خوفي من خلع الضرس!!

[معتصم عيدروس]

عاين غايتو انا ضرس الاشراف اقصد ضرس العقل ده واجعني شديد
اها قلت لي المرحلة الجاية اجيب حقنتي ولا شنو ؟

احنا لسع ما مشينا للدكتور يا ابو النور عشان يخلع .. نحن لسع في مرحلة المسكنات .. بروفين واوغمنتين وكده..
لكين اقول ليك يا حاجة يا صديق .. حلوة منك الجدعة

[mohd.dafalla]

ابوالنور مشرف منتديات ودمدني العام تحياتي ،،،

من خلال هذا المنتدى لناس ابوسقرة وناس الحاج عبدالله ومبروك المركز الصحي الجديد ان شاء الله يكون فيه دكتور اسنان علشان الدنيا ما معروفة

[معتصم عيدروس]

ابوالنور مشرف منتديات ودمدني العام تحياتي ،،،

من خلال هذا المنتدى لناس ابوسقرة وناس الحاج عبدالله ومبروك المركز الصحي الجديد ان شاء الله يكون فيه دكتور اسنان علشان الدنيا ما معروفة

الأخ مهند .. نبارك لهم ولنا المركز الصحي الجديد .. ودكتور الاسنان اصبح واحد من أهم المتطلبات في هذا العصر .. فالباسطة والشوكلاتة اصبحت متوفرة في كل مكان .. وبالتالي فان السوس ينخر في الضروس وفي الأسنان .. ويجب ان يكون هناك علاج سريع لها حتى لا تفسد وحتى لا تتضطر الى خلعها.
فهروب الأسنان والأضراس(تكسيرها) وخلعها سيخل بالنظام وبهوية الفم.

[mohd.dafalla]

اخاف ان تضر في نهاية المطاف الى استبدال ضرسك باخر دخيل يحل محل ضرسك القديم وهذا ما حدث لاحدهم في حي المدنيين عندما راح وتعالج في الكريبة ... وقصة بدرالدين ود درق الله يرحمه رحمة واسعة حلف بالله انو ما يتعالج الا في في حي ام سنط العريق ...... قصة بدرالدين دي كانت في عام 1949م ونفس القصة حصلت في ذات التاريخ لاحياء جزيرة الفيل وحبيب الله ومايوهات .... الله يدينا الفي مردنا ويفتح لنا صيدلية زي صيدلية الحضري نعالج اي زول ضرسو خربانا ... وجامع باسمنا زي زي جامع عثمان زياد و البوشي يكون دخر لنا في الاخرة ... قول امين

[nehroo]

أخي معتصم
بجد نصيحة أخوية ..
أقلعه عشان ترتاح من الوجع والسهر
إن شاء الله بعد داك تشرب مديدة
المهم ترتاح ..

[mohd.dafalla]

لو ما قدرت تخلعو براك كلمني اجيب لك وصفة بلدية من بتاعت ناس الحلة دك الملاصقة الدرجة اتذكرت حلة محجوب ولا

[ابوالنور]

ابوالنور مشرف منتديات ودمدني العام تحياتي ،،،

من خلال هذا المنتدى لناس ابوسقرة وناس الحاج عبدالله ومبروك المركز الصحي الجديد ان شاء الله يكون فيه دكتور اسنان علشان الدنيا ما معروفة

الله يبارك فيك يا مهند ها جاني ها ده فيهو الحكيم

[معتصم عيدروس]

اخاف ان تضر في نهاية المطاف الى استبدال ضرسك باخر دخيل يحل محل ضرسك القديم وهذا ما حدث لاحدهم في حي المدنيين عندما راح وتعالج في الكريبة ... وقصة بدرالدين ود درق الله يرحمه رحمة واسعة حلف بالله انو ما يتعالج الا في في حي ام سنط العريق ...... قصة بدرالدين دي كانت في عام 1949م ونفس القصة حصلت في ذات التاريخ لاحياء جزيرة الفيل وحبيب الله ومايوهات .... الله يدينا الفي مردنا ويفتح لنا صيدلية زي صيدلية الحضري نعالج اي زول ضرسو خربانا ... وجامع باسمنا زي زي جامع عثمان زياد و البوشي يكون دخر لنا في الاخرة ... قول امين

الأخ مهند .. ما اعتقد اني اغير الضرس بواحد دخيل لانو انا شخصياً ما مقتنع بالبديل حتى لو كان من ذهب او فضة .. كما انه يعز علي أن اخلع ضرسي لانه عزيز علي .. عشان كده داير ضرسي الأصلي .. البديل دائماً بكون تايواني يا حبيب ما زي الأصلي..

