محمد النور

[ايمن عبد الله]

اكبركيشة في الشطرنج ..

كان بجي راكب عجلتو .. ويتلتخ في بيتنا ويمشي ..

انا كنت لعاب ..

وكورتي زي ..

شطرنجي ..

[ahmed algam]

ياربي دا منو


دا

[النويري]

محمد النور يا هو زاتو ولا واحد تاني

[ايمن عبد الله]

ياهو زاتووووووووووووو

[سواااح]

لعاب في الشطرنج .. ممكن

لعاب في الكورة .. اشك في ذلك

[بت مارنجان]

لعاب في الشطرنج .. ممكن

لعاب في الكورة .. اشك في ذلك

المعلومات العندنا بتقول انو ماقاعد يجي دافوري الجمعة
اذن مالعاب كورة

[moh_alnour]

محمد النور

الواحد من ما نزل معاش من الإشراف ما شاف ليهو بوست معنون بي إسمو ، غايتو يا أيمن خلعتني جنس خُلعة

أكبر كيشة في الشطرنج ، كان بجي راكب عجلتو ، و يتلتخ في بيتنا و يمشي ، أنا كُنت لعّاب ، و كورتي زي شطرنجي

علاقتك بالكورة زي علاقتي بالفيزياء النووية و علاقتك بالشطرنج زي الهلال في الكونفدرالية غالب و مغلوب
يتلتخ !! أيمن ما تستفزني ، بقوم أجيك في الدمام ، قال إتلتخ قال
أسال مزمل و عبد المنعم جميل و الطيب الرشيد و مساعد عقيد عن البطولة الكأنت في نادي جزيرة الفيل
دا كان اليوم الوحيد السمعت فيهو إسمي في برنامج الرياضة في إذاعة مدني يا ماسورة

[moh_alnour]

لعاب في الشطرنج .. ممكن لعاب في الكورة .. أشك في ذلك

تعرف يا سواااح أنا ما بدعي إني لعّاب خااااااالص لكن ما كيشة بأي حال من الأحوال
و كمان من باب رحم الله عرف مقدراته فأنا من أكثر الناس البلعبوا جيدا ً بالرجل اليسار و هم خلقة الله يمين
و البينة على من إدعى

المعلومات العندنا بتقول إنو ما قاعد يجي دافوري الجمعة ، إذن ما لعاب كورة

شمارك ما مغربل ، أنا قبل الزواج أساسي في دافوري جدة و أسألي الجندي المجهول

[النويري]

تعرف يا سواااح أنا ما بدعي إني لعّاب خااااااالص لكن ما كيشة بأي حال من الأحوال
و كمان من باب رحم الله عرف مقدراته فأنا من أكثر الناس البلعبوا جيدا ً بالرجل اليسار و هم خلقة الله يمين
و البينة على من إدعى



شمارك ما مغربل ، أنا قبل الزواج أساسي في دافوري جدة و أسألي الجندي المجهول

طيب وبعد الزواج الحصل شنو الفيك كملت ولا شنو

[moh_alnour]

طيب وبعد الزواج الحصل شنو الفيك كملت ولا شنو

هجلتني يا أبكر في داعي للأسئلة البرا المقرر دي يا النويري

[أبو حمزة]

غايتو ما عارفين الكلام ده كان متين.. يا ربي قبل نرحل لحي ناصر ولا بعد الرحيل..!!
بس عاوز أعرف يعني اليمن تكَّالة ولا كيف!!

[النويري]

هجلتني يا أبكر في داعي للأسئلة البرا المقرر دي يا النويري

والله يا محمد أنا ما جبت حاجة من عندي أنت بلسانك قلت أنا كنت أساسي في الدافوري قبل الزواج على العموم نمط الحياة بتغير تدريجياً يعني مثلاً التمرين كان يوم الجمعة وأنت معاك ناس معزومين للغداء أو أنت معزوم للغدا بتضطرا تقد وتكنسل الدافوري وجمعة ورا جمعة لحد ما تلقى نفسك سبت كرة القدم وقعدت في البيت أسألني أنا كنت من نجوم الدافوري وبعد ما جو الجماعة وحاتك لحد الأن ما دقيت لي كفر بل نسيت الكورة زاتا لكن بشجع الهلال

[ابوالنور]

ود النووووووووووووووور

[moh_alnour]

غايتو ما عارفين
الكلام ده كان متين يا ربي قبل نرحل لحي ناصر ولا بعد الرحيل
بس عاوز أعرف يعني اليمن تكَّالة ولا كيف

الكلام دا تسأل منه أيمن قلوب
و اليمين ما كانت تكالة بس عودتا نفسي ألعب بالشمال من صغير

والله يا محمد أنا ما جبت حاجة من عندي أنت بلسانك قلت أنا كنت أساسي في الدافوري قبل الزواج

صاح يا النويري
بعد الزواج الخميس بقى حق مقاضي البيت و الجمعة تودي العيال الحديقة و لا واحد من المولات
عشان يطلعوا من خنقة الشقق شوية ، يا زول براءة ما تخاف ههههههه

ود النووووووووووووووور

جمبك يا أبو النووووووووووووووور