حضور

[زول من مدني]

لسا حضورك فيني مرتب
باب قلبي خليتو متاكا
وفارش ليك الرمش الاقرب
شايل ليك في الدم تسبيحة
وعارش الشوق بي شكل مهذب
والاحساس خليتو عليكي
لا بتنظم لا بترتب
ختي مشاعرك فيهو براحتك
خلي الناس بالفيو تستغرب
وخلي مشاعري تقيف مشدوهة
مرة تغني .. ومرات ترقص
ودايماً تطرب
وخلي الدم يداري عليكي
ساعة شوقك يلقي المهرب
ووصي القلب
الموقد شوقك
يبرد نفسو المنك لهلب
ولا اقولك ..
خلي حضورك .. زي ما عايزة
انتي حضورك ما بترتب
انتي حضورك
زي الشوق
زي الروح
زي الحب في الدم بتسرب

[زول من مدني]

هي قصيدة عمرها .. نيف عام
كتبتها وانا كما الان احوج ما اكون اليها ..
ومنذ تلك القصيدة جئن شبيهاتها ..
ولكنها لم تأتي

ومحبتي ..

[محمد الجزولى]

وحضورك فى غاية الترتيب عزيزى زول من مدنى
كلمات مليئة بالتطريب والنغم الجميل
رائعه هذه القصيده كروعتك
اهلا بقلمك الذى يخبئ الكثير
وفى انتظار هطولك دوما
لك كامل احترامى واعجابى بحرفك

[زول من مدني]

وحضورك فى غاية الترتيب عزيزى زول من مدنى
كلمات مليئة بالتطريب والنغم الجميل
رائعه هذه القصيده كروعتك
اهلا بقلمك الذى يخبئ الكثير
وفى انتظار هطولك دوما
لك كامل احترامى واعجابى بحرفك

الاستاذ محمد الجزولي
لك خالص تقديري وشكري .. علي الاشادة
وامتناني علي الاطراء لحرفي المتواضع ..
واتمني ان اكون بمقدار تلك الكلمات المضيئة التي سطرتها بحقي
وارجو منك شاكراً ومن كل الاخوة ان تثروا احرفي بالنقد
ولاشك بانني مجرد زول سطر احساساً دون دراية .. وانتم اصحاب الخبرة
ولنتفق بان نتقبل كل الاراء .. طمعاً في ان يكون الاتي اكثر جمالاً باذن الله

وحتي تتفضلوا بذلك تقبل فائق احترامي وتقديري
وقبل وبعد لك صادق محبتي

[محمود (أبو وضاح)]

أهلا بحضورك المرتب وحروفك الأنيقة وأنت تنسج وهجها فى عباءة الزمن الجميل ويكفى أنك من مدنى وكفى ،،،
لكم ودى واحترامى.

[زول من مدني]

..... ويكفى أنك من مدنى وكفى ،،،
.

الشفيف ابو وضاح ..
يكفيني فخراً اننا انتمينا الي ذات المكان ..
شكراً .. لوصفك الابلغ ( عباءة الزمن الجميل )
شكراً لانك شرفتني بالتوقيع هنا ..
وانت من تأتيك الاحرف طائعة ..
لك فائق تقديري واحترامي ..
ومحبتي