يا تيسير ليك الرحمة ..

[أشرف صلاح السعيد]

يا تيسير ليك الرحمة ..



يا تيسير مالاقى الكلمة
ووين الكلمة الدالة عليك
ما الكلمة النسمة كانت ليك
والقلب الرحمة مزروعن فيك
و قلبنا اليوم مرة بيبكى
و مرة بيدعى
ترفرف رحمة تكون حوليك


البعد الخامس و المايقوما
وكل أحبابك بيسألوا عنك
كل الناس فاقداكى بشوق
مدنى بتسأل وين السمحة
معاها أم در بتنده ليك
بتى الدرة و جمالن فيك
فجع الموت قلوب لأحبة
ما كل الحلة و كل الدولة
بتصارع الصدمة بتترحم ليك

بندعو المولى كتير من جوا
تكون اللدغة طريق للشهداء
سبب ربانى سبيل للجنة
يصبر بيهو قلوب لأحبة
كنتى ضياهم و سيول لمحنة
ليك الرحمة وكل الدعوة
قبولن حسنن من رب الرحمة

يرد الروح فى طمأنينة
ما تحسى بقبرك حتى الضمة
وينيرو بنافذة من ضو الجنة
لا تحسى الوحشة و لا حتى ضلمة
و إلهى يصبر كل عرفوك
يحتسبك يابا و يثبت يمة




اللهم ارحم و اغفر و اعفو لتيسير و تقبلها شهيدة عندك ..

[محمد الجزولى]

اللهم ارحم و اغفر و اعفو لتيسير و تقبلها شهيدة عندك ..
شكرا لك الحبيب أشرف

[تغريد]

يا لها من حروف

ليت كان الحزن أقل يا أشرف ربما كنت اكثر أستمتاعا بها

وليتها كانت تحمل معني اخر غير الرثاء

والله لكنت سطرت عقبها سطورا وسطور

وليت في القلب متسع ليحلل الحرف

فكلماتك اخذت مكانها من القلب المكلوم

نقطة بيضاء وحروف تابي الا ان تعيد الزكرى

لغالية احتلت بيننا مكانا لن تبارحه مدي الدهر

شكرا أشرف لحروف نقشت من ذهب علي كل القلوب

[مايسة]

الاستاذ أشرف -

لك التحايا وانت تنعي وترثى تيسير بهذه الكلمات المعبرة

لها الرحمة والمغفرة

[بت أم درمان]

رحمها الله وغفر لها
ذكراها ابدا فينا لن تحيد

[انور النور محمد]

استاذي المجيد
اشرف
لك التحايا والسلام
تاتي دائما بحروف تبعثر الالهام وتطوي في افواهنا الكلام وتشدهنا محلقين حول التعابر الجميلة
قد ابكيت الحروف دمعاً جميل يليق ومقام اختنا الراحلة تيسير لها الرحمة
تقبل مروري