صفحة 1 من 2 12 الأخيرةالأخيرة
النتائج 1 إلى 25 من 28

الموضوع: كلام الريد سووه عليّ

     
  1. #1
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    كلام الريد سووه عليّ

    كثيرة هي التعابير التي ترادف كلمة (أود أو أريد)
    في اللهجات العامية العربية في الوطن العربي
    ونبدأها بأم الدنيا مصر المحروسة حيث يقولون (عايز إيه وأنا عايز كدة) أما في سوداننا الحبيب يقولون
    (داير شنو أو أنا داير كدة أو بدور) كما قال شاعر رائعة وردي أبو قطاطي (بدور أطوي المسافات طي)
    أما في بلاد الشام وتحديداً في لبنان وسوريا يقولون (شو بدك وأنا بدي) وفي فلسطين والأردن يقولون
    (إيش إتريد) أما في اليمن السعيد فيقولون " إيش تشتهي" غير أنهم في الخليج يقولون
    (إيش تبغى) أو (إيش تبي) وهكذا غير أنني أجهل العامية المغاربية فلا أدري كيف يعبرون عن هذه اللفظة
    أما ما ساقني إلى هذا المنعطف هو كلمة الريد السودانية وهي تعني الحب
    ولا أدري أية درجة من درجات الحب تعني كلمة ريد التي طالما تردد ذكرها
    وترديدها في الأغنيات السودانية على مر مراحل مسيرتها الطويلة
    وقد إتخذت كلمات أغنية جمال فرفور الشهيرة عنواناً للمقال
    لأن شاعرها يطلب من الناس كتمان كلام الريد عنه خشية أن يساهر الليل طويل
    ولا يعرف النوم طريقاً إلى عينيه وإليكم كلماتها:
    " كلام الريد
    كلام الريد دِسوه عليّ
    وما تدو السهر عينيّ
    خلوا قليبي في حالو
    مالي الريد أنا ومالو
    وما تجيب ليّا موّالو
    وما ترموني في حبالو
    كلام الريد صعب قالو
    كم عاشق شغل بالو
    زمان العشقوا إيه نالوا
    آتوه في دروبو وأهوالو
    كلام الريد وأسرارو
    كُتار الدخلو في نارو "

    ولكن مطربنا الشاب مصطفى فرفور
    يناقض نفسه بنفسه في أغنية أخرى
    ويبدو أنها من كلمات القامة إسحق الحلنقي
    حين يصر على أن الريدة لازم تستمر
    في كل الأحوال والظروف...
    حين يقول:
    " لو حتي نبدا من الصفر الريدة لازم تستمر
    ارجع تعال ما تنتظر حبيبي لازم ننتصر
    لاقلبي لاقلبك قِدر لا قلبي لا قلبك قِدر
    للُفرقة بعد الشوق كِتر الريدة لازم تستمر
    بس تاني ما تبعد شبر انا قلبي من بعدك وِدر
    حاذر تفكر تعتذر صدقني مافي الحب وزر
    الريدة لازم تستمر
    يا شاغل البال والفكر يا للمحاسن محتكر
    البينا لو صفا او عكر انا اهوي غيرك تفتكر؟
    الريدة لازم تستمر "

    عجيب أمر فرفور وهو يتنقل في كلام الريد
    من حالة إلى حالة أخرى زئبقية وها هو يردد:
    " جيت تقول الريده خوة
    بعد ما خلخلت قلبي وفيني ما خليت مُرُوَه
    خوه ايه بتبكي سيدها وخوة بتسهر ليالي
    الاّ دي الخوة الجديدة
    بي دموع الشوق كتبتوا
    و الكلام القلناه سوا
    و الزمن شن فينا سوى ؟؟
    انت ما زولي العرفتو و الوداد
    ما بدورلو قوة
    و البفوز بي هواك بختو
    جيت تقول الريده خوة!!!! آه

    وهنالك ضرب من الريد يفوت حده ويبقى مصير المحب في يده
    كما وردت في رائعة ابراهيم حسين:
    " لما الريد يفوت حده
    يبقى مصيرنا في يدو
    والبينا يذوب مع الهمسة
    ويصبح ذي فرح أمسى
    أفتش للحزن مرسى
    أسيب الكان عشان أنسى"
    وهو الذي ردد في رائعة أخرى للحلنقي يقول فيها:
    " الريدة الكتيرة يا حنين شقاوة
    كلما نزيد حنان إنت تزيد غلاوة إلخ الأغنية"

    شاركوني أيها الأحبة في مواويل الريد
    والبفوت ريدتنا يمشي برضو نفرح بي جديدو
    هيا معي وتاني زيدو الريدة حبة

  2.  
  3. #2
    فخر المنتديات
    Array الصورة الرمزية نزار حسن محمد
    تاريخ التسجيل
    Apr 2006
    الدولة
    حى المنيره
    المشاركات
    6,876

    الحبيب المريود حسن ساده سكر زياده
    ايها الفنان الحبيب
    يشهد الله بريدك من جو قلبى
    عشان انت الحنان وانت الفنان
    ندخل فى كلام الريده
    بريدك والريده ظاهر فى عينيى
    بريدك والشوق غمر بى وطال بى
    ***
    بريدك من زمن لسع
    بريد عيونك اشوفونى
    بى رزاز نقاره تتفقع
    ***
    الريده الريده ياحبيب قلبى
    الريده الريده ياحبيب عمرى
    ***
    وبمشى وبجيك تانى

    [SIZE=2]الابتسامه.. كلمه طيبه .. من غير حروف
    الابتسامه لاتكلف شيئا ولكنها تعنى الكثير[/
    SIZE]

    ************************************************** ****************

    حياة جل مكسبها خسار ** وعيش لايسرك يانزار
  4.  
  5. #3
    عضو برونزي
    Array
    تاريخ التسجيل
    Jul 2009
    المشاركات
    627

    تسلم ياخى وانت بتزرع الريد فى قلوبنا من الصباح ، طيب ممكن اشارك معاك اوع تقول لى الشاعر منو لانى ماعارفة ده غنوة شايقية والناس ديل مشهورين انهم بكايين
    حُـــبي الـفـقـدتو بعد وَفا عَكَّر لي جَوِي بعد صِفا
    وصِـبـحـــــــت ســعــــــــــــــــادتي مـــن المُحال
    جَمري القديم ما كان كَفى موقِد يَلهـلِب وما انطفا
    جَـــــــــات تــــــانـي هَـبــَتـــــو ريـــــــــــح منال
    ريـــدنـا الزمان مالو اختفى مالا المودة بِقَت جَفا
    ريــــدًا انـــت عــــارفــــــــــــــو حُـــلـــو وحَلال
    الـبـِت دي وين كت شايفا أو مَرَّة واحده مَصَادِفا
    يــا صــــــح تـــقـــــــــــــولـو سـمـعـنـــــــــا قال
    رُوحي المـَشَـحتَفة عارِفا مالا السِّيرة بِقَت تَخَوِفا
    شـــــــــــن دار يـــكــــــــون سـبــبـا غير الجمال
    مـسـكــيـني فـاقِـدي عَـواطِـفـا عَشمِاني فيك تَوالفِا
    راجــــــــــــاك تـَجُـــــــــــــــــــــودلها بالوِصَال
    قلبي العليل كايس الشِّفا لو شِلـتو في حُضنَك دِفَا
    كــان بـالــــســـعـــــــادة عِـــمـيــــــــــــري طال
    قَدَمِي العليك سَاسَق حِفا هو بَراهو حَالتو يَوَصِفا
    يـَغـــــــــــــنِي الـبـيــشـــوفــــــــــــو عن السؤال
    غــالـبــــــني حــالتي أصنِّفا وِشِّي وقَفَايا بِقَن قَفَا
    وبـقـى جِـــــســــمــــــي دايـــــــــــمــا في انتحال

  6.  
  7. #4
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    شكراً لصديقنا الشفيف نزار
    بريدك وريدك انت زادنا الفي عمرنا
    وقبلك ياما تهنا ياما
    وكم سهرنا شايلين المحنه
    همنا نبني جنه جنه تلمنا

    إن شاء الله تلمنا جنة الرضوان
    أنا وإنت والسامعين

    اللهم آمين
    [/color]

  8.  
  9. #5
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    المصونة العفيفة حنونة
    الريد جوة قلبي بحضورك بدأ
    يا قطر الندى
    شكراً للإطلالة الزاهية

  10.  
  11. #6
    عضو ذهبي
    Array الصورة الرمزية مدناوية
    تاريخ التسجيل
    Feb 2007
    الدولة
    مدني - القسم الأول
    المشاركات
    5,872




    دنيا الريد غريبة سر ما بنفهموا ..

    ناس أفراحها زايدة وناس إتألموا ...

    كنا بشكي ليك .. وكان قلبك حنين

    وإنت ظلمتا ريدنا .. عاد نشكيك لمين

    دنيا الريد سعادة .. دنيا الريد عذاب

    ناس تجني المحنة .. ناس تجني السراب

    ناس من كلمة عابرة .. كل الريد يهون

    ناس في الريد تضحي .. بالروح والعيون

    دنيا الريد غريبة .. سر ما بنفهموا

    ناس أفراحا زايدة وناس إتألموا ..


    لا تكن كالباعوضة التي تعض صاحب المنزل الذي تعيش فيه

  12.  
  13. #7
    عضو ماسي
    Array الصورة الرمزية الجندي المجهول
    تاريخ التسجيل
    Apr 2006
    الدولة
    من حته جميلة خلاص
    المشاركات
    6,674

    حلاوة الريدة في الاخلاص (الخالدي)

    الشوق والريد والحب البان في لمسة ايد (الكاشف)

    تخريمة : انت تريد وانا اريد والله يفعل ما يريد (كله مقدر ومكتوووب)

    اللهم صلي وسلم على سيدنا محمد وعلى آله وصحبه وسلم تسليما



  14.  
  15. #8
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    المصونة الغالية مدناوية
    إختيار موفق لرائعة ثنائي العاصمة
    هي من أفضل الأغاني التي أثرت وجدان
    المستمع السوداني
    وإليك رائعة القامة التيجاني حاج موسى
    يا المخلوق بلون الطيف اوصف فيك
    اوصف كيف
    يا الحيرت اوصافي
    يا السر العميق خافي
    بحر ما طالتو مرافئ
    وابلغ من وصف شاعر
    عشان تتختي في قوافي
    منك تبتدي الريده
    وبعدك ريده جد مافي "

  16.  
  17. #9
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    عزيزي الشفيف الجندي المجهول
    أتدري سر الفرح الخلى الجية
    جابنا ليك الريد وجينا الحصل جابتنا إلفة
    شكراً للإلفة التي كسيت بها دنيا الريد

    تخريمة مماثلة
    ونعم بالله
    وما تشاءون إلا أن يشاء الله

  18.  
  19. #10
    عضو فعال
    Array
    تاريخ التسجيل
    Feb 2006
    الدولة
    ام درمان شارع مكي
    المشاركات
    283

    أخى حسن سادة يا رائع والروعة ما جديدة عليك
    انا فى اعتقادى بان كلمة ( الريد أو الريدة ) أقوى واعمق واصدق من كلمة (حب )
    هل لاننا سودانين وبنحب نعبر عن مكنوناتنا بألفاظنا ودارجيتنا
    ومنك نستفيد يا مخضرم


    تحياتى

  20.  
  21. #11
    فخر المنتديات
    Array الصورة الرمزية مدنيّة
    تاريخ التسجيل
    Jul 2006
    الدولة
    محل الرئيس بنوم والطيارة بتقوم
    المشاركات
    18,647

    بوست جميل بجمال مدني ياسادة


    ---------------
    متابعة لصيقة

    كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح
  22.  
  23. #12
    عضو ذهبي
    Array
    تاريخ التسجيل
    May 2009
    الدولة
    ام درمان
    المشاركات
    5,100

    الشوق والريد والحب البان في لمسة ايد!!؟؟؟
    للكاشف



    ماجارتنا بت حااارتنا بريده
    محمد مرغني


    لما الريد يفووت حده يبقي مصييييرنا في يده
    الفنان ابراهيم حسين


    بوست راقي ياسادة

    أيقنت مؤخراً بأن القلق لن يمنع عني ما سيحمله الغد ...
    لكنه سيسرق بجرأة " راحة اليوم"
    فاجتهدت أن أحاربه بكل ما أوتيت من قوة
    و الله المستعااااان
  24.  
  25. #13
    عضو فضي
    Array الصورة الرمزية الفخيييم
    تاريخ التسجيل
    Jul 2009
    المشاركات
    2,048

    اقتباس المشاركة الأصلية كتبت بواسطة مدنيّة مشاهدة المشاركة
    بوست جميل بجمال مدني ياسادة


    ---------------
    متابعة لصيقة
    كويس انو ما طلع بجمال الوالي!!!
    متابعة لصيقة علي وزن رقابة لصيقة
    عارفة لو دفاع المريخ عرف لصيقة دي
    ما بتجيكم عوجة وامسكو العجب اقصد الخشب!!!
    التوقيع / عيون في الغربة بكاية...

    التقينا والدهشة هي الإتكلمت ..

    قبل الأيادي العيون هي السلمت ..

    من شدة الافراح بكينا ..
  26.  
  27. #14
    عضو فضي
    Array الصورة الرمزية الفخيييم
    تاريخ التسجيل
    Jul 2009
    المشاركات
    2,048

    لا زمني ابتسم ولا فارقت هم
    اصلو الريد قسم مقسوم لي ألم..
    وحاجة تانية كمان حقيقة الريدة
    بتبكي ولا شنو يا سادة يا ذوق؟؟؟

    التقينا والدهشة هي الإتكلمت ..

    قبل الأيادي العيون هي السلمت ..

    من شدة الافراح بكينا ..
  28.  
  29. #15
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    العزيز الهميم Zukibush
    طلتك هنا أيها الحبيب
    كان سببها الريد
    والريدة يا حنين كدة

  30.  
  31. #16
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    صاحبة اليراع الرشيق مدنية
    الريدة ريدتنا والمحبة حقتنا
    شكراً لمواويل الريد الذي
    أتحفنا بحضورك الأنيق أيتها الشفيفة
    وتعيش مدني أرض المحنة وتعيشي إنتي

  32.  
  33. #17
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    ما أحلى اللقاء بشخصك الكريم
    في عوالم دنيا الريد
    أيتها العفيفة بنت أم در
    جابنا لينك الريد وجينا الحصل جابتنا إلفة

  34.  
  35. #18
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    العزيز الفخم الفخييم
    شكراً لتحليقك فوق دنيا الريد
    ويا حمام شيل السلام ودي الريدة
    تمشي للبلدو بعيدة
    وذكروا الريدة وعيدها
    ولا فات زمن الريدة؟؟؟

  36.  
  37. #19
    عضو فعال
    Array
    تاريخ التسجيل
    Feb 2006
    الدولة
    ام درمان شارع مكي
    المشاركات
    283

    استاذى الفاضل / حسن المبدع

    والله يا ولدى انا عزيزة ما عزيز
    والله انا ام حلمي ( نازك )والله نازك
    وعلى الرحب والسعي

  38.  
  39. #20
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    اللي ما يعرفك يجهلك يا ست أم حلمي
    ولك العتبى حتى ترضين
    وربنا يخلي ليكي المحروس حلمي
    وشكراً مجدداً للتحليق فوق سماء البوست
    يا بنت ملوك العز
    ويا الراقية ست الجيل
    ويا بنت السودان

  40.  
  41. #21
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    أحبتي الغالين هيا نبحر مجدداً في دنيا الريد الغريبة
    ذلك السر الذي لا نفهمه ونسبر أغواره السحيقة
    هل سمعتم من قبل بنهر الريد الصافي؟
    لا ادري أين منبعه ومصبه؟
    هي أغنية قديمة لثنائي العاصمة تقول كلماتها:
    " يا نهر الريد
    نهر الريد الصافي
    ما تبقى ضنين ومجافي
    رسل من موجك حبة
    تغمرني بكل محبة
    يا نهر الريد يا عابر
    وقف وأسقيني حنانك "
    وهنالك الريد الذي يضيع زوله فأحذروا منه:
    كما وردت في رائعة أمير الحسن وردي:
    " شن بتقولوا
    في الفرح المعذب سيدو
    في الريد المضيع زولو
    شن بتقولو؟؟؟
    وهل تخيلتم من ينذر بالريد
    كما فعل القامة الكابلي في رائعته
    زينة وعاجباني:
    " أنا بي ريدة ناذر إني أكون مغامر
    بكل غالي عندي أضحي ولا أحاذر
    بقلبي و الأحاسيس وأدق المشاعر
    بالأيام وعمري وكل عزيز و نادر
    لأنها لو عرفتو عفافها علي نادر
    لما يزيد حنيني أقول زينة وعاجباني "
    وليس شاعر الكابلي وحده من حلف ونذر بالريد
    حيث قال أحدهم:
    " حنان الدنيا ممزوج فى عيون الاِلفه والطيبين
    مراسى الشوق تودينا و تجيبنا على هوى الحلوين
    وهم ياهم وحات اللٌه وحات ريدتنا مسامحين
    لا بعاتبونا لا يلومونا ولى غلطاتنا هم غافرين
    نهار الغنى بيفيض أنهار تزغرد فى الهوى يا دوب
    ومهما كان عمرنا الراح شتيل الريد نما يا دوب
    ومهما كان زمان التيه ما محسوب
    وكل الدنيا شن تسوى إذا غابت عيون محبوب "

    ولكن أعجبني ذلك الذي هام ريدة وعشقاً بالبلد
    حين يقول:
    "بريدك إنتى يا بلدى وريدك أصلوا ما بتحاق
    بريدك آهة فى قلبى
    وريدك جوة في الأعماق
    بريدك أحلى كلمة حب
    وشلالات وداد دفاق
    بريدك شان شموع الحب تنور دارنا بالإشراق
    بريدك شان لهيب حبك سكن جوة ألفؤاد حراق
    بريدك ذي شعاع الضوء برق وسط الظلام رقراق
    بريدك شان طريق وجدك ما بشقوا الصبى ألعولاق
    بريدك أغلى كنز ثمين نلملم فيهو كان يتحاق
    بريدك درة للعارفين وزيك مافى فى ألأسواق
    بريدك يا دهب خالص وبخت الكانوا ليكى رفاق
    بريدك بسمة حنية بريدك أحلى ريد دفاق
    بريدك يا حلاوة الريد بلاك ما شفنا ليهو مذاق
    بريدك شان أمل دنيانا فى لمحة عينيك براق
    بريدك ومانى خجلان تب أسجل ريدى فى الأوراق

    ومن شعراء الأغاني من يخاف أن يسأل عن حبيبته خشية
    أن يذاع سر الريدة التي بينهما ويضيع من إيدي حبيبته:
    كما وردت في رائعة أبو عركي "بخاف" التي حازت على
    جائزة أفضل أغنية عربية في مهرجان الأغنية العربية بالعراق
    حين يقول شاعرها:
    " بخاف أسأل عليك الناس
    وسر الريدة بينا يذيع
    وبخاف أكتر كمان يا غالي
    من إيديا إنت تضيع
    وأعيش بعدك حياتي جفاف
    مواسم بينا ما في ربيع"
    وهنالك من ناح بنفسه عن الريدة واستراح
    وفضها سيرة وبدل الريد بالفيه كما قال أحدهم:
    " أصلي قبلك ما بكيت على الغوالي المني راحو ..
    عن ناس في الدنيا زينا .. لما من الريدة ناحو ..
    بدلو الريد بالفيه .. من عذاباتو إستراحو ..
    لو سألت عن إنتظارنا .. وصبرنا على لحظات حزينه ..
    كان عشمنا تحس بينا .. مرة بالأفراح تجينا ..
    تفرح الأوتار تغني .. تطلق الأغنية السجينة ..
    إحنا ما بكمل صبرنا .. ما إنت مننا وإنت فينا ..
    فداك أيامنا وسنينا .. فداك أيامنا وجريها ..
    حتى لو تكمل سنينا .. ما بنتعب من سؤالك ..
    مافي زول رادك متلنا .. ما بدل الصد في شعورنا "

    هلموا وشاهدوا معي من رفع راية الاستسلام أمام الريدة
    حين قال:
    " ياريده مين بقدر عليك
    مين بلقى في دنياك امان
    أخضعتي تيجان الملوك
    وهزمتي فرسان الزمان
    وانا الضعيف
    ياريدة كيف أتحملك
    بعد عزيز وبعد ملك
    أصبحت بي أمرك ملك
    مرات أقول وامر قساك
    مرات أقول ما أجملك
    ياريده شوقك خففي
    وحلمك علي إتلطفي
    عبر الزمن سرك خفي
    ونارك تقيد ما بتنطفي
    سايباني في درب الشقاء
    ونادر علي تتعطفي
    ياريدة يا سر الغُناء
    لامتين أكون ضايع أنا
    أديني يوم خاتم المنى
    يسعدني بي أسعد منى
    قسمتي للناس الهناء
    وأنا لا هناك ولاهنا"

    رحم الله الفنانة عائشة الفلاتية التي غنت لسمسم القضارف
    حيث تقول كلماتها:
    يا سمسم القضارف
    الزول صغير ما عارف
    يا قليب الريد
    كل ما هديتك شارف
    حبيب تعال نتقادم
    نسير سوى ونتكالم
    أطير حدي وأختفو من العالم
    يايمة لا تدقنو
    العقر ما بلدنو
    ألفين جنيه من أمو ما بجيبنو
    شديتو فوق الهولو
    وندهت ليهو رسولو
    حبيب الروح محل مايروح بنزورو
    حبيب بريدك ريدة
    ريدة الحمام لوليدا
    حبيب تعال خلي النتم الريدة"

    تعالوا إذن لنتم الريدة في الحلقات المقبلة

    التعديل الأخير تم بواسطة حسن سادة ; 06-05-2010 الساعة 02:31 AM
  42.  
  43. #22
    عضو جديد
    Array
    تاريخ التسجيل
    Mar 2010
    المشاركات
    18

    أستاذ حسن

    سلامات

    تصدق أنا دخلت البورد ده بسبب ليل الكلاكلة





    إحترامي

  44.  
  45. #23
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    لله درك يا صاحبة العفاف والصون تماضر
    وأنت تكسين البوست ألقاً ونضاراً
    وتتدفقين هنا كنهر الريد الصافي
    كوني بعافية

  46.  
  47. #24
    عضو جديد
    Array
    تاريخ التسجيل
    Mar 2010
    المشاركات
    18

    اقتباس المشاركة الأصلية كتبت بواسطة حسن سادة مشاهدة المشاركة
    لله درك يا صاحبة العفاف والصون تماضر
    وأنت تكسين البوست ألقاً ونضاراً
    وتتدفقين هنا كنهر الريد الصافي
    كوني بعافية


    الله يخليك


    أتمنى أن تسمح لي الأيام بالمزيد من التبادل معكم أستاذي




    مودتي وأكثر

  48.  
  49. #25
    عضو مميز
    Array الصورة الرمزية حسن سادة
    تاريخ التسجيل
    Jan 2007
    الدولة
    البحرين
    المشاركات
    413

    شكراً يا غالية الحروف المبجلة تماضر
    إن أتحفتيني بطلتك الساحرة
    تلكم الطلة التي غمرتني
    فوق جناح غيمة بشاير
    وفوق عباب دفقة مشاعر
    في غمار سبحة خواطر
    بي فرح منساب وغامر
    لا عدمناكي يا بنت الشرفاء في بلادي

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid