النتائج 1 إلى 5 من 5

الموضوع: روشتة إنتخابية ... للمصوتين وصية !!

     
  1. #1
    عضو فعال
    Array الصورة الرمزية ود سعدابى
    تاريخ التسجيل
    Aug 2009
    الدولة
    ضل الغيمة
    المشاركات
    321

    روشتة إنتخابية ... للمصوتين وصية !!

    يا ماشى للتصويت
    جيب لى معاك رئيس
    شرطاًيكون امين
    يامن السودان
    من خارجاً طامع
    من داخلاً زهجان
    مابهمو ايه يحصل
    يا ماشى للصندوق
    جيب لى معاك مدير
    شرطاً يكون بفهم
    يدير ملف دارفور
    لاتسود فرقة لاثوار
    يجمع شمل بلدى
    من نملى لى حلفا
    من غربو لى قيسان
    يا ماشى للتصويت
    جيب لى معاك رئيس
    شرطا يكون مهموم
    بمواطنو الغلبان
    ويحقق استقرار
    ويزيد الدخل كمان
    يملا البيوت مدرار
    من اكلو لى ملبس
    من مشفى لى مدرس
    يا ناخب يا مصوت
    امانة فى صوتك
    ما تصوت لنا الامال
    لاتجوط لنا الاوطان
    ياا ناخب يا مصوت
    قبل الصاح يا صاح
    شوف مين البسوى الصاح
    يا ناخب ياا مصوت
    عارف كمان انو
    سودانا مين محتاج
    محتاج البلم شملو
    محتاج البلف جرحو
    محتاج البزيل همو
    وبحقق استقرار


    ياا سلطة يا سلطة
    بإيدينا نصبناك
    واصواتنا اديناك
    لى حقوقنا ادينا
    من حقنا ننعم
    ونعيش رفاهية
    من حقنا ننعم
    ونعيش رفاهية

    تصويت :

    خوالص الامنيات بتحقيق الامال والطموحات

    ود سعدابى

    التعديل الأخير تم بواسطة ود سعدابى ; 08-04-2010 الساعة 06:36 AM
    بتذكرك .. فى العتمة .. نور
  2.  
  3. #2
    عضو ذهبي
    Array الصورة الرمزية تغريد
    تاريخ التسجيل
    May 2009
    الدولة
    حي دردق
    المشاركات
    4,715


    ود سعدابي يدخل في عمق بوتقة الانتخابات

    ويكرس القلم من أجل غد أفضل

    حقيقة نحتاج لمن يمثلنا خير تمثيل

    ويأخذ مصلحة الوطن والشعب كأمر واجب

    شكرا ود سعدابي

    (فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ )
  4.  
  5. #3
    عضو فضي
    Array الصورة الرمزية ودسمير
    تاريخ التسجيل
    Dec 2009
    الدولة
    ودمدنى - المدنيين ( البيان )
    المشاركات
    2,205

    نحن ما محتاجين كتير ..
    بس امن وسلام
    والمويه تحلى ...
    حتى لو من زير
    دايرين تعليم جد ..
    وصحه تمام ...
    حلمنا بسيط
    ما ليهو وسيط ..
    ما دارين زولا عاطل ..
    لى همومو شايل
    وتلمو شمل المهاجرين ...
    المن ديارهم فارين
    انو بلادنا ح تكون اجمل ...
    بالسواعد وعرق جبين
    ورساله للرئيس والوالى ..
    اتقو دعوة المظلوم
    ومسكينا حولو الهم يحوم..
    عدمان والله قطعة هدوم
    وح يكون مستنى يوم الدين ..
    والكل سواء امام رب العالمين

  6.  
  7. #4
    عضو فعال
    Array الصورة الرمزية ود سعدابى
    تاريخ التسجيل
    Aug 2009
    الدولة
    ضل الغيمة
    المشاركات
    321

    اقتباس المشاركة الأصلية كتبت بواسطة تغريد مشاهدة المشاركة
    ود سعدابي يدخل في عمق بوتقة الانتخابات

    ويكرس القلم من أجل غد أفضل

    حقيقة نحتاج لمن يمثلنا خير تمثيل

    ويأخذ مصلحة الوطن والشعب كأمر واجب

    شكرا ود سعدابي
    العزيزة كما الروح الاصيل كما النيل تغريد

    حقيقة نحن شعب يعيش بالبساطة بى كل معانيها

    نريد امان نريد سلام

    نريد رفاهية تجعلنا ننعم بخيرات بلادى فى تكفى لنا ولغيرنا ان كرسنا كل قوتنا لاخراجها

    وتغاضينا عن كل جراحات الماضى

    احلامنا بسيطة ومتاحة التحقيق

    نتمنى من من يمثلا ان يسعى لتحقيقها

    سعدت بالمداخلة

    عزيزتى

    متشكرين ومقدرين

    بتذكرك .. فى العتمة .. نور
  8.  
  9. #5
    عضو فعال
    Array الصورة الرمزية ود سعدابى
    تاريخ التسجيل
    Aug 2009
    الدولة
    ضل الغيمة
    المشاركات
    321

    اقتباس المشاركة الأصلية كتبت بواسطة ودسمير مشاهدة المشاركة
    نحن ما محتاجين كتير ..
    بس امن وسلام
    والمويه تحلى ...
    حتى لو من زير
    دايرين تعليم جد ..
    وصحه تمام ...
    حلمنا بسيط
    ما ليهو وسيط ..
    ما دارين زولا عاطل ..
    لى همومو شايل
    وتلمو شمل المهاجرين ...
    المن ديارهم فارين
    انو بلادنا ح تكون اجمل ...
    بالسواعد وعرق جبين
    ورساله للرئيس والوالى ..
    اتقو دعوة المظلوم
    ومسكينا حولو الهم يحوم..
    عدمان والله قطعة هدوم
    وح يكون مستنى يوم الدين ..
    والكل سواء امام رب العالمين
    ود سمير يا رائع

    شاكرك على الاضافة السرة وكل المنى بغد افضل

    تصويت :

    رسالتك جميلة ومنطقية يا ريت تصل

    بتذكرك .. فى العتمة .. نور

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid