مصطفى سيد احمد ( منك وليك )

[ابو الزعيم]

صديقي ...... يا سر مكتوم
اتمنى لو قلبك عرف كان من زمان .... ما معنى ان نحيا ولا ندري بان الحب قد يبقى سجينا في الخلايا .. وبعد المشاوير البقت ممدودة في نبض التعب .. لازلت على الوعد الحزين مصلوب .. ادمنت تحديق السراب بغالط في الزمن القاسي .. وتتمدد الساعات سنسن تتفتح الاحزان غريبة ومزهله .. ومرقت على محطات الزمن غربة .. وبكيت حتى انتهت الدموع .. وقدر ما امشي في سور الزمن خطوات الاقي خطى الزمن واقفات .. وتقول لي الفراق مكتوب ذي اول جمعنا قدر واقول ليك من بعد ما عز المزار والدنيا ليل غربة ومطر .. تعال نعيش احساس الفرحة .. ما اصلو عشقك زمان جواي رحل .. ولما اتوسد صباحك ياتو ليل يفصلني عنو .. بيني لا بينك مزار لا محطات انتظار .. ما انت معاني شايلاها القوافي... وكل ما تباعد بينا عوارض كل ما هواك يا مصطفى مكني .....
صديقي ....
لمن يجي الزمن الفلاني املنا الباقي يسرح بي واهاجر لي زمن تاني احيا في الفرح المورد .... ادمن الضحك المعافى ... وابني في عيون الشمس مملكتي ..
ماني غرقان في التمني وماني سابح في الاماني ... بس بقول الكلمة لصمت الليل .. واستبشر اليوم الجديد .. لا الرياح توقف خطاي لا الجبال تحجب رواي ...
واردد صابرين يا حزن الغنى ...
مصطفى .......
العاشقك عاشق كل الفيك ... وانا لمحت فيك راحت المشاوير البعيدة.... ومنك اعرف بتين ابقى المطر وافهم بتين اصبح حريق .... ومعك غيم الامل الشارد يوصل .....
ولسة بيناتنا المسافة .... والود
ابدا خالد

[الجرح الغضوب]

والله كلااااااااااااااااااااااااام يا زعيـــــــــــــــــــــــــــــــــــم .. استمر في الإبداع فمصطفى موضوع غني بالشجن والفرح والأحساس والحزن النبيل ....

[ابوقيس]

ابو الزعيم تسلم

والاستاذ الفقيد الفنان مصطفي رحمه الله عليه

استاذ ماهين واتمني ان يكون عندك ليه ولو جزء بسيط

وترسله لينا

[ابو الزعيم]

الاخوة ابو قيس و لجرح الغضوب لكم الشكر والود والحب لكل عشاق مصطفى ذلك الفنان الرائع المرهف الذي تعلمنا من خلاله كيف نرى بالسمع وكيف نسبع بالقلب ... نسأل الله له الرحمة والمغفرة بقدر ما اعطى
الاخ ابو قيس بحوزتي الكثير للاستاذ وباذنه تعالى سوف اداوم على الكتابه له وعنه وارجو منك ومن كل محبي مصطفى ان يدلون بدلوهم ويتحفونا بروائع ذلك الموهوب الذي ضل طريقه من المستقبل الى الحاضر
ولكم اجزل الشكر على المرور
ودمتم

[ابراهيم]

كلام عجيب والله... وروعة يا ابو الزعيم يديك كتر لينا من التحف دي يديك العافية
وكل سنة وانت طيب

[aborawan]

مشكور يا ابو الزعيم
مع التحية

[ابو الزعيم]

الشكر لكل محبي مصطفى وتحية خاصة للاخوان الجرح الغضوب .. ابو قيس .. ابراهيم .. ابو روان ... وكل عام والجميع بخير

وبهذه المناسبة اضيف مرثية كتبها الاستاذ صلاح حاج سعيد في الراحل مصطفى

ما كنت قايل نفسي في يوم ارثيك يا صديق خليل
انا كنت بتخيل اكون قبلك غنوة في الوتر الجميل
ذي ما عبرت معاك حروف زمن المسافة
وجينا للحزن القديم النبيل
انا كنت داير الدنيا تمهلنا ونغني الفرحة
في الزمن الخرافي المستحيل
ورحلت ما كان ده الاوان
رحلت ... حرقت حشا الغنا
خليتنا للزمن الهوان
والارتهان
لي خيول حروف التنشنه
كل المطارات والمواني وشفع البلد الفتارى
لسه بارين القطاره
بيسألو الناس عن خبر زولا مسطر اسمو في قلوب العزارى
وفي عيون كل المساكين .. الحيارى
زول بيطلع من نفس طوريه ضامه الطين
تكابد طول نهاره
زول بيسكن في عيون اطفال تأمل يديها البشاره
ياخ والله الفرقه حاره
وفقدك اكبر من محيط الدنيا واكوانها ومداره
طليتنا ذي حلما جميل فجأة في غفله انسرق
اسطوره تحكي اماني جيل في حب غناك كان ليه حق
اديتو في الدنيا الامل وريتو كيف في الحق يقيف
من غير وجل .... او انبهار
علمتو بي حس النغم انو الكلام
لازم يكون واضح كما شمس النهار
صدقك ما هو حماس يقين
بالخير .. وبالحق .. والنضار
والافتخار
ان الحبيبة هي الوطن
والتضحيات عشان عيونه هي الفرض
والدنيا وارثاها الصغار
ورحلت ما كان ده الاوان
رحلت ... حرقت حشا الغنا
خليتنا للزمن الهوان والارتهان
لي خيول التنشنه
وعرفنا يازول قسوة الضنا والتعب
والارتحال .. في غفله .. والزمن الصعب
وقولة وداع بالضبط والسفر الاكيد من غير رجوع .. او غير متاع
وبكت عليك .. كل الشوارع والمدينة
ناحت عليك كل الفواصل .. في الغنيوات الرصينه
وانكتم نبض الغنا
جلل سواد حزنك سنا
واتوشح المنى بالضياع
وكان بدري يازول الوداع
ولا سكه لي درب الرجوع
بعدك اغنياتك التياع
مسكونه بالاسى والخشوع
لكن بريقك ما خبا.. ابدا بريقك ماهو ضاع
ساطع كما نور الشمس
منو قال هو فات
زولا وهب كل الحياة للاغنيات
منو قال هو فات ؟
زولا نضم زلزل صروح المعنى في عصب اللغات
وهرد لسانه عشان يشق قلب السكات
منو قال هو فات ؟؟
ما ظنو زيك يقولوا فات
يامن وهب كل الحياة للاغنيات
يا من ترك في قلوبنا انبل ذكريات
يا من ترك احلامو في كل الجهات
وخلد معاني الروعة بي كل الصفات
ما اظنو زيك يقولوا فات
يا من وهب كل الحياة للاغنيات

ولكم كل الود

[محمد الواثق]

الشكر لكل محبي مصطفى وتحية خاصة للاخوان الجرح الغضوب .. ابو قيس .. ابراهيم .. ابو روان ... وكل عام والجميع بخير

وبهذه المناسبة اضيف مرثية كتبها الاستاذ صلاح حاج سعيد في الراحل مصطفى

ما كنت قايل نفسي في يوم ارثيك يا صديق خليل
انا كنت بتخيل اكون قبلك غنوة في الوتر الجميل
ذي ما عبرت معاك حروف زمن المسافة
وجينا للحزن القديم النبيل
انا كنت داير الدنيا تمهلنا ونغني الفرحة
في الزمن الخرافي المستحيل
ورحلت ما كان ده الاوان
رحلت ... حرقت حشا الغنا
خليتنا للزمن الهوان
والارتهان
لي خيول حروف التنشنه
كل المطارات والمواني وشفع البلد الفتارى
لسه بارين القطاره
بيسألو الناس عن خبر زولا مسطر اسمو في قلوب العزارى
وفي عيون كل المساكين .. الحيارى
زول بيطلع من نفس طوريه ضامه الطين
تكابد طول نهاره
زول بيسكن في عيون اطفال تأمل يديها البشاره
ياخ والله الفرقه حاره
وفقدك اكبر من محيط الدنيا واكوانها ومداره
طليتنا ذي حلما جميل فجأة في غفله انسرق
اسطوره تحكي اماني جيل في حب غناك كان ليه حق
اديتو في الدنيا الامل وريتو كيف في الحق يقيف
من غير وجل .... او انبهار
علمتو بي حس النغم انو الكلام
لازم يكون واضح كما شمس النهار
صدقك ما هو حماس يقين
بالخير .. وبالحق .. والنضار
والافتخار
ان الحبيبة هي الوطن
والتضحيات عشان عيونه هي الفرض
والدنيا وارثاها الصغار
ورحلت ما كان ده الاوان
رحلت ... حرقت حشا الغنا
خليتنا للزمن الهوان والارتهان
لي خيول التنشنه
وعرفنا يازول قسوة الضنا والتعب
والارتحال .. في غفله .. والزمن الصعب
وقولة وداع بالضبط والسفر الاكيد من غير رجوع .. او غير متاع
وبكت عليك .. كل الشوارع والمدينة
ناحت عليك كل الفواصل .. في الغنيوات الرصينه
وانكتم نبض الغنا
جلل سواد حزنك سنا
واتوشح المنى بالضياع
وكان بدري يازول الوداع
ولا سكه لي درب الرجوع
بعدك اغنياتك التياع
مسكونه بالاسى والخشوع
لكن بريقك ما خبا.. ابدا بريقك ماهو ضاع
ساطع كما نور الشمس
منو قال هو فات
زولا وهب كل الحياة للاغنيات
منو قال هو فات ؟
زولا نضم زلزل صروح المعنى في عصب اللغات
وهرد لسانه عشان يشق قلب السكات
منو قال هو فات ؟؟
ما ظنو زيك يقولوا فات
يامن وهب كل الحياة للاغنيات
يا من ترك في قلوبنا انبل ذكريات
يا من ترك احلامو في كل الجهات
وخلد معاني الروعة بي كل الصفات
ما اظنو زيك يقولوا فات
يا من وهب كل الحياة للاغنيات

ولكم كل الود

زولا نضم زلزل صروح المعنى في عصب اللغات
وهرد لسانه عشان يشق قلب السكات
منو قال هو فات ؟؟

يا سلام عليك يا راقي
وياسلام علي الكلام الجميل
الحب المنحوت في قلوبنا لأستاذنا ابدا ما بتمحي
عبر الزمن والسفر والمسافات والقدر
يظل الفنان مصطفي سيدا احمد هو نبض الجمال مادام القلب ينبض لن ننساك
غفر الله لك واراك الجنة

[بنت النيل]

يا ضلنا المرسوم على رمل المسافه وشاكي من طول الطريق .يانا لا بنتحاشى صدك لا بتموت فينا الاغاني.......مالاصلو في الجوف اندفن لابتنسي .لابنمحي لابتغشاه الهزيمه ,........ ولسه راجيك يا صباح ...
ويا صباحات المواني حتجي البت الحديقة ونبني عشنا بالغناوي وننثر الافراح درر

[بنت النيل]

والله مصطفى سيد احمد كلامه درر ربنا يرحمه ويغفر ليه ويعوضنا في الجيل الجديد
وشكرا ليك على الموضوع الحلو