[معتصم عيدروس]

أخي معتصم
بجد نصيحة أخوية ..
أقلعه عشان ترتاح من الوجع والسهر
إن شاء الله بعد داك تشرب مديدة
المهم ترتاح ..

يا نهرو لو انا اقتنعت بقلع الضرس البقنع الديك منو

[معتصم عيدروس]

لو ما قدرت تخلعو براك كلمني اجيب لك وصفة بلدية من بتاعت ناس الحلة دك الملاصقة الدرجة اتذكرت حلة محجوب ولا

حلة محجوب بعرفها بالحيل .. بس وصفتهم دي ما بتنفع معاي لاني بخاف من الله وبخاف من الجماعة ديلك .. لكن خليها على الله.

[معتصم عيدروس]

الله يبارك فيك يا مهند ها جاني ها ده فيهو الحكيم

ابو النور كدي نزل لينا رابط عشان نشوف المركز بتاعكم شكلو كيف..

[معتصم عيدروس]

أيا ضـــــــرسي لقد آلمت نفسي .............. فليتك لم تكن يا ضرس ضرسي
وليــــــــت الليــــــل لم أره بتاتا ............. فما تدرون كيف قضـــيت أمسي
أراقب في فمــــــــي حربا تجـلت ............. رحاها بــــــين ذبيان وعـــــبس
وقمت في الحشا عندي اضطراب ............. ليحملني إلى الدكــــــتور تكسي وصلت إلى العـــــيادة دون وعي ............ وكان الضرس قـد أودى بحسي
فقــــــال لمن تساعده أدخــــــليه ............ وأجلسني على أطـــــلال كرسي
وأعطاني المخــــــــدر ثم ولّــــى ........... وأبقاني ألــــــوم اليوم نفــــسي
وفـــــــوراً زالت الآلام عـــــــني ........... كأن اليــــــــوم هذا يوم عرسي فقــــــلت اخلعه يا دكتــــور فوراً ........... قراري كان من إفراط يأســــــي
أرحـــــــني يا طبيـــــب بأي شئ ........... ولو لزم المقـــــــام لقطع رأسي
فقال الضـــــــــرس ملتهب وهذا ............ دواؤك ثم عـــــد لي بعد خــمس
ولا تأكل عـــــــليه مكـــــــسرات ........... ولا تشـــــرب عليه اليوم بيبسي
سأحشـــــوه فلن يؤذيـــــك يوما ............. فليس الخلع من عجز بنفــــسي
علــــــــيك اليوم أن تهتم فيــــــه ............. ولا تتـــــــــركه بعد اليوم منسي
فهذا الضـــــرس في دنياك أغلى ............. من الذهب المكــدس تحت رمس

========

منقول قصيدة لشاعــــــــــــــــــر اسمه فيصل احمد شتيوي

[معتصم عيدروس]

وهذه قصيدة أخرى لطبيب .. ارى فيها الكثير من المعاني الجميلة التي توصل الى الفهم الصحيح كما في البيت الذي يقول :

إنْ تَحْشُ سِنَّاً بأخلاطٍ مُناسِبَةٍ *** والتاجُ منْ خَزَفِ يَجْعَلْه زَهْـوانا
---------------------------------------------------------------
القصيدة


ضِرْسِي حَبيبي لقدْ مَزَّقْتني ألَمَاً *** أغذوكَ طيباً وتَنْسى الوِدَّ أحـيانا



أسْـتاكُ في عَجَلٍ كي لا تُعاتبَني*** وَتَطْلُبُ الحُلْوَ والأثـمارَ ألـوانا


تُعَجِّل الطَّحْنَ في هَرْسٍ كَمَطْحَنَةٍ***وتَعْزِفُ الصَّنْجَ حينَ المَضغِ ألْحانا


وذا شريكٌ من الأحياءِ يُـبْهجُهُ *** مَنْ يَتْرُك الثَّغْرَ دونَ الغَسْلِ نَسْيَانا


فَيَنْخرُ السِّنَّ كي يَحْمي عَشيرَتَهُ *** بئسَ العَدُوُّ إذا ما ضافَ إنسانا


يا مُصْلِحَ السِّنِّ لا تَغْفُلْ عُفُونَتها *** وأَتْـقِنِ الحَفْرَ إنْ عالَجْتَ أسنانا


وطَهِّرْ الجَذْرَ إنْ تتركْ بهِ عَفَنَاً *** يُشْعِلْ لهيباً ويغـدُ الرأسُ بُركاناً


إنْ تَحْشُ سِنَّاً بأخلاطٍ مُناسِبَةٍ *** والتاجُ منْ خَزَفِ يَجْعَلْه زَهْـوانا


وارحمْ بطفلٍ إذا ما حلَّ ضيفَكُمُ***إنْ تُبْـدِ مِنْ حُقَنٍ تَجْعَلْهُ فَزْعَانا


أو قَدْ تَرى بُـقَعَاً تفشو بمَقْعَدِهِ *** عالِجْـهُ في لُطُفٍ تولـيهِ إحسانا


لَوْنُ السَّوادِ بأسنانٍ له أُكِلتْ *** طـيبُ المعاشِ لجـرثومٍ لَـهُ بانا


آنِسْهُ منْ لَغَطِ الآلاتِ يُرْهـِبُهُ *** واحفرْ بضرسٍ له قَدْ باتَ خَدْرانا


إنْ كان من لـَبَنٍ والجَذْرُ يؤْلِمُه *** فاقلـعْهُ في عَجَلٍ ينساهُ نِسيانا


واترك مكاناً له في حفظِ حافظةٍ *** والثَّغْرُ يبقى قويـماً أو كما كانا


مِنْ تَحْـتِهِ بَدَلٌ يَبْقَى مَدَى عُمُرٍ *** ما دام في أَلَقٍ يستاكُ ضَحْكانا


حافـظ على دُرَرٍ كالثلجِ في قِمَمٍ *** وريـحُها عَطِرٌ يَجتازُ بُستانا


إنْ صُـنتها أبداً تحفَظْكَ من بَخَرٍ *** جبريلُ يوصي بـها والله أوصانا


هذا الأراكُ من الأشجارِ أطيبُها *** مِسْواكُهُ مَرِنٌ قد صار ريْـحانا


ضرسي حبيبي لقد أهديتكم فَنَناً *** من أطْيَبِ المِسْكِ شُكْراناً وعِرْفَانا


أرجوكَ فاقبل هدايا مِنْ مَزِيَّـتِها*** طَردُ الأعادي وجعلُ القلبِ فَرْحانا

------------
شعر الدكتور ضياء الدين الجماس
منقول

[معتصم عيدروس]

كثيرة هي الأشياء التي تحتاج الى الخلع مثل الضرس .. فمثلاً تريد أن تزرع شجرة مثمرة او للزينة .. يطالبك الخبراء بخلع كل الحشائش التي تنمو بجانبها لأنها ستمنعها من وصول الغذاء اليها .. لأن الحشائش ستزاحمها في الغذاء الذي تحتاجه .. كما ان هذه الحشائش ليست بذات فائدة لك .

[ابوالنور]

ابو النور كدي نزل لينا رابط عشان نشوف المركز بتاعكم شكلو كيف..

أمريكي إسمه ستان مونرو يشتغل بمتحف العلوم والتكنولوجيا في نيو يورك

هذا جلس 6 سنوات وهو يبني بأعواد الأسنان تماثيل لمباني مشهوره حول العالم.

من ضمنها المسجد الحرام.
كل مبنى إستغرق منه حوالي 6 شهور
واستخدم 6 مليون عود أسنان
و170 لتر من الصمغ














<IMG style="WIDTH: 400px; ; WIDTH: expression(this.width > 450 ? 400 : true)" alt="اضغط على الصورة لرؤيتها بالحجم الطبيعي" src="http://up4.m5zn.com/9bjndthcm6y53q1w0kvpz47xgs82rf/2009/10/15/04/1z4xnabmw.jpg" border=0>

[معتصم عيدروس]

اخونا ابو النور جاييك راجع رغم انك لم تأتي "بالرابط"

[معتصم عيدروس]

أمريكي إسمه ستان مونرو يشتغل بمتحف العلوم والتكنولوجيا في نيو يورك

هذا جلس 6 سنوات وهو يبني بأعواد الأسنان تماثيل لمباني مشهوره حول العالم.

من ضمنها المسجد الحرام.
كل مبنى إستغرق منه حوالي 6 شهور
واستخدم 6 مليون عود أسنان
و170 لتر من الصمغ
me3g4yetb.jpg[/img]

معقولة يا ابو النور في ناس عندها صبر قد دا ..
في ناس عايزين عود كبريت واحد بس ...

[معتصم عيدروس]

ازدادت آلامي امس كثيراً ولم استطع النوم .. وبدأ لي هذا الطرس بانه غريب علي فعلاً لا اشبهه ولا يشبهني .. لكنني ما زلت اخاف من خلعه .. رغم ان الدكتور قد أكد لي بأن الراحة التي ساجدها بعد خلعه كبيرة .. فلن تتاورني آلامه مرة أخرى نهائياً .. مع تأكيد بان بالامكان حشوه "تلفيقه" ليصبح ضرساً اصيلاً..

[معتصم عيدروس]

هذا الضرس اللئيم حاولت تجاهله في الأيام الماضية بعد أن هدأ قليلاً .. وترك لؤمه وفصاحته وكان فمي ليس فيه غيره .. ولكنه عاد الآن ليعاودني من جديد بألمه .. واثق أنا بان حالي لن ينصلح الا عندما اخلعه فهو ليس جزءاً اصيلاً من فمي ولذلك لا اتوقع أن تكون هناك آثار جانبية لخلعه .. ولكن المشكلة هي متى ساصل الى مرحلة اصدار هذا القرار السهل .. الصعب.

[وليد عمر سعيد]

هذا الضرس اللئيم حاولت تجاهله في الأيام الماضية بعد أن هدأ قليلاً .. .

استاذنا معتصم .. تحياتي ..

شكلك اندحت في اللحمه دي اندياح ..

ياخ كان تخليهم يخلطو ليك لحمة بدل تعافر فيها بي ضرس نص عمر ..

تقبل مروري .. ودعواتي ان تصل الى قرار الانفصال ..

[نخيل طيبة]

السلام عليكم اخي العيدروس..
والسنة الجاية حاج بي ضرسك ده زاتو قول ان شاء الله ...
خلع الضرس هو صاح بريح لكن برضو عنده عواقب ومن عواقبة بخلي المكان خالي
وشكله غير جميل اها المكان الخالي ده ماحلو ان شاء الله دائما ضرسك منور مكانة
وصيتي ليك تلوك الصبر ..

[معتصم عيدروس]

استاذنا معتصم .. تحياتي ..

شكلك اندحت في اللحمه دي اندياح .. :d

ياخ كان تخليهم يخلطو ليك لحمة بدل تعافر فيها بي ضرس نص عمر ..

تقبل مروري .. ودعواتي ان تصل الى قرار الانفصال ..

والله يا وليد القصة ما لحمة .. بس جاني احساس في يوم انو الضرس دا ما جزء أصيل مني قام يسوي في عمايله..

بالنسبة للانفصال فلا اخفي عليك بأنن قد وصلت الى القرار ولكن ارى أن هناك اطرافاً أخرى يجب ان تصل اليه .. فلست وحدي المتحكم في هذا الضرس ..

[معتصم عيدروس]

السلام عليكم اخي العيدروس..
والسنة الجاية حاج بي ضرسك ده زاتو قول ان شاء الله ...
خلع الضرس هو صاح بريح لكن برضو عنده عواقب ومن عواقبة بخلي المكان خالي
وشكله غير جميل اها المكان الخالي ده ماحلو ان شاء الله دائما ضرسك منور مكانة
وصيتي ليك تلوك الصبر ..

نخيل طيبة .. جمعاً أن شاء الله في جبل عرفات..

بس الضرس بتمنى انو ما يمشي معاي .. تعرف مافي ناحية جمالية فيه لانو هو اصلاً ضرس مطرف .. وانا حاسي اني ما مستفيد منه حاجة ..

[الوليد علي]

الضرس البوجع سيدو يمشي يقلعو ويتحدي الالم

[معتصم عيدروس]

الضرس البوجع سيدو يمشي يقلعو ويتحدي الالم

حكمة والله يا الوليد .. بس حتى الألم اعتقد انو حا يكون لدقائق أو لساعات وبعدها سيحس المرء براحة عظيمة ..