريكا ومحمد زيادة
    والعركي عملوا إيه؟ والله ما قصروا..
    مرر الماوس بدون ما تضغط عليه على المربعات البيضاء لتشاهد منازل
    ناس مارنجان وحلة حسن ودار أم بلال والقرية النموذجية وبركات..
    حتى منزل ناس أختنا أسماء (منزل أحمد الطيب الصافي) تجده ظاهر..
    وممكن تحدد موقع منزلكم وموقع (سوق شاور راسك).

    التعديل الأخير تم بواسطة عزيز عيسى ; 29-09-2009 الساعة 07:08 AM
  24.  
  25. #88
    عضو جديد
    Array الصورة الرمزية ولدمارنجان
    تاريخ التسجيل
    Jan 2008
    الدولة
    مارنجان ـ حله حسن
    المشاركات
    92

    اقتباس المشاركة الأصلية كتبت بواسطة عزيز عيسى مشاهدة المشاركة
    الأخوان عاطف عولي
    أشرف صلاح السعيد
    أبو صفاء
    عباس الدسيس
    محمد هاشم
    ولد مارنجان
    الجعلي
    أبوجودي
    محمد الجزولي

    كل عام وأنتم بخير وأهلا ومرحبا بكم في مارنجان السودان..
    وإن شاء الله تلقوا كل شيء يسركم.
    ودي وتقديري.
    الاخ / عزيز عيسى ،، لك كـــل الود ، وكل عام وانت والاسرة الكريمة بالف خير وعافية وربنا يعيد علينا هذة الايام المباركة وانتم ونحن وجميع المسلمين وابناء الجزيرة الخضراء على وجه الخصوص ينعمون بالامن والامان والسلام والطمانئنة . وياحبيبنا طــاااااالت الغيبة الحاصل شنو تجينا ياراجل بعد مالسوق شطب والتلج ساح هسع ماباقي غير دكان احمدون بيبيع في العماري الجيد حسب ماكاتب في الكشك ( وانا ماعاف بيقولوا عماري ممتاز وعماري جيد ليه ) بالرغم من سوءه وخطورتة على الصحة والتى اتمنى ان يمتعك الله بها .
    توصيه : سلم على اخونا هاشم عبدالعزيز ، حسب ماذكرت فهو بطرفكم ، وبالرقم من تواجدنا في مدينة واحدة الا اننا لانتقابل للمشغوليات ! ربنا يرجعوا لينا بالسلامة . تقبل مرورى يالذيذ وان شاء الله تكون رايق .

  26.  
  27. #89
    عضو برونزي
    Array الصورة الرمزية أبو جودي
    تاريخ التسجيل
    Jun 2009
    الدولة
    وادمدني - القسم الأول
    المشاركات
    978

    يا جماعة أنتو شيخ السوق ده ود عولي ما شايفنه ،،،،، أديه كوراكه ،،،، عوووووووووووووووووووووووووووووك نحنا في انتظارك

    والناس: إما خالدُ يروى له ذكر،،،،،، وإما لمحة فزوال.
  28.  
  29. #90
    عضو برونزي
    Array
    تاريخ التسجيل
    Aug 2007
    الدولة
    مدني الدرجة الثانية
    المشاركات
    675

    الاخوة محمد هاشم وعولي وعزيز
    كل عام وانتم بخير
    ما رايكم في تمليك بيوت البورت للعمال والموظفين هل منصفة ام بها مظالم

    اللهم أحيني مسلما وتوفني مسلما وألحقني بالصالحين
  30.  
  31. #91
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    اقتباس المشاركة الأصلية كتبت بواسطة ولدمارنجان مشاهدة المشاركة
    توصيه : سلم على اخونا هاشم عبدالعزيز ، حسب ماذكرت فهو بطرفكم ، وبالرقم من تواجدنا في مدينة واحدة الا اننا لانتقابل للمشغوليات ! ربنا يرجعوا لينا بالسلامة . تقبل مرورى يالذيذ وان شاء الله تكون رايق .
    الأخ العزيز ولد مارنجان،
    تحياتي وربنا يعيده علينا وعليكم بالخير واليمن والبركات..
    إنت عارف أيام رمضان الواطة حارة شديد وللضمان قلت أحسن أخطف رجلي
    وأمشي على السوق السغير أجيب لي تلج من هناك لأنه سوق شاور راسك
    دا ياخي تلجو بيسيح بسرعة لأنه بيدوك ليهو في خيشة بدون نشارة خاصة
    لو إشتريتو من الزول المستهبل عاطف عولي.
    سمعت أبو الجيش يقول تمباك أحمدون صاموطي وما ببدلو بأي تمباك آخر.
    طبعا هاشم عبدالعزيز لسه ما وصلنا وحيصلنا إن شاء الله الأسبوع القادم.
    ووالله إتلومتوا شديد.. الإثنين ساكنين في أبوظبي وما بتتلاقوا؟!!
    طيب برضو أنا لما جيت عليكم في أبوظبي العام قبل الماضي ليه ما إتصلت
    بي علشان أقابلك بعد المدة الطويلة دي؟

  32.  
  33. #92
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    اقتباس المشاركة الأصلية كتبت بواسطة أبو جودي مشاهدة المشاركة
    يا جماعة أنتو شيخ السوق ده ود عولي ما شايفنه ،،،،، أديه كوراكه ،،،، عوووووووووووووووووووووووووووووك نحنا في انتظارك
    يا أبو جودي شيخ السوق عامل شكلا مع الحلاق (حاج ملح) في شاور راسك..
    حاج ملح حلق ليهو حلاقة وطلب منه قرشين قال الحلاقة ما عجبتو وحالف
    ما يدفع لحاج ملح ولا تعريفة.. إتخيل لي هسع قاعد ينطط مع ناس (الكيتا).

  34.  
  35. #93
    فخر المنتديات
    Array الصورة الرمزية محمد السني دفع الله
    تاريخ التسجيل
    May 2009
    المشاركات
    269

    عزيز عيسى دي جولة حنين
    وين المعلم خلف الله
    والديبة وعمرالنقي
    مالك ما صحبتهم في جولتك لكم الاماني الوردية وايامكم اعياد

  36.  
  37. #94
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    اقتباس المشاركة الأصلية كتبت بواسطة ابو صفاء مشاهدة المشاركة
    الاخوة محمد هاشم وعولي وعزيز
    كل عام وانتم بخير
    ما رايكم في تمليك بيوت البورت للعمال والموظفين هل منصفة ام بها مظالم
    أبو صفاء العزيز،
    كل عام وأنت بخير..
    طبعا سمعنا إنه مشروع الجزيرة معروض للببيع ودي في حد ذاتها
    تعتبر شيء مؤلم وبتؤدي بمصير الكثير من العمال والموظفين الى
    مستقبل غير معروف.. ثم ثانيا البيوت ليها فترة طويلة لم يتم صيانتها
    من قبل إدارة مشروع الجزيرة وأصبحت متهالكة حتى ولو تم تمليكها
    للعمال والموظفين ستكلفهم الكثير لصيانتها.. لذلك أرى إنه من
    الأفضل لهم أن يشتروا قطع في القرية النموذجية ويقوموا ببنائها
    بدل شراء بيوت قديمة.. والقطع في القرية النموذجية مساحتها أكبر
    وستفي بحتياجات الأسرة من إضافات في الغرف.. وكما تعلم بأن
    مساحة البيوت الحالية لا تسمح بتاتا ببناء ولو غرفة واحدة إضافية.

  38.  
  39. #95
    عضو فعال
    Array الصورة الرمزية محمد هاشم
    تاريخ التسجيل
    Jul 2009
    الدولة
    أركويت - مربع 278
    المشاركات
    221

    اقتباس المشاركة الأصلية كتبت بواسطة ابو صفاء مشاهدة المشاركة
    الاخوة محمد هاشم وعولي وعزيز
    كل عام وانتم بخير
    ما رايكم في تمليك بيوت البورت للعمال والموظفين هل منصفة ام بها مظالم
    والله يا أبو صفاء من ناحية إستحقاق نهاية خدمة كانت ممتازة على حسب مسلك المؤسسات السودانية بيت + فرق مادي ما بطالين لكن المشكلة في خسارة المشروع نفسه وإنو الجماعة الموظفين والعمال ديل أبدا ماكان في واحد منهم تاجر وأسي كلهم حاكو بعض واشتروا أمجادات

    أخوكم أبو وضاح
  40.  
  41. #96
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    اقتباس المشاركة الأصلية كتبت بواسطة محمد السني دفع الله مشاهدة المشاركة
    عزيز عيسى دي جولة حنين
    وين المعلم خلف الله
    والديبة وعمرالنقي
    مالك ما صحبتهم في جولتك لكم الاماني الوردية وايامكم اعياد
    إنت عارف يا محمد السني ناس خلف الله والديبة وعمر النقي وباقي الشلة
    كنا بنعلب كورة كلنا مع بعض في ميدان نادي العمال وفي المساء بنتلم كلنا
    ونمشي نتعشى في الفسحة ونجلس كلنا قدام التعاون ونتونس للصباح..
    طبعا محمد الديبة قبل ما يرحلوا نمرة أربعة كانوا جيرانا وكنا بنلعب مع بعض
    منذ أن كنا أطفال صغار هو وأخوه عوض محي الدين وفاروق.. وعمر النقي
    كانوا برضو قريبين مننا.. لكن بيني وبينك الديبة دا من صغير ما لاقاني إنسان
    حريف مثله.. ياخي دا كان بيعمل حركات بهلوانية بالكورة عجيبة.. الكل
    كان متوقع له مستقبل عظيم مع الكرة.. وفعلا المثل البقول:
    حمد والديبة حاجة عجيبة.. بينطبق على الديبة بحذافيره.
    ما صحبتهم في جولاتي لأنه كان عندنا أولاد جيران من أكثر صبيان مارنجان
    شقاوة.. لكن شقاوتنا ما بتصل شقاوة ناس أولاد القرشي وناس السر عجوز
    والفاضل شيكاية وغيرهم.. الله يطراهم بالخير.. أيام مارنجان كان من أحلى
    الأيام التي عشتها في حياتي.

  42.  
  43. #97
    عضو جديد
    Array الصورة الرمزية ولدمارنجان
    تاريخ التسجيل
    Jan 2008
    الدولة
    مارنجان ـ حله حسن
    المشاركات
    92

    اقتباس المشاركة الأصلية كتبت بواسطة عزيز عيسى مشاهدة المشاركة
    الأخ العزيز ولد مارنجان،
    تحياتي وربنا يعيده علينا وعليكم بالخير واليمن والبركات..
    إنت عارف أيام رمضان الواطة حارة شديد وللضمان قلت أحسن أخطف رجلي
    وأمشي على السوق السغير أجيب لي تلج من هناك لأنه سوق شاور راسك
    دا ياخي تلجو بيسيح بسرعة لأنه بيدوك ليهو في خيشة بدون نشارة خاصة
    لو إشتريتو من الزول المستهبل عاطف عولي.
    سمعت أبو الجيش يقول تمباك أحمدون صاموطي وما ببدلو بأي تمباك آخر.
    طبعا هاشم عبدالعزيز لسه ما وصلنا وحيصلنا إن شاء الله الأسبوع القادم.
    ووالله إتلومتوا شديد.. الإثنين ساكنين في أبوظبي وما بتتلاقوا؟!!
    طيب برضو أنا لما جيت عليكم في أبوظبي العام قبل الماضي ليه ما إتصلت
    بي علشان أقابلك بعد المدة الطويلة دي؟

    حبيبنا الغالي عزيز عيسى ،، لك الود والتقدير ، خليني ابداء من اسطرك الاخيرة ،، وانا في اشد الاسف والندم ، اولاً لعدم معرفتىبقدومك الميمون لارض اقامتنا والذى اضفى حضوركم عليه بهجه وسروراً بدون شك للذين كنت في ضيافتهم ، وثانياً لاننى لم اتشرف بلقاءكم وانت بين ظهرانينا ،، والعتبى لمن لم يقوم بتمرير خبر وصولكم ،، ومعوضه ياالحبيب ونحن لسع فيها والدعوه مفتوحة ، خاصة وانت خواجة ودخولك توش بدون دق باب او ختم ،، ومنك نرجو الشفاعة في قبول الاسف . وبعدين تلج شنو البتشتروة وبى خيشو كمان ، يااخي نحنا كنا بنجى نشيل التلج منكم مااصلوا كهربتكم كانت شغاله ليل نهار ومن شده ماكانت فايضه حتى لمبات الشارع ماكنتو بتطفوها بتخلوها شغاله لمنتصف النهار لمان كانت بتلم الجندب الكان يحمينا القعاد تحت عامود النور . ومن هسع حاجزين تلجكم الفى الفريز لرمضان القادم ان الله حيانا بدل ماكل يوم كهربتنا قاطعة ونقعد نشرب في الحلو مر حار ..
    شم خبر :
    مسؤل من الخير ودعولي مشى وين في العيد ، بفتش فيه مالقيتة لا في سينما ولافى منتزه مارنجان الوسط البيوت ولاجنب الكيته !! اظن والله اعلم انو لاقى ليه فطور عيد مكرب ، اصلوا سمعنا في ختان جماعى عامله عمنا المجمر في شفخانتة بمناسبة العيد وممكن حبيبنا يكون مشى يبارك ويعبى جيوبه حلاوه . ولمان تلاقى لينا ولد عولى اتركك وانت في استعداد لملاقات اخونا هاشم له منا التحايا .. ونتلاقى .

  44.  
  45. #98
    عضو برونزي
    Array الصورة الرمزية أبو جودي
    تاريخ التسجيل
    Jun 2009
    الدولة
    وادمدني - القسم الأول
    المشاركات
    978

    أخوي عزيز وود مارنجان ،،، والله أنا غايتو زي الشايف ليكم ود عولي ده شايفه بنطط ،،، جوه في المنتدى مع ناس هناي وهنايه ،،،، أجروا شوفوه الزول ده ما يكون خرف ،،، وقايل نفسه من دفعة ناس خضر المنفوخ وله عمر النقي ،،، أنحنا ما عارفين سره ،، ده لمن قمنا صغار كان بيعلب مع ناس بلة وأستاذ عمر هناك جنب الترعة وكنا بنتفرج عليه ،،، اهه كدي لموا الزول ده

    والناس: إما خالدُ يروى له ذكر،،،،،، وإما لمحة فزوال.
  46.  
  47. #99
    عضو ذهبي
    Array الصورة الرمزية عاطف عولي
    تاريخ التسجيل
    May 2009
    الدولة
    مدني مارنجان حلة حسن محطة الصهريج جوار نادي حلة حسن
    المشاركات
    5,744

    والله كنت برة الشبكة بتي روان عيانة شوية عندها التهاب شعبي والشغل زنقة والنت ما مساعدنا من المشغل وفقدت اخت روان البالغة من العمر ثمانية اشهر داخل أحشاء والدتها والان عرجت علي النت كافي من المستشفي لاني مشتاق ليكم وبجيكم برواقة يا احلي من العسسسسسسسسسسسسسسسسسسسسسسسسسسسسل

    لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين

    [IMG]
  48.  
  49. #100
    عضو مميز
    Array الصورة الرمزية فراس
    تاريخ التسجيل
    Jun 2009
    المشاركات
    544

    اقتباس المشاركة الأصلية كتبت بواسطة عاطف عولي مشاهدة المشاركة
    والله كنت برة الشبكة بتي روان عيانة شوية عندها التهاب شعبي والشغل زنقة والنت ما مساعدنا من المشغل وفقدت اخت روان البالغة من العمر ثمانية اشهر داخل أحشاء والدتها والان عرجت علي النت كافي من المستشفي لاني مشتاق ليكم وبجيكم برواقة يا احلي من العسسسسسسسسسسسسسسسسسسسسسسسسسسسسل

    الف سلامة لي ابنتنا روان وربنا اشفيها شفاء عاجل
    وربنا اعوضكم خيرا في الفقد واجعلها لكم شفاعة
    وحمد لله علي سلامة المدام وقدر الله وماشاء فعل

    انت من وين يابنية وناوية على وين السفر
    قلت لي مدني الجميلة مدني يا أجمل خبر

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid