@@ معتز الريح سفر الجفا و و يكيليس المميز @@

[moh_alnour]

* عاد اليوم الجمعة إلى مقر عمله بمدينة جدة السعودية السيد المشرف العام لمنتديات ود مدني الأخ الوجيه معتز الريح
( أها بعد كسير التلج دا إن شاء الله تكون جبتا معاك فسيخ و دكوة و شطة )
قادما ً من السودان بعد قضاء إجازة عيد الأضحى المبارك بين الأهل و الأحباب مُتنقلا ً ما بين ود مدني و أمدرمان
و حسب و يكيليس ( المميز ) أمس الخميس في الجلسة التي جمعتنا بأحد القهاوي في منطقة البلد العريقة بمدينة جدة
برفقة الأخوان ( محمد عبد الله عبد القادر و أبو عمرو ) فإن معتز الريح قضى الجزء الأكبر من أيام الإجازة في ( أمدرمان )
رغم وجود المدام و الأبناء مع أخيها في مدينة الرياض بالمملكة العربية السعودية
و تعليقا ً على الويكيليس دا فنحن قلنا للمميز يمكن ود الريح بنزل في طوب و أسمنت و حديد عشان يبني قطعة الأرض بتاعتو الفي الثورة
قال لينا لا لا لا ( تلاتة مرات ) دي تعليمات المدام ( حكومة و الناس مهمشة )
و قال المميز إنو مستغرب كيف سمحوا لي ود الريح يمشي السودان براهو بدون المدام ؟ طبعا ً المميز ما خلانا نجتهد معاهو و طواااااالي فتا لينا
و قال لينا إنو شاف معتز الريح قبل الإجازة في كم محل من محلات الذهب المشهورة في جدة ، فقلنا ليهو ( إذا عُرف السبب بطل العجب )
* طبعا ً المميز قال ( و القول في المنتدى على مسئولية صاحبه ) زعلان منكم يا ود الريح إنت و نبيل حمدتو و بكري فاروق و مدنية و أمال مالك
و قال ليكم تاني ( قطع وِرد و قطع وِرد دي - لغير الناطقين بها - هي مرحلة أكبر من القطع الناشف )
يعني بلغة ناس مدنية و أمال مالك قال ليكم تاني ( القطاعة ) و بلغة ناس نبيل حمدتو و بكري فاروق و معتز الريح
قال ليكم ( الفيكم إتعرفت و بكرة بجي الخريف و سودانير بتقيف ) تجوا لحدي باب البيت و ما تدخلوا تسلموا على أهل الدار ؟
* فقدنا في جلسة الأمس الأخ الحبيب و القاسم المشترك في كل جلسات جدة الأخيرة ( الجندي المجهول )
و بحسب ويكيليس المميز أيضا ً فإن المدام قد فرضت حظر تجوال بعد صلاة المغرب على الجندي المجهول
مع إجباره على قفل الجوال و ترك جوال العمل مفتوح للطواريء
يا الجندي عشان ما تحنف لي وشك محمد عبد الله عبد القادر قال ليك حنك ( الجوال نسيتو في العربية ) بقى ما جايب همو شوف ليك حنك غيرو
عفيت منهم بنات أمدرمان بين قوسين أم ساطع و أم حمزة حققوا شعار السجن ( أدب و تهذيب ) على أرض الواقع
* أيضا ً فقدنا الأخ الخلوق هيثم الخواض ( أبو لوزة ) و الذي فُرضت عليه إقامة جبرية بالمنزل هو و الأخ ( أبو مازن )
و الذي إعتذر بي حنك إمتحانات ولدو مازن ( ياخي تخ ) الكلام دا قولو لي زول ما ( إندو هديدة )
لأنو حسب ويكيليس معتز الريح قال إنو حكومة أبو مازن دا ديكتاتورية ما بنفع معاها لا مظاهرات ولا عصيان مدني
لكن غايتو إحتياطي كدت يا أبو مازن جعله الله من المتفوقين دوما ً ، و الأخ ( رضا ود حسن ) الجدو كتل أسد في الغابة
فهو مُسلم الراية البيضاء لي بت دبلوك من أيام الجامعة عفيت منها بت دبلوك المريخابية
* مدثر بورتبيل غياب دائم عن لمات بورداب جدة بسبب ظروف الدوام ، معز مدناوي طال علينا فراقكم و الله يا غايبين
* عصمت حيدر رحول عز العرب إلى البندر و بحسب و يكيليس المميز فإن الرحول كان بإيعاز و تعليمات من الحكومة
* نرجع لي بكري فاروق أها يا بكري إن شاء الله تكون شلتا اللاب توب و الجوال من معتز الريح
و ما تكون صدقتا حكاية إنهم عُهدة و تابعين للشركة ؟
إنت عارف ود جيرانكم دا مكار بلعب باص القون و ببيع الموية في حارة السقايين ( أنا بهدي في النفوس بس )
* زاد عدد المهروشين في بورداب جدة واحد بين قوسين ما كان العشم يا أبو عمرو ، مع إني كُنتا مفتكر الزول دا مسيطر على الوضع
لكن رنات الجوال المتكررة من المدام و الكلام الدُقاق بي تهذيب شديد و المختلف تماما ً عن طريق الكلام في الجلسة
خلتني أغير رأيي و أحس إنو حكايات الحلة دي تنفيس عن الكبت و الهرش
* سيعود بمشيئة الله أحد يومي الخميس أو الجمعة القادمين الأخ الحبيب ( محمد عبد الله أبو زيد ) قادما ً أيضا ً من السودان
بعد قضاء إجازة عيد الأضحى المبارك بين الأهل و الأحباب في مدينة ود مدني و طبعا ً أنا و أبو زيد الوحيدين في جدة المسيطرين على الوضع
المصدر : شمارات جلسة الأمس

[moh_alnour]

محمد حسين المميز و محمد عبد الله عبد القادر كانوا عاملين دماغ جااااااامد
أنشر الصور ولا ح تدفعوا

[مدنيّة]

محمد حسين المميز و محمد عبد الله عبد القادر كانوا عاملين دماغ جااااااامد
أنشر الصور ولا ح تدفعوا

قول ياود الجاك
عايز كم!!

--------
معتز
حمدا لله علي السلامة
ونورت جدة بالانابة عن ناس جدة

---------
تبعا ياود الجاك
بالغت في ويكليس المميز دي هههههههههههههههههه

---------
المميز
كلام زعل ما بنقبله

--------
ود الجاك
الجندي دا شكله بقي محظور من كتير ، ما خروج وتلفون وبث

[ياسر123]

حمد الله على سلامة الجميع
و شمارك حار يا محمد النور
الجماعة شكلهم وزارة داخليتهم قوية حظر و حصر و منع ؟؟؟

[mahagoub]

معتز حمد لله على السلامه
ودالنور ما قطعت لحمهم ويكيليكس عندك قويه
وانت وابوزيد مسيطرين على الوضع فى المقهى

[أبوريلان]

ود الريح حمداً علي سلامة العودة
نورت جدة وأظلمت مدني
ود النور أنت متأكد جلستكم دي
في أحدي قهاوي البلد

[moh_alnour]

قول يا ود الجاك عايز كم !!

الجِرس و الكبكبة و الإتصالات بدت يا مدنية و المبلغ وصل 1200 ريال لأنو الشغلة فيها خربان بيوت و ممكن يكون فيها خلع
غايتو محمد عبد الله عبد القادر سمع أضاني ما وكلسو لي زول قال لما المدام تكون في البيت
ما بقرب من الشيشة دي إطلاقا ً
أما المميز قال شيشة دي ما دخلت بيتم نهائي فهو بستغل فرصة غياب المدام عشان يحشش أقصد يشيش برا البيت

[معتز الريح]

هاكم اتصبروا بي دي لحدي ما أمخمخ وأجيكم برواقة

[ابو لوزة]

[أيضا ً فقدنا الأخ الخلوق هيثم الخواض ( أبو لوزة ) و الذي فُرضت عليه إقامة جبرية بالمنزل هو و الأخ ( أبو مازن )


معتز الريح حمدا لله علي السلامة
ويا ود النور ربنا يجمعكم دائما متحابين وفي الخير












والباقي بدون تعليق

[أبوعمرو]

حمد لله ع السلامه يامعنز
يامحمدنور بمناسبه البهتان القولتو ...ليك علي أمشي أقلب الحكومة واشغل ليك الاسبيكر

[محمد عبد الله عبدالقادر]

حمد الله على السلامه يا ود الريح
نورت جده والله
جيت وجبت معاك امطار لجدة وجو بديع

[محمد عبد الله عبدالقادر]

أخيراً ظهر وبان ابو عمرو
وكل ( سيجكن انكشفن وبان)
وكانت جلسه جميله في ذلك الجو الجميل

[محمد عبد الله عبدالقادر]

و حسب و يكيليس ( المميز )

و قال المميز

و قال لينا

طبعا ً المميز قال

و قال ليكم

انت يا ود النور غير المميز مافي زول اتكلم ولا شنو!!؟؟؟
انت كنت ساكت سااااااي!!!؟؟؟
ولا داير تقول الكلام وغلبك ونسبته للمميز المسكين

[محمد عبد الله عبدالقادر]

رغم وجود المدام و الأبناء مع أخيها في مدينة الرياض بالمملكة العربية السعودية
و تعليقا ً على الويكيليس دا فنحن قلنا للمميز يمكن ود الريح بنزل في طوب و أسمنت و حديد عشان يبني قطعة الأرض بتاعتو الفي الثورة
قال لينا لا لا لا ( تلاتة مرات ) دي تعليمات المدام ( حكومة و الناس مهمشة )
و قال المميز إنو مستغرب كيف سمحوا لي ود الريح يمشي السودان براهو بدون المدام ؟ طبعا ً المميز ما خلانا نجتهد معاهو و طواااااالي فتا لينا
و قال لينا إنو شاف معتز الريح قبل الإجازة في كم محل من محلات الذهب المشهورة في جدة ، فقلنا ليهو ( إذا عُرف السبب بطل العجب )

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C7.gif" border="0" title="Click to get more." ></a>

فقدنا في جلسة الأمس الأخ الحبيب و القاسم المشترك في كل جلسات جدة الأخيرة ( الجندي المجهول )
و بحسب ويكيليس المميز أيضا ً فإن المدام قد فرضت حظر تجوال بعد صلاة المغرب على الجندي المجهول
مع إجباره على قفل الجوال و ترك جوال العمل مفتوح للطواريء
يا الجندي عشان ما تحنف لي وشك محمد عبد الله عبد القادر قال ليك حنك ( الجوال نسيتو في العربية ) بقى ما جايب همو شوف ليك حنك غيرو

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C7.gif" border="0" title="Click to get more." ></a>

أيضا ً فقدنا الأخ الخلوق هيثم الخواض ( أبو لوزة ) و الذي فُرضت عليه إقامة جبرية بالمنزل

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C7.gif" border="0" title="Click to get more." ></a>

الأخ ( أبو مازن )
و الذي إعتذر بي حنك إمتحانات ولدو مازن ( ياخي تخ ) الكلام دا قولو لي زول ما ( إندو هديدة )
لأنو حسب ويكيليس معتز الريح قال إنو حكومة أبو مازن دا ديكتاتورية ما بنفع معاها لا مظاهرات ولا عصيان مدني

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C7.gif" border="0" title="Click to get more." ></a>

لكن غايتو إحتياطي كدت يا أبو مازن جعله الله من المتفوقين دوما ً ، و الأخ ( رضا ود حسن ) الجدو كتل أسد في الغابة
فهو مُسلم الراية البيضاء لي بت دبلوك من أيام الجامعة عفيت منها بت دبلوك المريخابية

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C7.gif" border="0" title="Click to get more." ></a>

عصمت حيدر رحول عز العرب إلى البندر و بحسب و يكيليس المميز فإن الرحول كان بإيعاز و تعليمات من الحكومة

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C7.gif" border="0" title="Click to get more." ></a>

زاد عدد المهروشين في بورداب جدة واحد بين قوسين ما كان العشم يا أبو عمرو ، مع إني كُنتا مفتكر الزول دا مسيطر على الوضع
لكن رنات الجوال المتكررة من المدام و الكلام الدُقاق بي تهذيب شديد و المختلف تماما ً عن طريق الكلام في الجلسة
خلتني أغير رأيي و أحس إنو حكايات الحلة دي تنفيس عن الكبت و الهرش

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C7.gif" border="0" title="Click to get more." ></a>

طبعا ً أنا و أبو زيد الوحيدين في جدة المسيطرين على الوضع

<a href="http://www.sweetim.com/s.asp?im=gen&lpver=3&ref=11" target="_blank"><img src="http://cdn.content.sweetim.com/sim/cpie/emoticons/000202C8.gif" border="0" title="Click to get more." ></a>

[محمد عبد الله عبدالقادر]

قول ياود الجاك
عايز كم!!

مدنية
انتي بس جاريه اجنس ده

غايتو جنس غايتو

[محمد عبد الله عبدالقادر]

[quote]( أها بعد كسير التلج دا إن شاء الله تكون جبتا معاك فسيخ و دكوة و شطة )
/quote]
قصدك الكرتونه دييييييك

[محمد عبد الله عبدالقادر]

محمد حسين المميز و محمد عبد الله عبد القادر كانوا عاملين دماغ جااااااامد


أنشر الصور ولا ح تدفعوا

انت عايز ترجع حق وجبة البيك الاشتراته لي

[بورتبيل]

مدثر بورتبيل غياب دائم عن لمات بورداب جدة بسبب ظروف الدوام

ادعو لينا ربنا يفك مسكتنا ويفكنا لوطن اخضر .. امين يارب

واتمنيت لو كنت معاكم .. كنت بقيت واحد من الحضارمة اللافين ديل

انت كيف وكيف امورك وسيطرتك على الوضع ماشة كيف..!!

عموماً عوداً حميداً يا معتز الريح ..

وخالص الود لكل الاحباب الفي جدة

[محمد حسين (المميز)]

انت يا ود النور غير المميز مافي زول اتكلم ولا شنو!!؟؟؟
انت كنت ساكت سااااااي!!!؟؟؟
ولا داير تقول الكلام وغلبك ونسبته للمميز المسكين

وشهـد شــااااهـداا من أهلهـا

[مدناوية]

فترييييييته تقييييله ...

[ام رغد]

محمد حسين المميز و محمد عبد الله عبد القادر كانوا عاملين دماغ جااااااامد
أنشر الصور ولا ح تدفعوا

والله على حسب الدماغ

[بحيرى]

يا محمد
والله البشوف الصور فى البوستات والكتابه والجدو قتل اسد
اقول الجماعه ديل الانفصال عندهم هين وعادى الواحد بقلب الحكومه واقعد فى ضلها
بالله هم كده !!!
اسمع يا اخوى
اعمل لينا كشف باسماء الجماعه ديل
نحن ح نكون لجنه
واى زول ح نجيبوا راجع بلدو
شارطين عينا
المتغربينلها شنو
الواحد ما بطلع من البيت وقافل تلفونو
ود انور يا اخوى
اوع تكون مع الجماعه
وشوف لى محمد عبد الله
دايرين عنوا تقرير

[محمد عبد الله عبدالقادر]

اسمع يا اخوى
اعمل لينا كشف باسماء الجماعه ديل

نمرة واحد / محمد النور الجاك

ود انور يا اخوى
اوع تكون مع الجماعه

عرفته كيف؟؟؟!!!!

وشوف لى محمد عبد الله
دايرين عنوا تقرير

الدايرو بفتو ليك براي انت قايل نحن عندنا حاجه مدسوسه

[محمد عبد الله عبدالقادر]

محمد حسين المميز و محمد عبد الله عبد القادر كانوا عاملين دماغ جااااااامد


أنشر الصور ولا ح تدفعوا

انشر الصور وبالنص

[moh_alnour]

الجماعة شكلهم وزارة داخليتهم قوية حظر و حصر و منع ؟؟؟

و حاجات تانية حامياني

وإنت و أبو زيد مسيطرين على الوضع في المقهى

يا عم محجوب مكة قريبة من جدة ، أخطف رجلك يوم خميس كدا و تعال لينا عشان تحلي القعدة
ولا فارضين عليك حظر برضو زي الجماعة

ود النور أنت متأكد جلستكم دي في أحدي قهاوي البلد

بما إنو أبو عمرو جديد في جدة و بما إني الوحيد الكُنتا صاحي في الجلسة دي و الباقين لط إلا خط
فأنا بقول ليك بالفُم المليان يا ياسر يا أبو ريلان إنها في قهاوي جدة القديمة في منطقة البلد