يازول يا حِنّين
ما تتخيل
انك راكب سرج الليل
ماسك عشق النيل في قلبك
وريدك فاتحه علينا مسافة
وما تتخيل
قدريش بنحبك
ونرجى نصابحك بالدعوات
كيفك يازول
عوافي
سلامات
وشوقنا مسافة ..
بتعرف يازول
انا يوماتي .. بصابح الناس
كل الحلة ..
الزين والمازين
وست الشاي (الحلوة )
بتاع العدة (عدم الموضوع)
وصاحب الدكان (الما بديّن)
والنخلة الواقفة ركيزة الراكوبة
والوالدة حبيبة الروح
وانا في الغربة بصابح الناس
كيفن ... ما عارف
المفضلات