صفحة 11 من 13 الأولىالأولى ... 910111213 الأخيرةالأخيرة
النتائج 251 إلى 275 من 322

الموضوع: @ الخرباش أبو مُزن ضيف الكُرسي الساخن @

     
  1. #251
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة عصمت الصادق حماد مشاهدة المشاركة
    عندما نكون في حضرة من نهوى
    يكون الحديث غير الحديث.. والكلمات الحالمة تعطر المكان
    القلب يهفو دائماً والعين تترقب الجميل القادم
    هناك الكثير من الناس يدخلون القلوب بلا إستئذان.. لأنهم يعرفون معنى التواصل
    الحبيب ود مدثر
    لعلنا في السودان الفسيح تغيب عنا ثقافة التوثيق.. وما (السيل) الذي أصاب المنتدى إلا بدليل إلى الكم الهائل من القصائد والخواطر التي أخذتها أدراج الرياح.. يبقى السؤال في النفس.. هل لديكم الفكرة في طباعة بعض أعمالكم.. وأين تجد نفسك في الكتابة؟

    الحبيب .. القريب الى قلوبنا بهمسه الريفى الجميل

    وصدق انتمائه الاصيل (ودالفقراء)

    ومعنى التواصل ياصديقى عندما نتعلم منك معنى ان يكون

    الوطن فى حدقات العيون من خلال مدرسة وسطى .. وبوسطى .. وبيارة

    وخلوة .. وشفخانة تهدى الناس الصحة

    سعيد انا بمعرفتكم الكنز ياصديقى

    وسعيد باحساس التواصل الذى جعلنا جزء لايتجزأ من الفقراء

    ومن خلالك ارسل اشواقى لفخر الفقراء استاذنا فخرالدين محمد

    والذى اسعدتنا انت بمعانقة حروفه النواضر من خلال ساحات المنتدى

    ورحلة الحرف الندى داخل همس الريف الجميل



    - بمناسبة التوثيق انا حتى الان حزين لان كل مااملكه من ذكريات ذهب مع السيل

    اصبحت خال الوفاض .. لازاد لى ولا راحلة .. لكنى اعتبر هذا بمثابة ذكرى لكى نعمل

    الاحتياطات اللازمة من اجل حفظ مانكتبه

    لدى تجربة واحدة مع التوثيق من خلال ايام الجامعة لديوان شعرى (قدر النوارس )

    كان عبارة عن طباهة عادية اهديته للمقربين

    لكن اتمنى ان يسعفنى الوقت من اجل جمع المتفرقات من الاحاسيس هنا وهناك

    من اجل توثيق جميل



    - الكتابة مربوطة عندى باحساس صادق .. احساس لايكذب ولايتجمل

    يشدنى الموقف للكتابة لذلك لااجهد نفسى كثيرا فمتى ماجاءت لحظة المخاض

    تجدنى حاضرا .. لكننى اجد نفسى مع الطفولة .. وبعض قضايا المجتمع

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  2.  
  3. #252
    عضو مميز
    Array الصورة الرمزية فراس
    تاريخ التسجيل
    Jun 2009
    المشاركات
    544

    الرائع روعة نيل بلادي ودمدثر

    ليست لدي اسئلة ولكني اتيت

    للتحية وتسجيل اعجابي بك وبقلمك

    وروحك الجميلة حفظك الله ورعاك

    انت ومن تحب

    دمت بكل الخير الذي تحمله

    انت من وين يابنية وناوية على وين السفر
    قلت لي مدني الجميلة مدني يا أجمل خبر
  4.  
  5. #253
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة خالد 000 ابقرجة مشاهدة المشاركة
    ما عندي سؤال 000

    جيت أفتح البوست بس 000

    لكن لقيت أستاذنا عصمت ود الفقرا قام باللازم 000
    قلتا خلاس 000

    أنضف المكان من النشارة 000
    وبقايا خربشة امبارح 000
    وأسن ليك الإزميل للخربشات الجديدة 000
    ولو عاوز ترمي ليك طرقة رهيفة 000
    القرقريبة ختيتا ليك في الطاقة الفوق الكرسي طوالي 000

    بس قبال ما أطلع 000

    لفيت مروحة بدر الطائف الجابة دي علي الكانون 000
    شوية تسخينة بس 000
    لأنو البرد دخل زي ما قال ليك محمد الجزولي 000

    وعشان ما اطلع من هنا (بسؤالي حنين )

    قلتا أخت لي سؤال ساااااااااااي بتاعتك 000

    الدفء 000

    كلمة فضفاضة 000

    ذات دائرة أكبر من مقاسات البطاطين 000 (مع اني من أنصار فردة شندي 000)

    خربش لينا فيها 000
    بكل مفاهيما 000
    مع شوية وسائل للدفء ( غير الكرسي ده )


    هاهااااااااااااى 30

    ياصاحبى ذكرتنى زمن جميل خلاص

    زمن (فردة شندى )

    لكن لقيت قديم خلاص ..

    عارف جمال الفردة انها بتستحمل اى حاجة

    تطرش بزيت سمسم مامشكلة

    كرعينك الحواشات فتحن فيهن تقانت الودك قاعد مامشكلة

    ياسلااااام لمن يقول ليك

    ياولد جيب الفردة

    معناها خلاص ودعنا الصقط ومافى ليهو طريقة يجى راجع

    يجى راجع وين مع هذه الحميمية الجميلة

    انا مقتنع وانت زى كمان انو الفردة فى حيث انها فردة مابتقدر على الصقط براها

    عندها حاجات تانية مابعرفها الا لما يرتبط بيها



    انت عارف طبعا اخوك كان متوعك حبتين لكن بعد مااولادنا اخدو بتارنا من مازمبى

    ولعبوا مبارة العمر .. حسيت بعافية .. وعافية حسن اجمل صوت ادمن الغياب

    نسبة لانعدام الدفء مع صقيع الايام والمواقف

    اها شغلت الرااااااااديو وسمعت ليك (ليلى المغربى ) وهى تمنحنا الدفو

    مع رائحة ودحاج سعيد .. والتى تغنى بها ابو السيد

    جميلة جدا ليلى وصوتها الطروب بتخلى دمعة غصبا عنك تتطفر من بين العيون


    عــدّى فـات .. زمـن العيون الإلفــة

    .. والحـضـن الملاذ

    ورهـافــة الحس البـلوّن .. ضـحكة النـاس العــزاز

    بـعـد الحـنـان .. الكـان زمـان

    إســتـوطـن المـطــر .. الحراز


    ومـشــيـت أفـتـش عـن خـطـاويـك الـقـبـيـل ..

    مـضّــارى من زمـناً ..وراك

    مـلانى خــوف

    أشــتــقــت أرتـاح فى عـيـون

    فـيـهـن مـلامحــك ذاتــا مــن غـير أىّ .. زيـف

    وإشــتـقـت لى ضـحكة صـبـاحك ... والدعـاش ...

    عـطّـر رزاز مـطـر الخـريف

    أنا وإنـت والدنـيـا الزمـان

    والناس وفـا .. وخـوّة صـفــا

    ودفء المشاعر الشاتية .. صيف

    أنا وإنت والدنيا الزمان

    زمن الغناوى الطالعة من قلباً .. رضى

    وحســّاً ... ندى ... وزوقاً ... رهيف

    أنا وإنت والـدنيــا الأمــان


    ما العمر شتّان ... بين أوان زمناً حييتو

    .... وعمر ما بتقدر بتعرف ..

    بكرة يصبح حالو .. كيف



    ودى حقيقة باكر ننسى كل الفات .. لكنى اليوم احس بحاجة غريبة

    ماتعودت عليها هنا .. اليومين دى البرد يعصف بنا من كل اتجاه

    هل معناها اننا فقدنا

    القلب الرضى

    والحس الندى

    والزوق الرهيف


    محتاجين نقعد فى حلقة ونيران التقابة اكيد مابتموت واحساسها المربوط بكتاب الله

    يسمو بالارواح والعقول ..

    حزين جدا لفراق ودالماذون

    لكنى اعلم بحبه الجميع ... ليته يعود الينا بكامل اناقته وحسه الطروب



    التعديل الأخير تم بواسطة عبدالرحمن مدثر ; 18-10-2009 الساعة 11:49 PM
    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  6.  
  7. #254
    عضو برونزي
    Array
    تاريخ التسجيل
    Jul 2009
    الدولة
    في المليون ميل
    المشاركات
    762

    صاحبي العندي فيه مراده يامن اموت
    الخرباش ابو مزن البرقع المشروت


    صدقني طوعت الكرسي الساخن
    وقلبتو كرسي حرير

    اللهم اسألك العفو
  8.  
  9. #255
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة يوسف كيكل مشاهدة المشاركة
    ابومزن يارائع يارايع
    ياخي كلامك حلوو
    احلى من اللالوب والنبق
    طبعا بموت في اللا لوب والنبق وحلاوة دربس


    الحنين ابو قلبا ابيض ودكيكل

    وانت عارف عندك نمات كدا بتسرح بيك بعيد

    وبترجعك لزمن الدوووم

    انت عارف انا بحب الدوم والشلاااااااااقة

    والشلاقة عشان الدووووووم فى عمرنا دا بقى مشكلة

    نكدو

    اصيل انت ياصديقى

    وشهادتك بهناك تكفينى

    وتجعلنى افتخر بانى تعرفت على انسان بقامتك

    ونضيف لحلاوتك

    حلاوة لكوم

    و104 دى جميلة بشكل

    وحلاوة الكريمت

    وحلاوة حلى

    وحلاوة بلى

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  10.  
  11. #256
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة بدر الدين محمد مشاهدة المشاركة
    والله لي يومين افتش في العضو الاسمه الخرباش في قوائم اعضاء المنتدى .. اتاري دا الهلالابي عبد الرحمن مدثر !!!!
    والله يا ابو مزن لو ما نيمة وداد لقيتك بتقول جااااي من الكرسي الساخن وراجع
    انشاء الله الجماعة ما سخنو بيك ...
    عايز اقول ... اجمل حاجة شلت الطاقية اللبنية دي

    استاذنا بدر الدين .. ابو امامة

    دوما ماتسعدنا بحضورك الجميل

    وانت ترسم بريشتك المدهشة معالم للجمال لانهائية

    شلنا الطاقية

    وودعنا العصبية (الى حين )

    وسعيد اكثر

    بوجودك بيننا

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  12.  
  13. #257
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة مايسة مشاهدة المشاركة
    والله وبي حليفته كمان يا عبد الرحمن

    لا توجد كلمة تساويك

    - همسة : ياخي انا بضحك من قبيل وخفته يجيبو لي الكشة بالجد

    - تسلم مزن وتسلم ماما سامية معاها

    بركة الماقلته الزرزور - كانت خربت كلوكلو


    ان شاء الله تدووووووم يامايسة

    الضحكات وتزيد عندك الضحاكاات برضو

    عشان تكون الحياة جميلة بيها

    وبيكم اكيد

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  14.  
  15. #258
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة الخواض محمداحمد خواض مشاهدة المشاركة
    باين نحن دائماً متاخرين
    وغير محظوظين
    وحتى عرس الرائعين فى الكرسى الساخن
    عرفناه متأخرين
    اخونا الرائع عبد الرحمن مدثر ابو مزن 1
    لك التحايا وتقبل عزرنا
    ورجاى ان الكرسى كان معك برداً وسلاماً
    الانسان .. الانسان .. الخواض حبيبنا

    منك تعلمنا جمال الديمقراطية حين نثبتها كفهم

    لاطفالنا ومستقبل ايامنا

    ومن خلالك عرفنا معنى الانسانية من خلال عطاء دايم

    كورس صيفى

    وفرحة عيد تعم الجميع

    ربنا يجعل ايامك دائما افرااااح

    وسعيد بوجودك معنا

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  16.  
  17. #259
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة خالد 000 ابقرجة مشاهدة المشاركة
    أصبحنا وأصبح الملك لله 000
    فتاح يا عليم 000
    رزاق يا كريم 000

    ود النور تعبني 000
    داسي مفتاح البوست في حتة عجيبة 000

    النضافة الصباحية اليومية 000
    مع نشارة الخربشة 000
    في باقي عجور 000
    وريش زرزور 000

    شكلك كنتا في (نمرة ) يا صاحبي 000
    فتاح يا عليم رزاق يا كريم دي 000

    لمن تكون في سوق السجانة 000

    بكون الرزق المقصود شوالات جنيهات 000

    هنا في كرسي ود النور معروف شوالات شنو 000

    بركاتك يا شيخ الأنصاري قصدي شوالااتك 000



    سوق السجانة 000
    ودعوة التجار الصباحية 000

    رغم جشع السوق 000
    لكن لسع في تجار خاتين الرحمن في قلبهم 000
    وعندهم يقين بأنو الرازق الخالق 000

    نموذج زي ده في سوق السجانة 000

    أشرب لينا معاهو جبنة صباحية 000

    وونسة مليانة يقين 000

    وعليك الله قول لينا اسمو 000

    عشان الخير دايما مجهول 000

    والشر بقي وش قبيح مغطي علي الكل 000



    ممكن أهدي بالحبر السري ؟؟؟

    ود النور طلبنا اجازتنا مخسوس في الضحية شد حيلك معانا ياخ

    والسوق فيك يسوق

    انت عارف اجمل حاجة فى السوق انو بقى انطلاقة لفعل الخيرات

    ودى نعمة من كريم .. بالامس جاء شاب من ابناء الهدى اسمه (الهادى)

    ومشكلة الهادى كبيرة .. هو اصلا بتاع خدار عندو عربية ومعاه 3 من اصحابو

    بجيبو الخدار من الجناين الجنب الجنيد ويقوموا بتوزيعو على ناس السوق

    كان الحال ماشى عال العال

    الى ان جاء يوم اسود

    فى طريق منى وبعد الجنيد بشوية كان صديق الهادى يقود العربة محملة

    بالخدار ومعه بعض الركاب .. حاول ان يتخطى العربة التى امامه

    لكنه اصطدم ببوكس دبل قبينة قادم من الاتجاه المعاكس

    مات 6 من الركاب فى الحال من ضمنهم صديق الهادى وشريكه

    وبقية الركاب حصلت لهم بعض الجروح

    اصعب شىء بعد ذلك هو ان الهادى ذهب ليستلم العربية بعد ماحصل الحصل

    وايمان الجميع بقضاء الله وقدره

    تمت تسوية الامر بان يدفع الهادى ومن معه قيمة 70% من الدية المستحقة

    على ان يدفع صاحب البوكس الاخر 30% لان الخطا الاكبر كان من المرحوم صديق الهادى

    اظلمت الدنيا فى وجهه

    تخيل مبلغ وقدره (42 مليون بالقديم )

    من اين له هذا المبلغ

    ولابد من السدااااد او يتم حبسه

    ونحمد الله كثيرا ان اهل الخير فى بلادى كثيرون

    فكان ان هب اهل السوق كل حسب مقدرته المادية

    وتم تدبير 50% من المبلغ

    اجمل حاجة حتى اهلنا فى الجزيرو تبرعوا بقوتهم

    باعوا شوالات القمح والعيش

    من اجل المساهمة فى فعل الخير

    مثل هذه الاشياء البيضاء تعطيك الاحساس الجميل

    وتمنحك الامان

    وتطرد من عيونك الجشع والطمع

    (اخرا كوم تراااااب ياصديقى )


    كذلك لن انسى وقفة اصدقائى فى السوق يوم ان اذمعنا العقد على زيارة المايقوما

    صديقى صباحى تاجر البوهيات

    وهو يلون مساحات الفرحة من معجونه الخاص

    وصديق بتاع الكلادن

    وعوض بتاع السيراميك

    ومحمود بتاع الابواب

    وغيرهم وغيرهم








    ياسلااام عليك انت ياكابو

    الرد دا ادانى احساس بانتعاشة

    بعض الفضفضة يكفى لجلب الرررررراحة

    حتى نبتعد قليلا عن الجلااااابة

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  18.  
  19. #260
    عضو فضي
    Array الصورة الرمزية عمرسنهوري
    تاريخ التسجيل
    Mar 2007
    الدولة
    مدني -الكريبه
    المشاركات
    1,477

    ابو مزن حمد لله على سلامتك و البركه بالشوفه

    صف شعورك في مباراة الهلال الاخيره على النحو التالي

    • قبل بداية المباراة
    • بعد نهاية الشوط الاول
    • لحظة انفراد كاريكا في الشوط الثاني ووضعه للكره فوق المرمى
    • بعد نهاية المباراة




    وحملت نجمتك الانيقة فى فؤادى
    ومشيت نحوك فانتهيت الى بلادى
  20.  
  21. #261
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة الزونية مشاهدة المشاركة
    مدثر ياملك
    والله أدهشتنا
    وانا قلت ليك حألتزم الصمت
    بس ده ماكان ممكن
    وجاياك تاني
    ياعبدووووووووش

    ودهشتى اكبر

    وانا اطالع حروفك

    احتفالا بعودة ودالماذون

    فى انتظارك

    اكيد

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  22.  
  23. #262
    عضو ماسي
    Array الصورة الرمزية العاقب مصباح
    تاريخ التسجيل
    Jan 2008
    الدولة
    ضل النيمة
    المشاركات
    7,179

    جينا قلنا نولعها

    ويا فيها يا نطفيها

    لكن لقيت خيرك باسط

    عدس وفيتريتة

    اها يا اخوى خلينى اقيف بى طفاية فى الباب

    وانت ما ياكا الحنين

    انت ما ياكا الامير


    أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما!

    http://alagibmisbah.blogspot.com/
  24.  
  25. #263
    فخر المنتديات
    Array الصورة الرمزية ودتابر
    تاريخ التسجيل
    Jan 2008
    الدولة
    قطر - الدوحة
    المشاركات
    639

    الأستاذ .. الأديب .. صاحب الحروف المرهفة

    يا من عشقت مداده .. وتشرفت بصحبته عبر حرفه المموسق الآثر


    يا أيها العبدالرحمن .. يا مدثر


    يا كل الروعة ..



    أستاذي حقيقة لقد كنت امتع نفسي بمتابعة هذا البوست ومتذ ايام وأجد حلاوة وأنا أتنقل بين ردودك التى تكشف لي كل لحظة ذلك الكنر الكامن بدواخلك .. فمثلك لا يفتح له بوست واحد فقط .. فأنت يجب أن تكون كل يوم في لقاء لنحلق معك وعبرك .. نحو الانسان .. ونحو المطحونين .. ونحو اليتامى والمحزونين .. نحو المرضي والمكلومين .. في مستشفي الذرة وفي المايقوما .. وفي كل شبر من أرض فاطمة السمحه يكون بحاجه لإنسان مثلك .. وما أندرهم أمثالك من يتألمون ويدفعون ولو بكلمة .

    لقد قرأتك وأنت تكتب .. وتابعتك وأنت تجلس بكل أريحية لتعانق أحبابك واصحابك ورفاقك هنا بحلو الكلمة .. وطيب الموعظة .. ورشيد الحديث .. تارة شعرا .. وكثيرا نثرا مموسقا يحلو لنا أن نغنيه .

    عزيزي .. يا أيها المجبول على عشق الوطن

    لا أريد أن اثقل عليك بهموم وطن نأمل ونحلم بأن يخرج معافي بعد حين .. وهي آمال واحلام مشروعة لنا .. ولكني أود أن أهديك قبل السؤال .. بعضا من كلمات شاعرنا واستاذنا الراااائع عمر الدوش ... وبعدها يأتي سؤالي :


    بلد رايح


    ح أسأل عن بلد رايح
    وافتش عن بلد سايح
    واسأل عن امانينا
    اللي ما بتدينا
    صوت صايح
    وأسأل وين مخابينا
    إذا جانا الزمن...
    لا فح
    واسأل عن بلد مجروح
    وعارف الجارحو ليه جارح
    وابكى على بلد ممدوح
    وعارف المادحو
    ما مادح
    واحلم بي حلم مسروق
    لا هو الليلة
    لا امبارح
    أعلق في جناح سفري
    خطابات لي زمن فجري
    وادخل من درب سري
    لكل مضاجع الأحزان
    واضفِّر من شجر بلدي
    بروقاً مارقة من صدري
    حأسأل عن بلد غاطٍ
    لحدِّ الليلهْ في الوجعة
    أَنط فوق سرجي واتْحزَّم
    أقوم من وقعة
    لي وقعة
    أخُتْ ايدي البتوجِعْني
    على السأم البراجِعْني
    واسأل..
    يا وطن يا بيتنا
    ليه شوقك مواجهني
    ليه حبك مجهجهني
    وليه تاريخ زمن خسران
    موكّر لسَّه في شجني؟



    ***** حبيبنا :

    ما هو تصورك للوطن بعد الانتخابات ؟ هل سيظل سودان واحد موحد ..أم أنه سيكون دويلات .. ويجعلنا نلهث خلف وطن راااااايح ما بيعود تاني ؟

    حنبنيهو البنحلم بيهو يوماتي .. وطن شامخ وطن عاتي
    وطن خير ديمقراطي
  26.  
  27. #264
    عضو مميز
    Array الصورة الرمزية ريانية
    تاريخ التسجيل
    Jan 2008
    المشاركات
    499

    تحياتي أخي عبدالرحمن..
    ماشاءالله عليك بس بقول ليك دي ماجية بس إن شاءالله
    حا أديك زيارة وطلة تاانية وأفكر في الأسئلة اللي بسألك ليها إن شاءالله وبروااااقة رواقة الشاي يعني..
    تقبل تحياتي..

    الوفـــــــــــاء.. منـــــــــــي وفيـــنــــــــــي..
  28.  
  29. #265
    عضو فضي
    Array الصورة الرمزية مهيد ود السفاح
    تاريخ التسجيل
    May 2007
    الدولة
    ودمدني / حي ناصر/ جنب القسم الشرقي
    المشاركات
    1,285

    الزول السمح شديد
    او مزن
    اولاً بالتبادي اديني الامان
    والله والله
    اسمع حليفتي دي
    التأخير ده ما مني
    وارجو المعذره
    واخر مره
    وتاني ما بكررها

    هسي يا اخوي كدي اديني لبان 104 وحبتين الكريمت
    ولا اقول ليك اديني حلاوه كسلا ام ورقةً صفراء

    اها يا سيد الروعه عندي سعال بدور اسعلك ليهو

    حلاوه كسلا دي قالوا هي مزيج بين الحلاوه واللبن
    انت بعني ليك شنو المزيج بين ثقافة القريه وحياة الحضر والمدينه ؟؟

    ان الحزن لا يتخير الدمع ثياباً كي يسمى في القواميس بكاء
  30.  
  31. #266
    فخر المنتديات
    Array الصورة الرمزية moh_alnour
    تاريخ التسجيل
    Aug 2007
    الدولة
    جدة - السعودية
    المشاركات
    7,687


    يا أبو مُزن الفورة مليون
    لسه باقي للكُرسي أسبوع تمام
    في إنتظارك يا شَخِص

    إننا نحب الورد رغم الأشواك التي تعانقه وهكذا الحياة
    abu ze yazan

    جزيرة الفيل الأصالة و العراقة
  32.  
  33. #267
    عضو ماسي
    Array الصورة الرمزية العاقب مصباح
    تاريخ التسجيل
    Jan 2008
    الدولة
    ضل النيمة
    المشاركات
    7,179

    يا الرحت طولت الغياب

    والشوق بيطرق فى دروبك الف باب

    لو تعرف اللهفة والريد والعذاب

    ما كنت رحت وكنت طولت الغياب

    اهداء للخرباش

    أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما!

    http://alagibmisbah.blogspot.com/
  34.  
  35. #268
    عضو فضي
    Array الصورة الرمزية littlestar
    تاريخ التسجيل
    Jun 2009
    المشاركات
    1,017


    كوكوكو كوكوكو كوكوكو

    يا اخوانا مافى زول ف الديار ولآ كيف

    يعنى نبرطع ثااااااااااى ولآ شنو ؟؟؟

    والله عوجه دى

    الكرسى محروس

    وسيدو يبرطع

    إنّهـا لا تختفـي.
    إنهـا تقضي الليالـي، دائماً،
    في مِعطَفـي .
    دائمـاً تحضُـنُ، في الظُلْمـةِ، قلبي
    هـذهِ الشّمسُ ..
    لكي لا تنطَفـئ !
  36.  
  37. #269
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    عدنا بعد برررررطعة حملنا فيها الشموع

    وطوعنا فيها الامانى العذبة

    (وطيعنا ) الفرحة الصغيرة حتى تشب وتكبر

    وتبقى قدر الاحساس المتعاظم بحضوركم

    الجميل والانيق


    بمناسبة (طيعنا ) الفرحة

    مره كدا مسافرين الهدى ومعاى مزن وامها

    وصلنا للفريجاب

    كان قدام العربية (دحيش ) حليونى كدا ببرطع امامنا

    مزن كعادتها اكتسبت الشلاقة من احد افراد الاسرة

    فسالت عن هذا المبرطعاتى الجميل

    فكان رد والدتها بانه :

    (دا البيبى بتعاع الحمااااااااار )


    بيبى بتاع شنو ياجماعة دا دحيش



    انا ضد هذه المصطلحات الحنكوشية فكان ان دار جدل بيزنطى

    بان هذا (دحيش مأصل )

    او بيبى الزمن الجميل

    لكنى ولله الحمد لم تخذلنى مزن فى هذا المعترك التاريخى الكبير

    والمنعطف الختييير


    فجاء اعلانها دوايا متضامنا مع والدها

    من اجل دهشة الايام القادمة عندما نطوع فيها حروفنا

    ونطيع فيها الدحيش



    فى زول سالنى سؤال ولا انا اندفقت سااااااااى

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  38.  
  39. #270
    عضو فضي
    Array الصورة الرمزية littlestar
    تاريخ التسجيل
    Jun 2009
    المشاركات
    1,017

    اقتباس المشاركة الأصلية كتبت بواسطة عبدالرحمن مدثر مشاهدة المشاركة
    عدنا بعد برررررطعة حملنا فيها الشموع

    وطوعنا فيها الامانى العذبة

    (وطيعنا ) الفرحة الصغيرة حتى تشب وتكبر

    وتبقى قدر الاحساس المتعاظم بحضوركم

    الجميل والانيق


    بمناسبة (طيعنا ) الفرحة

    مره كدا مسافرين الهدى ومعاى مزن وامها

    وصلنا للفريجاب

    كان قدام العربية (دحيش ) حليونى كدا ببرطع امامنا

    مزن كعادتها اكتسبت الشلاقة من احد افراد الاسرة

    فسالت عن هذا المبرطعاتى الجميل

    فكان رد والدتها بانه :

    (دا البيبى بتعاع الحمااااااااار )


    بيبى بتاع شنو ياجماعة دا دحيش



    انا ضد هذه المصطلحات الحنكوشية فكان ان دار جدل بيزنطى

    بان هذا (دحيش مأصل )

    او بيبى الزمن الجميل

    لكنى ولله الحمد لم تخذلنى مزن فى هذا المعترك التاريخى الكبير

    والمنعطف الختييير


    فجاء اعلانها دوايا متضامنا مع والدها

    من اجل دهشة الايام القادمة عندما نطوع فيها حروفنا

    ونطيع فيها الدحيش



    فى زول سالنى سؤال ولا انا اندفقت سااااااااى

    ههههههههههههههههههههههههههاى أس 28

    الله يديك العافيه يا أبو مزن
    أدحشتنا بحس الزمن الجميل
    المعروش جواك بساطه وطيبه ومحنه
    يا إنسان يانيل يارائع
    إدحشنا كمان
    وإدفق...

    إنّهـا لا تختفـي.
    إنهـا تقضي الليالـي، دائماً،
    في مِعطَفـي .
    دائمـاً تحضُـنُ، في الظُلْمـةِ، قلبي
    هـذهِ الشّمسُ ..
    لكي لا تنطَفـئ !
  40.  
  41. #271
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة faqatar007 مشاهدة المشاركة

    الخرباش أبو مُزن

    الـــــراقــي عبد الرحمـــن مدثـــر الموقـــــر

    من القلـب أبعثـه أريجــــا بعطــر هذا البوست
    تحمله الفراشـــات برحيق وعبق وأحاسيس
    ضيــــفنا الغالي صـــاحب الأحساس الدفاق
    نسعد دوما بوصله الجميل ...
    والـكلمات التي تنساب من قلمــه الذهبي
    بكل سهـولة وبساطة ينثر لنا ما يحمله من
    مشاعر مرهفــــه واحاسـيس جـذابه وكم
    اسعدني هذا الألق وماسطره يراعــك في
    كل أرجــــاء منتــــديات ســت المدائن منور

    كالنسيم الذي يهب على القلوب ويشع السـرور والأمل في نفوسـنا
    من أول مشاركة لك بهذا الصرح الذي يعلوا ويضئ بتواجدك المتواصل





    استاذنا عوض الله faqatar007


    واسعدنى كذلك احساسك الشفيفك

    وريشتك الجميلة وانت تلون ساحة التواجد

    بجمال حضورك الانيق

    وكلماتك المهرجان

    دائما ماتكون مصحوبا بدهشة الابداع

    ونحن نطالع تصميم لوحاتك الجميل

    وتواجدها فى كل مناسبة

    تحتفى بالجميع هكذا عهدناك

    ومن اجل هذا احببناك

    واعطيناك كل المساحات

    لتزرعها فل وعنبر واقحوان

    من خضرة حضورك الجميل

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  42.  
  43. #272
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة خالد 000 ابقرجة مشاهدة المشاركة
    أصبحنا واصبح الملك لله 000

    الليلة لقيت المحلة نضييييييييييييييييييييييفة 000

    وبدل تعب النضافة اليومية 000

    كانت المتعة بالحضور الجميل ( كالعادة ) 000

    للعميل رقم ( 007) 000

    وتوعدات شيخ الأنصاري 000

    طبعا ما حا أتهمك أنك زايغ ام بارح 000

    وحا ألقا ليك العذر 000
    بأنو الواحد مرات محتاج جرة نفس 000
    عشان اواصل مسيرة الحب 000

    أها دي كلمة عذر أريد بها مدخل سؤال

    الفنان دايما ( زي استاذنا بدر الدين ما زي ناس ترن ترن ) 000

    أها زي ناس استاذنا بدر الدين 000

    الواحد لمن انهمك ليهو في لوحة 000

    بحتاج اقيف كل فترة 000

    أرجع لي ورا 000

    عشن اشوف أثر خطوطو 000

    وطرطشة ألوانو 000


    في الحياة برضو مرات محتاجين لي حاجة زي دي 000

    متين أبو مزن قاعد اقيف في حياتو 000

    وارجع من روحو شوية كام خطوة كدي 000

    واشوف أثر خربشتو في الحياة 000

    ما تقول لي غياب امبارح ده واحدة منها 000


    بمناسبة استاذ بدر الدين

    ولظروف خاصة لم يستطع ان يذهب معنا من اجل احتفالية سباعية

    الشموع .. قام رسل معاى من ينوب عنه .. خمسة لوحات سيريالية تجريدية

    هى الان تسمع فى حديثى معك وانا اضعها فى المكتب امامى واناجى فيها

    وارجع خالى الوفااااض

    (دقيقة النرصهم جنب بعض واجيك )

    اها جيتك

    لوحة (1)


    صقر داخل تفاصيله قضبان سجن او سياج فاصل

    وصغار من الطير تحلق حوله

    اظنه يريد ان يوصل فهم ثنائية الحرية .. والاقلال

    او الحرية لاتاتى الا فى وجود قااائد


    (ابو امامة تعااال بجاى عليك الله ماتخيلينا نتجرد ساااى)



    لوحة (2)

    رجل بين امراتين هكذا احس انا من خلال ريشة استاذ بدر الدين

    واظنه يرمز لمعنى الحياة وجوطتها اذا افترضنا انه بنظرته البعيدة

    وتفكيره العميقة ...يثبت لنا ان الاولى هى (الام ) والثانية هى (الزوجة )

    وهنا يكون الصراع الازلى الدائر حول الاحقية بالتملك والغيرة المغلفة



    اللوحة (3) و (4) تجسد واقع المعاناة فى بلادى من خلال (ست الفول والتسالى )

    (وبائعة الشااى تكتوى بنيران الواقع )


    اللوحة الاخيرة (غلبتنى )

    لكن خلى احساسى يبرطع جواها

    رجل يتفرجخ فى الارض اظنه يبيع المراكيب الجلدية فى زمن تحول الناس

    الى جلود .. وعندما تريد ان تظبط اسطوانة الغاز فتاكد انك تحتاج الى جلدة

    هذا الرجل بصره للارض يحسب عدد ذرات الرمل ويربطها بهمومه التى تفوقها

    عددا




    فى حياتنا ياصديقى نحتاج الى عملية جرد حساب مراجعة دورية

    لان عمرنا ساعة ... لذلك لابد من البحث عن الدروب المؤدية للطاعات

    اجتهد دائما فى نهاية يومى ان اخلد للراحة وانا لااحمل على احد

    من موقف .. من سؤ فهم .. من اى حاجة

    جميلة حتة تعمل نفضة لجواااااااك ... لماذا تكون حكرا على الموكيت

    والمفارش الانيقة

    نحن احوج الناس لذلك

    التعديل الأخير تم بواسطة عبدالرحمن مدثر ; 24-10-2009 الساعة 02:28 AM
    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  44.  
  45. #273
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة وداد محمد مشاهدة المشاركة
    يااااااااااااااااااااه نور الشمس متزكرين بالله
    الله يطره بالخير سيد البلد
    غايتو السيل دي عمل عمايل حتي روحنا الجميله ماعرفين نرجعها

    سعيده انا اشد السعاده بمعرفتكم جميعا ناس مدني وبمعرفتك انت خاصه


    روحنا الجميلة اكيد بترجع

    لو كل زول مسك ليهو حتة من الهدمة بتاعتنا المقطعة

    وقعد يخيط فيها بمزاااااااج

    وداد فى انتظار توهج شعاعك

    ماتتاخرى

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  46.  
  47. #274
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة العاقب مصباح مشاهدة المشاركة

    رائعنا ومبدعنا الخرباش

    انت من اعمدة المنتدى الرئيسة والتى لا اطيق غيابها ولو يوما واحداً

    وبجانبك ابقرجة فأنتما مشبعان برائحة الورد

    وماء النيل

    دعاش الارض الطيبة

    وعرق الكداح

    دعنى احجز مساحة للخربشة فى ميحطك الخربشى عل بركاتك تصلنا فتجعل فينا اثراً من خربشتك الرائعة فى حيطان النجوم ...

    ابنى لنا صرحاً فى حدود ملكتك الابداعية علنا نصل الى سن قلمك ونطلع الى ما خفى منك رغم انك لم تخفى شيئاً فقد كنت كالشمس تمنحنا الشعاع والدفء معاً....

    أعجبتنى جميع ردودك يا صديقى وافتخر بها جداً ....

    متابع لك فى صمت

    حد الذهول


    بداخلى ياصديقى حلم اخضر

    امل اخضر

    فرح اخضر

    وطن اخضر

    يحتاج فقط

    الى شعاع ضوء منكم

    ومن تلك الشموس التى تتمرد على قيود (المحرقية ) الى نداوة (المشرقة )

    ويحتاج الى سحائب امطار تغشى الجميع قبلى .. المهم ان تصلنى بعد الاكتفاء

    يكفينا ريحة دعاشها حتى لو لم تاتى .... روعة الاحساس فى مقولة

    فلا هطلت على ولا باراضى سحائب ليس تنتظم البلادا

    وفوق كل هذا يحتاج الى حنين وهذا هو المانح الحقيقى للابداع وللنمو

    فى مناخ جميل .. ومااجمل الحنين عندما يقابل الدفء فى البرندا فى ليال الشتاء

    بهذا الاحساس يكون للحياة معنى

    وللدواخل كينونة

    الابداع عندى ياصديقى صعب المنال

    افرش له الطرقات بالزهور

    واطفىء له الانوار

    انثر فى المكان موسيقى هادئة تعيدنى اليه والى الزمن الجميل

    لكنه يأبى

    له طقوسه التى تخالفنى دائما

    عندو مزاج غريب ... واحد تشغل ليهو موسيقى

    وفى عز الليل ساعة النسمة ترتاح على هدب الدغش وتنوم

    يفارق هذا الدرب (واقنع انا منو )

    وياتيك وانت تفتح (زبالة صباحية ) ترمم بها ماانهد وماتبقى من جدران

    الايام والمواقف لايابه للرائحة .. ويستمتع بالفجيخ

    الم اقل لك احساس غريب

    لكنه اجمل مافيه فى تلك اللحظة انه قريب

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ
  48.  
  49. #275
    عضو ذهبي
    Array الصورة الرمزية عبدالرحمن مدثر
    تاريخ التسجيل
    May 2009
    الدولة
    الخرطوم - السجانة
    المشاركات
    5,052

    اقتباس المشاركة الأصلية كتبت بواسطة محمد الواثق مشاهدة المشاركة
    في انتظار عودتك استاذنا عبد الرحمن مدثر فلازلنا عند وعدنا ولا زلنا ننتظر الجديد منك

    جينا عشانك

    ومازلت عند راى ان

    واثق فارس من فرسان الزمن الجميل

    أحبابي
    لو كان الحَزنُ دموعْ
    لو أنّا بالعيِن نُحسْ
    لو كان الحزُن يشم
    نَزَفت رئتاي الدّمْ
    وطلعتُ عليكم
    جمرُ الحُرقة يشوي كَفيّ

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid