اغرب حاجه في السودان تقلب الاراء
قبل فتره ثار بنسبة مقدره عدد من المشاركين في هذا المنتدي بالذات
علي قضية الصحفيه الله لا يطراها بالخير بسبب تلك الصحفيه قامت الدنيا
فما بالكم في قرار بضبط اللبس الفي الجامعات من ناحية فكره صح من ناحية
الجامعات بقت تنافس في اللبس اكثر من الاكاديميات صح
بس في التطبيق صعب
تعليق بسيط للراي البقول انو الابو ما فاضي والام ما فاضيه لمراقبة السلوك واللبس
طيب البفضي منو ؟
وده علي حسب معرفتي كلام اعزار تلقي الام والابو طالعين مع بتهم اسكيرت حدو اعلي الركبه وبلوزه ضيقه وقصيره مقاس طفل عمرو سته شهور وصدرها عاري جدا وتلقي الام والابو البتقولو ما فاضيين طالعين بيها مناسبه
ولا غيره بمنظر ري ده
العاوز اصل ليهو انو موازينا اختلفت بقينا مجتمع تباهي ممكن نتباهي حتي بي لبس بناتنا
احكي ليكم حاجه
راكبين من الموقف الجديد لي ام درمان بت معاها امها وابوها واخوها راكبين الحافله ولمن وصلو عاوزين ينزلوالبت عاوزه تنزل الحافله كلها شافت صدرها بتصدقو
ما نرجوهو هو الضبط من الاسره قبل الحكومه والضبط من النفس قبل الاسره وما نشاهده من مرارات لا تنفع معها
لا حكومه ولا امن مجتمع ما نشاهده من قباحة لبس يعود الي الاب قبل الام والاخ قبل الاخت بي بساطه لو ما اتحسمت داخل البيوت لا رئيس عندو زنب ولا غيرو
وغير كده الحكومه لو حاولت تضغط لتعديل السلوك بنلقي الناس كلهم بالذات المنتديات والصحف وغيرها
يرجعوا لي الحريات في البلد والديمقراطيه وووووووو الكلام البطلعوهو كل يوم
ودي الحريه العاوزنها اشبعو بيهاى
ماس77

لك التحيه ,,,كلامك عين العقل والله,,,واذكر قصه بتاعه واحده كانت لابسه لبس زي البت القتها دي,,,والله في واحد لم يتورع من التحرش بها امام الجميع وفي نص الشارع الي ان تدخل الامن وبقت اقسام وحاجات,,,طبعا بالنهايه اطلقوا صراحه لانه برر فعلته بانه لم يستطيع ان يسيطر عي نفسه لان الفتاه لابسه لبس مثير !,,,والله انا رايي انو مفروض بت زي دي تتجلد لما تقول بس ,,,هي والصحفيه الشيوعيه التي فارقت وطنيتها المزعومه وتتقلب الان في نعيم باريس بعد ان صارت من اثرياءالقرن الواحد وعشرين,,,

ودي وتقديري اخي الكريم